又係星期一更新時間~
那些年,星星同學會 第157話
6月同阿星行出百貨公司嘅時候,仍然係攬實阿星嘅手,用佢嘅一雙稍稍向下指嚟到威脅阿星嘅左手同心臟。唔同咗嘅,係佢已經著住條綠色碎花長裙,將所有頭先除咗嘅衣物全部都入晒袋;即係話,依家6月條綠色碎花長裙嘅入面,係乜都冇著。冇錯,胸圍冇著,三角褲冇著,完全真空。6月叫阿星幫佢接好啲胸圍三角褲,用佢件tee同埋牛仔褲包住,攬住阿星隻手就同阿星去收銀處度俾錢。然後店員就俾咗個膠袋過佢,等阿星幫佢袋起啲衫。全程6月顯得斯文大方,自然流露,舉止得體,邊個會諗到綠色碎花長裙嘅裡面係咁赤裸裸,好似一個BB咁,任由兩團32C自由奔放呢?
阿星一路行一路諗,如果6月最後唔係決定買呢條碎花長裙而係買果條牛仔超短裙嘅話,佢會唔會冷親呢?阿星諗緊嘢嘅時候,應該係用一個諗樣去表達,而呢個表達方式,應該係好簡淺易明,任何人一望到阿星,都知道阿星個諗樣喺度諗緊嘢。6月攬住阿星隻左手,喺出咗百貨公司大門之後就拉住阿星企埋一邊問阿星究竟做咩成個諗樣。阿星將頭先喺個腦度諗,諗到落小星星度,令小星星都忍唔住表達咗佢都有諗埋一份嘅狀態嘅整件事講俾佢聽。
6月冇諗過阿星咁老實,連諗到咩都講埋俾佢知。佢望咗阿星一陣,然後話:「你淨係想知,唔想睇清楚,摸清楚,聞清楚咩?」
6月攬住阿星嘅手呢個時候緊一緊,用綠色碎花裙嚟到夾阿星,嚴格嚟講,條長裙係夾唔到阿星嘅,裙入面嘅物體先至係殺傷力強勁嘅所在。6月收緊攬住阿星嘅手臂,望住阿星:「你真係唔想睇?」
查實小星星都經已表晒態,表現極之想睇嘅一面。唔止想睇,仲想去探險咁呼之欲出。之但係頭先阿星都講咗話擔心6月佢會冷親,就算6月點樣對阿星施壓,阿星都會㩒住小星星,唔會俾佢亂嚟,令到阿6月冷親嘅。
待續😬