今日天朗氣清風和日麗，出多段至得。星星同學會第10話～
那些年，星星同學會 第10話
講返Helen，除咗上堂大家眼望望，都冇咩其他接觸。直到一次佢特登走嚟問阿星借擦膠，靜雞雞問阿星做乜成日望住佢，咁阿星唯有用啲唔咸唔淡嘅英文同佢講，因為你好靚，所以阿星中意望多啲你。佢笑住講你點知我靚，我有幾靚？阿星當堂因為英文水平有限，唔識答，張大個口得個窿。佢話你不如放學同我講下我點靚法，點解你成日望住我。阿星喺度諗，唔係啩，有冇咁筍？
原本約咗Sharon放學去佢屋企“做功課“，唯有同佢講阿星諗起屋企有啲事，唔去得佢度。Sharon話好啦，咁突然嘅？阿星都唔敢望住佢，只係不停話唔記得咗。各位，1989年一部大哥大電話動輒上萬港幣，喺英國一部大哥大嘅價錢就要千幾兩千鎊。一個16歲嘅細路係唔會買得起。講大話都講唔好，就係導致分手嘅原因。
放咗學，Helen帶咗阿星去學校後面個樹林。Helen背靠大樹，問阿星佢邊度靚。阿星望佢咁耐都只係望過佢個樣，剩識指住佢個面話佢靚，佢問：「咁其他地方呢？」阿星即刻擰哂頭，唔知點答佢。佢就話：「想唔想睇其他地方靚唔靚？」當時好猶豫，Sharon算係阿星女朋友，依家算唔算背叛佢？又，成日聽啲人講捉黃腳雞，Helen會唔會裝阿星嘅呢？Helen見阿星冇乜反應，扁扁嘴話：「你都唔係真係覺得我靚嘅。」
呢啲時候，入咗圈套嘅雄性發情動物只會咁樣答：「I do not tell lie.」佢笑咗出嚟，話阿星講錯咗，應該係”I don't lie.”佢拖住阿星隻手摸佢塊面，同阿星講好少見過中國人，又冇見過中國人咁高，知道Sharon係阿星嘅女朋友。死火，原來佢地都係friend底！跟住佢問阿星，邊個靚啲，佢定Sharon？阿星好自然咁就講Sharon。佢問點解，阿星就話已經睇哂佢全部，佢好靚。Helen有啲唔中意，打開咗恤衫兩粒鈕，捉住阿星隻手放咗入去。阿星俾佢嚇咗一跳，原來佢冇着胸圍！
待續😬
可能會有師兄問，Helen有幾靚呢？大概就係相中人咁上下，當然，十分相似嘅好難揾到，而且年代久遠，真係唔太記得，真係要講，Helen個咀大啲嘅，冇相中人Hermione Corfield 個咀咁細。
[
本帖最後由 star_platina 於 2023-5-9 17:57 編輯 ]
