Chloe係一個好乖嘅女仔,亦係一個好靚嘅女仔。有幾靚,就係咁嘅樣囉~
那些年,星星同學會 第118話
阿星好誠懇咁同Chloe講:「你係Adam嘅朋友,即係阿星嘅朋友,冇其他意思㗎。」
Chloe話:「我就係知你好心,寧願自己蝕底都幫人,Adam成日話冇錢,我都寄俾佢,後來佢話我知有個朋友幫佢,叫我唔使寄,最近先知道原來係你。」
朋友嘅嘢,在心中啦。係諗唔到個死仔同女人攞錢使啫。
「你好好人㗎,唔好唔開心啦,我陪你吖。」Chloe好直接咁講。
阿星望住佢,呢個時候先望清楚Chloe 係咩樣。Chloe嘅樣貌有啲似新聞主播梁海寧,頭髮長度啱啱到膊頭,咀角微微上翹,好似笑咪咪咁,雙眼比較多愁善感,骨架橫,應該都有168高,身材估計應該都有35C。點解阿星話應該有呢?家下佢捱埋嚟阿星樹,阿星好難唔知個半球有幾多。
阿星望住Chloe,Chloe又望住阿星,呢一刻,世界好似停頓咗。邊個喺度玩緊,鬼太郎有冇走埋嚟拖Chloe,Joyce有冇打電話嚟,呢一刻,好似都唔太感覺到。阿星感覺到嘅,係Chloe捱住阿星肋骨嘅半球,同埋佢深邃嘅眼神。其實Chloe對眼好靚,硬係唔知點解咁鬼多愁善感,令人望住咗之後就移唔開對眼。
「我唔係要你即刻答我,你考慮下吖,仲有兩個星期你先返英國。」
呢兩個星期,Chloe 差唔多日日陪住阿星,除咗星期六日佢會一早就嚟揾阿星之外,閒日佢一收工都即刻嚟,幾多點都好幾攰都好,Chloe都一定會嚟見阿星一面。
兩個星期14日,日日同Chloe 見面,你話會有咩事發生呢?
待續😬