那些年，星星同學會 第126話
Annie望下阿星，又開始佢果啲似是而非嘅傻理論：「我呀，細個游水游得多，膊就橫，腿又粗，你睇你睇，胸都差唔多冇哂呀。」跟住用雙手托胸夾硬推谷。
「喂喂，你咁推唔痛咩？」阿星有啲驚佢推推下唔知推啲咩出嚟。
「有都推唔到啦，都唔痛嘅。」
係真唔係呀？
阿星約咗啲機友去食飯直落，都唔得閒理佢，就同佢講：「阿星走啦，約咗人。」
「去邊？」
「打機食飯直落。」
「我又去！」
「去咩吖，阿星啲朋友你又唔識。」
佢呢啲時候好醒個喎，即刻打俾Andy問今晚係咪約咗阿星食飯…………
最後迫住要同佢一齊去。
機友呢，乜人都有，唔係深交嘅朋友，食飯吹水當然冇問題。但你唔知邊個背後插你一刀。
果晚嘅事阿星永遠都記得，六男一女，Andy都在場。食完飯，打飽機，有人提議飲酒，阿星舉腳贊成，因為Joyce同Grace嘅事阿星仍然好唔開心，都冇發洩過。
叫咗Annie返屋企，因為飲酒得一個女仔好危險，佢又唔識果幾條友。點知個下午一點鐘話：「我識你同Andy咪得囉，冇事嘅。」喺唐人街飲酒，最夜飲到三點，好似唔多夠，Andy就話不如去佢屋企，安全啲。大家都認為係好提議，就去托啤酒同威士忌。
阿星第一個自己隊冧自己，費事諗咁多，之後發生咗咩事，大家自己諗。總之阿星瞓咗上房，瞓瞓下有人伏咗喺阿星身上喊。係Joyce！阿星攬實佢，係咁錫，佢又熱烈咁錫返阿星，喺呢啲咁嘅情況下，大家都估到會發生啲咩事。好濕，好好反應，肌肉好結實。咦，個胸咁細嘅？天光，阿星個頭痛到曉飛，轉頭望下瞓喺身邊嘅Joyce，點解係佢嚟嘅？頂！
待續😬
