kenny_love

Part 16
補充返少少，其實Miki所講既身世我自己都唔記得邊次講的，不過到呢到冇得唔講，唔係個故事就講唔到落去，不過咁樣就變到有啲戲劇性。
Ally: Kenny大獲啦，Miki出左事。
我: 發生咩事?
Ally: 我都唔知呀，Nely話Miki同佢阿爸視像完就鎖埋自己係房，又喊又叫咁，Nely點叫都唔肯開門，所以打左俾我，我而家過緊去佢屋企，你可唔可以同我一齊過去呀?
我開始醒少少。
我: 可以，Miki樓下等? Wendy呢?
Ally: Wendy電話打極都冇人聽呀，應該訓左聽唔到電話。
我Whatsapp留低Masseng俾屋企人就出左門口。
好快我地就係Miki樓下會合，再一齊上去， Nely過黎開門俾我地。
Nely話Miki仲係房到，鎖住左房門，其他野佢唔方便講。
我地係房門聽到Miki係到喊，都係重覆幾句野。
「點解要話俾我知喎」「而家咁樣咪算囉」「係咪痴線架」類似既野，我地估Miki阿爸應該講左啲野俾Miki知。
Ally: Miki你點呀?
Miki: 你過黎左既?
Ally: 係呀，我同Kenny都過左黎。
Miki: 你地唔洗理我啦，由我啦。
Miki keep住喊，Ally: 你開門先啦。
Miki: 唔好呀，真係唔洗理我架啦，我唔值得架。
我地係門口等左陣，Miki一直冇應我，Ally好似有衝動再試下問，但我㩒住左佢，拉返佢出廳坐一坐，俾啲時間Miki先。
我: Miki，我地係廳到等你吖，你需要我地就叫我地吖。
Miki都係keep住喊。過左一段時間，我地都唔知過左幾耐，Miki 好平伏左少少，佢開左少少房門，於是我地走左過去，Miki係房門口見到我地就衝過去攬住Ally，跟住又開始喊返，我係側邊keep住摸佢個頭。
Miki: 點解要話俾我知喎，一直當我養女咪好囉，鳴…我唔想知道呀，我唔想知呀。
佢愈喊愈勁: 點解話俾我知我係私生女喎，我咁努力都係想佢地認同我姐，而家冇可能啦，乜都冇可能啦，我以後要繼續自己一個啦，鳴…
我地繼續俾Miki發洩下，慢慢Ally都有少少攰，始終Miki成個人都半挨住左佢，我伸手扶一扶佢。就咁樣我地維持呢個狀態維持左一段長時間，我諗個幾鐘到，Miki先鬆返開Ally。
Miki: 你地入黎先啦，你地企左咁耐都攰啦。
入到Miki間房，係一間好有少女味既房，好多minions，好大間，目測隨時成百呎。
Miki同Ally坐左係床，我就坐左係佢書枱張凳到。
Miki張床單好似俾人暴力撕開左啲窿出黎，我估係頭先Miki係房自己發洩既時間撕的。
Miki半喊狀態咁講返發生咩事，佢阿爸話佢已經18歲，係時候知道個真相。
真相就係，無錯，之前已經有師兄估到，Miki係私生女。
係佢阿爸老婆(之後我稱呼佢做姨姨，因為係咁叫佢)本身體質已經好弱，難產之後，身體變得更加弱，需要經常出入醫院，阿爸一直都好用心照顧佢，但佢地兩夫婦就幾年都冇行過房。
Miki媽媽係孤兒黎，原本係阿爸既公司到做，做野一直都好勤力好有交帶，所以秘書辭左職之後就調左Miki媽過黎做秘書。Miki形容阿爸係一個好Gentleman同好識照顧人既男人，呢種有事業又成熟既男人絕對好吸引，之後大家都估到啦，一個幾年冇扑野既男人對住一個年輕貌美既後生女，終歸會忍唔住。就係咁就有左Miki，原本Miki阿爸有諗過落左佢，但佢一直都好想要有細路，所以決定叫Miki媽生Miki出黎。但紙總包唔住火，阿爸屋企人同佢老婆好快就知道呢件事，Miki媽生左Miki後，都頂唔順壓力輕生左...
佢老婆雖然好傷心，但佢都明白Miki係無辜的，同埋始終係老公既親生女，就同意接佢過黎，之後既事大家可以駁返落去之前Miki既身世，咁一切就好make sense了。
即係話Miki阿爸屋企人唔接受佢唔係因為冇問過就領養左Miki，亦都唔係Miki做好啲自己，令佢地覺得Miki唔會失禮就可以接受佢。而係Miki既身份就會失禮佢地。
Miki再點樣努力都未必得到佢地既認同，Miki一直以來既信念瞬間崩潰左...
難怪Miki會咁大反應...
我: 咁你而家有冇好啲呀?(其實我Hang哂機)
Miki: 喊完講完好少少，但我係咪冇價值架啦? 我私生女黎架麻。
我: 點會呢，起碼你而家原來你親生爸爸一直都同你生活緊，每日同你傾計果個都係骨肉相連既爸爸。
Miki: 但係...佢地永遠都唔會接受我架啦。
我: 唔接受咪唔接受囉，你會唔會因為咁唔係你爸爸個女吖?
Miki搖搖頭。
我: 會唔會因為咁你爸爸唔再錫你吖? Ally同Wendy會唔會唔當你朋友吖
Miki: 應該唔會掛…
Ally: 係一定唔會!
我: 咪係囉，一切都冇變架麻，只係你知道既野多左，仲有呀，你咁努力唔係為左人地，係為左你自己麻。
Miki: 咁又係，但我真係好唔開心呀...
Miki又開始眼濕濕，Ally即刻攬住Miki。
Miki: Ally你隻腳點呀，頭先我feel到你企到有啲腳震。
Ally: Haha...頭先你挨左落黎我企到有啲攰。
Miki: 你拎隻腳俾我按下吖。
Ally著住條短裙，隻腳一舉起條裙又再升高左，就咁伸左隻腳放左係Miki大腿上面，Miki幫佢按摩鬆下。完全無視左我，我望去邊都總會𥄫到Ally條長腿同埋Miki條美腿到。對唔住，我知道呢個時間唔應該𥄫野，佢地坐正我前面好難迴避到，同埋正常男人都會想望._.
兩對雪白既美腿，我叫做定力好好架啦._.
我: 大佬，你地不如用張被扲一扲? 有個男人係到架。
Miki先用張被遮一遮，真係隨時郁多兩郁連底褲都見到-.-
我: 你睇下Ally幾緊張你，衫都冇換就衝過黎搵你。
Miki: 係喎，Ally你著咁少就出黎。
Ally住條得大脾一半既短裙加件少少緊身既背心，仲要露埋腰，似係訓覺衫黎。
Ally: 咁我擔心麻，咪乜都理衝左出黎囉，鹹濕佬你係咪有𥄫我隻腳，唔係喎，Miki都係短褲黎，你係咪都𥄫埋!
我: Um...見到你著短裙算𥄫既話都叫有𥄫既._.
Ally: 諒你都唔敢做咩，定係你唔止Miki𥄫隻腳。
Ally作勢伸手過去Miki個胸到...好似又想黎檢查下。不過Ally又真係好似冇講錯，Miki好似真係比我初初同佢補習既時候，個胸明顯大左少少。
Miki: 喂呀，我唔幫你按架啦。
Ally: 下，我咁辛苦過黎唔幫我按。
Miki: 講笑啦，多謝你地過黎陪我呀，搞到你地咁夜...
我: 唔緊要啦，最緊要你冇事麻。
Miki有返少少笑容: 好啦，按完Ally，一陣幫你按下膊頭。
就咁有講有笑，終於令Miki平伏返。
我望望隻錶，頂呀，原來已經5點幾差唔多6點。
Miki話想視像搵返爸爸再傾一傾，佢阿爸都幫佢請左日假，Ally屋企人知道咩事後都幫佢請一日假休息下。佢地兩個一齊係房訓，我又再做廳長，訓左兩個鐘後諗住起身返工，點知個人攰到唔想起身，見公司啲野都冇乜要特別跟，我射左呢年幾黎既第一次波。
大家都訓到下晝先起身，食埋佢飯地話要玩扭扭樂…
我: Ally姐你著裙點玩呢?
Ally: 換條褲咪得囉。
Ally換左Miki既短褲，我為左避免身體接觸緊係幫佢轉輪盤，一路睇電視一路幫佢地轉。
你問我地有冇𥄫佢地，咁緊係有啦，點忍到唔𥄫，盡量唔望咁多。得閒睇到啲長腿，睇到下少少波邊咁。
~打住咁多先，下集見~

kenny_love

結果分2 parts都寫唔哂，仲差少少，我下part直接連埋一齊寫吧

kenny_love

大家好似好期待有甜野
Sorry仲未到 應承大家盡量呢個禮拜尾/下個禮拜頭應該會寫到

kenny_love

引用:

原帖由 galex888 於 2022-6-22 08:18 發表
我買最後食咗工人姐姐

工人你地都唔放過

kenny_love

Part 17
Wendy放學就即刻衝過黎睇Miki，一見到Miki即刻攬住佢。
Wendy: 對唔住呀，尋晚我訓左所以一早唔知咩事。
Miki: 唔緊要啦，傻瓜。
件事總算告一段落，原來Miki阿爸一早同定Nely講佢會講個真相俾Miki知，即係Nely一直都知少少野，話佢講完Miki有咩事就即刻搵佢2個朋友，即係Ally或者Wendy。
Wendy幫Miki同Ally拎左啲功課同學校野返黎，佢地就一齊做下功課溫書，而我都幫佢地睇左陣數學，點解個情景會突然變左溫書，我都唔知._.跟住我都返左屋企食飯，我阿媽就黎通緝我了。
4月又到左Ally同Wendy既生日，今年佢地話想唱K，我地約左係地鐵站等再出發去唱K，Elaine都有黎。
當我地5個到左之後，Ally就話齊人行啦，我望一望，係咪少左Wendy男朋友?我望左Wendy一眼。
Wendy: 我地分左手啦。
我: 噢，Sorry…
Wendy: 唔緊要，係我提出的。
Wendy睇我眼神就知我想問咩: 初初識佢覺得佢斯斯文文咁，又幾肯幫人，講野有時都有少少幽默感既。但拍左咁耐拖開始覺得佢有啲玩世不恭，佢屋企有錢幫佢鋪路去外國讀書，碌埋中六就過去，佢屋企有錢姐，我屋企唔係呀麻，我都要讀書架，出年DSE啦，佢又成日要我同佢出街玩，邊有咁多時間，唔出又發我脾氣，都唔知點樣同佢走落去，我頂佢唔順就分左手了。
我: 兩個人相處真係睇大家識唔識遷就。
Wendy: 係架，當初都諗住係初戀，想試下再就下，最後都係唔得。
我: 唔緊要啦，下個可能會更好啦!
Wendy: 下話?你同Ally果陣都咁講。
我: 因為我諗唔到下一句XD
Wendy: 而家真係會努力讀書啦。
Ally: 玩埋今日我地要全力衝!
去到K房都係佢地唱歌，小弟自問唱歌麻麻地，廢時污染佢地耳仔，都係吹下閒水。
Elaine: Kenny咁耐冇見你近排點呀?
我: 咪又係返工返到嘔…
Elaine: 估唔到你仲keep住同佢地補習。
我: 開左個頭就去到尾啦，有始有終麻。
Elaine: 唔捨得佢地咋掛?
我: 講呢啲，聽聞我都補左你3年架喎，我又唔捨得你咩?
Elaine: 點同，你果陣冇而家咁忙，況且我不嬲天生麗質，唔捨得我都正常啦。
我: …
Elaine: 洗唔洗咁，得啦，知佢地3個靚啦! 我都唔係咁差姐。
我: 點敢話你差姐，Elaine姐。
Elaine: 喂，我暑假有個Show，上次俾你話唔叫你黎睇，今次邀請你黎睇啦。
我: 你終於叫我黎睇啦，好感動T_T
Elaine: 頂你XD
其實Elaine佔好少戲份，既然Ching連Elaine都記得，我係咁兒形容下佢，Elaine比起佢地3個真係外貌上真係遜色少少，但都唔差既。Miki同Ally唔洗講啦，直頭女神級，Wendy雖然冇咁靚，但都算係靚女既級別。Elaine比Ally仲要高少少，有肉地啲，但又唔係肥，女強人感覺啲。
之後既日子都係沉悶式咁過，返工、補習佔左我好多時間，其餘就運動下打下機。
Miki佢地3個都進入中五尾聲，老師們都追趕緊課程，所以我每次補完習都好快離開，俾佢地溫其他科。
到左暑假又有勁多補課，除左補習時間外都冇乜見到佢地，係星期六會留低同佢地打下機睇下戲放鬆下。
原本Ally同Wendy有男朋友既時間，大家都會默契地保留少少距離，大家都單身哂後，距離又莫名地拉近左，3個都好似我同幻近幻遠咁，慢慢我由走出感情創傷，到進入左感情最混亂既時間。
到左Elaine既Show，我同Miki佢地都一齊去捧Elaine場。
Ally拉左我埋一邊: 有啲野搵你幫手，Miki呢排成日俾學校既男仔跟頭跟尾。
我: 跟蹤狂!?
Ally: 都差唔多架啦，日日都跟佢放學架啦，係我同Wendy護住先冇乜野。
我: 我一直冇聽Miki講既
Ally: 佢怕麻煩到你，你知你返工有幾忙架啦。所以一陣搵你幫手，我同Wendy中間要去後台幫手做Helper，Miki要早走返去視像爸爸，幫手送佢返屋企!記得呀，要安全送到屋企門口呀!
我: 冇問題啦!交俾我。咁跟蹤Miki個人今日有冇係出面等佢?
Ally: 好似有，一齊出去望下。
Ally指一指社區會堂出面有個男仔，好毒男既感覺。於是我專登行出少少等佢見到我，同我有眼神接觸先。
好快Elaine就出場，都係第一次睇佢跳舞，果然係Miki佢地師姐，明顯功架十足。去到中間Miki話要走啦，於是我就送Miki返屋企。
我同Miki肩並肩咁行出會堂，個毒男仲係到等Miki，見到我同Miki一齊行出黎，我睥住佢，佢唔敢行過黎。
我: 唔好望過去，扮見唔到佢就得。
Miki照做。
我: 做咩咁大件事唔話我知呀?
Miki: 唔想麻煩你呀，你已經好忙好攰架啦，再多樣野要你煩麻。
我: 你有冇同老師講呀?
Miki: 有呀，其實警告埋佢地家長架啦，但佢地家長好唔合作，話個男仔都冇掂我，後面跟住咋麻。
我: 痴線架咩，呢個係性騷擾黎架喎，仲話可以話冇野?
Miki: 係囉，日日咁跟好變態呀。
我: 呢啲野要報警啦，搵警司兇下佢乜都唔敢啦。
Miki: 唉，學校又話唔好喎...個男仔仲話，話咩我都未拍拖，任何人都有機會架啦咁喎，個毒…個男仔死都唔肯放棄。
我: 呢啲學校真心痴線，跟左幾耐呀佢?
Miki: 都差唔多成個月架啦，呢排係靠Ally佢地，或者其他同學陪我一齊返屋企。
我: 咁要搵方法等佢打退堂鼓。
Miki: 咩方法?
我: 姐係你拍拖，佢就會放棄?
Miki: 係掛，但我都冇男朋友…
我: 唔洗一定要有既，佢覺得有就得。
Miki個眼神好似明白左咁，於是我拖左落Miki手到，好在Miki明我想做咩冇縮手，一縮就穿煲。
雖然大家都有少少彊硬。
我: 要自然啲，我地繼續搵啲話題傾啦，唔係好奇怪。
Miki: 哦…Um…係喎，Nely就黎走啦
我: 下!?點解既?
Miki: 佢年紀都大啦，不過驚我照顧唔到自己，所以一直繼續做。
我: 都係既，佢都要休息下啦。
Miki: 係囉，爸爸話我大個女啦，要開始自己照顧自己，要俾Nely返去退休啦。呢排我係咁跟Nely學煮飯，Nely話我學得好快呀，嘻嘻!
我: 好叻喎XD咁Nely幾時走呀?
Miki: 應該9月尾啦，開始有啲唔捨得啦，不過佢返菲律賓都可以用視像傾下計既。
我: 仲有個幾月，多啲同佢傾計啦。
Miki: 會呀，而家佢星期日放假都可能留係屋企陪下我。
我: 遲啲你一個人係屋企會唔會驚寂寞呀?
Miki: 少少啦，不過我會努力習慣下，我大個女架啦!
我: 係啦係啦，到樓下啦，我送埋你上去啦。
傾傾下計，大家都習慣拖手，冇咁生硬，連入𨋢都冇放開隻手，去到一半我地先意識到拖住先鬆返開。
Miki: 唔該哂你啦，辛苦你要同我一齊呃個男仔。
我: 唔會啦，可以拖到女神大把人都幸唔到啦XD
Miki: 喂呀，你唔準學Ally佢地咁講呀!
我: 遲啲補完習一齊食野啦，等你唔洗一個人食飯
Miki: 好呀好呀!
Nely對Miki黎講就好似半個阿媽咁，照顧左佢十幾年，或多或少都需要時間適應。
我落到去仲見到個毒男，我就走過去。
我: 你唔好再跟住佢啦! 我唔會再俾你跟佢返屋企。
跟住我就自己返屋企冇理到佢，我唔知會唔會令佢打退堂鼓，不過至少我可以做少少野幫手。
之後Ally話個毒男少左跟Miki，慢慢就冇再跟，我由頭到尾都冇話係Miki男朋友，係個毒男自己誤會架咋._.
~打住咁多先，下集見~

kenny_love

Part 18
進入中六既Miki佢地，DSE已經係倒數階段，佢地忙到七彩，日日都測驗咁濟，基本上冇乜時間抖氣，但佢地都堅持補習時間，我偶爾都會同佢地食飯，同佢地傾下計鬆下，有時Miki，有時Ally，有時Wendy，有時又會一齊食咁。佢地3個都對自己有啲期望，畢竟都幾努力讀書。
為左幫佢地鬆一鬆，我決定同佢地聖誕節係Miki屋企搞個聖誕party，一齊食野一齊玩輕鬆一日再衝過，嗰日我仲叫埋Elaine一齊黎玩，我地各人都著下紅色衫配合下氣氛，見到4個可人兒(Elaine其實都ok架)悉心打扮過，只可以用「秀色可餐」黎形容，但天氣都凍凍地，所以大家都係包到實哂，冇乜野特別。
Elaine仲買左支酒上黎，我望住Ally。
我: 得唔得架，一陣醉哂我湊得幾多個。
Ally: 咩呀? 你又諗住串我，上次我唔開心先酒量少左既。
我: 原來心情會影響酒量架XD
大家都笑佢，不過我話夜少少先飲啦，而家緊係盡情玩盡情食。
Wendy: 唉，其實我冇乜信心呀，好似讀極都仲有野讀既。
Ally: 大家咁話啦，都唔知到時考成點。
Miki: 係囉，得返幾個月咋，勁擔心入唔到X大。
佢地3個目標都係想入三大其中一間。
我: 盡左力就得啦，呢個先有個上年考完DSE既師姐，同佢取下經。
Elaine: 我都俾唔到意見呀，果陣我都讀到好辛苦，但讀下讀下就過架啦，不過而家緊係玩重要啲啦，拎部Wii出黎玩，等我SM你地。
於是我地食下野打下機，當然仲有Miki既標準動作，睇戲。
雖然係話我幫佢地補習，其實另一方面，係佢地幫我走出情傷，令我可以唔再諗以往既回憶。
每次見到Miki，就好似見到前女友既影子咁，以前既回憶又好似記返啲咁...
可能有人會覺得都過左幾年啦，乜野都要放低...無錯，的確要放低了，但我心入面總係有啲不甘，心結一日未開，我都難走出黎。
夜晚我地開左支酒出黎飲，當然其實大家都唔係飲好多。
靚妹果然真係靚妹，飲少少已經面紅哂，一早講左唔得架啦。
飲完酒既Ally又開始黎料啦，周圍胸襲人，Miki又揸，Wendy又揸，仲要逐個品評下，咩Cup都up埋出黎，我就先保密一下XD搞到Miki同Wendy勁老尷。
唯獨Elaine，師姐真係師姐，一個眼神就壓制Ally隻手，即刻縮返手。點知Elaine反客為主進攻返Ally，胸襲得人多終於到你受啦，Miki同Wendy都執輸，一齊過去撩佢腳板又好，撩條腰又好。
就係咁完左愉快既一晚，由於Ally同Wendy都飲左酒，安全起見我都係送佢地返屋企，Elaine就擺明見過世面，面不改容咁，Miki就堅持唔飲。
Ally住係附近，好快就返左屋企。Wendy住調景嶺，我地就一齊搭地鐵，Wendy係佢地3個入面算係最唔突出嗰位，講野最勁一定係Ally，靚就Miki，Wendy就好似陪住大家玩咁，所以都少單獨同Wendy傾下計。
我: 點呀你，之前分左手而家冇乜野啦麻?
Wendy: Kenny哥都成大半年前啦喎，乜都放低啦。
我: 咁耐啦咩? 不過半年都唔係好長姐。
Wendy: 初時都有少少掛念既，但諗諗下大家咁樣行唔到落去，就放低到了
我: 估唔到你咁豁達喎。
Wendy: 因為係我飛人吖麻XD要生要死嗰應該唔係佢。
我: 你又岩喎。
Wendy: 同埋考DSE真係太多野要溫啦，唔得閒理咁多野，所以而家只會專心做一樣野。
我: 態度正確，上到大學大把仔啦。
Wendy: 到時先算啦，不過好野都俾人搶哂啦。
我: 我地Wendy姐要出手點會搵唔到。
Wendy: 下話?
我: 呢幾個努力左先啦，未來既野真係好難講，做好自己可以做既野就夠!
Wendy: 冇問題!
跟住落黎嗰幾個月，佢地都chur到盡一盡，連我自己公司都一樣chur到盡哂，每次同佢地補習都有少少掙扎，但都要堅持，同佢地走埋呢段路先。
雖然真係會攰到好崩潰，試過屋企飯都冇食就訓到第二朝，但佢地既投入同努力又會俾到動力我撐落去。
有時見到佢地啲熊貓眼都出哂，又會覺得少少鄧佢地辛苦，不過我都係過來人，仲要係考A-level既人，明白支持佢地衝埋去就足夠，於是我都得閒買野食一路補一路食下輕鬆下，陪下佢地行下啲考試既學校，搵定路。
幾經辛苦終於捱到佢地考Math，嗰朝同佢地食完早餐，就好似送佢地上戰場了，而公司既peak season都過左，佢地考出黎都話ok，啲題目大致都識做好多，跟住佢地就繼續努力其他科。
而我都可以功成身退了，享受下悠閒既人生，呢種悠閒反而令我唔慣，每次星期三四六都會以為要同佢地補習，睇黎最唔慣既人係我。
我亦都冇乜搵佢地，畢竟唔想影響佢地考DSE，或者應該話佢地唔再需要我了。
4月既某一日，DSE既尾聲，Miki打黎。
Miki: Kenny，你呢排得唔得閒呀，我爸爸話想請你食飯，當係謝師宴。
我: 下!?同你爸爸食飯?
Miki: 唔係啦XD係同我地食飯，爸爸俾錢姐，迪士尼酒店既自助餐可唔可以呀?仲可以去埋迪士尼玩呀，順手book埋酒店俾你休息下。
我: 咁正! 我應該ok呀，但迪士尼我就唔入去玩lu，太多回憶。
Miki: 係喎，咁洗唔洗轉地方?
我: 唔洗啦，你地去迪士尼玩咪得囉，我酒店休息下，夜晚一齊食飯咪得囉。
Miki: 好呀，爸爸話應該酒店book星期五同六晚，我地星期六食自助餐吖，咁樣唔洗咁趕，你又可以係酒店休息一晚。
星期六全日我都唔知係酒店做啲咩._.不過有靚酒店緊係住啦。
我: 好呀!我應該6月既五六日都得。
Miki: 咁爸爸同事book哂好野我再搵你吖，我溫書先，最後一科啦!
我: 正啦，好快就可以放鬆下啦，加油!
就係咁，Miki阿爸真係book左兩晚酒店俾我地，佢地3個住一間房，再book多間房俾我咁。
星期五當日，老細聽到我話去迪士尼玩，仲book埋酒店，就俾我放半日假，反正都做哂啲野，唔俾我休息驚我會崩潰唔做，於是我3點就過到酒店Check in。
想起第一次我同前女友拍拖出街就係迪士尼，一樣book埋酒店，一切既野都好似好熟悉。
Miki同Ally星期五去學校啲「大哥哥大姐姐」既camp幫手，好妟先再返黎，Miki仲會幫埋第二朝既活動先過黎，Ally check in完拎左房卡就過返去Camp，Wendy就黃昏先過黎。
上到房我就即刻沖個靚涼(習慣沖左涼先訓上床)再攤起張King size床抖下，睇下電視，好快就訓著左...
矇矇矓矓既夢中，我聽到有人㩒門鐘，但我開左門都冇人係到，我仲望左兩眼，跟住又聽到多次門鐘，唔係喎，係真係有人㩒我房門鐘，一開門...
~打住咁多先，下集見~

kenny_love

引用:

原帖由 cococaobrownie 於 2022-6-23 18:50 發表
時間軸跳得好快，你地都識咗足三年，個個星期都見，好親密
我估三個都鍾意樓主

因為有啲枝節我冇寫到🙈同埋未必記得好detail
我寫啲重要既事件咋
唔係幾十part都完唔到🤣

kenny_love

所有次序, 組合都俾你哋估晒😂

[ 本帖最後由 kenny_love 於 2022-6-23 20:57 編輯 ]

kenny_love

打緊啦 呢篇特長篇

kenny_love

Part 19
我心諗，呢個時間竟然有人㩒門鐘?一開門，原來係Wendy。
Wendy: 太好啦，幾驚呢間房唔係你架。
我: 你唔係隔離房咩?
Wendy: 唉，counter話間房冇登記到我個名，我拎唔到張房卡，我打左好耐俾Miki同Ally，但冇人聽，我估佢地跟緊活動，跟住連你都冇人聽，咪諗住搏一搏囉。
我睇返電話真係有幾個Wendy既未接電話。
我傻笑: Haha, Sorry, 我訓死左feel唔到震機。
Wendy: 你係時候開返鈴聲啦，唔好成日用震機。
我: 慣左麻，你入黎坐下先啦，你都身水身汗啦。
Wendy: 不過總算搵到你地其中一個，唔係我都唔知要係大堂等幾耐啦。
Wendy咁都冇發脾氣，好野!俾我一早燥左底啦。
Wendy入黎就攤左係張凳到，睇黎佢係出面搵左大家好耐。
我: 你搞左幾耐先過黎㩒我門鐘?
Wendy: 都個幾鐘架啦，出面又勁熱，行過黎酒店都濕哂了，酒店個冷氣唔夠涼。
我: 唔怪得知你濕哂啦。
Wendy: 攰死我啦。
我地兩個於是就睇下電視吹下廢水，可能Wendy真係太攰，凳又斜斜地好好訓，佢睇睇下就恰著左。
我都係第一次咁樣靜靜地睇Wendy，著住夏天先會見到既背心同短褲，識左大家3年，呢啲衣著都見慣見熟。
留心望下Wendy，其實只要佢唔係同Miki, Ally走埋一齊，佢都算係一個靚女，小小baby fat既面，加個少女斜蔭。皮膚雖然冇佢地2個咁白，偏好少好少黃，冇佢地對比其實都算係白。佢同Miki差唔多高，但Miki就腳偏長，而佢就正常長度，短褲下既大腿都算吸引，均稱線條，都叫做有腿有腰，一路訓覺一路豐滿既心口起伏，露出少少事業線。
小Kenny唔覺意站立起來，唔得唔得，入廁所洗個臉清醒下先，會做錯事的。
跟住再分散下注意力，㩒下電話睇下電視，唔好再望再望，等小Kenny冷靜下。
Wendy訓左半個鐘到終於醒返。
我: 睇黎你真係好攰喎。
Wendy: 攰呀，下晝先幫完親戚搬野，而家隻手勁酸痛。
我: 唔怪得知啦，你真係要抖下啦，你有冇拉下筋。
Wendy: 有架啦，但前臂啲位拉極都唔鬆咁。
我: 拎隻手黎幫你按下啦。
Wendy: 都好!
Wendy走黎坐左係床邊，伸左隻手埋黎俾我按，一按都真係幾緊，但我視線又忍唔住望左過去Wendy個胸同腿到...唔知佢有冇留意到._.
Wendy: 好似鬆左少少。
我: 不過太遲了，聽朝都係會酸痛，叫Miki佢地幫手買支按摩膏捽捽佢啦
之後我開左套戲「Oldboy」，見到有Avenger個Elizabeth做，於是開黎睇，當睇靚女都好，廢時小Kenny又望望下又起機，Wendy就咁坐左床邊冇返去張凳坐返。
先旨聲明，我係唔知呢套戲係有床戲，因為開頭係好懸疑的，我同Wendy都集中睇緊戲，點知中間竟然有床戲._.相信好多人都專登去睇呢段床戲黎J下。
睇睇下小Kenny又起左機了，佢今日都幾忙。
我見到Wendy稍為雙腳互相捽左幾下，經驗話我知佢都有啲反應。
我: 竟然咁樣都可以有床戲。
Wendy: 女主角身材好似幾好喎。
我: 都係架，佢一拍Avenger即刻出左名。
Wendy: 咁正緊係出名啦，有腿有腰有胸。
我: 你都有架。
Wendy即刻望住我，Shit講錯野。