markluk123abc

師兄，繼續寫啦。感謝。

star_platina

師兄客氣，阿星感謝😬

star_platina

那些年，星星同學會 第169話

阿星因為架地鐵chok一chok，要扶住6月嚟穩定自己，由纖腰扶到上背脊度，然後因為阿星扶穩咗嘅時候發生咗6月嘅背後唔見咗啲嘢。阿星越摸越驚，點解會唔見咗㗎？唔通今日係冇嘅？喺阿星不停咁左掃右掃上掃下掃，掃極都掃唔到原本有嘅嘢嘅時候，6月終於受唔住阿星驚慌失措嘅行為而開聲。

「我頭先除咗……………」講完將個頭繼續藏喺阿星心口。

除咗？除咗咩？

「呢度呀！」6月一路講，一路返手捉住阿啲嘅手喺佢背脊度掃。阿星俾6月揸住……………隻手係咁掃背脊，但就乜都掃唔到。

雖然家陣係4-5月時候，天氣仍然比較涼快，夜晚嘅温度大概都係13-4度左右。下午6點零鐘收工嘅時候，都係有啲凍，好多人都會著件外套以防攝親。

6月都唔例外，收工嘅時候都著咗件薄薄嘅毛冷外套，包住佢纖瘦但偉大嘅身體。遮住喺外套嘅裡面，阿星真係唔知道原來佢除咗。

「幾時嘅事？」阿星好奇，小星星聽完之後直頭想一探究竟。

「頭先囉…………」6月講得有啲炆，可能呢啲時候問會令佢唔高興。而且除咗出嚟真係會呼吸暢順啲咩？

阿星呢個問題逗留咗喺個腦入面冇幾耐，就已經浮現咗喺面上面。望住6月個尖尖嘅瓜子面一陣之後，6月就抬高頭合埋眼合埋咀，好似俾人點咗穴咁。

你咁樣，阿星真係唔知道點對你好喎，唔通你頭先太用力抆阿星埋嚟，依家又見暈咁大劑？

待續😬

star_platina

那些年，星星同學會 第170話

阿6月應該係有啲啲暈，架地鐵差唔多到站嘅時佢捉阿星件恤衫咁用力，家陣抬高頭合埋眼合埋咀見暈喇。你話係咪衰呢？明知自己用力過度會見頭暈，就唔好夾硬嚟啦嘛，搞到自己頭暈眼花咁，你話幾令人擔心呢？

阿星掃下掃下6月個背脊，見佢係咁合埋眼唔出聲，都估佢真係有啲暈地鐵浪。有過上一次嘅經驗，阿星知道人工呼吸係必需嘅，唔係嘅話6月分分鐘又會暈。呢啲咁緊急嘅情況，都真係唔顧得咁多喺咩場合，救人要緊，阿星都唯有一咀錫落去………………係一咀落去同佢做人工呼吸。為免阿6月好似上次喺屋企門口見暈咁樣，今次佢暈，會喺架地鐵入面，如果佢喺地鐵入面暈，佢屋企要行咁遠距離，阿星都唔知抬唔抬到佢返去。

喺阿星個咀一接觸到6月個咀嘅一刹那，6月即時伸出雙手嚟箍住阿星條頸。都話阿6月真係唔舒服，好彩阿星嘅人工呼吸及時趕到，唔係真係有機會釀成令人後悔莫及嘅事。就係咁，阿星不停斷斷續續咁為6月做人工呼吸，喺北線（Northern Line）嘅Goodge Street站一路吸下停下咁，為6月做人工呼吸直到Mornington Cresent站。當地鐵離開地鐵站嘅時候仍然有好多人，冇位俾阿6月坐。咁嘅情況，阿星當然要停止人工呼吸，等6月抖下啦，人工呼吸做得多唔好㗎，會出現成癮癥狀，一陣阿6月上咗癮，成日要阿星幫佢人工呼吸就唔好啦，係咪？

阿星同6月喺地鐡度人工呼吸，真係迫不得已，唔係見佢好似作嘔作悶就嚟暈咁，阿星真係唔會大庭廣眾咁樣做。去到Camden Town站，阿星同6月都要落車，喺同一個月台度等另一班開往High Barnet嘅地鐵，係呀，頭先班車係以Hendon Central作為終點站嘅，同阿星地去East Finchley係唔同方向嘅。阿星同6月落咗車，企返喺同一個月台度等下一班車嚟。呢個時候嘅6月，應該係因爲頭先暈火車浪仲未暈完，依家仍然要攬實阿星嚟到扶實。阿星望住6月，忍唔住喺度諗：你身體差成咁，真係要幫你睇下可以點樣搞搞佢喎。

待續😬

adiabaticlam

呢啲時候梗係送佢返屋企，請佢食啲高蛋白液體補補身。😂

star_platina

引用:

原帖由 adiabaticlam 於 8/11/2023 14:36 發表
呢啲時候梗係送佢返屋企，請佢食啲高蛋白液體補補身。😂

人工呼吸都搞佢唔掂😬

markluk123abc

點會攪唔掂呀

引用:

原帖由 star_platina 於 2023-11-8 16:59 發表


人工呼吸都搞佢唔掂😬

star_platina

引用:

原帖由 markluk123abc 於 20/11/2023 00:07 發表
點會攪唔掂呀

師兄睇落去就明😬

star_platina

那些年，星星同學會 第171話

送阿6月返屋企比阿星所想像仲要困難，阿6月就算係扶住阿星隻手，佢嘅體重責住阿星嚟到行返屋企，阿星絕對覺得佢係用盡全身嘅力氣贅晒落阿星樹，即係話6月嘅身體狀況比起阿星擔心嘅仲要差。阿星明白6月因爲身體唔舒服，呼吸比較困難，所以要除咗個胸圍嚟令自己呼吸暢順啲。之但係阿6月係咁用力攬住阿星嘅手，用佢嘅體重同埋佢豐滿嘅身材嚟到依靠住阿星，真係令到阿星有啲唔自在。大家明白，就算個女仔係幾咁輕磅都好，仍然係有一定嘅重量，阿星本身體能唔係咁好，都真係體力消耗得幾快。

送到阿6月返去佢個阿拍文，阿星又係氣喘如牛，扶住6月兩個喺門口度都唔知係阿星幫緊6月人工呼吸，定係阿6月反轉嚟幫阿星補氣；阿星剩係記得，阿星同阿6月大家扶住大家好耐，耐到阿6月隔離個單位果位女士“ahem”然後“excuse me” 阿星地，阿星同6月先再冇扶住大家，俾果位女士入屋。你話啦，平時都叫阿星你操下個身體，等體能好啲唔好咁容易喘氣，仲要喘到要阿6月調返轉嚟到幫阿星，真係令到阿星非常之咁唔好意思。

喺果位女士入咗屋之後，阿星都真係要走喇。阿6月身體唔好，阿星又身體唔多好，見到6月身體唔好仲要不自量力去幫阿6月做人工呼吸，都真係幾搞笑：自己都未顧得掂，又話去照顧人地，你話係咪死晒大火呢？阿6月捉住阿星件tee嘅衫袖，作出挽留：「你唔夠氣，入嚟坐陣，抖順條氣先走啦？」

阿星應該露出咗……………係表露咗一個唔多堅持嘅樣，令到阿6月有咁嘅一番說話。

咁阿星好唔好入去佢裡面抖下氣呢？

待續😬

adiabaticlam

既然都去到門口，梗係要入去巡一巡放低啲蛋白質畀人補補身啦。