licklickson

引用:

原帖由 star_platina 於 2023-1-13 19:21 發表


師兄好肚餓😬

美食/色當前，點忍呀！😉

star_platina

引用:

原帖由 licklickson 於 13/1/2023 19:24 發表
美食/色當前，點忍呀！😉

可能阿星老，好似唔多心急😬

star_platina

又更新下先～


那些年，星星同學會 第66話

打機嘅時間好快過，眨下眼又9點幾，機友越嚟越少，星期二晚嘛，聽日仲要返工返學㗎，你估好似阿星咁遊手好閒咩？見啲人走得七七八八，阿星記起好似忘記咗Joyce喺度，即刻擰轉頭睇下佢點。原來Joyce一路企喺阿星後面，一路都冇離開過。今次輪到阿星唔好意思喇，即刻叫佢坐喺阿星隔離，又對唔住又敬哂禮咁，希望佢唔好又星巴阿星嘆。Joyce冇平時咁惡嘅表情，只係靜靜咁坐喺阿星隔離，等咗好耐，佢突然間出聲：「你就嚟死啦！」咩事？

「你就嚟死啦！」Joyce一手捉住阿星個下爬，向住遊戲機螢光幕一擰！係喎，阿星個拳王就嚟俾人打死啦！好彩係拳王就嚟死，唔係真係阿星就嚟死，真係俾Joyce嚇鬼死。

Joyce好安靜咁坐喺阿星隔離睇阿星打機，間唔中有人嚟挑機，佢就會起身企喺阿星後面，直到挑戰者輸咗起身走人，Joyce又坐返喺阿星身邊靜靜咁睇住阿星打機。

坐下坐下，都差唔多11點，機舖都就關門。阿星望下Joyce，發覺佢原來望住阿星。今日阿星都著返條西褲，著返件恤衫，做返個斯文人，唔通阿星著得有型，令到Joyce望住阿星？

待續😬

[ 本帖最後由 star_platina 於 2023-1-19 13:52 編輯 ]

star_platina

Joyce究竟望住阿星搞乜鬼呢～


那些年，星星同學會 第67話

「阿星塊面上面有飯剩？」

「咩？」

「唔係點解你起勢咁望住阿星？」

俾阿星一講，就算喺燈光唔太光猛嘅機舖入面，阿星都睇到Joyce塊面閃過一絲紅暈。然後Joyce雙眼向下望，唔再同阿星有眼神接觸。阿星呢啲鍥而不捨嘅人，點會放過呢啲機會呢？一於打爛砂盤問到篤，打蛇隨棍上，哄埋去Joyce度睇下佢望住下面啲咩。

然後又然後，喺阿星裝緊Joyce望邊度嘅時候，Joyce突然間打出一掌，推落阿星個咀度。又嚟？好彩阿星醒目，即刻縮向後，再嚟返個周星星出名嘅唐伯虎點秋香求神嘅動作。阿星自問都叫做風趣幽默，唔知點解喺Joyce面前就只有捱打嘅一途，下下都俾佢打。查實係阿星惹到佢啲咩，令到佢成日打阿星呢？不過呢啲都已經唔重要，呢一刻就係要令到Joyce想打而又打唔到阿星先至好。

玩咗一陣，Joyce打唔到阿星，阿星又避得唔太叻，最後都俾佢打到。Joyce用盡全身嘅力，一鎚打落阿星心口，喺打咗呢下重重嘅一鎚之後，Joyce嘅動作突然停止，拳頭仍然留喺阿星心口，但係就開聲問：「做咩唔避？」

阿星苦笑，要避點都避到嘅，咁避咗又點呢？俾你打一下實實在在嘅，話唔定你會有歉意，唔再打呢？當然，阿星唔會咁樣講出口啦，苦笑咗一下之後，用手捉住Joyce仍然未縮走，放咗喺阿星心口上面嘅右手，慢慢將佢放落嚟，輕輕握住，再望住佢，睇下佢有咩反應。

待續😬

star_platina

咁靜焗嘅？出多一段收爐先～


那些年，星星同學會 第68話

其實阿星都冇諗過要捉住佢隻手，不過見佢咁樣，試下又何妨呢？男仔就係要大膽，雖然大膽未必俾你拖到個女仔隻手。就好似阿星咁，輕輕握住Joyce嘅手，睇下佢會唔會縮，結果就係，會縮。Joyce將右手由阿星嘅手度縮返出嚟，望住阿星。其實佢望嘅時間可能只有一秒左右，但係當時感覺有二三十秒咁耐。Joyce再次開聲：「係咪行啦？」咦？阿星諗住你會話今晚唔去添？

Equinox係一間都幾大嘅disco，之前阿星同朋友都嚟過幾次，差唔多次次都係打交收場，咁梗係唔係阿星打啦，阿星呢啲又唔睇得又唔打得嘅，唔會係撩交打嘅人囉。12點零鐘，人已經越嚟越多，阿星同Joyce四圍望，揾到個位企埋一邊，由於disco入面太嘈，阿星同Joyce傾偈就要先拍拍佢隻手，然後哄到好埋再好大聲咁講嘢。見啲男男女女跳舞跳得咁開心，阿星就同Joyce講，不如都跳下舞啦。Joyce點點頭，輕輕拉住阿星恤衫嘅衫袖跟住阿星行出去舞池度，開始同阿星跳舞。

喺勁爆音樂同閃爍嘅燈光之下，每個人都忘形咁扭動身體，有啲人好大動作，有啲人比較細動作。阿星喺度跳，Joyce同阿星一齊跳，音樂越嚟越勁，人亦都越嚟越多，阿星同Joyce俾啲人推到越企越埋，跳到忘形。跳咗一陣，阿星喺微弱嘅燈光底下見到Joyce嘅額頭開始出汗，就哄埋去同佢講不如出去抖下先啦，見Joyce好似冇乜反應，就用手指住外面，再大聲講：「不如出去抖下先啦！」

Joyce一手捉住阿星隻手指，然後用力將阿星手指拖去佢背後。唔係啩？依家先嚟對付阿星？你想將阿星隻手指點呀？

待續😬

licklickson

引用:

原帖由 star_platina 於 2023-1-20 15:24 發表
咁靜焗嘅？出多一段收爐先～


那些年，星星同學會 第68話

其實阿星都冇諗過要捉住佢隻手，不過見佢咁樣，試下又何妨呢？男仔就係要大膽，雖然大膽未必俾你拖到個女仔隻手。就好似阿星咁，輕輕握住Joyce嘅手，睇下佢會唔會縮，結果就係， ...

咁奇怪？喺後面？

star_platina

引用:

原帖由 licklickson 於 20/1/2023 15:36 發表
咁奇怪？喺後面？

將阿星隻手指拖去繞到去佢背後啫😬

licklickson

引用:

原帖由 star_platina 於 2023-1-20 16:31 發表


將阿星隻手指拖去繞到去佢背後啫😬

督佢背脊？😬

star_platina

引用:

原帖由 licklickson 於 20/1/2023 16:34 發表
督佢背脊？😬

可惜阿星唔識得金手指，唔係一定篤返夠本😬

licklickson

引用:

原帖由 star_platina 於 2023-1-20 17:45 發表


可惜阿星唔識得金手指，唔係一定篤返夠本😬

督邊度先？😉