kenny_love

引用:

原帖由 rocket.aaron 於 2022-6-19 16:00 發表

多謝師兄用心分享每段情節
Miki著住套粉藍色連身裙睡衣？唔知透唔透到啲身材
估唔到師兄都仲忍到😂比我可能已經錫咗佢了

其實係普通連身裙😂😂唔會透到
之前有次太趕冇換衫都著住補習🙈就知係好普通連身裙

kenny_love

大家諗太多😂😂佢地只係中五既學生妹
最多都係熱褲背心咁

[ 本帖最後由 kenny_love 於 2022-6-19 21:12 編輯 ]

kenny_love

引用:

原帖由 rocket.aaron 於 2022-6-19 20:58 發表

短裙仔都無🤔

有既，我冇寫姐
不過少啲，我冇專登寫

kenny_love

個故事大概寫左4成內容，頭半內容都係講相處
跟住就係劇情大爆發，大家準備

kenny_love

引用:

原帖由 rocket.aaron 於 2022-6-19 22:01 發表

師兄！準備好啦 今晚會出埋15單元？

唔會啦，一日出唔到兩更...
之後果啲要整理完先寫到，我盡量一日一更啦我而家都係邊part記得啲野就寫定草稿，到時再用返，唔係我個腦會諗爆
其實成個故大部分時間都係純劇情/純愛為主，希望大家唔好介意

[ 本帖最後由 kenny_love 於 2022-6-19 22:04 編輯 ]

kenny_love

Part 15
分左手之後Ally唔知係想痲痺自己，定真係想通左，佢比起以前更加俾心機讀書，我地都盡量避免講起男女朋友既話題，我偶爾膽粗粗問下佢點，佢都好直接話俾我地知未完全recover。咁都好，起碼會坦白同我地講，呢啲野真係需要時間放低。
每日返工放工補習既日子過得好快，話咁快到左中五下學期，即係就黎Miki既生日，我又要苦惱買咩禮物，於是我唯有問下Wendy買咩好(點解唔問Ally，因為硬係覺得會尷尬)，Wendy send左張一個Minions公仔既相，佢話Miki好鍾意，但之前冇貨買唔到，於是我運用我人脈，friend搭friend咁搵個公仔，個價錢都唔平，同上年個按摩頸枕差唔多價錢。
中五大家都feel到果種chur既節奏，大家又諗唔到食咩，Miki話想係屋企煮飯仔，即係要辛苦Wendy了._.咁岩Miki阿爸今年因為公事黎唔到香港，我地揀左正日同佢慶祝。
正日當日，Miki見到個Minions公仔勁開心，總算冇揀錯禮物。
Miki: 上次我想買都冇貨，你點買到架?
我: 呢啲緊係出外靠朋友啦!
Miki: 多謝你呀，下次唔好咁破費啦。
我: 一次半次ok既，補習我都賺唔少架麻。
Ally又準備佢既例行動作了。
Ally: 18歲生日，大個女啦喎，等我檢查下先。Kenny，麻煩迴避下。
我轉左個身配合左，因為連Wendy都伸左手出黎準備檢查，所以我都係配合好啲。
Ally: 衰妹，好似又成長左少少喎。
一輪笑聲後我終於可以望返過黎，只見面紅紅既Miki，應該俾Ally同Wendy一左一右檢查完。
Ally同Wendy一早已經買好哂啲餸，都係啲牛扒呀，意粉呀，少少帶子海鮮咁...煮西餐既食材多。
Miki屋企個廚房夠大(千幾呎屋企細極有限)，夠我地4個分工合作一齊煮野，應該話係我地3個聽Wendy指揮，一個鐘多啲就煮好哂餐飯。
切蛋糕既時候。
Ally: 18歲女有咩生日願望呀?
Miki: Um...希望爸爸可以快啲返香港，同埋屋企人快啲承認我啦!
我心諗: ????咩叫承認
Ally見我一面疑惑: Kenny一面問號，不如話埋俾Kenny知?
Miki: 都可以呀。
其實我一直都覺得Miki背後唔簡單，一定有啲野，相信好多師兄都咁覺得。
簡單黎講，Miki係養女，Miki爸既老婆原本孕懷左孕，但難左產，醫生話之後就好難再有BB，身子都一日比一日弱，仲患埋抑鬱。於是Miki爸就建議不如領養一個小朋友，就係仲係BB既Miki，可以完成老婆既心願，佢老婆都贊成，於是經歷一堆程序，終於領養到得幾個月大既Miki。
原本老婆都好開心有個BB出現佢生活中，但慢慢佢老婆心態又有啲改變，覺得Miki始終唔係佢親生，雖然佢都想撫養呢個小朋友長大，但每次見到Miki又令我諗起佢生唔到小朋友呢個事實，一諗起就會抑鬱起黎，原本Miki爸爸用同屋但分開訓既方法繼續生活，但老婆好似都唔太接受到。
係Miki開始認到人既時候，Miki阿爸決定將大家分開左唔同地方住，將Miki交俾Nely照顧(即係而家既工人，原來係由細照顧到佢大)，一個禮拜Miki都有幾日會過去阿爸到食飯同玩，或者佢過黎陪miki食飯，佢發覺呢個安排令老婆接受到之餘，由唔會引起佢抑鬱，而家Miki一直只會叫佢姨姨，每次Miki上去食飯，姨姨都對佢幾好，於是大家用呢個方式一直生活。
之後老婆個身體愈黎愈差，仲過埋身。係Miki中一既時候，於是Miki阿爸就大膽帶Miki去美國見下屋企人，同埋處理下個國藉問題，Miki係中一休左學一年的，所以點解佢大過Ally佢地一年。
點解要見下屋企人?Miki阿爸係一個都有少少體面既家族，覺得佢冇問過屋企人意見就領養左個小朋友，所以一直唔肯承認Miki既身分，尤其當老婆過左身之後大家更加反對。
以上係Miki提供既資料，大家係咪覺得破綻百出._.我都覺得係，唔明點解Miki會信，可能由細洗腦。
我一路聽一路已經勁多問題想問，但Ally同Wendy望住我輕輕搖頭，不斷示意我唔好追問，睇黎佢地都覺得唔太make sense，但我唔應該問落去。於是我唯有接受呢個講法。
我: 嘩，我好似聽左集溏心風暴咁...
Ally: 係要時間消化架啦，想當年我地聽完都hang哂機。
Miki: 都唔係好複雜姐...爸爸話會努力同佢嗰邊屋企人傾，如果ok既話我有機會去美國定居啦。
美國定居…又係一個好遠既感覺。
Miki: 我仲有一個願望，希望考好DSE!你咁努力教我地，一定考好俾你睇!
我: 咁呢個又簡單，暫時黎睇應該問題不大。
Ally同Wendy都問: 咁我呢?
我: 你地都係，拎4就穩陣架啦，有冇5就靠之後既努力啦。
Miki話想睇戲，我地又變回睇戲mode，三個女仔坐大sofa，我就坐sofa咁。
睇完戲都9點幾，Miki話要一陣要同阿爸視像，所以我地就走先。
係返屋企途中，Ally見到我個頭十萬個問號。
Ally: 係咪覺得個故事好唔make sense呢，其實我地都覺。
我: 係囉，你地嗰陣又唔問既?
Wendy: 因為Miki爸爸叫我地暫時接受呢個講法先，佢會慢慢處理。
嗰陣Miki阿爸仲係香港，知道Miki同佢地好Friend，所以Miki阿爸先聯絡左佢地，其他野佢會處理。
我: 姐係你地知真相係點?
Ally: 唔知呀，我地都只係聽過呢個故事咋，唔係佢阿爸講定，我地可能係咁追問到佢口啞啞。
Wendy: 有錢人既屋企有時係真係幾複雜，Kenny恭喜你同我地一齊捲入呢個旋渦啦。
我: 下!?
Wendy: 講下笑姐，不過佢屋企既事我地又真係唔方便問咁多。
我: 都係架，你嚇死我，我以為有乜鬼野富貴門搵上我有排煩，咁鬼複雜。
Wendy: 點都唔夠我地Ally姐複雜啦，嗰晚又喊又罵又除衫又錫人XD
Ally: 頂你，一提起我就覺得老尷。
Ally啤住我: 你呀，唔好再回味呀。
我攤開雙手，一臉無辜咁。
Wendy敢拎出黎講笑，姐係Ally放低左，好事黎。
Ally: Kenny講樣野你聽吖，全校都知條賤友偷食後，連條大波妹都飛左佢，而家變左生人勿近。
Wendy: 抵死啦佢，成日偷偷地撩其他女仔，好彩你斷正咋，唔係唔知俾佢呃幾耐。
原來佢都有撩Miki同Wendy，尤其Wendy，Wendy話佢成日𥄫佢個胸，都話女仔好容易留意人地𥄫佢，條友真係好鍾意大波妹…
佢地都搵緊機會同Ally講，但估唔到Ally斷正先，8卦野永遠最好聽，講講下直頭停係到吹左陣水，我見時間唔早，第二朝要返工，我地各自回家了。
沖完涼我都訓覺了，夢中，我自己係到用緊舊機器鋤緊地，不斷震下震下，慢慢我發覺呢啲聲唔係夢入面，而係我書枱傳過黎，我書枱個電話係咁震，我一邊眼好辛苦咁打開左一條線睇。
嘩!有十幾個未接電話，全部都係Ally打黎，一個接一個係咁打的，我未黎得切打返過去，Ally又打黎。
我: 喂?
Ally: Kenny大獲啦，Miki出左事。
~打住咁多先，下集見~

[ 本帖最後由 kenny_love 於 2022-6-20 19:30 編輯 ]

kenny_love

引用:

原帖由 WithinTemp 於 2022-6-20 19:33 發表
師兄仲要留懸念😂 逼人周不時入嚟追po
btw 加油！等後續

已經2xxx字，再打就4000字都黎

kenny_love

各位 唔好意思
咁樣寫會完整啲，1 part過寫會勁長
我發覺1 part 2000字到係我最舒服既篇幅
所以請大家耐心等候 要吊下大家癮

kenny_love

引用:

原帖由 rocket.aaron 於 2022-6-20 20:28 發表

每個單元2000字既篇幅文章，要寫得好係要花點時間
師兄！真心既你寫得唔錯，打動我每日上嚟關注三位妹妹同師兄既後續發展🙏🏻

多謝Ching, 我開頭寫都cake cake地，慢慢寫就捉返個感覺

kenny_love

引用:

原帖由 licklickson 於 2022-6-20 21:29 發表
冇問題！應該入直路啦！😬

Um...一直好長既大直路
劇情會推得快啲，條時間線會郁得快啲