我與補習學生的故事(一年後的更新, Part 36 updated #1765)

收藏 | 訂閱

174 1.5m

kenny_love

註冊會員

Rank: 2

kenny_love

發短訊

加為好友

101^# 大中小發表於 2022-7-3 顯示全部帖子

Part 23
大家都以為我同Miki既關係進深? 事實上係冇，考完DSE，佢地3個就一齊去左M記做Part Time，主要為左消磨時間，加上佢地又Join左社區中心啲義工計劃，所以我地基本上得Whatsapp會聯絡下，仲要係Group到only。
迪士尼之後大家又好似返返去以前果種關係，大家都冇提嗰幾晚發生既事，一切都好似照舊咁。
好快就到左7月中佢地放榜了，放榜幾日前佢地已經開始好緊張，仲約左我前一晚係Miki屋企食下野傾下計，第二日我都拎左半日假陪佢地放榜。
上到佢地好快就傾Jupas，其實佢地3個都有哂目標，大家都想入同一間U(洗唔洗好姊妹到咁)，只係唔同科，不過佢地既排法暫時都好保守，可能真係驚自己失手。
我: 又話今晚唔諗放榜，只係玩樂既? 一上黎就傾Jupas。
於是我不斷開話題，撩佢地玩唔同埋，嗰晚傾左啲咩，玩左啲咩我都唔係好記得，我目標就係令佢地唔諗放榜放鬆下。
玩到午夜大家都差唔多休息，佢地3個一齊訓Miki張床(無錯，Miki張床係可以訓到3個女仔)，我係客房休息，我都有FF過Ally或者Wendy會唔會偷偷地過黎我房，但結果係冇，大家一訓就去到第二朝。
食完早餐就同佢地出發去學校了，佢地3個間學校係區內都算係數一數二既名校，好多家長都陪仔女過黎，Ally同Wendy都會合左屋企人先，我就陪Miki入學校先。
學校既男仔見到我呢條友仔，好疑惑咁望住我，可能佢地心諗呢條友仔乜料，可以同陪我地女神放榜。
我: 點呀? 唔洗緊張啦，你表現一向都幾穩定。
Miki: 就係好似冇問題咁先緊張，一陣失左手啲Jupas一定排到亂哂。
我拍一拍佢個頭。
我: 深呼吸先! 跟住就上課室，我係canteen等你啦!
老實講，其實我都好緊張，唔係因為我幫佢地補習驚數學考得唔好，而真係緊張佢地考成點。
等下又等，10分鐘，等下又等，20分鐘，佢地係上面成大半個鐘先落返黎，一落黎3個都苦口苦面，心諗: 唔係下麻? 三個好姊妹連失手一齊!?
我: 點呀你地?
Ally: 你睇下啦。
Ally一次過拎哂佢地3個成績表我睇，我一睇…
屌-.-失乜Q手，3個都拎住啲唔係5就係*，擺明玩鳩我._.
佢地見我個表情由擔心變返正常。
Wendy: 呃你咋XD
Miki: 我忍笑忍得勁辛苦XD
我: 你地欺騙我感情!!
Ally: 要有驚喜先好玩架麻
我: 我以為得驚冇喜咋，快啲同你地屋企報喜先啦。
Ally: 佢地知哂啦XD我地係上面醞釀左好耐感情先落到黎架。哈哈。
都好，起碼我都係驚一下，好過真係出事。傾傾下計，Miki突然向遠處揮手，有一個幾文青feel既男仔過黎，高高瘦瘦咁。
Miki佢地3個見到佢都同佢打招呼。
男仔: Hello! 考成點呀你地?
Miki: 我地考得ok ar，應該入到X大，我地3個繼續一齊做同學啦。
Wendy: 遲啲要靠師兄幫手啦!
男仔: 冇問題!
佢地3個都同男仔幾熟，我個腦不斷Load緊佢係邊個，但又真係唔知。
Ally見我好疑惑: 呢個係我地義工計劃啲朋友黎呀，係X大讀緊Year 2。
男仔: Hello! 我叫Kelvin，你就係Kenny? 佢地成日提起你架?
我: 我係Kenny呀，成日提起我咁大獲! 唔怪得知我成日個鼻唔舒服想打乞嗤啦!
Ally: 你都知你好多壞話可以講呢。
條友仔又想話我鹹濕._.
Ally: 佢都係師兄黎架，不過畢左業啦。
Kelvin: 原來係師兄，哈哈，佢地成日都讚你就真。Btw，有其他朋友仔好似考得麻麻，我同社工要去take care佢地，我地後日再見啦，Bye Bye。
Ally: 行啦，我地要去食餐好既慶祝!
同佢地食完飯我就返返工，佢地都返去好好休息，畢竟前一晚一定訓得勁差。
放完榜佢地都Quit左份Part time，好似話個經理成日情瞇瞇望住佢地，有啲不安，所以都係唔做了。心諗都正常既，三個唔係靚女就係大波，流口水都正常，只怪經理做得太明顯被人發現左。
7, 8月我返工又開始進入忙碌時間，雖然唔洗再補習，但工作就愈黎愈忙，我都進入左「升職觀察期」，所以老細特別留意我做野，所以我都醒醒定定唔好出錯。
佢地3個都好順利入到同一間U，讀到自己想讀嗰科。
慢慢我同佢地呢2個月既聯絡都係得返Whatsapp Group，得閒問下我大學既野咁，不過佢地好快都caught up到啲野，唔洗我點教都得。
尤其Miki，佢應得特別少，真係得閒一句咁，我私底下都有Whatsapp睇下佢點，始終佢得一個人係香港，但都係覆得好慢或者好少，反而令我有啲唔慣，不過佢地終有一日都要成長既，可能係我自己唔捨得姐。
而且我返工都真係好忙，連佢地想約我一齊食飯都好難約到，平日夜晚我攰到飯都唔係好想食，只能夠約星期五晚食飯。仲要去到9月中我先抽到一個星期五出黎，仲要得Ally同Wendy得閒，但都照食左先，再約又唔知幾時了。
老實講，要同2個都做過愛既女仔食飯係有少少唔知點咁，又唔係尷尬，但都會FF下會唔會仲有下場。當然佢地都表現個好自然，大家有講有笑，但都好似刻意避開迪士尼唔講，而我都好醒目咁配合。
我: 點呀，你地開Sem慣唔慣，有冇係咁走堂XD?
Ally: 緊係冇啦，良好學生黎架，不過啲Lecture好鬼悶，仲悶過以前中學上堂。
我: 係架，有時仲要唔知個Professor up乜春Tim。
Wendy: 係囉，我仲以為係我蠢，點知原來大家都唔明，不過都幾多Assignment，做死我地。
我: 係架，你地呢排都忙忙地啦，Miki忙到個人都唔見埋。
Wendy: 佢大把野忙啦!
Ally: 佢淨係要甩開啲兵都有排甩啦。
Ally快速咁搶左黎講。
我: 論兵Ally姐點會少呀XD
Ally: 我已經用惡女性格兇啲狗公，所以少左好多麻煩，Miki惡唔起就難搞啲。
我: 你唔幫下佢?
Ally: 長貧難顧呀...
我: 邊隻貧先?
我借啲兒望落Ally心口到。
Ally: 頂你，串我! 我邊算貧呀，我有架!
呢層我都知._.但我冇講出口
我: 係既係既。
食完飯Wendy話要返早堂走左先，我同Ally就食埋糖水先閃人。
食食下糖水，我問Ally: 頭先你做咩截住Wendy講野既?
Ally差啲濁親: 咁你都發現，已經好自然啦喎。
我: 你地瞞唔過我法眼既!
Ally: 你冇Miki IG咩?
我: 冇呀，我都冇開IG。
當年IG已經開始盛行，只係小弟太忙先唔得閒開。
於是Ally拎左部電話出黎，開左IG。
~打住咁多先，下集見~

[ 本帖最後由 kenny_love 於 2022-7-3 21:01 編輯 ]

kenny_love

註冊會員

Rank: 2

kenny_love

發短訊

加為好友

102^# 大中小發表於 2022-7-4 顯示全部帖子

Part 24
Ally開左Miki既IG俾我睇，入面有唔少Miki同Kelvin既合照，無錯，就係上一part提及過既Kelvin，好多師兄都估到少少。
嗰一刻我被衝擊了，你問我，如果呢一刻要我追Miki，同Miki拍拖，我會猶豫，因為我分唔清我對Miki既感情係點，因為佢我同前女友既感覺有啲相似? 定係因為人地靚女? 定係因為佢既身世? 其實我分唔到，去到我發現心動既時候，我想用時間去𨤸清我對Miki感情既時候，原來佢已經成為左人地既女朋友。無錯，我係一個好婆媽既人，但我都係堅信，我唔搞清楚自己既情感，對各方都唔好，我冇後悔，但有種失落從心入面湧出黎。
我默默係到睇Miki既IG，合照下既comment，好甜蜜，好百感交集...我應該好開心好安慰，定係好擔心Miki俾人呃，定係好失落咁俾返電話Ally?
Ally係我仲未有反應既時候: 佢地8月尾一齊架。
我: 嗯...
Ally: 其實我地同Kelvin一早識，我地得閒都會係社區中心幫手做義工，DSE完左之後，我地3個咪join左中心啲專for DSE考生既義工計劃，Kelvin有幫手做下Helper。
我: 跟住就開始熟絡?
Ally: 都係嗰啲啦，我地一個禮拜幾日都係中心，成日都見，佢地好似愈傾愈投契，Kelvin又好識照顧人，個個佢都會照顧既。
我: 咁佢都幾好呀。
Ally: 我同Wendy都覺得你好啲架...
竟然要個靚妹黎安慰我，一個細我7年既靚妹。
Ally: 真心架，原本我地都諗住幫手綴合你同Miki架，但Kelvin同我地都friend，而且佢真幾好，而且...
我: 你有咩照直講啦。
Ally: Miki話同你好似有層隔膜咁，唔係Generation Gap嗰隻，係你好似永遠都地位高半截咁，始終你大佢6年，話多唔多，話少唔少，但對我地黎講其實都幾遠架，我地決定唯有2邊都唔幫，佢地2個之後就愈走愈近...
我: 嗯...
Ally: 我地又唔知你對Miki點，想幫手都唔知點幫...
我: 其實我都分唔清...
Ally: 我都以為Miki一樣未分得清，有次Miki話，你呢幾年又返工又補習，攰到隻狗咁都照黎補習，想買啲野報答下你，點知佢一買就macbook，咁我地都唔知買咩俾你，傾傾下，我同Wendy又講到自從分左手之後好耐冇咩過，有時都想…
我: 我明你講咩，你繼續啦…
Ally: 有時都有需要，自己用手又好似滿足唔到咁，又冇理由冇啦啦求其出老蘭搵個男人做架麻，跟住Wendy就提起你個名...
我: 竟然係Wendy提起先。
Ally: 我都有諗架，但又唔敢提起，Miki係到麻，Wendy提起Miki又好似冇乜反應，我咪話你都算最好人選，起碼冇偷𥄫我地走光，之前你都講過分手後3年都冇掂過女仔，成日都見你扯左旗又忍住忍住咁，我膽粗粗話不如同你做囉...
我: 你地竟然可以一齊傾同我...
Ally: 都係講講下講到姐，我地之前好多師姊入到U都好易俾人flirt，Elaine都俾人flirt過，一陣容不易俾人食左架，佢地聽到我咁講即刻呆一呆，點知Wendy跟住話其實都ok，不過佢唔會做主動，睇你敢唔敢啦。
我: 姐係我俾Wendy講中左...
Ally: 唓，條衰妹都專登有意無意係你面前著多左短褲同啲緊身衫啦，之後Miki竟然話出去同啲3唔識7既人做，不如同你咩...跟住我地咪將呢啲野連埋一齊。
我: 姐係你地當報答咁同我做?
Ally: 又唔係既，女人唔同男人，男人係下半身動物，食得唔好嘥，女人要真係有啲感覺先可以的。咁我地都對你有啲好感先可以架，不過我同Wendy都唔會全主動，引下你睇下你會唔會忍唔住，你迪士尼唔錫埋黎我地就當冇架啦。
我: 跟住就係我忍唔住做左主動。
Ally: 你都谷精谷到爆啦，咪當互相滿足囉，我地都係第一次唔係同男朋友做架咋...唔好睇我地咁濫呀，跟住我地冇掂過男人啦。
Ally冇提過Miki，睇黎Miki冇講嗰晚既事佢地知...
嗰晚我地傾左個幾2個鐘，傾到老闆趕我地走，啲對話都唔太記得，打返隨時成萬字都有，淨係記得我嗰晚接收左好多訊息，我憑記憶總結出黎。
我地離開糖水鋪，呢幾日都落住雨。
Ally: 我同Wendy咪覺得Miki可能真係冇諗過想同你一齊，所以咪不幫忙不阻止佢同Kelvin愈走愈埋囉，反正我都驚佢入到U容易俾人食左，起碼Kelvin係好仔，可以睇緊啲佢。
我: 佢地都幾襯呀。
Ally拍一拍我膊頭: 明架啦明架啦。
我望住落雨既街，眼紅紅: 唔係咩，總好過我拖拖拉拉呀。
Ally走過黎攬住我，冇理係咪請左我食波餅: 其實你都好好架，我信你遲早一定搵到個最鍾意既女仔。
我: 多謝你。
Ally: 不過唔洗諗我啦，我地差距太遠啦。
我: 洗唔洗我乜都未講就派好人卡俾我，雖然我冇呢個諗法，放心XD
Ally: 頂你XD我咁差咩?
我: 點敢話我地Ally女神差呀。
Ally: 行啦，我地去買酒飲，去海濱飲酒啦。
我: 出面落住雨，海濱又咁大風，你著咁少因住凍親呀。
Ally: 咁可以去邊? 我屋企又有人，你屋企有冇人吖?
Ally講笑咁講。
我: 我屋企又真係俾你講中左冇人喎，我自己一個住的。
無錯，我係自己一個住，有機會再講下。
Ally: 你大我呀? 就上你屋企，去買酒。
我: 唔好啦，一陣調轉我照顧你，我地以茶代酒啦。
Ally: 頂飲茶似咩樣，你會溶左我咩。
心諗你有咩我未見過._,
我: 買幾罐啦，再買啲汽水啦。
經驗觀察，Ally 3 – 4罐係完全冇問題的，去到半打就開始唔得了，一陣佢係我屋企嘔又要我執返。
我地入左7仔買一pat 4罐啤酒，排隊俾錢果陣，我發呆消費化頭先既野，咁岩個眼神好似望住啲收銀對落啲condom咁，Ally見我呆左望住啲condom。
Ally: 你想買?
我: 唔係，我消緊頭先你講既野姐。
Ally: 哦...
上到屋企。
Ally: 你屋企都幾好喎，一個人住夠做有突喎。
我: ok啦，都係窩居黎姐，坐啦。
我放低啲啤酒係茶几，Ally坐左係sofa。
呢一刻既我表達唔到自己情感，傷心? 失落? 安慰? Who knows...我淨係知我好複雜，可能我以為可以慢慢同Miki發展，我會諗清楚自己想點，但感情同時間永遠都唔等人。
~打住咁多先，下集見~