星期一，更新下先～～～
那些年，星星同學會 第77話
醒下瞓下，唔經唔覺已經12點，阿星張開眼，見到Grace仍然攬住阿星好舒服咁瞓。阿星摸下佢頭髮，Grace慢慢伸咗個懶腰，矇住眼望住阿星話：「幾點呀？」
「都12點幾啦，佢哋應該落哂樓下，洗個面落去打個招呼？」
Grace突然間覺得唔好意思，開始有啲面紅。然後細細聲話：「會唔會唔好意思嫁？」咦？尋日朝仲大方話要落樓去見阿星啲屋企人，今日無端端做咩咁怕醜話怕唔好意思呢？阿星望住Grace，可能佢真係有啲唔好意思，震咗一下，然後話：「依～～～～做咩望住人喎～～～」
被竇入面嘅阿星同Grace兩個都有著衫，不過頭先差啲除咗，依家就瞓到啲衫走哂位。阿星掀開張被，依稀見到Grace件睡裙攝到好上，見到佢一雙大脾同埋一條粉紅色嘅三角褲，仲見到有啲啲肚臍添。Grace冇預料阿星會掀開張被嚟睇，即刻捉實阿星，用力壓住，實行唔俾睇，一路叫：「衰人！偷睇！」吓，今朝都差唔多睇到啦，依家你先嚟驚？
可能Grace冇發現，佢啱啱咁用力攬住阿星壓實啲唔想俾阿星睇嘅嘢，其實同一時間又將佢哋好用心咁令阿星好好感覺佢哋嘅存在。你話啦，究竟係俾感受唔俾睇，定係又要睇又要摸好呢？
待續😬
