Jindaoonline

安排咗隔一日先離開日本，我同師傅都各有自己嘅事去辦，各自有行程。

師傅坐子彈火車上咗東京，佢話要夜晚先返。

同阿Mark傾一陣，講低俾佢知第二日搭邊一班機走，就循住出發嚟日本之前，Leonard俾我嘅指示，坐火車去嘅隔籬嘅小鎮，呢度係木谷仁一嘅家鄉。

我知道比賽地點之後就聨絡喺南美洲嘅Leonard，趁機會，預留一日時間，專程去拜祭一吓木谷仁一。

落咗火車，木谷嘅養仔子野陽樹已經喺火車站等我。

Jindaoonline

去拜祭木谷嘅途上，一片荒蕪，稀稀疏疏只有幾間細屋，汽車最後停低喺一個小山丘下面，我跟住子野拾級而上，成個小丘樹木都唔多，連野草都枯黃咗。

木谷嘅山墳孤零零喺山丘頂，四周圍都係一片荒涼，加上山風吹到啲枯草「沙」「沙」響，令人感到非常悲愴。

見到佢身後蕭條嘅境況，我黯然嘆息。

Jindaoonline

子野教咗我日本人嘅傳統，然後就企喺我後面幾步距離。

我先用木殻輕輕淋啲水落墳頭，再合掌向木谷參拜。

[ 本帖最後由 Jindaoonline 於 2023-2-6 02:30 編輯 ]

Jindaoonline

幾年前我由一個乜都唔識，眼中只有老公同寶貝囡囡，每日呆喺屋企，等老公放工返嚟，除咗湊女，就係以手機睇劇集做伴嘅公邨師奶仔，蛻變成為一個有自己目標嘅咖啡師，中途更加經歷過幾個玩弄我嘅男人，一段失敗嘅婚姻，幾經辛苦，先可以同摯愛復合。

[ 本帖最後由 Jindaoonline 於 2023-2-6 02:32 編輯 ]

Jindaoonline

木谷係一個標誌性人物，佢摧殘過我，不過就令我領略到一啲以前諗都未諗過嘅性經驗同喜好，拓闊咗我嘅人生，最終不單止無憎恨佢，相反同情佢，親近佢。

[ 本帖最後由 Jindaoonline 於 2023-2-6 02:35 編輯 ]

Jindaoonline

而加見到佢永遠孤零零喺個荒蕪山頭，我好心酸。

「慧！」

我想到入神，子野拍吓我，提醒我係時候離開。

接住，我哋嚟到木谷嘅祖屋，呢間傳統日本建築嘅老屋，比我想像中細同殘舊，成間屋一片死靜。

[ 本帖最後由 Jindaoonline 於 2023-2-6 02:42 編輯 ]

Jindaoonline

屋裡面嘅庭院有一棵好大嘅樹，長滿咗青色未成熟嘅梅，我諗想谷年輕嘅時候，高係喺呢一棵樹摘青梅食。

一時好奇，我都摘咗一粒放入口，果然又酸又澀。

Jindaoonline

子野話木谷在生之時，隨時返嚟住三兩日，所以有一兩個工人喺度留宿，負責打掃，梅熟嘅季節，明明唔會食用，佢都會叫工人摘咗啲梅落嚟。

但佢死咗之後，呢兩個工人都調派咗去其他地方，只係由子野一個月返嚟一次，清潔吓木谷嘅神位，向佢上住清香，樹上面啲梅就由得佢哋熟透，自然跌落地面，慢慢腐爛。

[ 本帖最後由 Jindaoonline 於 2023-2-6 02:45 編輯 ]

Jindaoonline

「石條川惠小姐嗰方便⋯⋯」

「老闆窮一生之力去追查石條小姐嘅下落，但一直無結果，唔知係生係死，老闆十分遺憾，直至佢遇上你。」

子野向我陳述。

「仁一⋯⋯」

上完香，敲咗神枱上面嘅銅器一吓，我再忍唔住眼淚，一面流淚，一面向佢禱告。

「仁一，多謝你交番阿Mark俾我，我同佢一齊，生活得好好，希望你都快快樂樂⋯」

之前阿Mark嘅怪異行為，我私下上網查過，有啲解釋係阿Mark精神分裂，做其中一個身份。

但係我情願偏向相信靈異，相信木谷佢唔捨得我，借助阿Mark嚟同我一齊。

而加現實就眼見一片凋零，可憐木谷嘅孤寂。

Jindaoonline

喺木谷故居逗留到黃昏先離開，木谷嘅孤寂，益發令我知道眼前人嘅重要，就算第二日就會返屋企，我都忍唔住俾電話阿Mark，親口同佢講愛佢，好想俾佢擁抱住。