續
食完野,我清理好,當然我係有用垃圾袋,先7點未夠,睇星都仲未夠夜,雖然有準備netflix(下戴左幾套戲),但係真係比個環境攪到唔太想煲劇睇戲玩電話,想播歌聽下,sorry,訊號差,係串流唔到…… 窒吓窒吓窒到唔想聽。
見要走既人都走得8899,留返既都係開哂營,有哂燈,東一個西一個,個個都有哂距離,咁我就同C9講我地可以去toilet,咁夜晚佢話唔洗用遮啦,陪佢去啦,都係有扭轉面,免得佢尷尬麻,咁佢去完,我先再搵第二度柯尿,男人方便好多。(我係有準備濕紙巾,有消毒,有純水兩種,仲有支噴霧比C9隻鮑用,特登比佢拆包裝,等佢安心d。)
返到營,feel到開始涼,我地著返厚d,再附近行下,無乜特別,再遠又唔想去,而且天黑無乜野睇,等睇星,我就話不如返個營度,可以休息下,瞓下,較定12點鬧鐘,到時再睇星,唔較鬧鐘怕一瞓天光….
返到營,我就話我地抺身先,因為行左成日,先除鞋除襪,抺乾淨對腳先,咁我地梗係各自抺啦,我仲怕臭親佢,捽到腳趾罅都乾乾淨淨,攪掂就入營,著燈,因為圍左錫紙,我諗外面係睇唔到入面既影呱?
講真,睇到都唔會理。形容一下,個營入面平面係接近四方形,然後張墊就佔左4份之3有多,仲有一行仔空間放下野,咁墊上面就直接放左雙人睡袋,可以用拉鏈開邊果種,
加埋墊,個「樓底」係坐直喺墊上面個頭就掂到營頂…. 拎哂衫褲出嚟準備換,仲開左起碼10包暖貼出嚟周圍貼,再加埋好多暖手包放入睡袋入面,因為想趁由涼變凍之前準備好保溫,而且暖貼同暖手包我起碼帶左各3 pack,諗好間唔時開新既keep住暖,有備無患。