guthrie

短暫情緣最令人享受，亦最刻骨銘心。只睇到對方美好嘅一面，互相釋放最原始嘅情慾。開心過後瀟灑講bye bye，不帶走一片雲彩，咁樣你話唔係好浪漫咩？當然你唔能夠排除當中有幾分係虛情假意。但每次扑完嘢佢攬住你話唔捨得你，你知道係真心嘅。至少，你會想相信係。

某位早期嘅散餐妹（又係馬拉出品）有日突然對小弟講：天下無不散之筵席，好快你會唔記得我。我唔記得當時自己咩反應。怕且又係講啲自以為幽默嘅戇居嘢。但我好記得嗰一刻個心沉咗一沉，突然發現自己原來開始唔捨得佢，但當然，我冇對佢講。

而我係要過咗好耐之後（開始睇引版，發現咗有沉船呢樣嘢），先明白原來嗰次係－沉咗。

天下無不散之筵席，亦冇不散嘅散餐。回顧遠古嘅狗公時代，除咗以上嗰單，小弟後來再沉過幾次。通常會發生係離開條女之後，或者關係嘅尾聲。而啲女係從來都唔知道。如果知道咗，我唔知佢哋點諗我。

我記得同某散餐妹分開之後，會專登去佢工作嘅地方遠遠睇下佢。偷偷地，冇膽地，陰魂不散地，極為鬼祟地。呢種戇居行為英文叫做stalking。諷刺嘅係，條女曾經喜歡用過stalker呢個花名叫小弟。一語成籤。其後相當長嘅一段時間，小弟仍不時stalk條女嘅FB同IG。直至開始越來越多佢同另一個男人嘅合照。

最大鑊嘅一次沉船事件發生喺狗公時代未年。震撼程度達到鐵達尼級，影響亦不可謂不深遠：小弟退役狗公行列，所謂「從咗良」（表面上啦）。

小弟每一次沉船似乎都係單方面同埋自己攞嚟。仲有，其實係好享受沉船。

你對沉船又點睇？你有冇沉過？對你嘅影響係正面定負面？

_________________________
附錄《狗公沉船記》🚢🐶

EP1: Boarding

EP2: King of the World

EP3: 初遇

EP4: Misty

[ 本帖最後由 guthrie 於 2022-7-18 15:35 編輯 ]

stellaluna

引用:

原帖由 guthrie 於 2022-6-13 17:43 發表
短暫情緣最令人享受，亦最刻骨銘心。只睇到對方美好嘅一面，互相釋放最原始嘅情慾。開心過後瀟灑講bye bye，不帶走一片雲彩，咁樣你話唔係好浪漫咩？當然你唔能夠排除當中有幾分係虛情假意。但每次扑完嘢佢攬住你話唔捨得你，你 ...

頭位Support😊

粉紅寶寶

最好一齊沉😛，第二

stellaluna

引用:

原帖由 粉紅寶寶 於 2022-6-13 18:04 發表
最好一齊沉😛，第二

似乎寶寶C姐一齊沉緊中😆
我覺得沉船係享受同難受中不斷徘徊

[ 本帖最後由 stellaluna 於 2022-6-13 18:21 編輯 ]

guthrie

引用:

原帖由 粉紅寶寶 於 2022-6-13 08:04 PM 發表
最好一齊沉😛，第二

阿寶真係好，有福同享。梗係要拉埋佢落水。

guthrie

引用:

原帖由 stellaluna 於 2022-6-13 08:18 PM 發表
似乎寶寶C姐一齊沉緊中😆
我覺得沉船係享受同難受中不斷徘徊

stella姐叻叻，一句話總結咗咩係沉船。

咁熟，莫非沉過鑊甘？定沉緊？

蛇貴妃

咁我唯有承認自己唔及你浪漫囉 沉船始終對我o黎講都係一件好可怕o既事 單方面o既沉船本質上同你愛上一個唔愛你o既人冇咩分別 (我好膚淺o架, 愛就係想要擁有! )
就算係一齊沉, 咁即係代表果種愛係由做愛做出o黎, 都唔係最完美o既愛情
咁講係有d 矛盾, 事關我自己的確係愛上過一個由做愛開始o既男人, 當時o既我係曾經有過念頭覺得冇所謂唔介意,
淨係想擁有佢/ 或者俾佢擁有, 但如果真係同o左佢一齊, 呢段關係跟果d 正常情況下暗戀之後表白之後一齊之後先上床o既關係總有d 分別
唔明o既話再舉個例: 我咳緊, 咳到抖唔到氣, 會食咳藥水止咳希望可以舒服番少少
靠咳藥水壓住果種唔咳o既狀態同你冇病冇痛果陣我估你自己都feel 得出係有分別
你我都希望自己係冇病o既, 但真係患上o左感冒果陣, 有藥o係面前你我都會去食
然而我估你我都唔會希望自己感冒, 亦唔會話自己真心喜歡飲咳藥水

影響, 都算係正面o既
話晒都係佢調教出我呢種享受服從o既心態, 同埋男人大丈夫一諾千金o既豪氣

stellaluna

引用:

原帖由 guthrie 於 2022-6-13 22:43 發表

stella姐叻叻，一句話總結咗咩係沉船。

咁熟，莫非沉過鑊甘？定沉緊？

你估下😜

stellaluna

引用:

原帖由 蛇貴妃 於 2022-6-14 08:12 發表
咁我唯有承認自己唔及你浪漫囉 沉船始終對我o黎講都係一件好可怕o既事 單方面o既沉船本質上同你愛上一個唔愛你o既人冇咩分別 (我好膚淺o架, 愛就係想要擁有! )
就算係一齊沉, 咁即係代表果種愛係由做愛做出o黎, ...

蛇C師形容得好貼切 👏🏻👏🏻👏🏻
係咪正面好睇個人性格取捨

又或者總有人會令你難以忘懷？無論你身邊有個她/他，個個人都佔咗你少部份

究竟對方嘅離去令你無咗個習慣、陪伴、佔有慾定真係鍾意咗佢？

沉船應該係不自覺地鍾意咗對方而你想段關係同之前有所改變

[ 本帖最後由 stellaluna 於 2022-6-14 08:50 編輯 ]

guthrie

引用:

原帖由 蛇貴妃 於 2022-6-14 10:12 AM 發表
咁我唯有承認自己唔及你浪漫囉 沉船始終對我o黎講都係一件好可怕o既事 單方面o既沉船本質上同你愛上一個唔愛你o既人冇咩分別 (我好膚淺o架, 愛就係想要擁有! )
就算係一齊沉, 咁即係代表果種愛係由做愛做出o黎, ...

有啲人話，先性後愛唔work。對有啲人嚟講或者係咁。但我自己嘅經驗係，先性後愛唔止work，有時直情係work到黐線，work到令人沉鬼埋。

點解由做愛做出嚟嘅愛，就唔可以係完美嘅愛情先？

兩人之間，只有肉體同相處嘅感覺，完全冇考慮周邊嘅世俗嘢（聰明嘅娘娘，你知我講咩嘅）。你唔覺得咁樣先係最原始（接近動物本能）、最真，亦最純粹嘅愛情咩？未必完美，但真實。或者你會笑我天真。