那些年,星星同學會 第21話
三個月之後阿星冇再去上堂,走咗去打街霸II,當時1991年,街霸II啱啱出。阿星技術超好,因為阿星日日捕機舖!無事可做,喺機舖識咗班朋友,黑人,鬼仔,印度人,香港人。當中幾個香港人特別富有,啲錢多到請你打機。大家香港仔,梗係傾多句,當中一個叫Man嘅香港仔特別疊水,成日招呼啲機友去佢屋企玩。佢大阿星三3年,21歲,已經有老婆同仔。屋企有兩個妹,一個同阿星同年叫Joyce,一個細阿星兩年叫Grace。
Joyce套用依家嘅言語,係港女,頭髮長長。Grace短髮嘅,好爽朗,身材好好添!阿星見其他朋友同Grace郁手郁腳咁玩,佢又玩得好盡,諗佢應該都係食家。
冇返學嘅日子,阿星去咗做傳餐侍應生,打佢煲呔果啲呀,人又高大,成碌杉咁,都keep到班熟客,攞到唔少貼士㗎。返咗一段日子,覺得返工原來都幾辛苦,又打算去返學喇。今次想講講個日本娃娃叫Chikako(千花子),係阿星嘅同學嚟,斯斯文文,秀外慧中果隻呢。日本妹好好㗎,又斯文又嗲咁。
同班同學十幾人,兩個美國仔,一個東歐妹,三個日本妹,其他唔記得嚕。千花子坐喺阿星隔離,佢嘅另一邊坐咗個美國仔,美國仔成日對佢手多多,唔係掃背就捉實佢隻手,有次仲坐咗响千花子大脾上面,千花子唔知點樣好,推又推佢唔郁,講又唔識講。呢啲時候就梗係英星救美啦,咁靚嘅女仔唔救點得?直頭要同個美國仔搶過。阿星行埋去同條友講:「起身啦唔該。」
佢話:「點解?」
「亞洲人唔會咁玩㗎,你咁樣只會令人反感。」
佢望下阿星,慢慢起身行前,行到好埋,差唔多鼻對鼻,不過係佢抬起頭,阿星耷低頭。然後美國仔同阿星講:「你好多事喎。」
待續😬
[
本帖最後由 star_platina 於 2023-5-10 12:49 編輯 ]