kenny_love

呢排返工真心勁忙 想打文個人已經狂釣魚
日做12個鐘咁, 最多過埋下個禮拜, 8月頭會完哂D job會輕鬆啲可以出多啲

kenny_love

引用:

原帖由 rocket.aaron 於 2022-7-25 20:50 發表

要停咁耐唔習慣😂

冇計啦不過放心, 我點都會完左個故去

kenny_love

各位唔好意思, 公司野仲未完哂
下一part(過渡篇)其實我寫左一半架啦, 希望星期五出到
跟住就正式進入結局篇啦, 又會變返劇情向原本想係公司有大job前寫完, 結果寫寫下比預期長左好多

kenny_love

Part 29
12月係佢地考Final衝刺既時間，我都冇乜見佢地。
每次食飯我都有少少刻意迴避同Miki同單獨相處既時刻，或者愛過既女孩總帶黎少少既尷尬感、距離感。又或者，我唔想俾自己太多幻想...
Wendy事件都經過同大學投訴之後都Settle Down左，個男仔都親自同Wendy道歉之後就再冇瓜葛。
三個女仔係聖誕節時間夾左一齊去台灣旅行，原本都有約我，但12月有件大job，老細話一定唔可以請假，最多之後補多幾日假俾我地。所以我都無緣同佢地去旅行，最後佢地直頭決定3個女仔去，唔約各自既男朋友。Btw，最後Ally同左個男仔一齊，Wendy就Keep住單身。
好多Ching問，Ally究竟心入面有冇鍾意過我，我只能夠答: 我都唔知。
我曾經都有諗過呢個問題，但人大左，就覺得好多野唔洗堅持知道哂所有野，你有機會堅持之後搵到答案，但呢個答案最後可能傷害到大家，我寧知少啲，讓大家既人生繼續行落去。
面對住Ally，我真係冇動心既感覺，雖然Ally係好正，身材好，敢愛敢恨，但冇心動就係冇心動。
可能我個心已經俾其他人佔據左。
有時人生總係帶著一點遺憾，一點Unkown，先會識得珍惜。
單身狗既聖誕，當然係搵好朋友攝時間，我約左阿誠(知大家仲記唔記得佢)上黎我屋企食野加飲酒。
呢幾個月大家都忙，都冇乜update大家近況。
阿誠: 喂，你同3個妹妹點呀? 考左DSE仲有冇同人地聯絡。
阿誠係知道佢地3個既存在，亦都見過佢地啲相。
我: Er…都會得閒一齊食下飯既。
阿誠: Er得姐係唔係咁簡單啦，一定仲有其他野，你係咪食左人地隻豬? 你都好少可考完DSE仲會同學生聯絡喎。
我: 痴線，人地隻豬一早俾左人啦。不過我都唔知點解同佢地特別熟。
阿誠: 頂你咁都知，佢地3個是但食到一個都爽啦...
我: ...
阿誠: 你唔係真係食左呀?
一世人兩兄弟，於是我就講返哂呢個月發生既事俾阿誠知。
阿誠: 頂，你有冇咁勁? 反而最靚女既Miki你冇食到? 睇黎佢地位真係唔同的。
我: 咁冇理由要左人地第一次麻。
阿誠: 你而家同要人左人地第一次差好遠咩? 波又俾你揸過，係人地下面磨過，係差在未拮入去姐。
我反駁唔到...
阿誠: 但係其餘2個女仔點架? 呢個關係做朋友都論盡喎。
我: 所以我地傾好唔會再做愛啦。
阿誠: 你忍到先算啦。
我: 頂我似咩忍唔到咩?
阿誠: 你忍到就唔會食左人地啦，仲要中出埋人...
我: 意外黎，不過我跟住真係冇做過啦。
阿誠: 不過你都要俾啲時間自己同佢地少啲聯絡，過陣冷河先啦。
我: 認同。
阿誠: 其實兩個咁後生，樣又靚，身材又幾好，正唔正?
我: 好_正。
阿誠: 邊個正啲?
我: 好難比較喎，一個大波啲，一個身材正啲。
阿誠: 大波但另一個身材正啲? 唔明喎。
我: 身材唔係淨係睇大唔大波架麻，仲要睇下啲比例，線條嗰啲。
阿誠: 哦...不過後生女實正啦。
我: 都係既...不過算啦，已成過去啦。
阿誠: 咁Miki點算呀?
我: 有咩點算?
阿誠: 你擺明鍾意人啦，唔係點會咁都食埋人地。
我: 佢都做左人地女朋友啦，都冇得點算啦。
阿誠: 咁可能分手架麻。
我: 咁又點，唔通我食完佢2個好姊妹，跟住再追埋佢咩?
阿誠: 佢唔介意咪得。
我: 但我過唔到自己吖嘛…
阿誠: 又道德L上身。
我: 我有底線架麻。
阿誠: 係啦係啦，道德哥。
我: 頂你，點呀你，準備做人老公啦喎。
阿誠: 少少緊張啦，婚禮野都差唔多搞掂哂。
阿誠同佢女朋友中學拍拖拍到出黎做野，2個都同我好Friend，期間經歷過幾次頻臨分手，但大家都唔捨得對方，最後終於拉埋天窗。
佢女朋友做護士，要返Shift，返親夜班都會過黎搵我飲酒，係呢幾個搞婚禮先冇少左過黎。
阿誠一月結婚嗰日，我順理成章做左伴郎，睇住呢個中一識到而家既好兄弟終於做老襯啦。
睇住2個好朋友真係由相遇到相識，相知再相愛，到最後互相應許，互相承擔大家既人生，確實有少少感動。
嗰日2條友仔喊左幾多次我唔太記得，俾姊妹玩左幾耐都唔記得，望住佢地2個幸福既樣，我腦海中不斷回憶返同前女友的日子，我地曾經都互相認定對方，但一切突然改變了。
或者，係另一條時間線中，我地一齊行到最後，可惜呢個世界冇Avenger，所有野都冇得再reboot，人總要繼續向前行。
而家另一個出現係我腦海既影子...冇錯，係Miki，一個不斷同自己擦身而過既女孩，曾經我倆走得好近，近到觸碰著對方心入面既世界。可惜因為我對感情既拖泥帶水、優柔寡斷，再上種種發生既事，我地愈走愈遠...
Miki佢地3個都開左sem，我地都少左聯絡，係個Whatsapp Group得閒吹下水，始終大家都過各自既生活、學業、工作，可以分俾其他人既時間又會少左。
我開始過下平淡得黎又悠然自得既生活，直至二月新年之後...
~打住咁多先，下集見~

kenny_love

估唔到有人搵得返我以前篇文
其實寫嗰篇文後面我停左更既原因就係我地分左手，突然冇左寫落去既動力。
但放心，呢篇我一定會完左佢，最多慢啲。
之前我OT太西利，積落勁多假，老細見我成個人殘哂。
單大大大大大大大大大大大Job又終於搞掂，於是批左2個禮拜大假俾我(其實仲未清哂啲假)
我就出走左香港 而家酒店隔離中。可以寫返文啦

kenny_love

引用:

原帖由 失常少女 於 2022-8-25 16:59 發表
我今朝追左幾個鐘睇.....我都係住呢三條女附近啵....喺石灘上食野飲野....咁多蚊咬.....
夜啲再追埋落去....

而家好似多蚊啲，啲水質差左，以前好似冇乜的

kenny_love

Part 30
新年…對於唔太鍾意熱鬧既小弟黎講._.係一個好難捱既日子。
唔係見到啲好耐冇見既親戚唔開心，係小弟原本就唔鍾意應酬人._.
以往既新年都會約Miki佢地3個聚下，今年Ally都有約上Miki到玩，但我reject左，一黎唔知Kelvin(Miki男朋友)會唔會係到，二黎我仲需要啲時間。
新年尾聲既某一晚，Ally打俾我。
Ally: 喂，Kenny你唔夠老友啦，咁耐冇見約你一日都唔肯黎
佢連我喂都未喂就開始嗆我._.
我: 咁我未ok吖麻，如果上我屋企我一定得架。
Ally: 你早啲講麻，轉地方容乜易。
我: 你打黎唔係淨係諗住小下我咁下麻?
Ally: 洗唔洗咁快想入正題，傾兩句唔得架咩?
我: 得，實得架，Ally姐你叫到點會唔得。
我地吹下水，傾下大家近排點，Ally又講下佢男朋友既野咁。
Ally: 好啦，我入正題啦，你有冇Kelvin IG?
我: 冇呀，做咩?
Ally: 我地上Miki嗰晚，我問Kelvin做咩冇黎，Miki hea左我兩句就冇答，跟住我地抽下水講下Kelvin嗰陣Miki又有啲唔自在，雖然佢都扮到正常反應，但我睇得出有啲野。
我: 跟住你就去睇Kelvin IG?
Ally: 係呀，跟住我就發現...Kelvin IG冇哂同Miki既相。
我: 下? 咁你有冇問Miki?
Ally: 點問姐...你知Miki成日都收收埋埋自己，要搵機會引佢講咁易咩。
我: 可能佢地嗌交之類姐...俾啲空間Miki先啦，就發生咩事佢都要時間消化既。
Ally: 你仲可以咁老定，我擔心個傻妹出左事又唔肯講咋，一陣又屈屈埋埋。
我: 咁…搵個籍口撩Miki出黎?
Ally: 食糖水? 而家你得唔得?
我: 好，得，去!
Ally係Whatsapp Group: 糖水團召集!
為左唔好做媒做得咁明顯，我專登唔第一個覆。
Miki: 新年溜溜邊有糖水鋪開XD
頂係喎...俾Miki秒左。
Ally: 係喎，唔理，我好想食甜野，我要收吸糖分，咁去M記啦。
Miki: 都好喎，我想試下新出個包?
Miki終於上吊...
Ally: 其他人呢?
Wendy: 唉...我仲拜緊年呀/_____\我都想黎呀。
我: 我ok呀。
Ally: 噢，咁冇計啦，Wendy豬豬唯有下次啦。
於是我地約左係將軍澳某間M記到等。
Ally最早到左，跟住我同Miki都到埋，三個妹入到大學就Keep住進化…
簡簡單單一條貼身既牛仔褲同埋收腰T-Shirt，已經將女性嗰種曲線美呈現左出黎，已經唔係以前靚妹要著短褲背心先Show到出黎。
Miki著住普通既短褲T-shirt，條美腿又好似再Firm啲，佢既外貌已經慢慢將Ally比下去…大學果然係將女仔upgrade既地方。
我地輪流去買野食，大家Keep住都有講有笑。
雖然呢2個月真係冇乜見面，但一見面大家就好多野講，佢地又講下去台灣既野，玩左啲咩咁。
又數下俾台仔撩左幾多次咁...無錯，三條女去到係咁俾台仔問佢地拎聯絡。
Ally竟然係最少俾人撩嗰個...
我: 冇啦冇啦，Ally姐地位不保啦。
Ally: 咩呀! 啲台仔淨係鍾意大波妹姐，我先唔稀罕!
Ally指既大波妹唔肯係指Wendy...連Miki都好似又發育左少少...
Miki: 邊係…次次有台仔行過黎你就即刻行開…由我地2個應付啲台仔。
Ally: 你地唔醒水...呵呵...我跟住又有返黎救佢地架，我呢啲有夫之婦緊係避忌下!
Miki: 係啦係啦。
Ally一路搵機會提下男朋友既野，Miki明顯有啲想迴避唔提。
Ally: 你同Kelvin係咪發生咩事呀?
我望一望Ally，心諗洗唔洗咁直接...
Miki笑容即刻彊硬左...靜左幾秒...
Miki: 做咩咁問?
Ally: 上次上你屋企一提Kelvin就吚吚哦哦咁…我睇到Kelvin個IG又冇哂同你既相…我擔心你呀。
Miki又靜左幾秒: 拍拖既野，有合就有可能有離架啦。
Ally: 係佢飛你既!?
Miki隻眼開始有少少淚光: 唔係咁架...
Miki既答案唔係直接話「唔係」或者沉默，即係已經唔係「Yes/No」可以答到既野。
Miki講完「唔係咁架」就冇再講野，欲言又止咁，大家開始沉默...
過左一陣，Miki: 我唔知點講...
我: Miki如果你唔想講可以唔洗迫自己講，到你ready先再算?
Miki: 唔係呀，我係唔知點講，同埋唔想係到講。
Ally: 咁不如換個地方? 上你屋企?
Miki冇出聲...之後先知點解唔想係自己屋企講
Ally: 咁不如上Kenny屋企?
Miki望過黎我到。
我:你ok就得架啦。
Miki: 嗯...
我地就離開左M記，上左我屋企。
~打住咁多先，下集見~

kenny_love

呢2篇係之前打左啲既，跟住可能要多少少時間先出到
但已經進入結局篇啦

kenny_love

引用:

原帖由 毛明示 於 2022-8-28 11:40 發表



原來kenny 係不停咁被女食🤣

咁耐之前既事就唔好提啦
個post有好多野我冇寫先好似啲野咁突然姐

kenny_love

引用:

原帖由 wiredboss 於 2022-8-29 13:21 發表
樓主，當年你都食左好多女。又J，又K，又PP。
想知最後PP點解同你分手。
如果仲有時間，完埋會故事

遲啲會提少少