Jindaoonline

作者銀葉紅花會睇到你嘅意見。
據我所知，呢個約十四、五萬字嘅故仔，佢花咗兩個月時間，已經寫完，係咪可以加插你嘅提議，就要交俾佢決定。

Samsonst

小小愚見，希望不要見怪。因當今社會，仔食女，女食仔，都吾知邊個食邊個。為左份工，當然吾可以同太子反枱，但吊下佢癮，可能比到阿慧更長生存空間。一下子咁快比佢食左，可能壽命仲短。
若果多言了，希望不要見怪。因為我覺得阿慧，應該由初哥，進化成高手。

Jindaoonline

我覺得佢由一個乜都唔識，除咗老公，未接觸過其他異性嘅小女人，發展到對老公以外嘅愛情渴求，不斷進階成為成熟嘅人妻。

Samsonst

當初，佢老公有外遇，一點綠的出現，可以這樣說。但之後又Leo及mark,佢老公又走埋去條女到，心理上，壓力上，應該有所改變。
可能成為一個玩家。
看看劇情之後點樣發展
先工作

Jindaoonline

阿慧係個多情人，同玩家有好大分別，正因為佢唔係玩家，先俾Leo玩到不能自拔。

Jindaoonline

「阿慧，有個客留低咗袋嘢，佢剛剛出咗門口，你睇吓追唔追到，還返俾佢，佢著啡色西裝嘅。」

我換好制服出嚟，經理就扐住袋裡面唔知係咩嘅膠袋同我講。

我接到命令，怕耽誤時間，無回應經理就起步跑出漢堡包店。

我沿住商場走廊向前狂奔。

「先生，先......」

轉咗個彎，著住啡色西裝嘅男人就喺前面，我大聲叫住佢，叫咗一聲，我就好似觸咗電咁，再叫唔出聲。

佢就係早前喺舖頭出現，令到我思潮起伏嘅人。

佢聽到有人大聲咁叫，停落嚟，擰轉頭望過嚟我呢個方向，我更加呆咗。

世界上竟然有兩個人相似得咁交關，離遠霎眼睇佢同Leo起碼有九成以上相似。

佢都留意到我手上面嘅膠袋，即刻行過嚟。

「先......先生，你......你留低㗎。」

我望住佢，好緊張，聲都震埋。

佢濃密嘅眉毛，長睫毛，深眼窩，高鼻樑，身材高大，連樣貌幾乎同Leo一模一樣，唯一係年紀比Leo大些少，大約三十出頭。

「哦，唔該晒。」

連把聲都好相似，仲再比Leo柔情。

佢接過我手上面個袋，跟住亦都望住我，搞到我開始面紅，垂低頭唔敢再望佢。

「唔駛客氣。」

我細聲到幾乎聽唔到。

「你係公關？」

佢望吓我件制服，向我確認係漢堡包店員工。

「好，多謝你！」

佢睇吓手錶，多謝我一聲，轉身離開。

～～～～

之前幾個星期無嚟幫襯，今次佢第二朝差唔多時間又再嚟到，我換好制服出嚟已經見到佢坐喺度食早餐。

「早晨！」

佢見到我，主動先同我打招呼。

我同佢微笑一吓，個心卜卜跳。

唔敢浪費時間，開始嘅工作，喺鋪頭外面派優惠券，我耐不耐偷偷哋望返入鋪頭，唔夠十五分鐘，手頭上嘅優惠券已經派清光。

「有無留番一張俾我？哈哈。」

佢喺我背後，見佢唔到，雖然尋日只係交談咗兩句，但係我都認得出佢把聲。

「呀～」

我擰轉身，就撞落佢度，原來佢企貼係我後面。

「小心！」

佢扶住我，同佢身體輕輕一碰，我個心跳咗出嚟咁。

「唔好意思，剛剛派晒，我入去攞多一張俾你。」

「唔使急，我聽朝再嚟，你先俾張優惠券我咪得囉，你返幾點？」

我講咗返幾點之後，佢都似乎要趕返工。

「咁聽朝見，我等你俾咗優惠券我先買早餐，哈哈。」
～～～～

之後連續個幾星期，佢每朝都嚟食早餐，每次佢都想同我傾偈，但係我怕俾經理鬧，只係同佢傾一兩句，其他時間都係對望吓，微笑一吓。

「小姐，有無茄汁？」

佢食嘅係應該加糖漿而唔係茄汁嘅「班㦸」。

客人要求，我哋都會照做。

佢俾包茄汁佢嗰陣時，佢質張紙仔過嚟，我接過咗，趁喺舖頭外面派傳單，偷偷睇吓張紙。

上面寫住：方便俾短訊我嘛？

仲連帶埋佢嘅手機號碼同佢個名：Leonard。

連個名都咁似，我忍唔住想起第一次同Leo單獨相處係喺垃圾站，我主動俾手機號碼佢。

未派完傳單佢已經食完早餐要走，喺門口，佢指吓手錶表示趕時間，又向我搖吓個手機。

我點頭微笑，示意明白。

「我遇到一個好似你嘅人，我應該點做？」

我發短訊俾Leonard前先問吓Leo。

「係咩？咁得意。」

同Leo時差八個鐘頭，佢嗰邊係夜晚十二點幾。

我形容Leonard嘅外型俾Leo知。

「你真係想認識佢？」

「⋯⋯我⋯⋯我唔知佢係咪上天安排嚟代替你。」

「你會等我嘛？」

「點解你對我咁殘忍，你明明有女朋友，又向朋友講同我床上嘅事，用下流嘅話嚟形容我，仲要我等你！Leo你係玩弄我！我係犯賤，你返嚟之前，日子就算幾難過都好，我願意等你呀！」

「我承認對你唔認真，但我可以發誓，我鍾意過你！」

「Leo，我鍾意你，忘記唔到你！」

我雖然壓低晒把聲，但係啲情緒仍然爆發咗出嚟。

「咁，你去結識佢，我返嚟前代替我。」

「唔要呀，我唔要代替品，我要係真嘅你呀！」

「就算我哋無結果？」

Leo反問我。

我忍唔住走咗入商場廁所，匿喺廁格，偷偷哋喊。

～～～～

第二朝，Leonard又喺度食緊早餐，我先一日心情好激動，覺得搵人代嚟代替Leo，有好大罪惡感，一直都無俾短訊佢。

「我係咪太冒昧？」

我趁幫阿姐收拾客人食完餐，留喺枱面垃圾嘅時候，走近佢身邊，佢細聲同我講。

「唔係呀，唔好誤會。」

我唔忍心好似玩佢，俾番一張寫咗我手機號碼嘅紙佢，等佢知道我唔係唔想佢俾短訊我。

經理喺度巡視緊，我唔敢再同佢講嘢，就行開繼續做嘢，無幾耐，袋裡面嘅手機收咗幾條訊息，果然係Leonard發俾我嘅。

我喺休息時間睇吓，佢話自己唔係住喺呢一區，之前因為入嚟做嘢，食早餐而認識到我，之後每朝揸車入嚟，食完早餐又揸返車出去返工，目的係見吓我。

佢話唔可能長期咁做，又希望同我保持聯絡，所以先要求我同佢通訊。

估唔到佢咁苦心，我覆番佢，多謝佢，怕佢只係當講笑，所以先一日無俾短訊佢。

我同Leonard嗰一刻開始互傳短訊。

～～～～

過咗大約一個星期，Leonard喺臨近我放工嘅時候嚟咗。

無見佢幾日，佢突然出現，有啲愕然之餘，亦都好開心，由得佢陪住我離開舖頭。

「我送你返屋企？！」

「哈哈，我未返屋企住呀。」

佢唔明我嘅意思，以為我有約會，或者去買嘢諸如此類。

「我仲要返工呀。」

我坦白同佢講我有多另一份兼職，等一陣又要去返工。

仲有些少時間，見佢專程由出面入到嚟，我同佢去茶餐廳坐下，順便俾電話囡囡。

費事Leonard等我太耐，同囡囡傾咗幾句就收線。

「唔好意思。我囡囡嚟，習慣咗呢個時候俾電話佢，怕佢等我。」

我向佢解釋。

「哦！」

佢表情好似話知，對我認識多咗。

「唉。」

我嘆咗一口氣，唔知Leonard會點諗，心理準備咗佢知難而退。

「生活真係逼人。」

佢無多講其他，溫柔眼光望住我。

我都唔知同佢講咩好，望吓佢，微笑吓，大部分時間都係耷低頭飲我嘅凍檸茶，而Leonard就一直翹起兩隻手，望住我，好似思量緊啲嘢咁。

事實上我亦都唔由得我耽誤，快快手手飲埋杯茶，又要趕去返工。

「聽日再嚟陪你！」

以為Leonard會同我講再見，點知佢送我去到太子爺寫字樓樓下，分手時同我講。

我無咁多時間同佢講我嘅背景，等放工之後再通知佢。

放咗工，上咗阿Mark屋企，同佢執好間屋。

佢而家少咗返嚟，間屋無咁亂，亦都無咁多衫要洗，我每隔兩三日先上嚟一次。

趁洗衣機洗緊衫嘅空檔，我同Leonard講有個女同老公，佢無必要花時間嚟陪我。

[ 本帖最後由 Jindaoonline 於 2022-12-15 22:58 編輯 ]

Jindaoonline

Leonard用行動來證明無嫌棄我，佢第二日嘅下晝又再出現，佢無再陪我去茶餐廳，反為帶我上咗佢架車，車咗我去一個十零分鐘車程嘅海邊。

泊好車之後，佢攞埋嘢食同我喺海邊吹吓海風，一面傾偈，一面食嘢。

接連超過一星期，佢花咗好多心思，每一日都帶我去一個唔同嘅地方行吓，同時距離我返下一份工嘅地方唔會太遠，我哋可以有時間兩個人唔受騷擾，靜靜相處吓，又唔怕趕唔切返工。

～～～～

本來應該係春天嘅月份，竟然有個寒流經過，天氣一兩日之間急降咗好多，我哋無落車，留喺車廂度。

「你嗰份工乜咁自由嘅？」

我下晝放兩點半，太子爺嗰度就返四點，加埋中間佢來來回回，起碼要花兩個鐘頭以上。

「我反為諗，你一日做兩份兼職，長遠嚟講係咪一個好方法。」

佢笑吓，無正面回答我嘅問題，相反提出一個疑問。

「唉，一言難盡啦。」

環境逼到埋嚟，我無話可說。

Leonard第一次捉住我隻手，寒冷天氣之下，佢隻手顯得好暖，令我覺得有人支持我，俾信心我。

～～～～

「飲些少啦，暖身呀！」

太子爺帶咗支威士忌嚟，不停勸我陪佢飲，話天氣凍，飲咗可以暖啲，我當然唔會飲啦。

自從嗰次佢出奇不意，伸手入我衫裡面，我對佢更加小心防範。

不過就算我點躱避佢，都難免俾佢觸碰到身體，益增我對佢嘅討厭。

到放工，先可以鬆一口氣，落到街，溫差影響，越覺得冷，我縮低頭，拉高條頸巾，急步返屋企。

「慧。」

係Leonard，係佢。

佢竟然喺後面叫住我。

「喂，做咩呀，你傻咩，咁冷天氣，又咁夜，仲係個街度！」

我口咁講，但係好窩心。

「一直留喺度？做咩唔走呀？」

「就係因為咁冷，我先唔想你一個人孤零零返屋企。」

「咁你就要吹咁多個鐘頭風咩。」

「哈哈，我有架車嘛！」

Leonard好誠實，佢大可以話為咗接我，抵受住寒冷嚟搏我好感，不過佢選擇講真話。

行行吓，佢乘機拖住我隻手，令到我好擔心，怕佢一陣要上埋我屋企，我唔知點推佢。

「好啦，咁你早啲瞓啦！」

入到電梯大堂，𨋢門打開咗，佢輕輕拍吓我隻手，目送我入埋𨋢，佢先離開。

我沖完涼，接到佢電話，通知我返到屋企，不過佢唔捨得收線，搵啲嘢嚟同我傾吓，佢好風趣，好多俾佢引到忍唔住笑，不經不覺同佢傾到兩點幾，

「我唔知因咩原因你有經濟壓力，我總係覺得你咁捱法，辛苦又減輕唔到你嘅壓力，如果你想，我可以幫你！」

我準備收線，Leonard鄭重咁講。

我覺得唔應該忍瞞佢，簡單講咗我點解需要打兩份工。

「佢仲喺醫院？」

「⋯⋯佢⋯⋯佢⋯⋯佢有咗另一個女人！」

我終於講咗俾佢知。

「對唔住⋯⋯，你唔好咁傷心！」

佢聽到我飲泣，不停安慰我。

「我到咗你樓下，你落嚟吖，我唔放心你呀！」

我無留意過咗幾耐，佢忽然咁講。

原來佢無收線，一面安慰我之時，已經揸車趕緊入嚟陪我。

「嗚⋯⋯唔使喇，我無事㗎⋯⋯」

「我已經到咗，俾我見吓你，咁夜我唔方便上去，你落嚟啦，記住著夠衫，我等你！」

我覺得非常對佢唔住，怕佢等，無換衫，淨係加件褸就走去見佢。

佢車我入咗一條村，裡面有塊好大嘅空地，我喺車裡面由老公受傷，到佢去咗個女人度養傷，到而加都未肯返屋企件事，話咗俾佢知。

但係我無講老公借咗財務公司錢，攪到連個女都無學返呢啲嘢，費事俾人知度老公，同屋企啲羞家事。

「多謝你咁關心我！」

同佢傾到天光。

「你今日請假瞓吓啦。」

Leonard同我講，但係臨時臨急唔返工，會攪到舖頭唔夠入用，我唔想咁做。

「你休息吓就真，橫掂你份工比較自由。」

我唔知Leonard做乜嘢，但係見佢可以隨時入嚟睇我嘅。

「我慣咗，好多時做完一日嘢，再搭十幾個鐘頭飛機去第二度，一落機就即刻做嘢。」

「就算係，今日都唔好揸車，你叫車走，聽日先嚟攞車！」

我落嚟前，佢提我著夠衫，但係佢就淨係一套好薄嘅長袖運動衫褲，連鞋都無著，著住一對拖鞋，可想而知，佢出嚟之時有幾心急。

行出去村口等車有一段距離，我除咗件褸，佢搭住我膊頭，我環抱住佢條腰，將件褸披喺兩個人膊頭，佢攬得我好實，一齊取暖。

架call車先去我屋企樓下放低我，再繼續行程。

「今晚唔準嚟陪我，知唔知？」

臨落車，我向佢講。

佢扮聽唔到。

「知唔知呀！」

我搖佢手臂。

「ok喇，哈哈！」

佢閃電式拉我埋佢身邊，唔理司機喺倒後鏡望住我哋，大啖錫落我個嘴度，然後先放我走。

我用手背抹番俾佢錫濕咗嘅嘴唇，有啲初戀感覺，但係罪惡感好重。

～～～～

罪惡感令我想番起我人妻嘅身份，雖然話老公自己走咗出去，但係我無積極勸佢返嚟，都要負上一啲責任。

我「的」起心肝，喺午飯時間俾電話佢，一路提醒自己要心平氣和，唔好再嗌交收場。

我問佢傷勢點樣，佢出院之後都未見過佢一面。

「下次覆診我陪埋你去，等我知道吓你嘅情況吖，尤其係個腦呀！」

「唔駛啦，無乜事啦，最嚴重嘅時候都過咗，你嗰時無去，而加去嚟做咩啫！」

我聽到好嬲，當時唔係我唔陪佢，而係佢去咗個女人度，但係我無同老公計較，忍咗佢。

「就算係我唔啱，你係我老公，我哋要互相關心嘛！」

「我無話唔關心你吖！」

「老公，而加奶奶唔俾我上佢屋企，接送囡囡都要喺佢樓下，佢寧願見嗰個女人，都唔肯見我，老公，幾個月嚟，我一個人好孤獨，好寂寞，我需要人陪我！」

囡囡同我講，有一晚老公帶個女人去咗奶奶屋企食飯，奶奶仲教囡囡叫個女人做姨姨。

「得喇，你講到口都臭啦。」

「老公，你想搵人陪你飲酒，陪你賭錢，我都可以呀！」

「好似你講咁容易咩，你傻嘅！」

「咁你講我有咩唔及佢吖，而加你屋企接受佢都唔接受我，我倒轉好似破壞人家庭咁！」

「你唔好咁煩啦！」

老公跟住講多兩句就收線，又一次不了了之咁拖過。

～～～～

Leonard喺傍晚再俾短訊我，客户落「柯打」嘅電話一個接一個，太子爺雖然無嘢做，佢都賴喺度唔走，搭吓我膊頭，摸吓我頭頂，攪到我放咗工先可以覆佢。

「我後日有一個緊急嘅行程，要出外面，可能要兩個星期後先返！」

同佢傾咗幾句無聊嘢 ，佢講番正題。

「咁你做吓準備啦，我收線喇！」

「唔開心？」

「唔會，點會吖！」

Leonard呢輪花咗好多時間喺我身上，我唔應該阻住佢，亦都知資格阻住佢做正經事。

「唉，好失望，我希望你會因為見唔到我而唔開心囉，哈哈！」

「⋯⋯」

我唔知點表達，知道Leonard唔會嚟陪我，我係有啲失落，但係我晏晝剛剛同老公講要互相關心，而家又點可以為咗見唔到另一個男人而唔開心呢。

[ 本帖最後由 Jindaoonline 於 2022-12-16 00:32 編輯 ]

Jindaoonline

對Leonard，我應該採取咩態度呢，呢個問題影響咗我，情緒唔安寧，一路都瞓唔著，索性起身轆吓個手機，發現除咗阿Mark，其他可以傾吓心事嘅人真係無咁滯。

好難得阿Mark認識到一個令佢心動嘅女仔，而家我好少主動搵佢，費事打亂佢嘅生活，剩低落嚟只有老公。

「又做咩呀！」

「我好悶呀。」

「你唔駛瞓㗎咩？而家幾點呀，你唔瞓人哋都要瞓啦！」

老公把聲好精神，唔係俾我嘈醒囉。

「你瞓咗喇咩，想同你講吓嘢啫。」

「晏晝咪傾過囉。」

「咁係咪要限住我每日只可以搵你幾多次吖？我係咪咁討厭，同我傾一陣都嫌煩？」

我即刻收線，免得又喊起上嚟。

我想搵Leo，但係我又怕佢好似老公咁嘅反應，俾人嫌你煩，一次已經足夠。

我起身做家務，平日得一個人，成間屋好乾淨整齊，我都攞過地拖，出力咁拖地下，拖完一次又一次，我要花晒所有精力，唔俾自己胡思亂想。

～～～～

我想停一停，諗一諗，煞停一吓，想清楚應該點做。

但係Leonard唔俾我咁做，喺第二日下晝已經俾電話我，話無論如何，都要同我再見一次面先出外公幹。

仲話如果我唔搭應，佢呢個行程都集中唔到精神做嘢。

差唔多夠鐘放工，落到樓下，唔見佢，淨係有一部的士泊咗喺度，Leonard喺車廂伸個頭出黎叫我。

的士向我屋企反方向行，奇怪唔知佢帶我去邊，不過我反為安心一啲，我怕Leonard直接送我返屋企。

佢話要見我，一定要求留低，如果一直唔肯走，我驚自己到時無能力拒絕。

的士停喺前一日佢泊車嗰條村嘅村口。

「我嚟攞番部車。」

佢原來一直無攞部車走。

「慧～」

坐上車，佢雙手捧住我個面。

「你問過我份工點解咁自由，當時我無答你，其實我唔係有咩神秘。」

「咁做咩你唔講？」

「因為我覺得好羞恥。」

佢令我更加奇怪，有咩工作會令到人好羞恥，我即時諗到就係做鴨，唔通Leonard係俾一個有錢，但係又肥又醜嘅女人包養緊。

諗到呢度我幾乎笑咗，不過萬一Leonard真係俾人包養，因為佢有咁嘅條件，我一笑咪更加侮辱佢。

「我係做生意，公司係外父嘅⋯⋯」

講到呢句，我心冷咗一截，我唔希望佢係另一個「一點綠」，瞞住老婆攪婚外情，我自己一個對老公不忠已經嫌多。

「我而家嘅一切，揸嘅車，住嘅地方，都係靠佢得嚟，我覺得一啲都唔光彩！」

Leonard又令我諗起電視劇情節，男人靠外父發達，就俾老婆蝦，好似「一點綠」，喺佢老婆面前好似一隻狗咁，但係我相信Leonard絕對唔會係呢一類人。

「你有老婆嘅！」

「係呀，我好愛佢，不過佢好不幸，舊年病死咗。」

「哦！」

「我好慚愧，佢臨死前，我好傷心，仲同佢講，我只係愛佢一個，一直到永遠，但係我守唔住呢個承諾，短短一年，我就守唔住承諾！」

Leonard好用力攬住我。

「我愛上咗你！」

我唔覺得突然，佢對我嘅行動，已經表現咗出嚟，但係我分唔出係愛我，定係想玩弄我嘅身體，甚至玩弄我嘅感情。

「慧，如果你對我無感覺嘅，你推開我，我會尊重你，送妳番去，以後唔再搵你，不過我感覺到你都喜歡我，係咪？慧～」

當初因為佢太似Leo而令到我當佢係Leo嘅替身，但係大家交往過程之中，佢對我好真誠，溫柔，肯為我犧牲，續漸佢喺我眼中，再唔係Leo，而就Leonard佢自己，對佢嘅好感唔係喺Leo度投射過嚟嘅。

Leonard講完就錫落我度。

我轉唔過神，僵硬咗咁，但係好快俾佢溶化咗，我都攬實佢，回應佢，接受佢條脷伸入嚟，熱情同佢擁吻。

佢㩒咗個唔知乜嘢制，個椅背慢慢放低咗落嚟。

佢架車好大，我唔認識靚車，淨係知道「ben士」呢個成街都係嘅名牌車，不過我未坐過，Leonard這一部唔係「ben士」，唔知係咩牌子，但係座椅好闊，好舒服，裡面啲裝潢好豪華。

我瞓低咗，Leonard無成個人責上我度，佢側側哋趴喺我半個身上面同我繼續濕吻，從上而下傳啲口水落我個口。

佢一隻手攝咗入我件衫裡面，喺我條腰慢慢摸，生咗囡囡之後，本來肥肥哋條腰，近呢幾個月，因為頻撲勞累，食量又少，已經減到好幼。

Leonard摸咗一輪條腰，佢似乎係測試緊我會唔會反抗，見我一直好熱烈咁同佢錫錫，佢就再摸上啲，上到我個bra嘅位置。

而加係冬天，衣著都係鬆身衛衣，或者冷衫，再加外套，除咗睇到我上身比較突起，佢無機會見到我身材。

「呀～」

佢隔住個bra嚟揸，我好耐無俾男人親近過，好快話興奮起上嚟。

「唔好啦⋯⋯」

Leonard推高我件衛衣同個bra，我蚊滋咁細聲同佢講。

佢都扯晒旗，只不過佢責住我半邊身，碌啫啫唔係頂得我好應。

「你乳房好靚，舒唔舒服？」

佢又摸又搓我個波，再哄個頭落嚟，啜完又用脷尖撩我乳頭。

「凍呀！」

佢想除我件衛衣，我感覺冷。

我唔肯，佢無強迫我，情願違反停車規定，撻著番引擎，打開暖氣，然後繼續同我接吻，繼續愛撫我。

好快成架車暖晒。

「嗯～嗯，Leon，好舒服～」

我個乳頭俾佢又搓又啜，忍唔住呻吟。

「我想欣賞吓你！」

佢帶住懇求嘅說氣同我講。

「喺呢度？」

佢點吓頭。

車廂好溫暖，我再無借口話凍。

雖然我猶豫，Leonard已經開始幫我除衫，車廂始終係窄，我又唔想俾佢剝清光，淨係除上身就算。

我唯一尷尬係我著緊喺身只係平價嘅bra。

Leonard著眼當然唔係我嘅內衣。

「嘩，好完美！」

「你乳房好大呀，皮膚又幼嫩！」

佢對眼睜大晒，雙手玩我個波之時，又同我「茄輪」。

個口俾佢封住，只可以發出「嗯」「嗯」興奮嘅聲音。

佢趁我迷醉，為拉我衞褲褲頭條綁帶，我綁嘅係蝴蝶結，佢一扯就鬆開。

佢無停落嚟，解鬆咗個結，就連隨攝埋隻手入去。

佢隻手好大好軟，摸一陣我啲陰毛，好長嘅手指就插入我兩邊陰唇中間掃吓，指尖壓住我陰核，用陰力咁摔。

「呀～～呵～～呵～～嗯～」

我大力喘氣，手亦都伸去個兩腿中間。

「你濕晒喇，我哋喺呢度，定係返你屋企？」

Leonard好溫柔咁問我。

呢度四圍黑麻麻，光禿禿乜都無得一塊大空地。

佢見我無出聲就拉低我同佢條褲，揸住佢碌啫摔落我陰道口，跟住想插入嚟。

「唔好啦，我哋錫吓、摸吓就好喇，唔好插入去！」

同老公講過嘅說話言猶在耳，喺最後關頭，我叫停佢。

「唔怕啦，俾我？！」

佢用手繼續刺激我下面，努力遊說我。

「⋯⋯唔好啦，我心理未準備好，你返嚟先再算啦！」

Leonard俾我淋咗一盤冷水，佢唔想監硬嚟，但係又如箭在弦，慾火好難撲熄。

我明白男人嘅需要，就揸住佢條啫啫開始同佢打飛機，補償佢，幫佢發洩。

「咁，同我用口，好唔好？」

佢讓咗步，唔插入去，我亦都滿足佢要求。

喺車廂裡面嚟咗個大翻身。

我輕輕摸匀佢條啫，然後放入口慢慢咁吮，雖然唔係好大，但係扯到好硬。

我吮吓又舐吓，間唔中又成條含晒入口，隻手就一路摸佢個袋袋。

Leonard興奮到㩒實我個頭，屁股不停向上挺，性交我個嘴。

「呀～要射喇！」

我未想俾佢喺我口裡面射，喺佢有跡象射精之前，我放開口，改成用手同佢打，由得佢喺我手裡面射。

[ 本帖最後由 Jindaoonline 於 2022-12-16 00:36 編輯 ]

Jindaoonline

同佢清潔完，佢豎番直個椅背，坐番好，以為佢送我返屋企，但係佢條褲都未拉好，條啫啫都未收番埋，仲搭喺條褲外面。

「慧，坐上嚟。」

Leonard未講完，已經伸手過嚟扶我面對面坐上佢大髀。

佢環腰攬實我，將個頭完全埋喺我對波中間，嘴喺度錫，鼻喺度索兼夾摔，由波罅中間，沿住個波嘅弧度向上錫，直到乳頭，然後一口含落去，用力咁啜，輕輕咁咬。

「Leon～噢～」

我稍稍消沉咗嘅情慾，俾佢咁錫，又再浮升番，唔單止係我，Leonard軟咗嘅啫啫又蠢蠢欲動，開始硬番起嚟。

我扯住Leonard啲頭髮，拉高佢個頭離開我對波，從上而下嘴落佢度。

「嗯～」

Leonard條啫向前摔，我條衛褲布料好薄，雖然隔住條褲，佢個龜頭摔摔吓，直頭半個攝咗入我陰唇中間。

「噢～～」

我都俾佢摔到high晒，喺擠迫嘅空間擘到對腳最開，又將個gap gap壓向佢個龜頭嚟配合佢。

Leonard同我「茄輪」一陣，又錫我對波一陣，喘氣聲加埋呻吟聲喺車廂迴響。

「唔好咁大力！」

我對波同乳頭俾Leornard出力咁啜同咬，乳頭尤其好痛。

我唔怕痛，就算俾佢咬損都無所謂，我怕係對波俾佢啜得大力得滯，會留低又紅又瘀咁痕跡。

不過Leonard無理我，佢已經進入咗衝刺階段，只知道用力咁摔，盡力咁攬實我，瘋狂咁喺我對波兩邊錫。

無幾耐，佢再次射精，全部射晒落我條褲上面。

～～～～

「噢！」

我打開阿Mark屋企度門，見到阿Mark同一個女仔喺疏化光脫脫攬住接吻。

我哋三個人都嚇一跳，佢哋兩個鬆開個嘴，個女仔即刻掩住身上面三點，衝番入阿Mark間房。

「對唔住！」

我即刻退番出門口。

「乜人嚟㗎，乜有女人有你屋企鎖匙，隨便入嚟嘅⋯⋯」

我剛閂番門，已經聽到個女仔質問阿Mark。

「唔好意思呀，唔知你哋喺度，下次我會通知你咗你先上嚟！」

我返到落自己屋企，俾短訊阿Mark，向佢道歉！

之前知道阿Mark拍拖，感到好開心，而且我一早已經發現阿Mark靜雞雞收埋咗另一盒避孕套，但正話見到佢兩個咁親蜜，心裡面有啲唔舒服，我同囡囡再唔係佢最親近嘅人，大家嘅距離只會越嚟越遠。

～～～～

Leonard每晚都有傳送一啲佢喺外地公幹所見到嘅趣事，食到嘅靚嘢俾我睇，我睇過就算，可有可無咁，無乜感覺。

倒轉Leo俾嘅訊息更加觸動我嘅心靈，嗰次佢問我係咪明知佢玩弄我，我都甘心接受，我一直無回覆佢。

「同我替身發展成點？」

Leo相隔一段時間後主動打網絡電話問我。

「佢唔係你替身！」

「係咩？！」

佢講得好輕鬆，不過聽得出佢似乎幾著緊。

「你好喜歡佢？」

Leo見我無覆佢，佢又問。

「唉，唔算得，只係有少少！」

我真係唔知自己有幾喜歡Leonard，尤其係見到阿Mark同佢女友親熱之後。

「哈哈，你始終都係喜歡我！」

佢充滿自信。

「係。」

事實喺Leo面前我係一個弱者，我甚至唔敢否認我喜歡佢。

「不過我會想辦法忘記你！」

我想搵番一啲尊嚴。

「我俾佢攪咗！」

我要話俾佢知，唔俾淨得佢一個可以㙲有我。

「咁快？」

「幾日前，喺佢架車裡面，我同佢口交！」

我記起佢喺佢朋友聊天室裡面，將攪我嘅過程講出嚟，等佢啲朋友羨慕，我而加就係想佢妒忌番其他人。

「仲有呢？」

「我除咗衫俾佢攬住嚟錫。」

「仲有呢？嗯～」

我唔係令到Leo妒忌，佢唞氣好急促，應該係打緊飛機，原來佢鐘意同人交流性交過程嘅僻好。

「佢坐喺度攬住我，條啫啫喺我下面摔，摔到射！」

「屌咗入去？」

「你想唔想吖？」

我想知道佢係咪緊張我。

事實嗰晚我唔肯除褲，Leonard玩我對波，佢條啫啫喺我下磨擦到射精。

「哈哈⋯⋯」

佢似乎一啲都唔著緊，好快聽到佢呼吸均勻番，無答我想唔想，我諗佢已經打完飛機，射咗精。

我好想刺激佢，等佢緊張吓我，有個衝動想向佢講，同阿Mark發生過關係。

不過我唔可以咁自私，為咗自己目的而將阿Mark嘅私隱曝光，況且呢段關係已經終結咗。

～～～～

「講對唔住嘅係我，要你幫我執屋。」

阿Mark第二朝先回覆我嘅短訊。

「我今晚放工上去，方便嘛？」

我話定俾阿Mark知，費事再發生啲尷尬塲面。

「乜你喺度？」

夜晚我上到去，阿Mark喺度。

「我論文寫好晒，得閒好多。」

「嗯，咁你休息吓啦。」

我無再叫佢多啲陪女朋友。

「我想帶妹妹去燒嘢食，不過想你放假一齊去，睇吓你得唔得？」

聽到呢個消息，我不期然好高興，佢已經幾個星期無陪我哋，即刻同佢睇吓邊一日大家都方便。

傾掂之後，叫佢去打機，我同佢執屋洗衫，發現阿Mark竟然收埋咗佢女朋友著過嘅污糟衫褲，包括埋啲bra同底底。

我明白佢用意，佢只係想我服侍佢，無需要服侍埋佢女朋友，我有啲酸味，不過唔會咁小器，攞埋出嚟一齊洗。

「⋯⋯唔唔該你！」

阿Mark見到佢女朋友啲內衣褲都洗乾淨，晾咗出嚟，佢尷尬咁多謝我。

燒烤前一晚，阿Mark再次嚟接我放工後去消夜，然後返屋企夾手夾腳去做準備，更加無反對阿Mark喺我度過夜，只不過一定要佢瞓廳。

～～～～

「喂呀，你淨係照顧囡囡！」

阿Mark坐喺囡囡後面，捉住佢隻手教佢點燒嘢食，我不自控，竟然去咋阿Mark嬌，攪到佢一個人服侍兩個。

我講完自己都面紅，耷低頭繼續燒我嘅食物，阿Mark之後都偷偷望吓我。

燒烤到黃昏先結束，阿Mark又即興提議去睇戲，出番市區，時間好緊迫，佢唔理咁多，就抱起囡囡，同我一齊飛奔去買飛趕入場。

咁耐無出去玩，我哋瘋狂到睇完戲，仲去食埋糖水。

剛坐低，阿Mark個女朋友嘅電話又到，睇緊戲嗰陣，阿Mark已經無接聽佢幾個電話。

「你快啲食完返去先！」

我同囡囡霸佔咗阿Mark一日，大家回復番以前歡樂氣氛，已經好滿足，應該歸還番阿Mark俾佢女朋友。

咁夜先送囡囡返佢嫲嫲度，姑仔當然唔高興，黑起晒口面，我理虧在先，唔敢多講半句說話，分咐囡囡乖啲就走。

呢一日連Leonard俾我啲短訊都無睇，睇番吓，成日以嚟，我前後接咗十幾二十個短訊，嚟自好多人，「一點綠」，太子爺，連老公都有，當然數量最多係來自Leonard。

我乜都唔睇先睇老公講乜，原來佢通知我已經返番工，不過暫時都想我繼續幫吓佢分擔一半經濟壓力。

我同佢講，我唔介意出嚟做兼職幫補屋企，尤其係囡囡上咗小學，除咗學費，其他使費都多咗好多。

最後老公話想約我出嚟食餐飯。

「要食飯，你隨時返嚟，我一定煮俾你，使乜約喺外面。」

老公講得咁曖昧，我怕有我唔想聽到嘅消息，我唔敢面對。

「喺屋企食唔厭㗎咩，換吓環境，出嚟食番餐飯啫，使唔使咁多嘢講！」

佢從來話一就一，唔準我話二，我唯有聽話，諗住用乜嘢借口向太子爺再請假。

～～～～

約咗老公嗰日，我好緊張，我話帶埋囡囡出嚟，佢一口就話唔好，我驚真係有咩事會發生。

喺漢堡包店放工，我忍唔住打電話俾老公，叫佢講清楚除咗食飯，仲有乜嘢事，但係佢電話飛咗去留言信箱，俾短訊佢又唔覆。

「你幾時返嚟呀？」

心好徬徨，希望有人可以依附，不過我唔想搵阿Mark，佢唔應該因為我而有覊絆。

「無事發生嘛，三四日無覆我嘅？」

Leonard無怪我，反為心急關心我。

我對佢有啲唔公平，同阿Mark玩嗰日，我完全忘記咗佢，接住落嚟接到老公電話，連續幾日憂心忡忡，而加徬徨時候，先去搵佢。

佢嗰邊大概係夜晚十二點幾，佢都即刻接我電話。

我同佢講俾同老公嘅關係困擾住，忽略咗佢。

「你放心同佢傾，你想點做，你堅持唔好退縮，有乜後果，我仲有個幾星期就返，返到嚟一定同你解決！」

Leonard陪我傾偈，分散我嘅注意力，等我唔使咁緊張。

「慧，你對性唔會太保守，我先敢大膽同你講，嚟到呢度無幾耐，我叫咗雞上酒店。」

「我聽人講，啲生意人出外多數會咁做，原來係真！」

「我之前無嘅，不過起程前一晚同你親熱過，我一直都諗住你，想發洩，慧，返嚟之後，我想同你一齊，你想用乜嘢形式都可以！」

「乜叫做乜嘢形式都可以？」

「你離婚同我一齊固然最好，就算你想同老公保持夫妻名份，背地裡同我一齊都可以，乜嘢形式，你喜歡，我都接受。」

同Leonard認識咗唔係好耐，對佢有好感，但係未到要離開老公嘅地步，佢提出咁嘅要求，我一時間唔知點好。

[ 本帖最後由 Jindaoonline 於 2022-12-16 00:40 編輯 ]

Jindaoonline

「吸一口氣！」

嚟到餐廳門口，我記住Leonard教我鎮定嘅方法，吸一大啖氣，慢慢噴番出嚟，

侍應帶我入坐，無幾耐老公果然同埋嗰個女人一齊入嚟。

佢兩個繞實手，唔知講緊啲乜嘢，笑到幾乎答唔到門口個招待嘅問題，都係個女人眼利，佢拍吓老公，指住我，唔理個招待，兩個人直接行過嚟。

嗰女人本來笑得好開心，但係一坐低就「乸」埋口面，唔客氣眼神望實我。

佢好瘦，而加天氣回暖，佢已經著件緊身背心喺底，再襯件外套，隱約睇到佢膊頭位置都有紋身。

老公捋起衫袖，佢同個女人睇齊，前臂密麻麻都紋滿晒，一段時間無見，佢為咗個女人改變咗咁多。

佢好快咁同我介紹，但係我聽唔入腦，好似叫做阿Ann。

阿Ann唔理我同老公講乜，自己揸主意點餐，佢似乎飲慣食慣，點使點諗就決定到食乜嘢。

刺身，壽司、和牛一碟一碟咁送上枱，仲有幾樽日本酒，老公同阿Ann食嘢，飲酒，講笑，一路都唔入正題，我就好似路人甲咁坐喺度。

「嗱，你而加認識咗阿Ann啦⋯⋯」

老公飲到面紅紅，終於同我講佢想點。

佢一開始就講想喺屋企間多一間房，阿Ann搬入嚟住，咁佢可以日日返屋企，一聽佢咁講，我當然反對，就算要間多一房，都係俾囡囡。

「我都知你一定唔肯，所以我同佢只有繼續搬開住，我返得無咁密，仲有囡囡就靠你，阿媽嗰邊啲生活費我會攪番掂嘅！」

「經濟嗰方面，我無埋怨過我要分擔，但係你而加即係逼我接受佢，如果唔係就要變相同我分居？」

「屌你，你咪撚亂講，我使撚你接受呀！」

阿Ann好惡咁制止我。

「夠鐘返工！」

佢食到夠，同老公講一句，起身就走。

「我無話分居，我都話會返嚟屋企嘅！」

「你會返屋企？！你算係施捨我，可憐我？！我到底乜嘢地方做得唔好，你要咁對我！」

「我點對你啫？我俾俾揀，俾你話事，你偏偏揀咗我唔可以返得嚟咁密嘅，然後就話我施捨你，嚟埋怨我。」

「你打橫嚟講，咁多年嚟，你從來無愛錫過我，無錯我係唔識飲，唔識食，又唔識玩，點解，我未夠十九歲就做咗媽媽，要湊住個囡，無晒可以玩嘅時間！」

雖然我好嬲，喺間餐廳，我盡量壓低把聲，但忍唔住啲眼淚。

「你自己小心啲返去！」

又係不歡而散，老公連送我去車站搭車都懶，喺餐廳門口叫我小心啲，就轉身向反方向走咗。

我再忍唔到，行多幾步，轉咗入條橫行，向住牆，喊出嚟，無幾耐有個太太經過，以為我發生咩事，話替我報警，我怕再驚動其他人，多謝咗個太太一聲，走返屋企。

Leonard十一點幾再俾電話我，問我傾成點，我一面喊，一面講老公俾我嗰兩個選擇。

「慧，我盡快返嚟，同你傾吓點做！」

～～～～

Leonard喺個幾星期後返咗嚟，佢落機第一日，趁我下晝嘅空檔，走入嚟同我講叫我唔好咁辛苦，做兩份兼職，佢而加成立緊一間公司，預咗我過去做。

佢話大概幾個月，公司就籌備好。

我啞忍太子爺嘅猥瑣行為，變相鼓勵咗佢，呢輪佢越嚟越得寸進尺，試過一次飲咗啲酒，話同我摸骨，直頭摸我個波。

仲有一次，漢堡飽份工加班，趕唔切換制服，本來已經唔長條制服裙，坐低喺椅度縮起晒，成對大髀都露咗出嚟，佢已經成晚眼甘甘𥄫住我大髀，借啲意拍吓佢，我都盡量忍佢，點知臨放工，佢色心大到直頭一手摸落去，好快咁伸到入去我大髀盡頭，想摷落我gap gap度。

我想報警，不過單憑我一個人講，告唔告得入都成問題，如果同佢反面，唔打佢工，靠我日頭嗰份人工，俾囡囡喺奶奶屋企嘅伙食費都未夠。

所以聽到Leonard咁講，我心郁郁，但係我乜都唔識，只會係俾Leonard一個負累。

Leonard話唔識可以一路做一路學，堅持叫我唔好做夜晚嗰份，日頭嘅就可以遲些少。

「到正式上班前，我會俾津貼你！」

「我無可能未上班就收冿貼嘅！」

「哈哈，世界上點會唔駛做，有錢收㗎，夜晚我會俾啲訓練你。」

Leonard收起柔情，擺出一幅老闆嘅神態。

我以為佢會教我一啲工作上嘅嘢，點知Leonard連續同我出咗去幾晚，食唔同國家嘅菜，又上酒吧，教我飲酒。

「我以為你會教我點做嘢！」

佢送我返屋企嗰時，我唔明問佢。

「我想你試吓唔同嘅飲食，要你嘅眼界擴闊啲，日後幫手接待客人！短期嚟講，我要你唔好輸蝕俾仼何人，尤其嗰啲目光停留喺低檔次酒吧嘅MK妹！」

佢咁講我好感動，我同佢講過老公嫌棄我乜都唔識，係一個匿埋喺屋邨生活嘅師奶，佢情願揀一個又煙又酒，識飲識食，識玩識賭錢嘅人。

不過Leonard帶我去嘅餐廳，啲客人個個衣著都好講究，但係我就好寒酸，失禮咗Leonard。

「下星期見！」

Leonard送我返到樓吓，錫一錫我個嘴同我講拜拜。

嚟緊係星期六、日，一直以嚟，佢都唔會約我，佢係留啲時間俾我陪囡囡，定係佢本身要陪屋企人，我唔清楚，亦都無權過問，不過佢從來無要求見吓囡囡就係事實。

佢無否認想同我一齊，我怕佢淨係想玩吓我，不過咁多晚以嚟，佢無要求過上我屋企，好似今晚咁，送我返到樓下，錫一啖，就開車走。

佢對我嘅克制，連Leo都覺得奇怪，佢一直留意住我同Leonard嘅發展。

「Leo，你令到我好困擾，到底你係咪真心鐘意我，我身體俾咗人你會開心咩？」

「如果我要求你將身體淨係俾我，你做得到咩？！」

「如果你離開之前，認真咁同我講，我一定會等你！」

我感情上好困擾，我愛老公，唔捨得離開佢之餘，Leo仍然佔據住我心內大部份位置，而加又冒起一個 Leonard，佢對我嘅關顧，令到我對佢嘅好感一日一日增加。

但係我迫自己唔去想，怕會發生，就係俾我一直當係細佬嘅阿Mark，每次同佢一齊，我係最開心，最無憂無慮，一種微妙感覺越嚟越強。

但係我呢幾個月嘅經歷，尤其係喺男女關係上面嘅混亂，促使我希望阿Mark搵到一個純潔嘅好女仔。

～～～～

Leonard同我出去，事前從來無講會去邊，今日比平日早好多，佢帶咗我去一個商場裡面嘅名店。

喺舖頭門口，我已經怯怯哋，捉到實Leonard隻手。

「唔使咁緊張！」

佢感覺到我手心出埋汗，笑住細細聲同我講。

入到去見到啲衣服，飾物，最平都幾仟，大部份係過萬，

「睇吓邊件鐘意？」

「唔使啦，咁貴！」

我喺佢耳邊講。

點知個售貨小姐似乎都聽到，用少少睇唔起嘅眼神望吓我，嚇到我唔敢再出聲。

名義上問我鐘唔鐘意，基本全部都係Leonard揸主意，同我揀咗兩套衫，幾件飾物，已經要幾萬蚊，係我兩三個月收入。

「你送俾其他人啦，我著唔起咁貴嘅嘢㗎。」

一出舖頭，我同佢咁講。

「你咁靚，又好身材，雖然著乜都好睇，但係著靚啲會令你更加閃！」

佢仲想同我入去第二間，我堅持唔肯，佢無辦法強迫，但係就同我入咗一間主要賣內衣嘅。

嗰晚佢喺車廂，見過我啲bra，以為佢唔著重，原來佢有擺喺心度。

今次我怕佢又買啲貴價嘅俾我，我揀一套最平，我可以買得起嘅，就想去俾錢。

「咪心急啦。」

佢由得我揀，只係等佢知道我嘅尺碼，跟住佢又好似正話咁，揸主意一口氣揀多六七套，大部分好性感嘅。

「無論日後我同你會點，我一定唔俾你輸俾仼何人！」

Leonard好激動。

佢花咗好多錢，我感激佢，不過我一啲都唔開心，淨係覺得自己係一個洋娃娃，俾人裝扮得靚靚，但缺少咗靈魂。

我明白Leonard係一番好意，我唔知點報答佢。

[ 本帖最後由 Jindaoonline 於 2022-12-16 19:15 編輯 ]