cc19880910

引用:

原帖由 cc19880910 於 2022-10-12 11:44 發表

終於喺日記裏邊睇到佢哋分手，喺日記裏邊我老婆寫嘅原因係第一已經畢咗業，Tommy已經要返工，自己都要返工，見面少咗，感情開始有啲淡，另外覺得長遠來講佢融入唔到嗰個世界，佢始終會有第二個女人，所以佢主動同Tommy講分手，講分手 ...

跟住我老婆做正式出嚟做嘢，從事零售工作，一次機緣巧合之下見返Y小姐，有一次佢哋兩個嘅聚會當中，我老婆同Y小姐講，佢屋企急需要一啲錢，Y小姐聽到佢咁講，就介紹咗一間貿易公司嘅老闆俾我老婆識，根據我老婆日記嘅形容，郭老板當年應該有55歲左右，結咗婚有仔女，我老婆第一次同佢出去食飯，郭老闆已經開門見山話想包養我老婆，我老婆其實對佢冇乜好感，只不過佢屋企當時急需要錢，所以佢應承咗。



其實關於郭老闆，除咗我老婆嘅日記之外，係我同我老婆結婚之後佢都有同我講佢哋嘅故事，所以講佢哋嘅經歷係混合左日記同埋我老婆嘅口述。



講返佢哋兩個先，其實個老闆係我老婆嘅日記裏面嘅篇幅唔多，我其中一篇係我認識我老婆之前，根據個時間性應該係佢開始俾郭老闆包冇幾耐，佢喺日記裏邊表達左多謝郭老闆及時出現幫佢渡過左一個危機，表示努力適應緊佢同個老闆之間嘅關係。