低調殺馬

引用:

原帖由 kenny_love 於 2022-9-29 16:41 發表
sorry, 遲左
岩岩數過, 應該6 parts內就會完
大家好似對Wendy好有興趣, 調查大家一下, 下1 part寫下Wendy外傳好唔好

絕對要 最正應該wendy但你啲文 等甘耐 出年都唔知睇唔睇到😑😑

[ 本帖最後由 低調殺馬 於 2022-10-3 21:07 編輯 ]

kk003785

快d講埋落去啦 好鬼頂癮呀

henryhk

引用:

原帖由 kenny_love 於 2022-9-29 16:41 發表
sorry, 遲左
岩岩數過, 應該6 parts內就會完
大家好似對Wendy好有興趣, 調查大家一下, 下1 part寫下Wendy外傳好唔好

又唔見左人你忙緊咩呢？

西門吹簫

估唔到MIKI內心有住慾女的DNA

bapeddie

Push ………..

kenny_love

打緊, 希望呢2日出到

床上純情的香腸

可唔可以出左 Wendy 個 part 先

kenny_love

編輯完啲格式亂左少少，我再出過

[ 本帖最後由 kenny_love 於 2022-10-8 23:27 編輯 ]

kenny_love

預告一下，我前女友，即係上一篇故既PP準備會出場啦

kenny_love

Part 33
Miki星期六同我ok既啲日子都夾唔到，原本我諗住Miki生日約佢去玩順便慶祝生日，但原來Miki爸爸過左黎香港佢同過生日，所以我同Ally、Wendy就咁同佢食左餐飯，其他啲日子留俾佢同爸爸過。
隔左2個禮拜我地都終於夾到時間，於是我地約左一齊去大坳門放風箏，出走下城巿，去草地放風箏了。
我地相約在Miki既樓下，Miki著左佢最鍾意著既白色圓領連身裙，升左大學既Miki比以前懂得打扮，一條簡單既腰帶已經將Miki既小蠻腰、心口既線條展露出黎，加上女神級既外貌，呢個已經唔係咩日系風、韓風咁，呢個係女神風黎...我對眼差啲望到入左神，好在我係揸去接Miki，冇咁易俾佢發現我𥄫佢𥄫到實一實，跟住我地就出發去大坳門。
去到大坳門，Miki見到一大片草原即刻勁興奮。
Miki: 好耐冇去過草地啦。
佢由DSE到而家究竟係咩生活，日日上堂溫書?
我: 都中午啦，不如食左野等個太陽冇咁曬再玩風箏?
Miki: 好呀。
好在Miki主動請纓整野食黎野餐，野食呢樣野對我呢個男人黎講太燒腦了。
Miki整左壽司、三文治呢一類野食，食野既時間就係傾計既時間。
我: 點呀，上左大學你好似仲忙過中學。
Miki: 大學啲野難左麻，我想考好啲GPA，但大學啲唔同中學，啲野教得勁快。
我: 我初初入大學都會咁呀，因為冇得好似以前咁操題目，都係盡左力先。
Miki: 咁你以前點讀架?
我: 我嗰科多計數麻，記熟啲計法就得，科科都唔同。
Miki: 係囉，我讀其他elective都係咁，搞到個人勁擔心。
我: 咁你第一個SEM GPA點?
Miki: 3.6X呀，
頂-.-...咁有乜好擔心...
我: 嘩，好唔錯架啦喎。
Miki: 我都有啲意外，Sem頭嗰陣都成日擔心讀得唔好，訓得好差。
我: 但出黎個成績都唔錯呀。
Miki: 都係既，訓得差個人又勁攰，嗰一兩晚會訓得唔錯，之後又會訓唔著咁...
我: 咁其實你用左好多精神同時間擔心成績，可能仲哂左啲時間去擔心，但又考得唔錯，證明其實你讀到啦。
頂，好似變左玩推理咁。
Miki: 你都講得啱既...哈哈...你講到好似查案咁推理。
我: 哈哈，理科人好鍾意玩推理啦，總之放鬆去讀，又唔好hea讀，慢慢就會習慣。
Miki: 好啦，我試下!
我: 得閒就跟哥哥去玩下放鬆下XD
Miki: 知道啦! 我會學下放鬆架啦。
我: 你都可以約下同學去玩架。
Miki: 都會呀，但同你、Ally佢地出黎玩唔同啲，可以放啲咁玩。同埋時間有限麻，玩多啲仲開心啦。
我: 時間有限? 阿女你先啱啱廿歲咋喎，咁快講時間有限呢啲老餅野._.
Miki: 咩喎，咁...第二年開始揀科專心讀就忙好多吖麻。
我: 哈哈，我講笑姐，差唔多食完，我地去放風箏啦!
Miki: 好呀!
放風箏既Miki就好似變左細路女咁，緊張讀書，緊張親人既壓力好似一下子冇哂咁。
當天我都唔太記得我地試左幾多次先升起到個風箏，亦都唔記得有幾多男人𥄫過Miki，Miki嗰種天然既純真，純粹享受玩樂的心態，令我呢個鍾意浸醉過去美好，而容易忽略現在生活既我，慢慢都識得享受現在，與其話我幫Miki解壓，不如話Miki就係我人生既一粒良藥。
那一天，我地冇乜特別親密接觸，通常都係我拎風箏，Miki拎線扯，又或者調返轉，最多都係交換風箏玩既時候雙手少少既觸碰，更多既時間，係我係旁邊望住Miki，多希望Miki可以一直keep住呢個狀態，而唔需要回去繼續陷入讀書既煩腦，與爸爸家人相處既壓力，可能幻想歸幻想，現實歸現實。
玩到差唔多黃昏，大家體力都差唔多盡頭。
我望一望錶: 咦，差唔多日落啦喎，我地去涼亭睇日落啦。
Miki: 好呀!
就係咁，我地肩並肩，安靜坐係長櫈到睇埋日落，好安靜，睇完我地就準備回途了。
點解我唔同Miki食埋晚餐? 因為我呢個衰仔成日都做野唔返去食飯，俾娘親下令2個禮拜每晚都要返去食飯。我又真係少陪左屋企人，所以都要回家做孝子。
回途既Miki已經攰到係車到已經熟睡左，或者應該係話釋放左壓力既Miki終於可以安心咁休息，至於著連身裙既Miki好似之前係巴士有少少走光? 當然有，畢竟Miki再唔係以前中四既妹妹仔，身材有一定既長進，可惜今次佢係我架車，所以冇其他男仔可以𥄫到，當然作為司機既我都冇乜機會望到，只可以𥄫一兩眼XD
返到Miki樓下，Miki: 多謝你專登抽時間陪我玩一日呀。
我: 唔洗客氣，我都玩左好開心...
我地靜默左一陣，大家都好似有話講唔出口咁...
最後Miki打破沉默: 好啦，我返上去先，你快啲同屋企人食飯啦。
對，我們沒有預期中既擁抱、沒有劇集中的吻別，只是輕輕的揮手。
之後的2個月，我開始我忙碌既工作，又有job要處理，Miki正式進入上堂軌道。
唯一既唔同，係我地間唔中(隔幾日)都傾一陣電話，我地既關係好似愈走愈近，近到咩程度，我都形容唔到，唯一知既係，我地都未Ready開始一段新關係。
不過除左忙返工之外，我仲忙緊5月去英國旅行，同邊個去? 係同阿誠兩條麻甩佬一齊去。
亦都係呢個故事既尾聲了
~打住咁多先，下集見~