kenny_love

Part 4
一開門就見到Miki甜美既笑容，Miki著住條粉藍色連身裙，岩岩到膝頭上少少，真係幾好睇。
我: 第一次見你著裙喎。
Miki伸一伸脷: 係呀~其實係尋晚訓覺著的，今朝一起身就做數做到而家，唔記得換，失禮哂，哈哈!
入到去見唔到平時既工人，先醒起今日禮拜日，工人放假。我仲專登話上黎答佢問題，死啦，會唔會俾佢誤會!?
點知佢已經係急不及待想問數，完全冇理其他野，但我截住左佢
我: 我地要傾好先，嗱!你最遲只可以問到6點，跟住你要食飯放鬆下個人，暫時唔溫數學住啦
Miki: 下!我驚問唔哂喎…
我: 都唔可以再問啦，個腦實哂聽日表現仲差，要放鬆下個人聽日個腦先靈活啲。
呢個係我考理科既心得，考之前都唔俾自己鬆下到時個腦實哂更加轉唔到數。
Miki: 好似有啲道理，咁好啦!
去到飯枱已經見到我俾佢既練習，同埋佢自己問老師拎既過往考試卷，Miki既勤力都幾瘋狂。
Miki: Kenny哥哥，你唔洗辛苦全程坐足係飯枱，你坐係sofa睇下電視啦，我有野唔明先過黎問你。
跟住就係Miki瘋狂溫書既時間，我都好配合咁坐左係sofa睇下電視㩒下電話，當然偶爾都偷望下美腿。頂我真係幾變態-__-
雖然話就話佢唔明先過黎問，慢慢就變問完佢就即刻就係sofa隔離個高身茶几到試做，再變成佢直接拎埋過黎做，已經放棄左飯枱。我都好識趣校細電視機聲，但又廢事熄電視搞到佢以為我專登就佢。
不過佢既專注基本上完全無視左部電視，西利!
人地話專注既男人好吸引，我覺得專注既靚女一樣咁吸引。
Miki係學校應該好多男仔追?苗條身材加甜美樣貌，大波就一定稱唔上架啦，只可以話有囉，所以想睇大波既師兄可能要失望下XD不過已經夠殺死唔少男學生。
結果一輪問答後，話咁快就差唔多6點。
我: 好啦，最後一條問題，跟住就要休息。
Miki見我咁firm都冇乜再反抗，揀左一樣最想問既野問完我，就執返啲筆記、練習，拎返入房。
我: 你聽朝keep住呢個狀態去考就冇問題架啦，對你有信心!
Miki: 下!我仲好擔心，驚你教左我咁多堂都冇乜進步。
我: ok架啦，今晚早少少訓，養足精神啦!
Miki: 知道!今日辛苦哂你啦，禮拜日仲要專登過黎教我。
我: 唔緊要啦，反正我今日冇乜野要做，係間大屋到睇住部65吋電視都幾爽架!哈哈!
Miki: 哈哈!大到有時坐太近都睇唔哂成個Mon，不過我都好少係廳睇電視，得一個人坐係大廳好空蕩蕩，我通常都係房。
我: 哦~~咁大間屋你工人要清潔咪有排搞呀XD?
Miki勁有共鳴: 係呀!呢排Nely(工人個名，我都係鳩拼出黎難XD)仲要放大假返左菲律賓，啲清潔做極都做唔完，好在之後爸爸叫同事幫我搵左鐘點上黎清潔。
我: 咁呢排你咪得自己一個女仔係屋企!?會唔會好悶呀?(其實我想講空虛，不過用悶好似好啲)
Miki: 係呀!冇辦法啦~爸爸又要搞美國啲生意，平時都有Nely同我傾下計，而家連nely都返左去菲律賓，屋企真係靜到蚊飛過都聽到。
Miki坐左係sofa，我既隔離，我見到既係一個寂寞既身影，難怪我今日話上黎佢冇拒絕。
Miki: 本身以為Nely淨係去3個禮拜，好快就完，點知只係連續幾日自己一個對住間屋食飯，我連食野都冇心機。
我: 你有冇搵friend一齊食飯呀?(其實我都唔知講咩好，hang機中)
Miki: 有既，但都係一日半日啦，人地都要同屋企人食架麻，冇理由要人地晚晚陪你食飯。其實一家人一齊食飯真係開心架…
Miki開始有啲硬咽。
我: 咁爸爸幾時會返香港呀?
Miki: 未知呀，果邊好多野都start up緊，最少都幾年呀。我呢排同佢視像都feel到佢好大壓力，我想讀好啲書等佢開心啲。但又好驚考唔好。
Miki對眼既眼淚一滴一滴咁流緊出黎，兩隻腳屈埋攬住自己膝頭，壓力大既又點止佢阿爸一個，大家應該有留意佢一直冇提媽媽，佢冇講我就冇問了。只係知道Miki背後應該仲有好多故事。
我拎啲紙巾俾Miki，我知呢個時間唔應該講野住，俾Miki繼續發洩下啲情緒。
Miki: 返到學校班入面啲男仔又成望住我…女仔又唔鍾意我…話我搶哂啲男仔，都唔關我事…我都冇理過啲男仔，係啲男仔係要過黎撩我講野，我已經完全冇理佢地啦。而家得返Ally同Wendy理我，會同我玩，同埋Dance club啲同學…佢地叫我試下同其他女仔解釋下，點解釋喎，我行埋去佢地就走開…我可以點喎。返到屋企又靜英英四面牆…又理由成日同ally、wendy放負…我唔想自己一個係屋企，我唔鍾意自己一個係屋企呀…
我摸一摸Miki個頭，其實我都唔知可以講咩做咩安慰佢。
Miki大致都係loop住呢啲說話，我唔特別不斷重覆，跟住Miki都慢慢平伏返。我唯有搵啲野打完場，唔好會好老尷。
我: 講左出黎係咪舒服好多?
Miki點點頭。
我: 去廁所洗個面先啦，你條裙愈跣愈落啦…
Miki見到即刻放返隻腳落地下，塊面瞬間紅左，跟住就衝左過去廁所洗面。
我望一望個錶，已經6點半過啲，即係Miki喊左差唔多大半個鐘，我差唔多要返去食飯了。
咦咪住!! 我突然好似知道尋日Miki欲言又止係想講咩，我打返屋企話今晚唔返去食。
Miki洗完面出返黎。
我膽粗粗: 不如今晚一齊出去食野吖?
Miki: 好呀!其實我尋晚都想問你，不如買野返黎食吖，坐係sofa一路食路睇戲好正架，爸爸一上黎都係咁陪我食飯。
咪住?「一上黎」呢3個字好奇怪，我好肯定係聽到呢3個字，因為呢3個字Trigger左我既好奇好耐，但又唔知點問，遲啲會分曉。
Miki: 你等我一陣，我換件衫再一齊落去買野。
Miki換左條短褲同T-shirt，我暫時除左T-shirt未見過佢著其他衫._.
我: 咦你唔著平時條長褲?(補習果陣)
Miki: 長褲好熱呀，係爸爸要我補習果陣著我先著咋，話小心啲好。
即係驚我係鹹濕佬-___-我面色一呆。
Miki見到我反應即刻話: 我唔係話你呀!
我: 都明既，你爸爸咁諗都正常，我地出發啦。
最後我地買左台灣野返去食，Miki開左套戲一齊係sofa睇，其實嗰晚食左咩我唔太記得，睇左咩戲唔太記得，剩係記得嗰晚係我幾個月黎最舒服既一晚，因為嗰晚我的確忘記好多唔開心既事。
我: 其實學校咁多男仔你冇個鍾意咩?
Miki: 啲男仔講野太低B啦，好似搭唔岩Channel咁。中二我拍左一次拖架，不過好快就散左，個男仔錫完我之後就成日都唔理我囉，勁衰囉。(人渣!!)跟住好快就分手。
我: 咁衰!!拎佢個樣出黎，等我教訓佢!
Miki係fb搵左張相出黎，係一張Miki同個男仔既合照，Miki中二都仲有少少薯麥，但睇得係潛質股，估唔到佢一年變咁多，個樣大個左好多。呀男同學你走寶啦
我: 好!佢死緊啦。
Miki笑左出黎。
我: 終於肯笑啦咩
Miki: 咩喎!咁頭先唔開心吖麻，不過而家好好多啦。
睇埋套戲都成9點，Miki都要同阿爸視像傾計，我都閃人返屋企了，希望Miki聽日生生性性考好啲啦。
~打住咁多先，下集見~

kenny_love

打住篇過渡先
Part 5
返屋企途中，我發覺Miki既出現的確令我生活既一個調劑，雖然相處時間唔多，但只要有佢既存在，我就好似忘記啲傷痛…
叮!第二日中午我收到Miki Whatsapp。
Miki: Kenny哥哥，份卷出左好多你教既野，呢次我應該考得唔錯，多謝你呀^_^
我: 咁咪好囉，一早話你掂架啦，而家休息下就準備埋其他科啦!!
Miki: 收到!其他科我有信心啲，應該問題不大!
跟住既時間我同Miki都冇乜聯絡，佢仲未考哂就唔煩佢住啦，等佢專心溫書。
而我老死阿誠終於Exchange完返黎，知道呢半年我發生好多事，落完機第二日就約左我食飯。
阿誠: 點呀?Kenny哥。
我: 仲可以點吖，你陪我飲下聽訴下苦仲好啦。
阿誠: 真係冇彎轉?
我: 冇啦，佢好堅決，人都飛埋啦。
阿誠: 飛埋去英國人搵人啦。
我: 講呢啲。
阿誠拎起酒杯: 黎啦，今晚不醉無歸啦!飲啦!
阿誠: 你畢業啦喎，搵工搵成點呀?
我: In左幾份啦，有份下個禮拜Second in，希望成事啦。
阿誠: 哦，咁呢排有冇咩搞作?補習社果邊仲有冇返?
我: 冇返啦，啲學生都考哂DSE，不過我接左份私補，中三女仔。
阿誠: 你Grad.仲接新私補?睇黎你真係諗住塞滿自己時間喎!
我: 唔塞滿啲又亂諗野啦，不過個學生都幾勤力，教得幾開心既。
阿誠: 女仔先你讚姐，有冇相睇?
我開左佢whatsapp張相俾阿誠睇…
阿誠: 屌你咩!原來靚女黎，唔怪得知你會接啦…仲以為你真係情傷太重，要麻痺自己!
我: 屌!我都係上到去先知佢咩樣，鬼撚知咁多野咩!不過佢而家考緊試，跟住仲會唔會補都未知。
阿誠: 不過你而家咁既狀態識下女仔都好既，呢個世界好大既。
我: 但我眼好細，容不下第二個人…
唔好以為我好文學，呢個只係我地之間既口頭禪。
阿誠: 哈!屌你!不過個學生咁靚女，你忍唔忍得住架?
我: 你咁睇小我定力?不過佢屋企都複雜。
於是我講左星期日既野俾佢聽。
阿誠: 佢直頭空虛寂寞凍喎…仲要冇乜朋友，咁你真係要小心，我驚唔係你搭沉船就係人地搭沉船!
我: 得啦，我自己有分數架啦!
結果我地食飯飲完再上我屋企再飲，跟住兩條麻甩佬就咁係地下訓著左。
我住既地方係親戚半送半租咁俾我住，佢見我讀得成書，個人又好似幾穩重，佢又冇兒冇女冇結婚，當左我半個親生仔。
搵工果到，Second In我都好順利，最後出埋offer俾我，Fresh grad.黎講真心唔錯，但要10月先正式開工，因為上一手好資深既同事11月先離職，一個月交接應該冇問題。
咁我幾個月就真係食自己，好彩之前都儲落一筆，捱兩三個月應該頂到既。
結果成個6 – 7月都冇乜野搞，都係做下運動，冇收入又唔敢洗咁多錢。
慢慢我就變左等Miki搵我約補習，一直等一直等，都等唔到Miki搵我。
我有諗過whatsapp搵下佢，但又唔知點樣開口，或者我係驚佢真係話唔補，唔想面對住。
於是我就決定再等下先，如果真係冇再搵我只能講緣份盡了，Kenny哥你又想太多了。
~下集見~

kenny_love

其實果陣只係補左半個習姐, 雖然有時會諗起佢, 但未去到咁close既關係

kenny_love

Part 6
就係7月中，我終於忍唔住whatsapp Miki問下佢仲會唔會補習。
Miki冇覆，第二日冇覆，第三日都冇覆…如是者成個禮拜都冇反應，我睇返佢last online係6月中，我開始擔心Miki係咪出左啲咩事。
我嘗試想用其他方法睇下聯唔聯絡到Miki，我諗住用fb搵下，結果搵極都搵唔到Miki個fb，最衰上次唔記得望一望佢fb。我發覺唔對路，於是我膽粗粗直接去佢屋企搵佢，結果門鐘冇人聽。
唔通佢地去左第二到住?但冇理由差唔大半個月都唔開whatsapp，定係我自己太過緊張!?
我返到屋企反覆諗緊究竟咩事，愈諗愈擔心。
一路擔心一路同自己講: 冇事既，去左第二到住姐，屌咁荒謬你都講得出._.
我之後都send多一兩個whatsapp俾佢，問下佢「係咪有咩事呀」之類既野，一樣都係冇反應。
不過生活都要繼續過，慢慢我冇乜諗呢樣野。
8月頭既某一日，我電話響起，係Miki打黎!!!!!!!!!!!!!!!!
Miki: 喂，Kenny哥哥，唔好意思，前排我去左美國，所以一直都冇搵你傾8月尾想補返習既事。
我: 你嚇死我呀!見你6月中之後就冇online，成個幾月失蹤左，跟住一直冇反應，屋企門鐘又冇人應!
Miki: 你上過我屋企?(Shit, 口快快講左)
我: Er…係呀…我擔心你唔知有咩事，所以咪搏一搏上你屋企，Sorry…我好似衝動左。
Miki: 嘻…要你擔心我唔好意思呀…我出發果日要凌晨3點幾起身坐飛機，唔知醒勁趕，一時大頭蝦漏左電話係枱面。
我: 下!?咁你冇電話過去旅行咪好論盡?
Miki: 少少啦，不過係爸爸同事車埋我去機場，一齊出發去美國，我係佢架車訓到死豬咁，去到機場先發現冇拎電話，趕唔切返去。爸爸係美國搵左部電話俾我用住先架，我係fb都有講到俾大家知。
對唔住呀!要你擔心左我咁耐…
我: 唔怪得知…我咁岩又冇你fb，搵唔到你真係以為出左咩事，好似人間蒸發左咁…
Miki: 下次我會講低聲架啦…對唔住呀…
我: 唔緊要啦，知道你冇事就得啦!
Miki: 我請你食個飯賠罪啦。
我: 今次又係睇戲送飯XD?
Miki: 都得!或者出去食又得…任君選擇!
我: 到時再傾啦，係喎，你想8月尾開始補?
Miki: 係呀，我想早少少學定中四既野，你得唔得呀?
我: 都得呀，咁不如照舊星期三同六?我地8月最尾個禮拜三開始?
Miki: Ok ar…係喎!Kenny哥哥，我數學考得幾好呀!有成七十幾分!超開心呀!
我: 咁唔錯喎，一早話你叻女啦
Miki: 係你教得好!
我: 你上堂表現都好!
Miki: 大家都好!咁我遲啲再聯絡你啦!我岩岩先返到屋企一陣咋，個電話勁多massage，今次我有排睇有排覆啦…
我: 好啦，你返到黎休息下先啦，我地再講。Bye Bye!
自從上次一齊食左晚飯之後，Miki講野冇以前咁拘謹，大家傾計自然左…
終於8月尾既星期三，事隔3個月我又再次為Miki補習，中間我地都冇乜聯絡，佢好似keep住都有唔同野要搞，所以我都冇特別搵佢了。
我好熟悉咁去到佢屋企門口㩒門鐘，今次有人應門了，Miki終於唔係長褲look，而係佢呢個年紀一定會著既短褲，露左差唔多半個大脾出黎，又可以偷𥄫美腿了._.
Miki: Kenny哥哥，好耐冇見啦!
我: 係呀，去美國好唔好玩呀?
Miki: 好玩呀!見到爸爸好開心!佢帶我周圍去玩。
Miki講左好多唔同地方，我一個都唔識-.-毒撚真係毒撚，冇見識!
我: 唔怪得好似曬黑左少少。
Miki: 係咩!?我已經keep住補防曬，不過果邊真係幾曬下
我: 不過放心，都係一樣咁白
Miki 笑左下但冇回應。
Nely如常咁切左啲生果俾我地食。
我: 咦!上次我㩒門鐘Nely冇開門既?
Miki: 係呀，我本身呢轉去美國都去得好急，Nely果陣未返香港，爸爸叫佢返左黎係轉介機構宿舍住住先，得閒上黎清潔就得。
我: 哦，唔怪知得!
Miki: 但點解你唔問下Elaine既?佢都知我去左美國
我: 係喎…我果陣可能太擔心唔記得可以搵佢，哈哈!
只能夠以笑遮醜XD大家對望傻笑左下
我: 好啦，我地正式開始啦!
個零鐘既時間好快就過左…
Miki: Kenny哥哥，上次話我請你食飯，不過就今晚啦。
我: 都可以既…原本今晚屋企都冇飯食…Nely煮俾我地?
Miki: 唔係呀，Nely煮好似冇乜我請既感覺。我地出去食吖。
我: 定係你想買返黎食再一齊睇戲呀?
Miki: 好呀好呀!一於咁話!
夠膽同一個男人單獨係屋企一齊睇戲，唔驚我溶左佢。呢條靚妹既戒心都幾低，定係其實佢已經好信任我?
我地今次買左炸雞(唔係KFC)返去食，Miki揀左套「戇豆放大假」，嘩，我已經睇過兩次，但見佢好想睇就唔掃佢興，照一齊睇啦。
其實Miki呢條靚妹真係好易滿足，有人同佢傾下計，同佢係屋企食下飯睇下戲就已經咁開心，可想而知佢平時有幾寂寞。有人會問佢冇friend咩?當然有，但friend最多都係陪你一日半日，其餘時間都係留係屋企對住四面牆。
我地由補習師生關係，慢慢變到好似兄妹多啲，我的確對Miki冇乜非分之想，尤其知道佢背後既少少故事。或者係我心入面仍然有另一個人佔據緊…
成個9月我基本上除左幫Miki補習，就係同新公司夾返開工既野，小弟正式由學生變成打工仔了!
Miki大部分時間係屋企都係著短褲，或者著下裙，睇黎佢真係唔鍾意著長褲。
慢慢我都習慣左，少左偷望佢隻腳(事實上之前都唔係好多= =+)
我知道女仔單獨相處好容易發現你𥄫佢身體，所以都係啲廁所時間，佢行去拎野時間我先敢欣賞下。
~打住咁多先，下集見~

kenny_love

引用:

原帖由 licklickson 於 2022-6-9 22:49 發表
今次會唔會有新進展？

我都唔知算唔算有新進展
可能我太長氣，每一part都係打到我預期嘅2/3

kenny_love

引用:

原帖由 小王子 於 2022-6-10 06:35 發表
Miki會唔會係私生女呢？？ 😔

我暫時唔回應🙈🙈🙈Miki身世會慢慢揭露😬

kenny_love

引用:

原帖由 bolleh 於 2022-6-10 09:19 發表

可能你想交代多d你哋之間嘅關係同相處嘅細節。師兄寫得唔錯，期待你的update 。

其實係，細節先可以凸顯到個人既性格特徵
與其我一次講過介紹哂啲人
我覺得透過故事慢慢滲出黎會好啲

kenny_love

Part 7
10月我就開始成為打工仔，我份工返工既時間係勁chur，keep住有野要做，幸好通常都可以準時5半收工，所以補習時間都改遲左去6半到7半。
不過上手都叫我有心理準備有時要係公司OT，通常都係一浸浸，一年2 – 3個咁既peroid，中間啲時間都係基本準時收工。
呢幾個月我每日都係返工，備課，同Miki補習，食飯沖涼打波打機訓覺，慢慢我生活都好似走出左情傷....進入緊正軌。
每次補習我都買少少野食一齊食，因為收太貴補習費，請返佢食野平衡下。發覺Miki都幾拆得，有時食得仲多過我，但佢又唔肥先奇怪。
我: 你食咁多唔驚肥咩XD?
Miki: Ok la，爸爸話發育時間食多啲好，唔好暴飲暴食就得，同埋我有跳開舞，得閒又落會所跑下步。
我: 哦，怪唔知得你咁Fit
堅fit，有啲人瘦得黎冇肌肉，隻手臂明明已經好幼，但仲可以有bye bye肉。而Miki明顯見到啲手手腳腳係firm既。又跳舞，又運動又fit又靚女，屈左...
中四上學期考試，Miki出黎既成績都唔錯，照咁樣keep住DSE一定有lv 4，Miki其實幾聰明，只不過係數學慢熱，要啲啲時間先明做緊乜，但一明就真係「一里通馬國明」，可造之才。
Miki: Kenny哥哥，er呢...我有2個好朋友見我補完習進步左咁多，佢地呢...都好想搵你補習，唔知你可唔可以同佢地補埋，我有講你返工都好忙未必得，但佢地都叫我試下問下你。
我當堂打左個突，其實放工個人都已經攰攰地，我有啲猶豫。
我: Er...我放工有時都幾攰，應該難少少...
Miki: 哦, 咁好啦，我同佢地講
Mik知我攰，明明有少少失望但都冇特別再𠱓我，Miki就係一就一，二就二既人。
我: 或著咁啦，如果佢地可以同一日一次過補哂，或者2個一齊補個半鐘咁，應該都可以!
但我每個禮拜既進度都一樣咁教啦，如果3個人唔同進度我就應該預備唔切。
Miki即刻笑住答: 好呀好呀!我同佢地講聲吖!
我: 你睇下你，小小野就開心成咁，成個小朋友咁XD
Miki: 咩喎，我唔小朋友架啦，我16歲架啦!
16?事後醒起，果陣係中四既一月，我記得佢講過三月生日，姐係比同級大一年…
我: 好啦，唔笑你啦，如果佢地得就約下星期四啦，呢課我差唔多完架啦，到時一齊開新課，佢地叫咩名呀?
Miki: 一個係Ally，一個係Wendy。(上幾part已經出現過)
我: 哦…就係佢地…不過我收佢地可能收返正價啦，
Miki: Ok!
第二日，叮!係Miki既Whatsapp。
Miki: Kenny哥哥，佢地ok ar，下星期四佢地都ok，到時你去 XXXXX (佢地地址，係Miki屋苑附近)。
我: Ok!介唔介意叫佢地屋企人打一次俾我夾下啲價錢?
Miki: 好呀，同埋呢，因為我地一個禮拜上2堂呢。我諗住呢，星期六通常操數多，不如星期六三個一齊補，3點至5點咁，等你冇咁辛苦，好唔好呀?
佢已經Plan埋._.都好，反正平時教教下隨時4半先完，都係多少少時間，但就少左獨處時間了。
我: 都可以呀，咁到時見佢地啦!
Miki: 我send定張俾你睇啦，左邊係Ally，中間係Wendy。
張相係佢地3個人合照。
Ally高過Miki，都係瘦瘦地，長腿，皮膚偏白(冇Miki咁白)，身材都算係均稱，其實就好似Miki既拉高左，膊頭橫少橫少，都係靚女黎，不過冇Miki咁靚。
Wendy就同Miki差唔多高，矮啲啲，身材明顯豐滿，明顯幾大波._.有啲baby fat，但唔會叫肥，都叫細粒(唔知大家明唔明)樣子就中上，比起其餘2個有少少失色既。
如是者星期三幫完Miki補習，第二日就過去同ally同埋wendy補習，我又係有少少緊張地㩒門鐘，係Ally開門，張相果然冇照騙，真人同張相差唔多，Ally著住件黑色背心，接近熱褲既短褲，果然係長腿妹妹，隻腳修得黎又firm。將少女既優點凸顯哂出黎，係唔錯既，不過都係Miki吸引啲。
Ally: Halo!你係Kenny哥哥?請入黎…
我: hi!你係Ally?
Ally: 你又知既，係喎，Miki俾過張相你睇，咁我唔自己介紹啦。
入到去係一般屋企既size，但唔見其他人。
Ally: Wendy就到架啦，你等多陣，唔好意思
我: 唔緊要，我自己早到左姐，其實你叫我Kenny就得!
Ally: 我跟Miki咁叫麻，定係Miki叫就得，我叫就唔得先XD
我: 咁又唔係，只係比較少人咁叫我，係Miki好似改唔到。
Ally 明顯係比Miki活躍，連身體語言，擺動都大啲，相比Miki係內斂少少，斯文少少。
Ally: 係咪架。Btw，Miki俾你補完之後脫胎換骨，而家高分左勁多，所以我地靠哂你了
我: 都係Miki勤力姐，你地都可能得架。
Ally: 你唔好厭我𧎌就得!
好快Wendy都上到黎，Wendy著住短袖衫加牛仔褲，但已經見到上圍明顯幾豐滿，目測應該有C。
跟住就係我地互相介紹下自己，好快就正式開始。
同佢地補習好唔同，Ally好鍾意我講到一半就截住我問，2個鐘俾佢截左20次都有。
截到Wendy都頂唔順: 哎吔!你俾人講埋先啦!
Ally先收斂少少，Ally天份同Miki差唔多，俾Miki快上手但又冇Miki既「一里通馬國明」咁勁。
Wendy就係比較弱，真係需要多啲時間，但so far係補過學生已經算係比較叻嗰啲，只係其餘2個fd再叻啲姐。
話咁快，2個鐘就完，仲over run左。
Ally: 原來上堂係講緊呢啲，而家又覺得唔太難，你果然有啲料到。
Ally拍一拍我膊頭。
Wendy: 我感覺良好左好多T_T唔該你呀。
我: 哈哈，你地俾心機聽姐，咁今日差唔多啦，你地都冇哂電了，學費一樣一個月最尾嗰堂先俾啦。
我地夾好之後就係Ally屋企上堂，星期六就Miki屋企咁樣。
走果陣Wendy同我一齊走
我: Wendy你住邊架?
Wendy: 我住調景嶺嗰邊架。
我: 嘩，咁你兩日都係專登搭地鐵過到黎呢邊架喎，辛苦你啦
Wendy: Ok la! Ally同Miki都係將軍澳，我過黎好過2個人走過黎調景嶺吖麻。
睇到Wendy同Ally既相處，Ally係比較強勢既人，Wendy係比較容易就得人，Miki就比較內斂、體貼。
3個人性格好唔同，或者因為好唔同先吸引到一齊做左朋友。之後既日子由返工放工，同Miki補習，變左返工放工，同Miki, Ally, Wendy補習，未到好忙但又幾充實!
~打住咁多先，下集見~

kenny_love

黎緊星期六日都好忙，所以出唔到文住
大家要等下

kenny_love

引用:

原帖由 licklickson 於 2022-6-10 19:33 發表
師兄好有心機，寫咁長篇！😬

星期六日未必寫到，所以一次過寫篇長少少