kenny_love

引用:

原帖由 小王子 於 2022-6-10 16:24 發表

唔洗回應，我都希望自己估錯。
而家係咪仲係現在進行式，如果係，對Miki好D 👏

會慢慢揭曉

kenny_love

Part 8
畢左業之後，大學同學都係自己既工作搏殺緊，以前日日見，一齊係hall劈酒既兄弟好似突然係你生活中消失咁…我生活圈子好似突然縮細左咁，反而係識左十年八年既中學同學仲會聯絡，仲會一齊食飯。Miki佢地3個既出現，好似令我每日返工放工既生活變得冇咁枯燥乏味。
第一次3個一齊補習既星期六，原本諗住佢地會有咩火花出現，結果3條友補習既時間變左比平時分開補習更認真既「認真魔人」，只係Ally仍然咁鍾意截人講野，當然佢比起上次都收斂左啲。完全睇唔到佢地之間既相處._.
完左Wendy有事好快就走左，Miki同Ally問埋少少野就完左，我都冇哂電，Ally就同我一齊離開左Miki屋企了。
Ally: 其實你都教得幾好，有冇諗過做老師?
我: 冇啦，得閒做下就開心，做老師要日日都教書我頂唔順，除左教書仲要做咁多野，而家補下習咪幾開心。
Ally: 哦…咁你而家返緊工架?
我講完Ally都唔係好明咩黎。
我: 好難解釋係咩黎架，到你大個就明架啦。
Ally: 唓!你厭我蠢姐…
我: 點敢厭你蠢呀!一陣俾你啲兵溶左我仲得了既。
Ally: 咩呀~我都冇收過兵，我都冇理過佢地，本小姐係有男朋友的。如果鍾意我就係兵，咁Miki咪成支軍隊都有…
我: …
Ally: 點呀~Kenny哥哥，你呷醋呀?
我: 你講左去邊…
Ally: 唔知啦!你頭先補習周不時就𥄫過去Miki到，Miki單純就冇發現姐，但你瞞唔過我法眼…
我: 咁人類都有愛美之心架姐，係街見到架法拉利我都會𥄫架(我發覺與其搵原因否認，不如直接認左佢XD)
Ally: 唓!本小姐都算有少少姿色，又唔見你𥄫我!
我: 因為第二個人先會發現我𥄫你XD你自己係唔會發現，同Miki一樣。
Ally: 頂你，幾句就試到你𥄫女，咁你一定有𥄫Wendy對波啦…
我: 你講到我成個老淫蟲咁…會唔會考慮轉一轉補習老師?我驚我會溶左你XD
Ally: 咪呀!我都換過幾次補習，得你先教得我明咋，我講下笑姐
我: 我都講下笑姐，你地咁有心機學點會唔教!
Ally: 不過Miki呢排變左唔小。
我: 點變法?
Ally: 你知佢屋企架啦，佢返學成日都冇乜表情，木口木臉，成個冰山美人咁，係同我地傾計先多啲笑容，而家個人好似開朗左啲，搞到啲男仔仲起痰。
我: 有冇咁痴線，不過開朗左都幾好吖!其實我都知佢屋企好少野咋。
Ally: 呢啲等佢講啦，我就唔講啦。Btw，今晚我屋企冇飯開，不如一齊食個飯。
我: 我今晚唔得呀，應承左返屋企食飯。
Ally: 唉，Miki你就陪人食，我搵你就話要返去飯…仲本小姐開金口約你食都唔制。
我: 又講左去邊…我再唔返去食俾老母劏左我都似，下次一定陪Ally大小姐食，ok?
Ally: 唉，都冇得唔ok la，我到啦，星期四見，bye bye!
Ally既aggressive，小弟有啲招架唔住了…
由於小弟返工加補習都chur chur地，所以小弟決定新年假期收下爐休息下，佢地3個返學我先繼續，順道都俾佢地休息。Ally就提意新年個星期六一齊上Miki屋企玩，大家都ok。
~打住咁多先，下集見~

kenny_love

引用:

原帖由 Hellseeker 於 2022-6-12 17:13 發表
畢左業之後，大學同學都係自己既工作搏殺緊，以前日日見，一齊係hall劈酒既兄弟好似突然係你生活中消失咁…

呢句真係..... 諗返好多嘢

做左咁多年野再回望返轉頭就會諗起好多野

kenny_love

引用:

原帖由 licklickson 於 2022-6-12 17:40 發表
好似加快咗速度！就快有嘢睇！btw, Wendy真係好大波？😬

係呀，因為有D位再寫就變左重重覆覆重覆又重覆就skip左佢😂不過仲有好多野寫，呢到大概1/4，大家想睇既戲肉係最後1/4🙈
er...前面有寫目測C cup🙈

[ 本帖最後由 kenny_love 於 2022-6-12 18:34 編輯 ]

kenny_love

Part 9
我地約左朝早11點Miki樓下附近既M記等，Miki同Wendy都好準時到左，Ally話臨時有野搞，而家返緊黎。我地就去左買M記上Miki到食左先。
原本Ally話想一齊睇「Now You See Me」，而家佢人未到，我地就係飯枱食住M記先，吹下閒水咁。
Ally同Wendy提我盡量唔好拜年既野，因為新年Miki基本上係冇拜年咁濟，唔想佢唔開心。好彩佢地提我，唔係我第一句應該就出事了。
我: 係喎，聽講你地3個都係Dance club，平時係咪都要練架。
Miki: 要架，一個禮拜都練2轉放學，如果要表演練得仲多啲。
我: 有冇比賽嗰啲架?
Miki: 有架，不過我地先係Dance club第二代既人，所以Miss話練多一年，下年應該砌夠人去玩校際。而家都係每年係學校表演下咁。
Wendy: 但校長好煩，條褲短啲又唔得，又話要及膝，件衫露少少腰又唔得，男女仔又話唔可以掂到大家，啲動作又話有啲不雅，其實都唔知可以跳到啲咩。
我: 嘩，真係做粵劇都搞唔掂喎。
Miki: 係呀!所以我地有時會跟社區中心去表演，可以玩多啲唔同既style。遲啲四月我地都有個表演，你過黎睇吖
我: 好喎!我過黎見識下!
Wendy: 不過我地仲未排好哂隻舞，我地既指導Ally姐仲未諗好哂。
我: 佢咁勁架咩XD
Miki: 係架，Elaine走左之後就係佢主力幫大家排。
我: 估佢唔到喎。
我不禁幻想佢地跳舞既畫面，冇幾耐Ally就到左。
Ally: 唔好意思~臨時俾人捉左出去。
Wendy: Ok la，我地慣架啦，係Kenny未慣姐…
睇黎佢例遲開。
Ally: 咩姐，你地快啲食啦，我要睇「Now You See Me」。
食完我地就𨳼左戲睇，Miki屋企又大又有套5.1音響，睇戲真心一流。
Miki屋企張sofa係一張大sofa，兩邊再加兩張細sofa，當然佢地3個女仔就係大sofa，我就再坐係細sofa到睇。
套野都ok，但未到好好睇既程度，有少少懸疑，所以大家都好留心睇，真係要去到最尾先知道哂發生咩事。
Wendy: 套野係ok喎，唔怪得你咁想睇。
Ally: 係呢，有個男演員幾靚仔!個女探員條腿又幾靚!
Wendy: 你睇戲定睇人架?
Ally: 兩樣都睇，人有愛美之心麻。
Ally望一望我講，頂你-.-
Miki: 得啦，Ally姐，知道你長腿啦。
Ally: 我長腿就緊架啦，不過有人好似又發育左啲喎!
Ally一手摸左落Miki個胸到，唔係就咁摸，而係真係伸左隻手去衫入面摸，隻手仲整起左件衫少少，見到Miki少少既小蠻腰。
Ally: 真係發育左喎…
我…俾個畫面嚇到呆左，Ally完全當左我透明，肆無忌憚就伸左隻手入去，我果刻完全唔知發生咩事，呢個畫面都幾震撼，話哂我都係一個血氣方剛既男子…
Miki已經即刻爭扎，又要顧住在場既我唔敢太大動作，連野都黎唔切反應講
Wendy見到我勁尷尬: 喂，有男仔係到架。
Wendy即刻拉返Ally隻手出黎。
呢一刻Ally先醒覺有男人係到…即刻縮返，其實只係2 – 3秒既時間，已經足夠小Kenny有啲反應，我極力放鬆自己，唔好俾小Kenny起身，但又唔去得廁所等佢冷靜下，一去廁所係人都知咩事
Ally: 頂，Sor，我完全唔記得我地Kenny哥係到…
我分唔到Ally有心定冇心了，不過我諗佢地既日常相處應該真係咁…
Wendy即刻幫手打完場: 喂!你係咪帶左Wii黎呀，罰你整好哂俾我地玩啦
Ally: 係係係，知道大人!
Miki同我個樣勁老尷，Wendy即刻拉Miki去玩網球，等個氣氛緩和下。
我睥Ally一眼，佢用口型講左句「益左你啦」，頂你-.-
之後我同Ally都Join埋一齊打，我同輪流唔同既人組合打2 v 2，估唔到呢隻game玩得最勁係Wendy，基本佢拍邊個就邊個嬴，淨係玩Wii都玩左個下晝，玩到6點幾大家開始肚餓。
Ally: 今晚我地食咩好?
Miki: 新年出面啲鋪頭都冇開，不如叫Nely煮?
Ally: 不如我地自己煮吖?好耐冇玩煮飯仔，我地又有Wendy大廚係到，落去買埋珍珠奶茶就開餐!
Wendy望一望Miki個雪櫃，話買啲意粉應該夠野食，原本Nely聽到我地搵野太大聲，出黎睇咩事。
佢見到Wendy有份一齊煮就變到好放心，睇黎Wendy真係冇伏。
Ally: 咁啦，我落去幫手買野啦，唯一男士，幫我手做挑夫!
其實有好多野要挑咩._.我夾硬俾Ally拉左落去。
我: 其實你一個人唔夠手拎咩?點解要我落埋黎既
Ally: 咁冇理由得我一個落去咁淒涼架麻，Wendy要煮野食，唔通叫埋Miki主人家落去俾個屋企我地咩?
我: 你又岩!
Ally: 唔拉你落去唔通俾你孤男寡女獨處一室咩…一陣你溶左Miki或者Wendy咪大獲…
我: 我係咪真係講到咁鹹顥濕…
Ally: 我講笑姐XD睇你個樣都唔敢做啲咩，我頭先玩Wii烏低身你寧願輸都望去第二邊，就你知冇膽仔啦，定你仲係青頭仔呀?
我係青頭仔._.?我驚我出招你死去活來咋…我盡量都唔想𥄫人走光，乘人之危咁。
我: 乜料…咁唔應該望就唔望架啦，你叫我望就話姐。
Ally: 下話，不過可能你淨係諗住Miki啦，對我冇乜興趣啦
我: 點解冇啦啦又要提到Miki…
Ally: 因為你望Miki眼神明顯有啲唔同!
我: …
Ally: 唔係咩?
我: 唉，我唔知呀。
Ally: 姐係你鍾意我地Miki女神啦…
我: 如果我話Miki有我前女友既影子，你信唔信?
Ally: 你咁講我咪咁聽囉…
我: 我自己都好亂，感情既野我唔想諗住，我有時望住Miki又真係諗起我前女友，我唔想亂投放感情落任何人到。
Ally: 嘩，睇黎要開個心事台俾你講。
我: 有機會再講下啦
Ally: 不過你又真係幾體貼細心既，我都第一次聽Miki會提起男仔。
我: 呢個世界好大既，到你中學畢業入大專，你個世界、識到既人又會擴闊好多架啦。
Ally: 好啦。
Ally若有所思咁...
我: 話事話，你有時都幾癲，係面前都照伸左隻手入去Miki件衫入面。
Ally伸一伸脷: Haha…習慣左咁玩，果下太反射動作唔記得左你係到，不過條友仔真係發育左，難怪係咁叫我陪佢買Bra…
我: 其實我唔需要知咁多資訊._.
Ally: 咩姐，頭先我都益左你啦
我: 咁我係咪要多謝你XD
Ally: 唔洗多謝，請我飲珍珠奶茶。
我: 咁都俾你屈到…
雖然Ally人就癲啲，有少少自視過高，但辦事能力都真係唔錯，要買啲咩，好快就諗好哂，Wendy同Miki唔洗講要咩就直接叫到野飲。
上到去佢地已經解凍哂所有野，原本我打算入廚房幫手，可惜俾3位女士趕左我出去，叫我等得啦喎，主力都係Wendy煮。Miki都有幫手煮下，Ally真係十指不沾陽春水咁，淨係切下野發下呆咁。
煮出黎個樣都唔錯，味道又唔錯，Wendy果然係大廚黎。
我地之後食下野，吹下水，玩下Board game咁…玩玩下已經點幾2點，佢地就留係Miki到訓，連衫都一早帶定，我當然就返屋企啦。
自從多左Wendy同Ally，我地都真係多左歡樂，又會一齊玩，但又好似少左同Miki傾計既機會
我發覺我真係有啲在意Miki，但我分唔到因為佢有我前女友影子，定真係在意。
呢一刻既我，仲需要一段路先走出以前既回憶。唔係!係仲有一條好長既路。
~打住咁多先，下集見~

[ 本帖最後由 kenny_love 於 2022-6-13 21:01 編輯 ]

kenny_love

大家鍾意呢個節奏就太好了

kenny_love

引用:

原帖由 licklickson 於 2022-6-13 17:07 發表
睇來Ally可能幫到手喎！😉

留得名既，都一定有少少篇幅既

kenny_love

引用:

原帖由 rocket.aaron 於 2022-6-14 00:48 發表
師兄越打越精彩 去到摸胸喇（不過未到你出手⋯哈哈）
究竟你會攪掂Miki先定係Wendy先 又或者係Ally😂🤔🤔
好期待由Part1追到Part9  等入直路更精彩

同直路仲有一段距離🙈🙈🙈大家可能仲要耐心等候

kenny_love

Part 10
完左新年假又開始補習既時光了，亦都話差唔多到Miki 3月既生日了，補習嗰到都賺左唔少錢，於是我都準備買份生日禮物俾佢，要知道要揀份唔失禮但又唔可以好貴既禮物係一件好頭痛既事，小弟從來都好驚買禮物。
醒起之前Miki話條頸有少少痛，於是我就買左個按摩頸枕俾佢，應該唔失禮之餘又唔會貴到佢唔好意思。
正當我猶豫約唔約佢食餐飯既時候，Ally同Wendy就約我一齊同Miki慶祝生日，佢地話Miki想去野餐，我建議左去佐敦谷公園，大家都冇反對，4人成行!
Miki生日正日佢阿爸專登飛返黎同佢慶祝，跟住又再飛返美國，睇得佢阿爸幾錫佢。我地就約左佢生日最近個星期六去野餐，野餐都係買左啲壽司、生果，Wendy整左啲三文治、雞翼咁，跟住大家就開開心心野餐了。當日既天氣好似涼涼地，Miki著住套白色連身裙加件牛仔褸，條裙岩岩去到露膝頭，好襯去野餐，好好睇，Ally著住條緊身既牛仔褲加收腰既黑色長袖衫，Wendy就冇乜特別，都係啲鬆身少少既粉紅色hoodle加條牛仔褲，可能唔想個胸太凸出。點解我記得好清楚，因為我睇返張相就記得XD
暫時黎講Wendy著衫都係比較薯麥，Miki就鍾意啲少女風，Ally就多收腰收腳既衫褲，明顯係想show佢修長身材出黎。
Ally: 又大一歲啦喎，黎黎黎，俾姐姐檢查下! 唔係，係俾妹妹檢查下。
Miki即刻縮埋一邊護胸。
Wendy: 你仲黎!?
Ally: 講下笑姐，大庭廣眾點會亂黎。
我地一齊唱生日歌，就各自拎左生日禮物俾佢Miki。
Ally: 嘩，一黎就按摩頸枕，Miki就好啦。
我: 放心，你地生日都會有!
去到草地既Miki明顯個人開心左，放鬆左，仲話要放風箏，變左個小朋友咁…
Ally拎左佢一早準備左既風箏，點知放左陣就俾管理處截住話唔放得，我地死死地氣咁收返個風箏，Miki個人即刻頹左…
我: 唔好咁啦，搵機會再放風箏啦，搵個可以放風箏既地方。
Miki聽完先有返少少笑容，Miki去廁所嗰陣。
Ally捉住我講: Miki好重視承諾架，佢當左你應承左話帶佢放風箏架啦，唔好唔記得左…
我: 好，知道!
好在附近有啲泡泡槍買，大家竟然玩泡泡都玩到成個下晝，再幫佢地打卡影下相，就已經黃昏了，我地就坐巴士返將軍澳。
我地坐左係下層面對面果4個位，Miki同Wendy坐左我對面，Ally坐係我隔離。可能大家玩得太盡興，Miki同Wendy好快就訓著左。第一次見到Miki訓著既樣，嗰種女神既氣質飄哂出黎，仲聽到少少鼻寒聲XD。下層都差唔多坐滿人，唔少男仔都會偷𥄫過去。
Ally即刻拎電話出黎想拍低佢，我原本想阻止佢。點知Ally用一個好凌厲眼神睥過黎，我即刻輸左。
Ally: 最多Send埋俾你慢慢欣賞。
Miki訓訓下挨左落Wendy到，衫領有少少走光，睇到少少波邊。
我拎左件風褸俾Ally，叫Ally幫手扲一扲。
Ally: 洗唔洗咁細心呀。
我: 冇理由俾人睇蝕麻，又唔想嘈醒佢。
Ally: Miki你先咁著緊姐...
我: 你同Wendy我都會照拎件褸幫你地扲架。
Ally: 下話...
我: 你成日講到我當你地隱形咁。
Ally: 我咁靚，你點樣當到我隱形姐。
我望住Ally: Ally小姐，你知唔知自己講咩XD
Ally: 講下笑姐，但我唔靚咩?
我: 都ok la，自信方面你直頭超班。
Ally: 多謝!差唔多落車，叫醒佢地先。
落車之後，Ally提意買野食去海濱公園坐下，大家都和議。
於是我地買左啲台灣便當，去到海濱公園，我地直情爬埋出去海濱啲石頭防波堤到坐低食，我當然出左去再逐個扶佢地出黎，Ally同Miki都好順利擒左出去，係Miki著裙論盡少少，要Ally幫一幫手㩒住條裙，Wendy身手真係相對冇咁好，中間向前cake中舊石仔，成個人向前壓左一壓埋黎，結果個手肘食中個波餅._.真係幾大幾軟熟…
Wendy勁老尷咁講左聲sorry，其實會唔會係我講sorry。
我地搵左一舊凸起既大石頭當枱，Wendy同Ally就坐係背海嗰邊，我同Miki就一左一右對住。
夜晚對住個海真係可以吹多啲水，佢地講下學校啲白痴野，講下啲狗公點樣撩佢地3個。
Wendy同Ally又講下佢地男朋友，我都係第一次見到佢地男朋友既相。
Ally男朋友就陽光男孩型，黑黑實實，未算好高大，175到，都幾襯。
Wendy男朋友就戴眼鏡，斯斯文文，唔太高，心諗你媾到條大波妹實爽死你._.
Ally: 唔好睇呢條友仔(Wendy)表面斯斯文文呀，好鬼狼死架，成日搞到阿Wendy姐we嘩鬼叫架(大家自己想像講緊咩...我唔講咁白._.)
Wendy睥住Ally: 喂呀，咪講野啦!
我: 成日亂講野因住真係撞鬼呀!
Wendy: 咪係囉，成日都口無遮攔。
Ally: 係啦係啦，對唔住大佬。咁講下Miki啦，聽閒中六有個師兄想媾你喎，又靚仔又高大。
Ally望一望我講，我即刻認真聽Miki講咩。
Miki: 學校啲男仔太膚淺，我對佢地完全冇興趣!
Ally: 又高大又靚仔喎，又成日買野俾你食。
Miki: 咪益哂你地有野食啦，冇心動就係冇心動。
Ally: 咁有咩人先可以令Miki女神心動呀?
Miki: 嘻嘻…唔講你知等你心思思!仲有，我唔係女神!
Ally: 唓~懶係神秘咁…
Miki: 呼，好耐冇試過咁放鬆成日啦…
Miki合埋對眼，向後挨，兩隻手撐住身體，係到感受緊海風，海風微微咁吹起Miki啲頭髮。
合埋雙眼享受海風既Miki額外漂亮，兩個字「好撚靚!」。
Ally見望到著左迷既我，輕輕拍一拍下我隻腳，拉返我返現實。
可能佢心諗: 洗唔洗望到咁呀?
好在Wendy㩒緊電話，得Ally望到。
慢慢海濱愈黎愈凍，玩左成日大家都攰攰地，我地都決定起程返屋企啦，Ally約左男朋友食糖水，已經係附近接佢。
於是我就先一齊送Wendy返調景嶺，再送Miki返將軍澳。
Wendy: Ally有時會大癲大肺，你唔好介意，佢份人冇乜野的。
我: 睇得出XD
Miki: 佢有時都幾識照顧人，做野又勁。
Wendy: 係呀，我地有時買Br…衫都係佢陪我地睇既
少少時間都睇得出Ally係一個好能幹既人，比較早熟，係把口有時亂講野姐。
我: 真係成個家姐咁喎…
Wendy: 係架，明明呢到最大係Miki，但最老成既反而係Ally。
Miki: 喂呀!咁都搵到位入我，又想話我老你地一年!
Wendy: Haha，咁係事實麻…姐…姐…
Miki追住Wendy扮打佢，吵吵鬧鬧咁就去到調景嶺，我同Miki兼肩行返去將軍澳。
Miki: 多謝你今日陪我地玩呀，呢排都辛苦你啦。
我: 唔洗客氣，我都玩得好開心。
Miki: 升左中四之後都好耐冇玩得咁爽。
我: 點呀，升左中四，習唔習慣呀?
Miki: 初時有啲唔慣呀，啲野深左好多，以前初中啲都唔洗溫咁耐既
我: 高中啲野學得精啲麻，係會辛苦啲，慢慢適應啦。
Miki: 希望啦…
我: 係呢，不如4月復活節去放風箏囉，俾你撩起我條癮都想放!
Miki: 好喎!不過4月我地有演出呀，會忙啲，暑假我地再去放吖!同埋呢排成日都見你好攰咁，不如復活節休息多啲啦，返工係咪好忙呀?
新年後既個幾月係我第一次感受公司最忙既時間，又要OT又要同佢地補習都係chur爆我自己，除左星期三四同佢地補習日子，其餘每日基本上都OT到7點，返到屋企食埋飯沖埋涼已經訓死左…
我: 都忙忙地既…不過仲ok，叫做幾充實下!
Miki: 辛苦你啦，遲啲我幫你按下膊頭!Ally同Wendy成日都讚我手勢好!
我: 好喎，咁我膊頭隨時準備好俾人按摩架啦!
Miki: 包係我身上!係喎，復活節個表演你記得過黎睇呀，到時我同Ally, Wendy都會有份表演。
我: 好呀!我要過黎見識下你地跳舞!
Miki: 好!到時要同我地影張相。
結束開心既一日，跟住我都要返屋企訓下，老了老了。
~打住咁多先，下集見~

[ 本帖最後由 kenny_love 於 2022-6-14 20:41 編輯 ]

kenny_love

最多字既1 part，原本諗住分開2 parts打，點知打打下就打哂