star_platina

引用:

原帖由 licklickson 於 2/12/2022 09:14 發表
三個鐘擺到明比你哋搞嘢啦！😉

三個鐘又真係太睇得起阿星😬

star_platina

引用:

原帖由 licklickson 於 2/12/2022 09:18 發表
後生仔回氣快吖嘛！😬

咁更加唔使三個鐘啦😬

star_platina

引用:

原帖由 licklickson 於 2/12/2022 13:30 發表
咁幾耐搞掂？😬

只能夠用一個字嚟形容阿星：快到無倫😬

star_platina

星期一凍冰冰，出一段俾大家暖身先～


那些年，星星同學會 第41話

返到入房，阿星用有限嘅腦袋諗咗好多嘢：Joyce走咗，Grace又跟出跟入，搞到成屋人誤會哂佢係阿星女朋友，唔通真係要阿星做佢嘅兵？雖然Grace 咁靚女，又肯俾啲甜頭阿星啫，第時佢顯露娘娘本性，要阿星正式參兵，阿星又冇財力又冇牙力又冇體力，水兵信號兵炮兵呢啲實冇阿星份，到時唔通只能夠做個步兵，喺娘娘身邊步住咁大把？

阿星思前想後，諗下諗下，就諗到返工時候喇。返餐館，梗係要著返件白恤衫黑西褲黑鞋啦，仲外加件黑色馬甲，雖然阿星叫做唔靚仔，著起上嚟都有啲型嘅。星期五晚返餐館，忙就梗㗎喇，簡直係忙到甩碌，裙甩褲甩啦。咁忙嘅時候其實係最好嘅，因為忙到阿星唔使諗其他嘢，只係掛住落單，送餐，洗煙灰缸，倒垃圾，再唔會有空閒去諗其他嘢。

阿星做散工嘅餐館，喺倫敦嘅西北區，接近Edgware ，收工都好彩可以搞到尾班車返屋企，返到屋企附近個地鐵站都要差唔多零晨1點㗎，阿星呢啲窮苦人，係咁上下。間餐館11點半關門，last order 就11點3，呢啲時候阿星呢啲part time就會喺10點半左右俾人叫入茶房度洗咖啡杯洗煙灰缸倒垃圾咁，收工前都仲會忙餐懵。

然後厨房佬大嗌，有人11點3買外賣。唉，臨收工先嚟買外賣，呢啲人都真係唔揍米氣。厨房佬整整整，阿星洗洗洗，洗洗下啲外賣就出嚟，阿星擔住支煙，一路同啲入嚟煲煙嘅樓面（正職嘅侍應生）吹水，一路洗煙灰缸，通常呢啲情景啲外賣出嚟都係啲樓面攞出去，今日阿雄哥唔知點解陰陰笑，叫阿星攞外賣出去俾個客，阿星望下佢，佢一路陰陰笑話：「去啦，包你有so，攞埋外賣出去順便收工啦衰仔！」雖然阿雄哥練開詠春拳，出手快捷陰濕，但都冇今晚咁樣對住阿星陰陰笑過。唔通阿雄哥你對阿星…………唔會啩？

待續😬

star_platina

引用:

原帖由 licklickson 於 5/12/2022 08:50 發表
唔通係Grace叫外賣？

咁容易估到嘅？師兄真係推理能力強😬

star_platina

引用:

原帖由 licklickson 於 5/12/2022 11:00 發表
亂估啫！

不如開故啦😬

star_platina

引用:

原帖由 licklickson 於 5/12/2022 11:32 發表
好呀！😬

好，開估😬

star_platina

呢啲時候，有邊個夜媽媽嚟買外賣呢？


那些年，星星同學會 第42話

阿星揸住包外賣，正想行去裝埋阿星嘅宵夜打包走，雄哥就走嚟攔住，話：「仲打乜鬼嘢包吖你？一陣就飽啦，死仔！」即係點？阿雄哥用到詠春拳嘅封字訣，阿星真係行唔到埋去盆宵夜度，仲要俾佢推到退後咗兩步。話哂阿星都叫做高過雄哥成個頭，詠春真係唔講得笑，阿星點都埋唔到啲宵夜度。雄哥見阿星死命咁搶前，笑住同阿星話：「你收皮啦你，仲想攞宵夜？快啲攞啲外賣出去啦，人哋等到頸都長啦死仔！」真係俾你講到阿星一頭霧水，人哋等外賣又關阿星打包宵夜咩事呢？

阿星揸住包外賣，又攞唔到自己份宵夜打包，即係今晚要返屋企煮麵食啦，唔知雪櫃仲有冇雞蛋，煮個麵加個蛋都好啦。揸住包外賣行出餐廳，喺經過其他樓面嘅時候唔知點解大家啲表情都好似怪怪地，阿星硬係覺得佢哋一個二個笑得有啲陰濕。

行去前面櫃檯，終於見到買外賣個唔揍米氣嘅客。個客係個女仔，短短頭髮，坐咗喺度，著住一件頭嘅白色吊帶裙同一對波鞋，好整齊咁坐喺度等外賣。果位等外賣嘅女仔見到阿星行出嚟，即刻起身行前，四萬咁嘅面口嚟接外賣，乜得你見到外賣咁開心，你呢啲遲客真係冇乜太過，臨收工先嚟買外賣，搞到阿星連宵夜打包都冇得攞。睇真啲個四萬咁嘅面口嘅女仔咁熟面口嘅？乜係你？

待續😬

star_platina

引用:

原帖由 licklickson 於 5/12/2022 11:43 發表
咁快啲啦！😬

阿星已經好快，再快就唔係快咁簡單，要用光速嚟形容😬

star_platina

引用:

原帖由 licklickson 於 5/12/2022 11:51 發表
之後係咪食到好飽？😉

點會有得食？😬