star_platina

引用:

原帖由 licklickson 於 10/6/2023 13:52 發表
之前冇試真吖嘛！😬

查實從來冇諗過要同佢，真係要揾女仔好容易，落下night club 果啲點都識到個返屋企。阿星係一個奄尖嘅人，當時覺得佢唔多醒目，真係唔想同啲溝通唔到嘅人太多交流😬

star_platina

阿星同Annie嘅糊塗事就咁完咗，跟住落嚟係乜水？


那些年，星星同學會 第128話

以後阿星再冇同Annie發生任何事，冇幾耐佢辭咗職返咗香港。阿星以後再冇見過佢。

廿一廿二，醉過痛過傻過。

七八月，大哥嘅表妹喺香港嚟玩。點解咁叫？因為佢係阿星大媽果邊嘅親戚，正確嚟講，同阿星冇血緣關係。Caroline表妹係同行，係阿星地香港公司嘅同事。今次嚟英國係放假同探佢姑媽，順便嚟學下英國嘅辦事方式。阿星諗佢應該有五呎啩？幾好肉地，面圓圓，咀角有粒銷魂癦，笑瞇瞇咁。佢被安排同阿星一間屋，當時阿星老竇同細媽地返哂香港，間屋得返阿星同佢兩個。

有冇講俾大家知，阿星嘅屋企人住左右兩間屋？阿哥同大媽住一間屋，阿星同老豆細媽住隔離屋。依家老豆同細媽返咗香港，得阿星同阿蓮表妹兩個人孤男寡女共處一屋喇。

阿蓮表妹好中意同阿星講嘢，好多話題嘅，好多圍繞工作嘅嘢阿星同佢都好有共鳴。佢細阿星一年，大家年紀又差唔多，所以特別多嘢講。收工阿星有帶佢四圍走㗎，仲帶佢睇音樂劇添，les miserable（孤星淚）同Miss Saigon（西貢小姐）都睇咗。佢仲笑阿星睇孤星淚喊都唔識停好搞笑，喂，人地多愁善感咋嘛。

待續😬

star_platina

那些年，星星同學會 第129話

蓮表妹有度好，乜都傾得。睇完孤星淚俾佢笑咗成晚話阿星眼淺喎，真係有啲唔忿氣，阿星就問佢夠唔夠胆聽鬼故？

「嚟囉，怕你咩？」阿蓮表妹，你係咪死頂㗎？

阿星睇得出佢其實驚驚地，之但係阿星都同佢講咗一個親身經歷，收工搭夜班巴士撞鬼嘅故事，仲同佢行果條路行返屋企。果晚半夜，阿蓮表妹走嚟敲阿星房門，問阿星瞓咗未，阿星打開門問佢咩事，佢紅都面哂話怕黑，叫阿星唔好關門，唔好關走廊燈。

哈！你都有今日喇，笑阿星？最後阿星冇關門瞓，不過瞓得唔好，因為佢半夜走過嚟，喊住咁話好驚。又係嘅，果次親身經歷阿星自己都嚇到病咗成個禮拜，佢一個女仔又點受得？

阿星同佢講：「你快啲返去瞓啦，阿星喺度。」

「唔得呀，我要知道有人！」

「隔離房咋小姐，你鼻鼾大聲啲阿星都聽到啦！」

「就係怕聽到聲！」

咁你想點？又打開門又唔關燈你都唔夠，開埋電視俾你好冇？

「你房有冇位？」

阿星房？雙人房嚟喎，張床好大，好舒服㗎。

「都有嘅，你想入嚟訓？」蓮表妹遲遲疑疑咁點點頭。

「你攞埋張被入嚟啦。」

「………………」

「又咩事呢？」

「可唔可以用你張被？」

既然係咁，嚟啦，你上床，阿星任你魚肉。

蓮表妹上床冚好被，阿星正準備熄燈，佢又猶豫，好，又睇下你想點。

「都係冇嘢啦，你熄燈啦。同埋關門啦。」吓，頭先又開門又開燈，依家又關門又熄燈，玩咩！

上咗床，諗住瞓，點知阿蓮表妹又開聲：「我瞓唔着呀。」呢啲咁嘅時候，阿星唯有氹下佢，等佢安心，唔係聽日唔使旨意起到身返工。

阿星一手捉住佢隻手，話：「你捉住阿星隻手，知道有人喺度，合埋眼快啲瞓啦，聽朝要早起身。」

第二朝起身阿星一開眼，就見到啲唔對路嘅嘢。因乜解究阿星同阿蓮表妹兩個會攬住瞓嘅呢？阿星冇問，蓮表妹冇解釋………………其實係咪應該阿蓮表妹問阿星點解攬住佢瞓，而阿星就要解釋嘅呢？

七點半，阿哥隔離屋準備出門，阿星同阿蓮表妹都一齊出發。今晚阿星應承帶佢去Covent Garden睇下，跟住同佢返唐人街食晚飯，食完就返去。收工都七點，蓮表妹行完街五點鬆啲就返到公司等阿星收工。兩個傻瓜行去睇下倫敦市中心嘅特色。高雲花園阿星行唔少次，邊檔賣咩都差唔多記得。如果大家有睇過衝上雲霄2呢，吳震宇同個睇書嘅男人喺度坐低飲嘢傾計嘅地方，就係高雲花園嘅地庫啦。

當時未有呢檔飲咖啡嘅coffee shop，但塲地冇變過。

待續😬

licklickson

引用:

原帖由 star_platina 於 2023-6-13 19:00 發表
那些年，星星同學會 第129話

蓮表妹有度好，乜都傾得。睇完孤星淚俾佢笑咗成晚話阿星眼淺喎，真係有啲唔忿氣，阿星就問佢夠唔夠胆聽鬼故？

「嚟囉，怕你咩？」阿蓮表妹，你係咪死頂㗎？

阿星睇得出佢其實驚驚地，之但係阿星都同佢講咗 ...

今晚又一齊瞓？😬

star_platina

引用:

原帖由 licklickson 於 13/6/2023 20:26 發表
今晚又一齊瞓？😬

你想呢？😬

licklickson

引用:

原帖由 star_platina 於 2023-6-14 07:55 發表


你想呢？😬

梗係想！😬

star_platina

想下先～


那些年，星星同學會 第130話

同阿蓮表妹食完飯，佢仲有啲意猶未盡，阿星決定同佢行去Big Ben。最近話要搶修封閉啫，當時冇嘛。影咗幾張相，見佢有啲攰，就同佢返屋企洗白白。地鐵車廂當時仍然殘舊，一陣陣尿味夾雜有人食kebab（香港好似叫卡巴）嘅蒜頭味，聞到都想嘔。落咗車，唔想等巴士，咪行返去囉。一路行一路吹水好不過癮，就咁樣，又完咗一日。

基本上阿星每日都陪阿蓮表妹四圍去，星期六日都俾埋佢。星期六，阿星同佢買咗飛睇西貢小姐，七點鐘先睇，日頭同阿哥家姐大媽地去飲茶行街，夜晚就阿星陪阿蓮表妹兩個去睇音劇。睇完劇，同佢一路討論故事一路行去地鐵站，阿蓮表妹又笑阿星睇到流下男兒淚，搞到阿星一路恐嚇佢話講多個鬼故佢聽。蓮表妹一路舉起右手，用隻食指喺度搖，似乎唔信阿星會講鬼故，然後又用手指尾笑阿星眼淺。阿星都真係幾唔忿氣，就用手指尾勾住佢手指尾，想用中指嚟個彈指神通，懲罰下呢個咁冇大冇細，取笑星表哥嘅女仔。阿蓮表妹一拖就勾實阿星手指尾，拖住阿星喺地鐵月台度行，一路由車頭行到去車尾，然後捱喺牆身，輕輕咁用勾住阿星手指尾嘅手拖阿星埋去。

行到咁埋，都真係唔係幾方便，阿蓮表妹比較嬌小，雖然話阿星目測佢嘅身材比Grace要勁少少，不過蓮表妹就矮過Grace，更加矮過阿星好多，依家嘅位置靠到咁埋，阿星嘅心口都仍然高過佢。

大家應該都知道，高雲花園嘅地鐵站係Covent Garden站，月台車頭同車尾位置嘅牆身係弧形嘅，好似阿星咁高要捱埋去，就會變成一粒蝦米咁樣向前彎曲。阿蓮表妹捱埋牆身度，係唔需要彎腰嘅，因為佢嘅身高都唔足以令佢去到牆身開始向內彎曲嘅彎曲位，所以佢仍然係捱住牆身；而阿星，就因為要面向阿蓮表妹，要同幅向住阿星彎曲嘅牆身嚟彎曲，阿星同牆身形成咗一道拱門，足夠阿蓮表妹喺下面行過。

阿蓮表妹掩住咀喺度笑：「你睇你，成道拱門咁啦，我同你調位，我企出面你企裡面好唔好？」

你講到咁，阿星都唯有話好啦。

待續😬

licklickson

引用:

原帖由 star_platina 於 2023-6-14 08:46 發表
想下先～


那些年，星星同學會 第130話

同阿蓮表妹食完飯，佢仲有啲意猶未盡，阿星決定同佢行去Big Ben。最近話要搶修封閉啫，當時冇嘛。影咗幾張相，見佢有啲攰，就同佢返屋企洗白白。地鐵車廂當時仍然殘舊，一陣陣尿味夾雜有人食 ...

仲大波過Grace?咁正？😬

star_platina

引用:

原帖由 licklickson 於 14/6/2023 09:18 發表
仲大波過Grace?咁正？😬

大過啦，搖晃得劇烈😬

licklickson

引用:

原帖由 star_platina 於 2023-6-14 09:47 發表


大過啦，搖晃得劇烈😬

乜嘢size?😬