Part 13
暑假好快就完左了，中間都有一兩次上左Miki到玩，Ally同Wendy每次都會係Miki屋企到過埋夜。
完左暑假又係補習既開始，十月既其中一晚，我記得係星期五黎，我10點幾收到Miki電話。
Miki勁慌張咁問我: Kenny，Ally有冇搵過你呀?
我: 冇呀，做咩?
Miki: 佢屋企人岩岩打俾我，話Ally放學返黎換左衫抖左陣就冇啦啦急急腳出左門口，我同Wendy收到個Ally whatsapp話佢分左手，叫我地唔好同屋企人講住，跟住電話就到而家都係冇人聽…
我: 咁大獲!有冇出去搵佢呀?
Miki: 我地岩岩出左門口去搵佢呀，佢會唔會有咩事架…
我: 我而家出黎會合你地先，再一齊去搵啦!
會合左佢地之後，我提出不如我地3個人係同一個範圍keep住搵啦，我覺得Ally有機會都係漫無目的行黎行去，每人守一道地方應該易搵啲，我地各自係Ally常出沒既地方捕下，Miki都打左俾啲同學睇下可唔可以幫手一齊搵下。
我就走左去海濱搵，直覺話我知失戀都係會去海邊，可能頭先只係未去到…
就係咁我係海濱來回行左幾次，結果係啲好隱閉既位置，離遠見到有個背心少女係到飲啤酒，憑對長腿好可能係Ally。
我通知Miki佢地先，原本諗住即刻走過去，之後我諗一諗，都係度下見到佢講咩先，佢應該以為我乜都未知，我扮咁岩經過可能好啲，於是度一度台詞再走埋去。
我行近少少望住佢，扮確認係咪佢，等佢發現左望過黎我先講野
我: 咦Ally?點解你一個人係到既?
Ally: 飲酒囉。
我: 下?做乜一個人係到飲酒
Ally: 唔洗扮偶遇啦，我頭先已經見到你經過左幾次，佢地講哂你知啦?
屌-.-度咁耐台詞…10秒都冇就收左皮。
我目測佢隔離起碼有成打啤酒，佢應該飲左3-4罐，個樣已經有少少貓貓地，如果飲哂仲唔俾人執屍。
我行過去坐低: 有酒飲都唔預我既，有冇搞錯
Ally: 你飲得先好，一陣要我揹你返屋企呀。
死靚妹._.飲幾罐貓貓地仲敢串我，Ally拎左罐俾我。
我: 一個人飲酒咁悶，我陪你飲下啦
Ally望住個海冇應我，大家靜靜地飲左陣。
我: 你點呀你?
Ally: 有咩點，唔開心囉…
其實我除左知佢失戀之外就乜都唔知…都係等下睇下佢仲有冇野講。
Ally: 你覺得我靚唔靚吖?
我: 靚呀。
Ally: 咁Hea既你
我: 嘩，仙女下凡咁靚呀!
Ally終於笑返下: 頂你! 咁我身材好唔好吖?
我: 呢個好老尷喎Ally姐。
Ally繼續望住個海又靜左陣…
Ally突然坐埋黎繞住我隻手，用個胸壓住我手臂，隻手放左落小Kenny到…
Ally: 不如我地去開房吖。
屌-.-做乜撚野…我掙扎開左，輕輕推一推佢個頭。
我: 又亂講野，傻左咩。
Ally: 明益你都唔要…我唔吸引咩?
我: 唔係...
我地繼續安靜地飲酒。
Ally: 估唔到呀可，我話哂都算學校女神吖，竟然會俾人戴綠帽，係我呀! XXX呀! 竟然都會戴綠帽
下!?
Ally: 仲要斷正…
她哽咽著，眼框變得模糊…淚水逐滴逐滴出現係佢雪白的大脾上…
平日高傲自負既佢，呢一刻冇哂自信…
Ally: 係囉，如果我唔買野上去同佢一齊食，咪乜事都冇囉…
她開始抽搐…
Ally: 而家算點呀，偷食偷到上屋企，仲要我㩒門鐘都唔知，仲要以為外賣到...買埋外賣諗住扑完野一齊食外賣咁屎忽鬼都有架咩…
Ally: 我有咩唔好吖? 靚又靚過佢，佢要咩我成日都就佢架啦…而家算點呀?
Miki同Wendy都黎到，見到泣不成聲既Ally，只係默默咁坐係佢兩邊陪住佢…
Ally開左罐啤哂: 飲!
一口氣就對左成罐啤酒，一時飲泣一時苦笑，我諗已經貓左，成時候要帶佢走
我望一望Miki，Miki用口形講去佢屋企好啲。
我: 喂，呢到又焗又熱喎，今日風都冇滴，搵個地方再飲啦
Ally wing下wing下: 去邊呀，咁快想帶我去酒店?
我嘗試拉佢起身，條友已經醉到冇力行路，點扶佢都行唔到咁樣，我決定直接揹起佢。
行返出馬路，Miki已經call左的士返去佢屋企先。
的士司機: 嘩，乜醉成咁呀?
我: 佢失戀。
的士司機好似明白一切咁，冇再問落去。
返到Miki樓下，Ally好似又酒醒左啲，又話要返海濱飲，又叫又減咁，我決定入7仔買多打啤酒。
一個醉左既人，你要防止佢失控亂叫亂走，最好方法就係灌佢飲多啲，直到令佢斷片，就可以好安靜咁訓覺…
經過樓下見到看更，返到屋企既Nely，Miki都要不斷解釋點解帶住個醉娃返黎…
我地放左Ally係sofa到...好似又酒醒左少少…又開始飲泣
Ally: 我唔好咩…點解要偷食喎，佢有咩好，係可以唔用套咋麻…係大波左啲咋麻，男人都淨係鍾意大波妹…
佢望住我，我唔知俾咩反應，佢突然攬住我咀埋黎，我推都推唔切，Miki佢地已經反應都俾唔到。
我用盡力推開佢。
點知佢再癲啲，冇啦啦除左件背心，得返個黑色喱士Bra，唔好話我，連Miki佢地呢一刻已經Hang左機。
佢又再繞埋黎，胸壓我…
Ally: 我身材唔好咩?你講!
你問我吸唔吸引?好吸引…黑色Bra配雪白既皮膚，準標B cup，加條小蠻腰…但呢刻我冇興趣諗呢啲野
雖然小Kenny已經進入完全站立狀態，我盡量掩飾唔好俾Miki佢地睇到我扯左旗。
我: 飲唔落扮哂野拖時間呀?又話要飲酒?而家停哂手，飲啦!(我都唔知點先可以轉移到佢注意力)
Ally: 唓，我千杯不醉架，飲!
Miki佢地要咁想幫Ally著返件衫，但Ally唔肯…
我唯有扮嘔: 我就黎頂唔順想嘔架啦，一陣你唔著衫嘔你到唔好罵我呀
Ally: 痴線架你，咪對住我呀
佢終於就範著返件衫，係我不斷灌酒既情況下，係混亂到大家唔知大家up乜鳩既過程中，佢終於進入斷片狀態，Miki同Wendy就同佢入左廁所抺一抺個身，換件衫就扶佢入房訓…
大家睇好似得幾百字，實質由海濱公園，返到Miki屋企，到佢斷片，係糾纏左幾個鐘，到佢訓左已經凌晨3點幾…
仲有後半部，要下part再寫
~打住咁多先，下集見~
[ 本帖最後由 kenny_love 於 2022-6-17 22:38 編輯 ]
