star_platina

引用:

原帖由 licklickson 於 8/6/2023 12:14 發表
後生仔點會冇呀！😬

都會用完㗎嘛😬

licklickson

引用:

原帖由 star_platina 於 2023-6-8 12:19 發表


都會用完㗎嘛😬

後生好快補充番！😬

star_platina

引用:

原帖由 licklickson 於 8/6/2023 12:26 發表
後生好快補充番！😬

要食補品😬

licklickson

引用:

原帖由 star_platina 於 2023-6-8 12:32 發表


要食補品😬

咁後生都要！😬

star_platina

引用:

原帖由 licklickson 於 8/6/2023 12:37 發表
咁後生都要！😬

當你個女朋友仔係一個性感尤物，而你嘅一雙手離唔開佢嘅時候，補下，可以玩多幾下😬

licklickson

引用:

原帖由 star_platina 於 2023-6-8 12:59 發表


當你個女朋友仔係一個性感尤物，而你嘅一雙手離唔開佢嘅時候，補下，可以玩多幾下😬

好有經驗喎！😬

star_platina

那些年，星星同學會 第123話

攬住Chloe，望住佢，好難會忍得住。雖則話佢係Adam嘅ex，但係依家佢咁樣攬住阿星，又，阿星都係攬住佢。35C嘅壓力都唔係人咁品，令到阿星真係有啲忍唔住。Chloe抬起頭望住阿星，慢慢合上雙眼，嘩，你叫阿星點好？

彩虹邨嘅球場日頭五顔六色非常繽紛，依家踏入夜深，雖然冇咗日光，喺街燈嘅照耀下，仍然燈火通明。攬住Chloe，如果真係要錫落去，會唔會俾啲行過嘅彩虹邨邨民睇到呢？又，如果有識Chloe嘅人見到，會唔會問Chloe阿星係邊個呢？

一個決定，好多時會令到整件事情向住一個你冇預料嘅方向發展。如果阿星錫落去Chloe個咀仔度，咁就即係話咗俾Chloe知，阿星都中意佢，而且以阿星嘅認真程度，只要錫咗，一定會有下文。之但係查實阿星同Chloe之前幾個月有書信來往啫，都只係兩三封信，長途電話都冇傾過。今次返嚟香港，先正式見到Chloe咁耐，仲要係密集式咁日日見。阿星喺度諗，飛咗返英國之後就唔會咁容易再見到佢，佢亦未必會嚟英國同阿星一齊，咁咪徒添苦惱？

喺阿星再一次諗到成個諗樣咁嘅時候，Chloe再次開聲：「其實我係咪好唔知醜？你都未表示，我就已經好似送上門咁…………」千祈唔好咁講，以你外貌同人品，絕對係上上之選，查實再講落去，係阿星配唔上你就真。

Chloe聽完阿星嘅說話，慢慢鬆開攬住阿星條腰嘅雙手，退後咗幾步，將雙手放喺背後，然後話：「你係一個好人，連傷害我嘅說話都唔會講，就算你對我冇感覺，你都唔忍心拒絕我。但係你知唔知，其實咁樣好殘忍？」

乜原來對人仁慈，有時就係殘忍？突然間阿星望住Chloe，覺得好愧疚，亦都覺得好憐惜。

待續😬

licklickson

引用:

原帖由 star_platina 於 2023-6-8 13:25 發表
那些年，星星同學會 第123話

攬住Chloe，望住佢，好難會忍得住。雖則話佢係Adam嘅ex，但係依家佢咁樣攬住阿星，又，阿星都係攬住佢。35C嘅壓力都唔係人咁品，令到阿星真係有啲忍唔住。Chloe抬起頭望住阿星，慢慢合上雙眼，嘩，你叫阿星 ...

咁咪係，咁唔比面！😬

star_platina

引用:

原帖由 licklickson 於 8/6/2023 13:28 發表
咁咪係，咁唔比面！😬

所以最後嘅結局係咁😬

star_platina

Chloe一個咁好嘅女仔，就咁喺阿星嘅人生度擦過，好似閃咭咁，一閃而逝～


那些年，星星同學會 第124話

果兩個星期阿星真係有諗，異地相思喎，阿星頂唔頂到？Joyce仍然冇消息，Grace反而喺英國打過兩次俾阿星，阿星都冇心機覆佢。就咁，三個星期嘅香港假期就完咗，阿要返去上工喇。阿星媽好好奇點解咁多女仔打俾阿星（查實兩個啫，阿星冇咁風流），阿星都係話啲普通朋友囉應酬咗就算。

啓德機場阿星走啦，下次返嚟唔知你會變成點。臨走Chloe同鬼太郎都有嚟送阿星機。

Chloe抬頭望住阿星：「你會繼續寫信俾我嫁呵？」

「會，保持聯絡啦。」

阿星攬咗佢一下，喺佢額頭輕輕錫咗一啖。佢即刻喊咗出嚟，阿星掃掃佢背再攬咗佢一下就入咗閘。

登機室入面，阿星又諗咗好多嘢，究竟阿星咁樣對Chloe，係咪最好嘅結局？

返到英國冇幾耐就開工，新公司係大集團，喺英國開分部，想向歐洲進發。公司大，自然人多，就算阿星係助理，都有個助理嘅助理嚟幫阿星。阿星個助理係大學生，學歷比阿星高，又係女仔，查實阿星都唔知點帶人做嘢，仲要帶女仔添？

個女仔叫Maria，佢係英國土生中國人，細細粒，好瘦好瘦。返工就多少都有啲閒偈傾，佢成日同阿星講好悶，咁咪問佢點解囉，佢話除咗返呢份工，夜晚就返去屋企外賣店幫手，都冇人約。冇人約又關阿星事？唔使解釋阿星聽喎。

阿星捱咗義氣，約佢出咗去幾次，不過真係唔好諗住阿星會有任何舉動。同Maria出咗兩次街，令到阿星覺得，都係唔好有第三次。點解呢？咁悶蛋嘅女仔，樣樣嘢準時準侯，幾點要去到邊，幾點要返屋企，搭地鐵要拖住佢，樣樣都要跟佢指示做，真係覺得規律到爆。

阿星成日串佢，後尾佢都話阿星把口衰，話唔知點帶阿星同佢父母食飯咁話。唏，出下街拖下手又話要見家長，咁阿星咪成日都好唔得閒？

就係咁，Maria喺公司嘅時間唔長，未過試用期就走咗。

待續😬