kenny_love

Part 31
上到我屋企，我拎左啲野飲俾佢地飲。
雖然Ally好心急想知發生咩事，但Miki好似未Ready可以講到。
所以我制止住Ally。
Miki: 我都係第一次上黎你屋企。
我: 又真係喎，你地坐下先啦。
Miki: 一個人住會唔會好悶架?
我: 一時時啦，不過男仔有機打就易解悶啲
Miki: 我開頭Nely返左去之後，我都隔左一輪先習慣。
我: 男人有樣野叫「一個人的浪漫」XD。
Miki: 不如玩下XXXX先囉(Board Game黎，原諒我真心忘記左玩咩了._.)
我: 好喎!上次輸左俾Ally好唔抵，我要報仇。
Ally好識做: 你廢就廢啦，又挑我機，等本小姐搞掂你啦!
我幾驚Ally chuk住Miki問，如是者我地就真係開始玩Board Game，大家都有講有笑，好似之前咁。
大家都好似忘記左上黎屋企既目的。
我都預左今晚Miki未必講到，睇黎當中一定係發生左啲事，而唔係單純就咁分手。
就咁到半夜，大家都玩到攰攰到...
中間我去左一次廁所，出到黎…Ally拉左我埋一邊
話Miki想同佢單獨傾左先，話借我間房一用。
雖然我都好想知發生咩事，但呢個時間最重要俾Miki講出黎發洩下先。

以下既對話係Ally同Miki係房入面既內容，當然唔會100%記得哂
至於點解我會寫到出黎，遲啲大家就會明白。

Miki: 其實唔係Kelvin既錯...
Ally: 係你提出分手既?
Miki搖一搖頭...
Miki: 係Kelvin提出既，但唔關佢事架...係我問題...
Ally十萬個問號。
Miki隻眼開始紅...
Miki: Kelvin對我好好，好照顧我。
好符合Kelvin既人設...
Miki: 慢慢我就好想試下...咩...
Ally: 即係咩?
Miki冇出聲...
Ally𣊬間明白左。
Miki: 我都唔知咩事，壓力一大就好想睇嗰啲片...嗰到就好快...好快...
Ally: 我明架啦。
Miki: 我平時都會手解決，久而久之就想試下...
Ally: Kelvin冇提出過?
Miki:  有時單獨嗰陣都有錫下， 摸下個胸、 大脾咁，每次摸落大脾都有啲感覺，但我個腦又會出現第二個人...
Ally: Kenny?
Miki: 嗯...起初我以為只係岩岩兩個人有啲相似，所以先會出現咁樣...
Miki情緒開始崩潰，眼淚開始流出黎
Miki: 但係當我同Kelvin第一次咩咩既時候，我個腦都係嗰晚既畫面...
冇錯，Miki既第一次係俾左Kelvin，各位Ching可能要失望了。
Ally: 嗰晚?
Ally一直都唔知我同Miki嗰晚係床發生既事...
Miki開始飲泣。
Miki: 有一次我開始感覺嗰陣，我成個腦都係佢，我仲...仲...唔小心...唔小心...
Ally: 唔小心咩野?
Miki: 唔小心...叫左佢個名出黎...
Oh Shit...Ally𣊬間空白一片左，接唔到下一句。
Miki: 鳴...我覺得自己好衰，應承Kelvin一齊，點解仲要諗住第二個...鳴...
Ally攬住Miki，隔左一段時間Miki先可以再講野。
Miki: 嗰次之後我地冇見一個禮拜到，跟住Kelvin就約左我出黎，佢話其實佢一直都feel到我有個男仔我放唔低，以為係我以前男朋友/鍾意既男仔，但Kelvin用時間同努力令我慢慢放低。
Ally: Kelvin都係好男仔黎。
Miki: 係呀，直到我地第一次咩嗰陣，Kelvin都以為自己可以成為我心入面唯一一位，點知我就...鳴...點解我會咁架，明明有個咁好既男朋友，我心入面仲諗住第二個...鳴...
Ally: 感情既野有時真係唔可以用常理去理解。
Miki又喊左一輪先平伏到。
Miki: Kelvin知道心入面真正鍾意嗰唔係佢，而係Kenny，話不如完結啦，仲叫我試下同Kenny講出自己心聲，但我真係唔知點講...
Ally: 你而家平伏到未呀?
Miki: 好好多啦。
Ally: 咁不如而家出去同Kenny傾傾?
Miki: 咁快!?
Ally: 我陪你同佢傾?
Miki: 我想自己搵機會同佢講。
Miki又喊又講咁係房傾左個幾兩個鐘，好攰咁係我張床到訓著左，連我係廳sofa都等到訓著埋...
Ally走返出黎，拍醒返我。
Ally: 你咁屎架咩，等一陣就訓著。
我: 大佬，你地傾左兩個鐘都黎啦。
Ally: 想唔想知發生咩事?
我: 想!
於是Ally就講返大致發生咩事俾我聽。
我: Miki唔係話想親自同我傾下咩?
Ally: 識佢咁多年，佢同你講到頭先已經講左，佢就係講唔出口，所以你主動下啦。
我: 主動咩?
Ally: 你仲未明Miki心入面係邊個咩，定係你介意人地第一次冇左呀?
我: 痴線，點會。但佢岩岩先分手，之前我又同你，同埋Wendy…我有啲位過唔到姐。
Ally: 唉，我地又衰既...之前真係Miki講到同Kelvin差唔多一齊，點知原來連自己都呃埋，Kelvin只係你既影子。
我: 咁我都衰既...
Ally: 你緊係衰啦，咁鬼鹹濕，罰你今晚訓sofa，我入去陪Miki訓覺，廢事你一陣忍唔住走入黎呀。
於是我係自己屋企變左廳長...第二朝佢地起身係我仲未醒既狀態講左聲就返左屋企。
去到呢個時刻...我好混亂，我已經唔識點處理...
當我知道原來Miki一直心入面有我，我係開心左一下，但好多好多之前發生既野令我卻步...
~打住咁多先，下集見~

[ 本帖最後由 kenny_love 於 2022-9-25 21:20 編輯 ]

kenny_love

以前篇文我應該唔會再寫 讓它過去吧，嗰到之後都冇乜特別。
PP就係呢到所指既前女友，佢之後都會出現。
至於點解我地會分手，之後會有機會寫到，當係交代埋吧。
冇諗過未寫到佢大家竟然搵得返舊文出黎。

kenny_love

引用:

原帖由 cococaobrownie 於 2022-8-29 23:23 發表
峰迴路轉，估唔到miki咁愛你叫錯名都有添，呢啲明明係男人身上發生多啲😆

叫錯名呢到我都有點驚訝，但既然Miki咁講就唔考究了

kenny_love

引用:

原帖由 wallacepigpig 於 2022-8-29 23:28 發表

估唔到Miki 最終放唔低樓主。 估計樓主現在已經同Miki 係埋一齊……

其實，樓主，如果當日係酒店無食到Ally 同Wendy ，你估你會唔會一早同Miki 係埋一齊？ ...

乜都有可能既, 跟住落去仲有啲篇幅, 大家繼續支持

kenny_love

引用:

原帖由 josefkafka 於 2022-8-30 13:30 發表

Miki 唔使出一句聲，可以令自己條仔放生佢，自己朋友幫佢扯缐，樓主自動送上門。每一個人都好樂意咁行動，每一個人以為自己係自發去做，其實被人玩弄於股掌之中。樓主好似完全冇主見，從第一集開始上補習已經係人地介紹，之後的故 ...

我承認我係被動慢熱，呢個係我軟肋黎

kenny_love

唔好意思大家 我原本係第二部電腦打左啲大綱(組織返之後既野)同埋一兩part,
跟住Hang機冇左 之後我就崩潰左冇打，冇哂動力打
我應承大家星期二一定會出下一Part(已經打左一半)

kenny_love

引用:

原帖由 kinkyb 於 2022-9-26 12:33 發表

hang 機真係會一野打沉你，係公司久唔久做咗半朝食完妟一野無晒真係會想死

對你有信心，一定等埋你

係呀, 我已經即時原地爆炸, 跟住直接放棄左

kenny_love

Part 32
第二朝我成個腦都係尋晚既野，自從Ally提出要停止類似FWB既關係之後，我都慢慢進入返平淡既生活，返工放工，打下機，打下波咁，冇乜起伏，冇乜火花。
當然都俾同事拉去happy hour飲下酒，至於有冇艷遇? 點會冇._.但出得黎蒲又會主動撩你傾計既，俾哂暗示既，好多都係食家黎啦，呢type我真係唔岩。
突如其來既巨大訊息量，我的確消化唔到，諗起Miki同第二個男仔纏綿既時間腦海竟然出現我既身影，當晚係Miki屋企發生既野，一個個畫面浮現返出黎。
我同Miki之間既關係，甚至同Ally, Wendy之間既事，只能用一個「亂」字形容。
一個是我一直朝思暮想但又愈走愈遠既女孩，另外兩個是曾經走得很近的女孩，近得玉帛相見的關係。而她們三個偏偏是要好的朋友。但人生總是帶著遺憾，可以跟你一直走到最後的永遠只有一位，或者誰也不會是那一位。現實總比劇集來得更混亂，更不合乎邏輯，劇集小說總會有一隻無形之手在背後編織著故事，但現實卻充满著不確定性，或許這些不確定性才會令人生變得更耐人尋味。
之後幾天，我不斷叫自己鼓起勇氣打俾Miki，總要將自己心聲講俾佢聽，奈何每次望著Miki既電話，都缺乏勇氣㩒落去。
最後...係Miki打俾我先...
Miki: Kenny，呢幾晚得唔得閒呀? 想搵你食下糖水。
我: 可以呀，就星期五晚?
Miki: 可以呀，照舊M記等?
我: Ok！到時見！
要面對既總要面對，食糖水的時候大家互相分享呢幾個月自己發生既事。
大家都明白食糖水不是重點，而是食糖水之後的事，離開糖水鋪後，我地係街上並肩而行，大家反而變得安靜。
我: 不如去公園行下。
Miki: 嗯。
我地行入Miki屋企附近既公園，那一晚的公園很安靜，安靜得像刻意為我們安排一樣。
Miki: Ally係咪同你講左啦?
我: 嗯...
Miki: 所有野講哂?
我: 應該係...
大家再次變得安靜...
Miki: 其實我都唔知自己點解會咁...我好亂...我唔知自己究竟想點。
我輕輕拍一拍Miki個頭，就好似以前安慰Miki咁...
我: 我明呀，其實我地都要啲時間去Settle Down...
人面對自己既軟肋既時候總會想逃避。
我刻意開新話題: 係呢，聽Ally講，你壓力一大就會想睇嗰啲片。
Miki: 嗯...我好似控制唔到自己咁，睇片好似可以令自己唔記得啲壓力咁...但入左大學之後好似愈黎愈想睇咁...
我: 因為壓力愈黎愈大?
Miki: 嗯...我想讀好啲拎First hon，爸爸個家族啲人個個讀書都好勁，我唔想失禮爸爸...
無錯，富豪家族果然可以帶黎好大壓力。
Miki: 睇完嗰啲片，之後...會覺得好舒服，好似唔記得哂啲壓力咁...
相信Miki係講緊DIY之後既快感，當然佢講得好隱悔。聽落去就知道唔係好對路，明顯Miki借住性去發洩壓力。
我: 你幾耐冇出去玩過呀?
Miki: 入左U之後就冇乜啦，淨係上堂做Assignment都冇乜出街。
唔怪得之，都冇空間休息，Kelvin冇同佢出去玩? 我冇特別問到。
我: 你要解壓啦，要出去玩下，不如去放下風箏? 你的最愛。
Miki: 好呀！
我: 咁就約你今個星期六啦，你得唔得?
Miki: 應該得，我望下再答實你。
我: 你真係需要有空間俾你發洩啲壓力，而家個狀況太唔健康啦。
一陣俾人食左點算._.
Miki: 知道，我有時都控制唔到自己，個人一頹就好想...
我: 我明架啦，都夜啦，我送你返去。
我地一齊去到Miki屋企樓下，Miki輕輕擁抱一下我。
Miki: 多謝你今晚肯出黎呀，好多野我都唔知點講，我要啲時間去搞清楚自己想法。
我: 嗯...
~打住咁多先，下集見~

kenny_love

sorry, 遲左
岩岩數過, 應該6 parts內就會完
大家好似對Wendy好有興趣, 調查大家一下, 下1 part寫下Wendy外傳好唔好

kenny_love

打緊, 希望呢2日出到