star_platina

引用:

原帖由 licklickson 於 18/6/2023 20:53 發表
咁又係！

大家都係人生入面嘅插入，做好令對方開心就好😬

licklickson

引用:

原帖由 star_platina 於 2023-6-18 22:30 發表


大家都係人生入面嘅插入，做好令對方開心就好😬

有道理！😬

star_platina

引用:

原帖由 licklickson 於 18/6/2023 22:31 發表
有道理！😬

所以有人出出入入係好平常嘅事😬

star_platina

父親節翌日，更新下先～


那些年，星星同學會 第134話

健力士國呢，係一個幾平靜嘅地方，阿星唔係講北愛喎，南愛爾蘭呀。啲人好得意㗎，食飯嘅時候要飲大杯牛奶㗎。阿星喺呢度都住咗有一年嘅時間，呢度好多肥妹㗎，呀唔係，佢地喺中國人嘅眼入面叫做肥妹啫，其實都唔係㗎，係好肉地先啱。

呢度阿星住過兩個地方，喺第一個地方阿星遇到個老闆好中意阿星嘅，講到要介紹個女俾阿星咁話。老闆有三個女，大女17歲，二女16，最細嘅妹妹14歲。你唔會諗住介紹個細女俾阿星下嘛，阿老闆？佢三個女都鬼鬼地嘅？哦，原來事頭婆係英國人。阿星廿二歲，你想交間餐館俾阿星打理？咪玩啦老闆。終於有一日，老闆真係帶晒佢三個女嚟夾擊，吓，真係俾阿星揀？

大女二女都好高大，將來老三應該都差唔多。細女見到阿星就走埋嚟話：「爹哋成日講起你㗎！」吓，講阿星咩呢？食煙？佢都食喎。高？招客嘅賣點囉。做嘢勤力？阿星知吖。哦，原來話阿星好仔。大家知唔知，做親餐館嘅，好多人都賭錢，但係阿星係從來都唔賭嘅，收工挫大D阿星都唔玩。老實講，£1鎊一隻，你老闆大把，阿星得少少糧，輸咗日子點過？唔，又離題萬丈添。

阿星唔賭，個老闆賭到興起嘅時候曾經話阿星冇銀用，阿星笑笑，冇銀用咪冇銀用囉，起碼阿星唔會賭埋自己份糧俾你。打完工，輸埋啲錢俾返你，仲要同你借糧，阿星咪白做？傻嘅。

待續😬

licklickson

引用:

原帖由 star_platina 於 2023-6-19 09:37 發表
父親節翌日，更新下先～


那些年，星星同學會 第134話

健力士國呢，係一個幾平靜嘅地方，阿星唔係講北愛喎，南愛爾蘭呀。啲人好得意㗎，食飯嘅時候要飲大杯牛奶㗎。阿星喺呢度都住咗有一年嘅時間，呢度好多肥妹㗎，呀唔係，佢地喺中國 ...

而家唔駛輸返比佢，仲可以食佢啲女Tim!😬

star_platina

引用:

原帖由 licklickson 於 19/6/2023 10:29 發表
而家唔駛輸返比佢，仲可以食佢啲女Tim!😬

16歲以下打籐㗎喎😬

licklickson

引用:

原帖由 star_platina 於 2023-6-19 10:42 發表


16歲以下打籐㗎喎😬

又唔係新加坡！😬

star_platina

引用:

原帖由 licklickson 於 19/6/2023 10:51 發表
又唔係新加坡！😬

歐美國家或者唔打籐嘅，可能要除底褲彈小星星。已經冇乜幾多，再彈就會冇喎😬

star_platina

熱辣辣嘅夏日，嚟個快閃先得～


那些年，星星同學會 第135話

阿星諗老闆應該係咁諗阿星啩，起碼唔賭錢，唔會穿櫃借糧走佬果啲嘢，算叫做老實，話介紹個女阿星識都係睇阿星傻下傻下，應該唔會呃佢個女咁囉。

講返佢啲女，阿老三好中意同阿星傾偈，阿星一路做嘢佢一路問阿星嘢，傾傾下二家姐又走埋嚟傾，兩個細路係咁問長問短，不過有趣地，大家姐始終唔過嚟，係咁眼望望囉，或者不屑同阿星傾啩。冇所謂啦，阿星又冇諗住傾，反正大把嘢做。冇幾耐佢地三個跟咗老闆走咗。夜晚老闆返嚟，見到阿星第一句就問阿星點解唔同佢大女傾計，吓，阿星又唔識佢，又返緊工，點傾？俾你睇到蛇王星嘅真面目，阿星以後咪唔使撈？所以阿星答佢：「都冇介紹，唔係幾好意思嘅，咁冇禮貌咩。」

你估阿老闆點講？佢話：「挑，使介紹嘅咩？你都冇叉用嘅。」跟住笑住咁拍下阿星膊頭然後就行咗去。喂，禮貌嚟喎，人家識你係老鼠？唔傾咪由佢囉，阿星嚟打工啫，唔係嚟滾你個女。之後佢係咁帶個大女嚟坐，每次阿星都忙到仆街，唔得閒理佢。呢個老闆好搞笑，係咁俾個女喺阿星面前出現，又係咁唔介紹俾阿星識喎。好，你唔介紹阿星都唔會同佢傾計，睇下邊個出聲先？

最後阿老闆忍唔住，買兩張戲飛俾阿星，叫阿星放假果日請佢大女去睇戲。喂，唔好玩啦，你大老闆，又係乜乜會嘅大佬，阿星同你個女拍拖，一個依郁有咩風吹草動唔覺意你個乖女同你講阿星對佢唔好，你棟成隊刀手喺阿星屋企門口咁咪曉潛水都唔得掂？

https://imgur.com/a/Bo8NNAl

待續😬

[ 本帖最後由 star_platina 於 2023-6-21 09:29 編輯 ]

star_platina

更新下先～


那些年，星星同學會 第136話

睇戲其實冇咩好講，阿老闆晨咁早倒屎都未開工就嚟車埋阿星去接佢個女，係呀，佢係話阿星想約佢個寶貝女㗎，佢個寶貝女呢，又好cool咁見到阿星唔出聲，望都唔望。唔，眼神交流都冇，點溝呀？呀唔係，應該係溝通先啱。全程車，係得阿老闆一輪咀咁同阿星講，又叫阿星同佢個女好好傾下計，又叫阿星唔好多手又用啲好凌厲嘅眼神嚟到警告阿星。知喇老闆，對你個寶貝女好禮貌啲吖嘛，唔使教阿星都識做啦，想死咗都唔知咩樹麽？

去到戲院，阿老闆千吩咐萬吩咐叫阿星要有紳士風度，請佢個寶貝女食嘢，仲問阿星夠唔夠錢，咩呀，雖然阿星打機買game玩又食煙啫，都未至於使哂份糧，你想請埋阿星食飯直落咩？

終於，阿老闆開車走咗喇。阿大小姐竟然笑咗出嚟，跟住同阿星講：「我爹地吩咐你唔准多手？」喂？你識聽中文唔該早响吖，仲諗住同你講英文添。

「係呀，仲叫阿星對你好啲添，你爹地好嚴嘅咩？」

“Ya, but he loves us!”

乜乜會～都係人，乜乜會～都有家庭，都會擔心仔女；阿星作為一個員工，明白佢都好正常啫。

「不如咁啦，如果你唔想同阿星睇戲，不如呢度散啦。你唔好講俾你爹哋知就得。」

「邊個話我唔想同你睇戲？」

嘩，全程車你望都唔望，招呼都唔打，仲唔係唔想同阿星睇戲，你當阿星盲嘅定係傻嘅？

「我爹地有冇話你知我叫咩名？」大女眨眨眼。

「冇喎，佢淨係我個女我個女咁叫你咋喎。」阿星一路答一路點煙，係咁俾人問長問短，都真係搞到阿星有啲咁多唔自在。

待續😬