初三赤口，一連出兩話，唔知有冇人睇到呢～
那些年，星星同學會 第69話
其實攬住Grace去諗Joyce會唔會唔係幾好呢？阿星右手攬住Grace，而佢就用佢嘅右手攬到阿星好實，可以感受到Grace對阿星有幾用心。星期六早上7點幾嘅時候，陽光透過窗口照入嚟，稍稍照到Grace嘅側面，Grace同Joyce有4～5分相似，望住Grace有時就好似望住Joyce咁樣，真係好難唔因為咁而諗起Joyce。Grace瞓得好甜，好沉，呼吸好均匀，似乎瞓得好安心，好滿足。
Grace責住阿星隻手，搞到阿星都有啲手痺，忍唔住郁郁隻手想鬆一鬆，Grace喺呢個時候輕輕張開眼，同阿星對望，然後好滿足咁笑，再攬實啲阿星繼續瞓。阿星望住佢，又覺得呢個女仔真係要好好保護。好多時外表同內在真係可以好唔同，平時佢玩得咁放，原來背後係一個咁乖嘅女仔，而且睇佢對阿星嘅態度又真係好認真而又用心，令到阿星都真係有啲感動。
以前啲人話男追女隔座山，女追男隔層紗，以Grace嘅外貌身材性格同家庭背景，全部都係上上之選，而且佢對住阿星嘅態度又配合，阿星同佢行出街都會有好多人望，一嚟阿星高啦嘛，二嚟呢碌杉隔離個女仔咁靚女，點都要望多兩眼嘅。如果係阿星喺街見到有咁嘅情況，都會望多兩眼啦，將心比己啫。
待續😬
那些年，星星同學會 第70話
Joyce將捉住阿星隻手指，拉向下，去佢條腰嘅位置㩒住阿星嘅手喺佢條23吋嘅纖腰度，然後將雙手勾喺阿星條頸，將個頭伏喺阿星心口，跳起慢舞嚟。喂喂，快歌嚟喎，跳慢舞？
阿星喺呢啲情況下，都真係只有一樣嘢可做，就係將隻未攬住佢纖腰嘅右手都提起，放埋去Joyce嘅左邊腰度，用兩隻手掌去仔細感受下23吋纖腰嘅質感。Joyce今晚都著得好樸素，一件淺藍色窄身露臍tee，加條深藍色高腰窄腳七分長牛仔褲，一對白色涼鞋。雖然話Joyce屬於纖瘦體型，咁樣著都顯現出佢均勻嘅身材，頭髮放哂落嚟唔再紮起，阿星都有留意到佢啲頭髮好滑，滑到反光，而且好香，應該出嚟之前洗過頭嚟。Joyce伏喺阿星心口，啲洗頭水香味夾雜Joyce嘅體温真係令到小星星有啲蠢蠢欲動。
查實Joyce跳舞嘅技巧應該同阿星差唔多～～～即係唔多識跳，況且喺阿星俾佢雙手勾住咗條頸之後，已經冇得亂咁跳，只能夠同佢攬住慢慢咁喺度跳慢舞。Joyce嘅肚臍貼住只係一褲之隔嘅小星星，而小星星亦都因為Joyce個肚臍磨擦而有啲興奮。話哂Joyce都係一個迷人嘅女仔，雖然佢平時唔多出聲，而且下下追住阿星俊美嘅面龐毫不留手咁嚟打，撇除呢啲不利因素，只睇外表，Joyce亦都係一個美麗嘅女仔。細過阿星半年嘅天蠍座，Joyce 亦都好體現到天蠍座女仔嘅特色，例如神神秘秘啦，唔聲唔聲，肯聆聽，但係好少講自己嘅嘢。
阿星攬住Joyce嘅纖腰，聞住Joyce頭髮入面洗頭水嘅香味，感覺住Joyce均勻嘅32B同平坦嘅小腹喺小星星前面不斷磨擦，令到阿星個腦又開始有少少迷亂，小星星就好清晰知道佢想做咩呀，阿星唔知道自己想點呢。
待續😬
