放多一段先～
那些年，星星同學會 第2話
記得Sharon曾經話都阿星唔專心讀書嘅，老實講，佢坐隔離跟本冇辦法專心。阿星成日都想摸下佢，不過對一個16歲又未經人事嘅阿星嚟講，好難做得出。偷睇老豆啲AV就睇得多，實戰就未試過，諗起以前中三啲同學有女朋友，又摸又錫，錫完摸完返嚟唱，真係令阿星妒忌又羨慕。
話咁快又落堂，又要走房，原來Sharon又係同阿星一科，不過今次佢冇同阿星坐，佢同其他女仔friend一齊坐，由得阿星自己一個坐最前，咩人都望唔到，等多一陣，見到隔兩行最前排坐咗個金絲貓喎！咀大咗啲，直頭可以叫ear to ear，但個樣就正到呢，似阿星細個睇果啲閣樓寫真集入面果啲金絲貓，身材就唔知嘞，又係冷衫外套咁。
往後嘅日子，阿星成日楝住隻右手托住個死人頭向左面睇住佢。起初佢望下阿星，阿星望到佢望住，又死命咁望實佢，佢即刻唔敢望阿星，避開阿星熾熱嘅眼神。久而久之，佢慢慢習慣咗阿星鹹濕嘅目光（之後啲女仔係咁話阿星，話阿星對眼好鹹濕）會不時互相對望，望到先生叫嚟鬧為止。呢個女仔叫Helen。
第三堂係上英國文學，阿星真係識鬼咩，老師叫咗個四眼妹陪阿星讀，佢短短頭髮，對眼瞇得好細，細到有時幾乎以為佢訓咗覺。Emma係個高高瘦瘦嘅女仔，不過睇落似係高瘦平。冇香水，冇美豔，清清地，純如白水。但有一份温柔，一份嫵媚。
待續😬
[
本帖最後由 star_platina 於 2023-5-9 13:13 編輯 ]
