星期六，孤孤獨獨，阿星趁食飯前更新下先～
那些年，星星同學會 第127話
佢攬住阿星仲未醒，阿星推推佢叫醒佢話：「今次大件事啦！」
你估佢點答？佢話：「尋晚發生好大件事呀！」
「阿星知呀，你着返衫先，阿星要同你傾下。」阿星同佢兩個，到呢一刻為止都係冇著衫嘅，而佢小小嘅一雙，仍然緊緊貼住阿星。呢個人，係Annie 。
「唔好啦，攬多一陣啦，我仲好驚。」
會唔會係阿星仲驚啲呢？點解會同佢上咗床㗎？阿星即刻落床着衫，佢坐咗起身，用張被包住，講咗一番阿星聽完差啲企唔穩嘅說話：「尋晚我差啲俾人强姦呀。」
差啲？入咗啦下麻？唔通入咗就唔算强姦，阿星要去律師樓問下先得！
「喂，唔好亂講呀，阿星冇夾硬嚟喎！」
「唔係你呀，樓下班人呀。」Annie抱住張被繼續講：「尋晚佢地幾個係咁灌我，跟住就週身巢我，好彩Andy喺度，推咗我入嚟叫我反鎖門咋。」
「 吓，唔係啩？」
「我見你瞓咗咪伏喺度喊囉。」
「咁都唔使同我做埋大龍鳳啩？」阿星其實依稀記得少少，例如星塵暴爆發咗幾多，大概都知啲嘅。
「我都想要麻，又見你咁，咪同你咩囉。」
唉，酒能亂性，以後真係唔好。呢次之後，阿星飲酒再冇飲醉，淺嘗即止。
「你唔好同任何人講呀，我仲要見人嫁。」
呢句應該係阿星講嘅對白囉，好唔好？
待續😬
