父親節，搞完啲父親嘢，呢邊都慶祝下父親節，一連兩話星星同學會～

那些年，星星同學會第132話

月台有啲微風，微風慢慢越嚟越大風。呢個，係有地鐵嚟緊，將隧道入面嘅空氣迫出嚟嘅現像，亦都係阿星避過阿蓮表妹嘅壓迫嘅好時機。阿星趁佢未打開雙眼，輕輕扶住佢兩邊膊頭，將佢推起，然後話：「車到啦！」

都～～～話你哋唔好咁，人地表妹嚟㗎嘛，話哂阿星都叫做哎吔表哥。啲咩表哥表妹好做事嘅嘢真係唔好制，一個唔好彩分手就多嘢煩。

出咗地鐵站，阿蓮表妹主動話不如都係唔好等巴士，行返去。阿星都贊成嘅，跟據過往經驗，行返去同等埋架巴士，分分鐘行返去仲快過等車。當中唔記得講過咩嘞，講講下講到阿蓮表妹自己。佢同阿星講，佢老豆同阿星大媽其實唔係親姊弟，即係舅父其實係養仔，所以同阿星大哥佢哋冇血緣關係，所以阿星更加冇血緣關係；然後又話阿星家姐笑佢個胸大，行路睇唔到地下。其實佢胸大阿星第一日就已經知啦，頭先仲感受到壓力添。話明好肉地，呢對34E就都可以叫做人間胸器。阿蓮表妹一路講一路用雙手托下對34E，然後望住阿星。喂喂，阿星知喇，唔好做埋啲咁嘢好冇。雖然條街冇人啫，都唔好做呢啲動作，係都返去屋企先啦。

待續😬

那些年，星星同學會第133話（父親節加載）

阿蓮表妹有時好主動，星期日阿星同佢去Camden Town睇啲嬉皮士同punk嘢，佢就全程拖住阿星隻手話啲人危險，查實邊個危險啲呢？條街逢星期日擺檔，咩穿耳穿鼻穿乳環穿臍環紋身皮褸皮褲二手衫褲寃崩爛臭樣樣都有，啲人就梗係打扮奇特啲啦。啲外國人嚟到係要睇呢啲喎，橋底擺賣係別有一番風味嘅。兩個人一路睇一路食焗薯，都幾開心㗎。四點幾啲人收檔，阿星地咪拖住手返屋企囉。

阿蓮表妹都係好女仔，兩個星期行程，佢多次同阿星暗示佢係女仔嚟。大家明就好喇，唔好篤穿佢，等阿星喺佢心目中留返個美麗嘅回憶。因為多種原因，阿星最後都冇同阿蓮表妹一齊，只係書信來往。其實最近阿星仍然知佢做緊乜，因為大家都有臉書嘛。大家都成熟咗，阿星結咗緍，佢最近都結咗婚。人妻，點都有一種吸引人嘅味道，無論係阿星嘅老婆，定係最近結婚嘅蓮表妹，都係咁好味。

廿二歲，學習成人生活，開始溶入社會。因為某啲原因，阿星辭咗份工，去咗愛爾蘭一段日子。一年嘅窮鄉僻壤生活，多對樹木，少對人，因為對住嘅都係鬼佬鬼婆鬼妹鬼仔。少咗對唐人，其實都唔差；起碼大家講嘢直接啲，少啲心機，少啲猜疑。各位，阿星喺呢個小鎮做咗阿星人生嘅一個第一次，至於係咩第一次，睇落去咪知囉。

待續😬

licklickson

論壇元老

Rank: 8 Rank: 8

licklickson

發短訊

加為好友

1646^# 大中小發表於 11 個月前只看該作者

引用:

原帖由 star_platina 於 2023-6-18 15:01 發表
父親節，搞完啲父親嘢，呢邊都慶祝下父親節，一連兩話星星同學會～

那些年，星星同學會第132話

月台有啲微風，微風慢慢越嚟越大風。呢個，係有地鐵嚟緊，將隧道入面嘅空氣迫出嚟嘅現像，亦都係阿星避過阿蓮表妹嘅壓迫嘅好時機。阿 ...

又有新女上埸？😬