Jindaoonline

我踢爆咗「一點綠」同佢老婆嘅關係之後，佢同我嘅短訊都少咗，就算有，來來去去都係解釋吓，只因仲未心熄，想同我保持住肉體關係。

「俾少少時間我可以嗎？」

我先一晚提出要求，佢到第二朝先回覆我。

今次對佢無疑係一個難題，無期待佢好快安排到，我甚至覺得佢最後都同我講佢出唔到嚟。

嗰晚佢同老婆表現得咁恩愛，無可能可以好似我老公咁，話唔返屋企就唔返屋企。

俾老公攪到情緒好低落，成日無落過街，阿Mark同Leo唔見我出現，都有俾短訊我。

對阿Mark呢個大細路，我唔想講咁多複雜嘢，淨係話我有啲唔舒服。

「我心好亂.........」

我個心好似俾石頭壓住，好辛苦，要向入傾訴出嚟，我選擇將同老公嘅感情糾紛講俾Leo知，唔駛一個人屈喺心裏面。

Leo成熟過阿Mark，雖然戀愛經驗多，但係佢始係局外人，好多關鍵位，佢都開解我唔到。

「一點綠」喺黃昏再俾短訊我，出乎意料，佢俾咗個時間同一個餐廳地址我，約喺嗰度會合，詳細嘅嘢見面再講。

就算睇佢條短訊，我想像佢搲爆頭，終於諗到個理由，戰戰兢兢同老婆攞批准，然後匿埋鬼鬼鼠鼠通知我嘅狼狽樣。

～～～～

喺間餐廳，過咗約定半個鐘，接到「一點綠」第一個短訊，通知我佢嚟緊，我好焦燥，埋怨佢唔守時，叫佢盡快趕嚟。

佢再過半個鐘頭後，一樣同我講趕緊嚟，我開咗竅，改變態度，回覆佢我會等佢。

隨住佢一個又一個嘅通知，我態度就越加溫柔，只係話希望佢快啲，事實上我真係怕佢唔出現。

一杯檸水接一杯檸水，叫咗一客又一客嘅三文治，侍應起初見我啲蛋治食唔晒，仲叫完一份又一份，通通都擺晒係枱面，佢哋察覺到我係等緊人，一個等咗接近三個鐘仲未出現嘅人。

「小姐，你唔阻我哋做生意嘅，坐下算啦，唔駛再叫啦！」

我想再叫多杯檸水，個侍應阿叔帶同情嘅表情同我講，無同我落單，換轉扐咗杯清水俾我。

我可以一早離開唔等，但係我要作賤自己，懲罰自己點解咁有眼無珠，同「一點綠」咁嘅人交往，同時我亦都要等到佢出現，有啲嘢當面同佢解決。

「一點綠」終於滿頭大汗推門入嚟，餐廳幾個侍應好奇睇吓到底係何方神聖，可以遲到幾個鐘。

「唔好意思，天誠嘅興趣班臨時改咗時間，我要送佢去老師度，等埋佢放學，嚟遲咗。埋單啦，喺隔籬街好近咋！」

「我哋去時鐘酒店？喺嗰度過埋夜？！」

我終於知道佢想點，特登好大聲咁講。

「er.........今晚老婆返嚟食飯！」

「Ok，咁行啦！」

我孭起個袋企起身，不過將手上面杯清水照頭淋咗落佢頭上面，佢愕然呆咗個一刻，我再係佢面上面補多一巴掌，呢個就係點解我等佢咁耐都要等到佢出現嘅原因。

午飯時間過晒，餐廳好清靜，幾個侍應帶住「抵你死」嘅神情喺度睇戲。

「先生，今熱天氣，要多杯水喱！想爆房唔好叫人等嘛！唔該埋單先走。」

侍應阿叔攞張單埋嚟俾「一點綠」。

～～～～

我個腦一片空白，無目的咁閒蕩，過去嗰幾個月自己原來咁白癡。

剛巧「一點綠」係我孤寂時侯，第一個出現嘅男人，就將自己嘅感情同身體交俾佢。

已經夜晚成十一點，我唔想返屋企，不過唔返去，又有邊度可以俾我容身吖，我而加連落腳嘅地方都無。

「返嚟喇！」

我返到屋苑，阿Mark同Leo竟然坐喺我樓下對開嘅花槽邊，見到我，就一齊走過嚟，原來佢哋等緊我，我再忍唔住啲眼淚。

我同阿Mark話病咗，以為可以呃到佢，點知攪到佢機乎同佢表哥嗌交。

佢唔信我病咗，見Leo似乎知道真正原因，問咗幾次，Leo都唔肯講俾佢知，對Leo好不滿。

見我到今日黃昏都無回覆佢對我嘅問候，居然走落嚟敲我門，敲過幾次都無人應門，佢索性走落樓下等我，Leo見到咁，佢又跟埋阿Mark落嚟。

「慧姐，有咩事唔怕同我哋講喎，我⋯⋯同Leo一定會幫你！」

阿Mark好心急，怕我有事，話保證會幫我，不過佢望吓我，又望吓Leo，似乎明白咗一啲嘢，中途加埋Leo個名落去佢嘅承諾裡面。

Leo就淨係企喺旁邊無出聲，但係從佢眼裡面，話俾我知佢好多嘢向我講。

「多謝你哋！」

佢哋嘅關懷，掃走晏晝困擾住我嘅情緒，我喺中間，一齊行入升降機大堂。

我惱恨點解我唔早啲遇上佢哋，而係黐咗落「一點綠」度。

～～～～

「我哋留喺度做你嘅守護神呀！」

阿Mark佢哋陪咗我上屋企，同Leo就賴咗喺度無走，一齊講吓笑。

阿Mark老實不客氣，玩咗一陣就嗌肚餓，要我煮宵夜，足足一日無食嘢，我樂意去煮即食麵，佢哋走去附近「七仔」揀飲品。

Leo一直想同我單獨傾吓，但係阿Mark成晚嘻嘻哈哈，跳跳扎，佢無機會。

攪到四點幾，我再挨唔住，返入房，佢哋就喺廳瞓。

～～～～

同「一點綠」關係告一段落，心情舒暢咗，一覺瞓到自然醒，輕輕拉開房門，Leo正喺度做緊掌上壓。

我無騷擾佢，靜靜喺度欣賞佢健碩得嚟優美嘅肌肉線條。

佢做完掌上壓同捲腹，發覺我醒咗，即刻走過嚟。

「阿Mark呢？」

我搶先一步問佢。

「佢遲啲有比賽，番咗學校練波，跟住返佢阿媽度，聽日先返！」

平時佢陪我去揼垃圾，兜遠路返屋企，都係想單獨相處，而家屋企得番我同佢，我竟然有啲唔自然。

「喂，你擋住我，我點去洗面呀？！」

Leo亦都係好似我咁，唔知點開口，我搵啲嘢講嚟打開個僵局。

「慧，我只不過關心你，無其他意圖，你老公嘅事，你有乜嘢打算？」

「唉，我有咩選擇？我帶住囡囡，無自立能力，我可以做乜吖！」

Leo帶住沉重嘅心情，佢猶疑好耐，終於鼓起勇氣，踏前一步攬住我。

衝過咗突破點，我好自然攬住佢條腰，Leo只係大我一兩年，俾佢擁抱住，好似俾一個大哥哥呵護住，好有安全感，除老公之外，感覺可以依附佢。

「一點綠」年紀相差更加大，同佢哋一齊，我無呢種感覺。

「雖然我係唔應該，但係我喜歡你，第一次認識你開始。」

唔需要佢多講，佢第一次買埋海鮮落嚟食晚飯，我哋就設法製造單獨相處嘅機會，同時盡辦法將相處時間𨒂長。

佢拍過咁多次拖，憑我對佢嘅態度，知我一早就接納咗佢，如果唔係，佢識我唔夠兩星期，點都唔夠膽攬實我。

佢耷低頭，錫落我個嘴度。

我愛我老公，不過我無辦法抵抗Leo，認識時間雖然短，但係感覺好似熱戀咗好耐嘅情人，自然咁同佢蜻蜓點水式嘴咗幾吓。

「我希望態夠令你開心一啲！」

Leo輕輕掃我後腦嘅頭髮，將我個頭㩒埋去佢心口。

「我唔知咁做啱唔啱！」

我都係好喜歡Leo，但係佢只係一個過客，喺我人生短暫出現，唔可能長期依托。

「自己生活得開心啲就得㗎喇。」

[ 本帖最後由 Jindaoonline 於 2022-12-15 03:55 編輯 ]

lulu1238899

用新感情忘記舊痛傷,多情自古空餘恨

Jindaoonline

早餐由Leo下廚，屋企無乜食物儲存，淨係得蛋同火腿，仲有一個尋晚用剩嘅即食麵，連麵包都無，可能Leo喺外國生活慣，竟然可以整到煎荷包蛋，火腿奄列，仲有仆碎晒嘅即食麵煎蛋。

唔似阿Mark可以有咁多食咁多，Leo著重自己體態，限制自己食量，煮咗咁多嘢，食剩咗超過一半。

天氣咁熱，Leo話既然我得閒，提議陪佢一齊去遊水。

「我要返上去攞泳褲，你未上過阿Mark度，不如一齊上去睇吓，你換泳衣先，我等你。」

拍拖嗰時，老公好鍾意帶我去游水，亦都送過四五套泳衣俾我，不過越買越密實，尤其係同我上咗床之後。

今次我除晒衫，不過唔知揀邊件好，喺房逗留咗好耐。

出番廳，Leo微微笑向住我，睇怕佢等慣咗女朋友，一啲唔奈煩嘅表情都無。

阿Mark間公屋，係佢阿媽喺出售公屋嗰時買嘅，有兩間房，得阿Mark一個住，而加Leo嚟咗，佢住另一間房。

兩個男仔懶執屋，啲衫褲鞋襪放到四週圍都係。

Leo喺佢其中一個大行李喼抄一大輪，終於攞咗條泳褲出嚟，佢房門都懶掩，背住我就換條泳褲。

～～～～

如果帶住囡囡，就算嚟海灘都係同佢玩吓水，照顧住佢，完全無機會同老公一齊游出去浮台。

想都未想過，幾日內，可以自由自在游兩次水。

天色晴朗，海灘四周圍都係人，想搵個位鋪開條沙灘巾都無。

「過隔籬個灘，怕唔怕？」

唔明Leo會咁問，因為佢指住嘅方向係一個有樹嘅亂石矮山坡。

佢拖住我沿住亂石爬過個山坡，果然有另一個海灘，不過啲沙粗好多，仲有好多碎石，灘底嘅斜度又大，離開沙灘十零米，水已經深過人頭，仲要爬過山坡，難怪無乜人過嚟呢一邊。

我專登揀咗上次老公唔俾我著去游水嗰套比堅尼泳衣，當除咗喺外面嘅Tee同短褲，有啲難為情，背對住佢。

「哈哈，你係咪打算一直背向住我？！」

佢溫柔咁將我擰番轉，面向佢。

「你身裁好靚，好吸引！」

佢讚我嘅身裁，但係對眼我離開過我個面。

喺外國好多海灘，女仔好似男仔，上身係唔著衫嘅，佢叫我唔使咁怕醜。

同Leo一齊，喺沙灘，喺水裡面，你追我逐，游到攰就番淺水地方大家潑吓水，然後大家瞓喺沙灘巾上面攤唞，好快過咗半日，大家嘅關係亦都大幅拉近咗。

黃昏日落，本來已經唔多嘅泳客續漸離開，我哋想留住時間，唔捨得走，靜靜喺度傾偈。

四周圍慢慢變黑，Leo再唔避忌，佢輕拉吓我，我配合佢，瞓埋佢身邊，枕喺佢手臂，個面貼住佢個胸。

佢指住個天，教我睇吓星星，話俾我知唔同星座嘅位置。

「其實有啲恐怖！」

個天黑麻麻，好似隨時壓落嚟，四周圍無晒人，成個沙灘得我哋兩個，又驚Leo所講嗰啲獅子，人馬，隻隻超巨型，兇神惡殺咁衝過嚟。

「咦？！乜睇星星唔係好浪漫嘅事咩？哈哈。」

「我唔似你啲女朋友咁浪漫囉！」

我將我嘅恐懼講俾佢知。

「傻女，咁伏埋我度，唔好再睇！」

Leo收緊佢手臂，將我滾伏喺佢心口，

「Leo⋯⋯」

我雙手撐住佢個胸想掙扎開，不過未到一秒，我放棄咗，乖乖伏喺佢度，仼由佢攬住我，慢慢磨砂我喺泳衣裸露出嚟嘅背脊，我亦教不自控咁觸摸吓佢唔誇張，但係好厚闊嘅胸肌。

好似知道我俾海風吹到有少少凍，伸手拉咗本來我瞓喺上面嘅沙灘山，當係被咁冚住我，我乘勢挨晒落佢身上面，俾佢實實咁攬住。

我心跳得好快，但係Leo仍然氣定神閒，對佢嚟講，攬住一個女仔只係平常事。

「多謝你！」

Leo錫我頭頂。

「嗯？多謝我乜嘢呀？」

我抬起頭望住高我半個頭嘅Leo講。

「我好幸運，一返到嚟就認識到你，多謝你俾機會我！」

佢含情脈脈望番住我，攪到我唔知點反應好。

忽然攬住我一個大轉身，Leo將我壓喺佢身下面，忍唔住錫落嚟。

今次再唔係蜻蜓點水，而係我哋啜住對方嘴唇，輕輕咁啜，放開半秒又再啜。

佢無急色插條脷入嚟脷繞脷，淨係憐愛我咁慢慢錫，感覺好窩心溫馨。

佢一放開嘴，我又開心，又怕醜，即刻匿埋個頭喺佢心口。

我哋擁抱咗好耐先走。

今次唔需要再爬石坡，佢帶我由另一條路番上巴士站，沿途月光喺樹葉罅透落嚟，佢仲介紹俾我知見到嗰啲係乜嘢樹。

返到屋邨，已經過晒晚飯時間，入咗𨋢，我哋約好各自返屋企沖涼換衫，然後會合一齊去搵嘢食。

我剛沖完涼，洗好頭，衫都未著，門鐘響起咗幾次，我唯有包著頭髮，圍住條大浴巾去開門。

「再遲啲，怕連呢間舖頭都閂埋門。」

Leo怕我無嘢食，自己揸主意，捧住一大盒炸雞同兩大杯汽水上嚟。

我想返入房著衫，Leo攔住我，我就好似著咗魔咁，聽佢講保持圍住浴巾，覺得我咁樣食嘢幾得意。

「今晚係我同你特別嘅日子！」

佢除走我包住頭髮條浴巾，幫我索乾吓啲頭髮，又抹走滴咗落我膊頭，漏咗落我波罅啲水，我一啲都無反感，唔覺得佢冒犯我。

露出嚟嘅地方比起我今日套泳衣，露出超過半個波，大半個屁股，相比圍住條浴巾，而加算係密實好多。

成個下晝，Leo唔單止無多手多腳，連咸濕嘅眼神都無一個，如果唔係喺夜晚嘅時侯，同我接吻，我以為佢對我無興趣，定係我既吸引力唔足夠吸引到呢個攬過唔少女人嘅人添。

我哋喺串流平台揀咗套戲，然後喺疏化挨埋一齊，一面睇戲，一面食嘢。

「食嘢啦！」

我睇到入神，停晒手，突然有嘢遞到埋我嘴邊，原來係Leo承機餵我。

我受咗老公溝之後，佢就無再花精神同心思𠱁我，做咗媽咪之後，對住住囡囡，又或者近來認識嘅阿Mark，更加無可能扮細路女，要人餵食嘢。

Leo叫番起女人要人呵護，要人錫嘅渴求。

之後只要我停低手一陣，佢就好細心咁餵我，不過同時，要我吮埋佢啲手指。

為咗表示對佢嘅好感，我都好細心咁將炸雞送去佢嘴邊。

點知Leo捉住我手掌，攞走件雞，就含住我我隻食指，用條脷圍住我指尖lem ，然後好似食雪條咁吮，嗰種又濕又痕嘅感覺好特別。

「呵～～」

發自我喉頭嘅呻吟聲。

佢吮完食指，再吮中指，續隻慢慢吮，我竟然有啲興奮到瞌埋對眼，不過忍住唔敢呻吟。

「哈哈⋯⋯」

Leo吮咗一輪，就放開我。

我諗佢睇到晒我個淫樣，我面紅咗，佢索性攔腰抱起我打橫坐上佢大髀，搞到我條浴巾捋起埋，露出咗個屁股，連啲陰毛都露埋出嚟。

「嗯，嗯。」

佢揀咗一細塊雞肉，擔喺口，要我用口咬走。

我貼個嘴埋去，點知佢將全舊肉放入我口裡面，順便同我接吻。

我睇戲睇過啲情人咁玩，但係未試過。

我哋一面錫，一面將雞肉傳嚟傳去，最後由Leo連埋我啲口水一齊吞晒落肚。

我哋無理滿嘴肥淋淋，淨係專心「茄輪」，今次係佢正式伸脷入嚟俾我吮，又吮番我嗰條，兩條脷繞埋一齊。

Leo都佢下面已經勃起咗，條沙灘褲谷起晒，我心跳一跳，雖然隔住條褲，都感覺到佢條啫啫好粗，好大，兼且好硬。

「今晚我唔走陪你！」

佢喺我耳邊講。

「嗯。」

我點吓頭，佢搶先伸手去扯走我條浴巾，順勢放低我喺梳化，壓上嚟同我再次「茄輪」。

佢一面同我接吻，一面將個屁股向前挺，隔住條褲嚟摔我個gap。

我擘開晒對腳，一隻腳「晾」上疏化背，一隻腳垂咗落地嚟方便佢。

畢竟張梳化好窄，佢怕壓傷我，每一個動作都要「就」住，好小心。

「入你房啦，好唔好？」

[ 本帖最後由 Jindaoonline 於 2022-12-15 03:57 編輯 ]

lulu1238899

正,入室上床做愛👍👍👍👍

Jindaoonline

我啱啱擺脫咗「一點綠」，喺一個深坑跳返出嚟，唔通又要跌落另一個坑度。

不過我抵擋唔到Leo，好想俾佢佔有我，老公聽晚就返，日後好難再有機會好似而家，無牽無掛咁喺埋一齊。

就算Leo佢今晚同我恩愛完，聽朝佢即刻拋棄我，我都心甘情愿，決定瞌埋雙眼，不回頭，無論下面係水係火，定係佈滿荊棘，聳身跳落Leo呢個坑度。

Leo一手穿過我背脊，兜住我波底，一手兜住我後膝，輕易就將我抱起，我雙手熱情咁攬住佢條頸，對望咗一陣，忍唔住一邊「茄輪」，一邊行入我間房。

「我以為我哋無可能。」

Leo放低我，同我互相擁抱住，我伏喺佢膊頭向佢講。

「我唔係咁諗，慧，我第一眼見到你，我就想接近你，你好靚，好好身材，不過我唔係因為呢啲嘢，我對你係一見鍾情，決定喺我走之前，無論如何，一定要你做我好朋友。」

「你咁多女朋友，點會稀罕我呢！」

女人就係天生嘅呷醋精，雖然無奢望過同Leo有未來，但係都妒忌佢啲女朋友。

我慢慢幫佢除咗件Tee，撫摸吓佢好寬闊嘅胸膛，欣賞佢優美嘅線條。

Leo又靚仔，又高大，唔會好似啲肌肉型嘅男人咁，成身一舊舊，帶啲「論盡」，佢唔同，身型健碩得嚟線條優美，吸引到女仔係可以想像。

「我好幸運，第一日返嚟就碰上你，我認定咗你係我日後嘅女人，以前嘅女友，我只會禮貌性同佢哋見一次面，再無其他。」

Leo雙手捧住我個面，一面錫，一面同我解釋佢之前頻頻出咗去應酬嘅原因。

佢沿住我額頭錫落去，鼻尖、嘴唇、頸⋯⋯隻手就喺我對波上面停落嚟。

「我都好幸運遇到你，不過⋯⋯」

到底咁算唔算對我嘅盟誓呢，佢有無諗過我仲有老公喺度，隨住Leo輕輕搓我個波，快感充斥住我頭腦，我再講唔咁多。

「走之前，我要將我所有時間放喺你身上，你都唔好諗咁多，盡情愛我就可以，日後我同你嘅發展，等我返嚟再算。」

Leo㩒住我膊頭，我明白佢想要啲乜，乖乖喺佢前面跪低。

我正想好似服侍老公咁服侍佢，老公入到房，就乜都唔做，連衫褲都要我同佢除埋，跟住就要我同佢吹。

我跪低喺度，拉低Leo條沙灘褲，佢條啫啫一大泡咁谷實喺佢條底底裡面，隔住佢條底褲，我一隻手兜住佢陰囊，好輕力咁摙佢兩粒蛋蛋，一手擸住佢條啫啫，感受佢嘅形狀。

好硬，好大條，啲熱力透穿條底底傳到我掌心，我錫吓佢，奶吓佢，將佢個龜頭連埋條底底放入口，條脷喺上面係咁轉。

「呀~~呀~~」

Leo忍唔住拉低自己條底褲，同我無阻隔接觸，佢揸住條啫棍，塞個龜頭入我口，直接享受我俾佢嘅服務。

無好似「一點綠」咁要求我成條啫啫吞晒佢，佢由得我點做，我可以用我自己都覺得舒服嘅方法去令佢舒服。

不過佢條啫咁粗，個龜頭又好似一個大草菇，塞滿晒我個口。

「你好大，好熱呀！」

我又含又吮，不停用脷尖撩佢個龜頭，服侍咗佢好耐，淨係聽到佢不停「呀~~呀~~」聲咁叫，以為佢好快就忍唔住㗎嘞，做好心理準備俾佢顏射，點知佢一路都唔射精。

「係咩？哈哈，等我滿足咗你先啦！」

我滿足咗Leo男人心態，佢扶我起身，放我上床，再次由我眼簾開始，慢慢錫我，雙手喺我條腰度細細力咁摸，佢一邊錫，一邊摸，錫吓落啲，摸吓上啲，變咗一邊同我接吻，一邊搓我波波，仲輕輕撥吓乳頭。

佢隻手慢慢向下，伸到我下面，手指輕輕喺我大髀罅度掃，撩到我好痕，好想佢快啲摸我。

好似知道我想點，佢用手掌冚住我成個gap gap，中指壓落嚟，不過佢又無插入去，手掌嘅熱力滲入我度，我好自然就係挺起個屁股，靠自己摔落佢隻手度。

「你好柔軟，好可愛！」

佢用憐惜眼神望吋我，嘴一嘴我。

跟住就打開我對腳，用兩隻手指摱開我兩片陰唇，佢更加清楚睇到我啲水已經流晒出嚟。

我平日都有留意一吓自己嘅下面，好彩我無乜色素沉澱，生咗囡囡幾年，下面都無變黑，又無鬆弛。

Leo先舐我陰唇，又吮又啜一輪，再用手指摔我嘅陰核。

佢隻手好似有魔力咁，快感一陣有陣傳上腦，我對腳越擘越大。

「噢～Leo～呵～我需要你呀⋯⋯快⋯⋯快啲插入嚟。」

「有無套？」

我幾乎唔記得呢樣嘢，反轉由Leo提醒。

老公一向好似大爺，乜都要我服侍埋，我已經慾火燒心，快快手手攞個套出嚟，推佢翻身打昂瞓喺床，我跪喺佢旁邊，再幫佢含多一陣，然後先幫佢戴上個套。

我主動騎上佢度，一插入去嗰一吓，就好似一個好口渴嘅人飲第一啖水咁，舒服到我「呀～～」好長，好長叫咗一聲。

Leo瞓喺度任得我點騎，佢雙手揸吓我波波，佢仲慌死我唔夠興奮，用手指公順住我一上一落，一前一後個勢，捽落我陰核度。

我一路鋤，又趴低個頭同佢「茄輪」，出力咁啜佢，我又錫，又放大聲咁叫，但係點都釋放唔到心裡面嗰團火，好興奮但係好辛苦。

「Leo，插死我⋯⋯插死我⋯⋯」

Leo聽到，將我反轉喺番佢下面，佢一啲都唔留情，用力咁頂入嚟，撞到我「啪」「啪」聲。

佢技巧好高，不停轉姿勢，難度越高，越糟質我，我身體裡面嗰團火就越能夠降低。

我已經無晒力去叫，相反，Leo嘅喘氣聲一路一路加大加快，佢就快要爆。

突然間，佢好快咁跪咗喺我頭邊，極速拉走個套，喺我嘴邊發射，佢射咗第一吓，我即刻含住佢，表示我唔介意俾佢口爆。

佢射咗好多吓先停，不過我就繼續含住佢嚟吮，趁佢軟軟哋，就盡我所能，將佢成條含入口，含得幾深就含幾深，俾個驚喜佢。

「你敢搞，今晚會用晒你老公啲套喎！」

Leo今次係唔覺意講咗出嚟，我第一次同Leo提起我老公，佢好唔開心，話老公唔應該咁對待我，之後就唔准我再睇起佢。

佢仲話如我係單身，佢點都會要求我同佢一齊飛走，無論佢真心定假意，我開心到想喊，不過同佢差距咁大，我仲有個囡囡喺度，Leo雖然不至於討厭細路仔，但係就絕對比唔上阿Mark咁喜歡囡囡，同佢真係無乜可能囉。

本來已經開始軟嘅啫啫，但係俾我甚喉咗一輪，好快變番硬，雖然唔及得第一次，佢已經伸手去攞套套。

今次佢唔再溫柔，每次抽插都好用力，好快佢嘅硬度返番去第一次嘅水平。

我嘅叫床聲無停過，直至佢嘅精液射離佢身體。

我哋第一次接受對方身體，仲有老公聽晚就返嚟，我哋好難再有咁嘅機會，Leo一次又一次咁同我做，我亦都一次又一次咁幫佢勃起，再勃起。

佢教曉我點樣用脷尖鑽入佢屁股眼，又俾我知道唔需要有接觸，只要睇住我自慰到咬牙切齒，求佢同我降火，佢就再一次自動扯旗，衝埋嚟解救我。

到都真係無能為力，雖然一次比一次減少，一晚過來，我已經呑咗唔少佢嘅精液落肚，身體唔同嘅部位亦都殘留咗啲。

最後我同佢都攰到支撐唔住，我匿埋喺佢心口，俾佢攬到實嚟瞓。

[ 本帖最後由 Jindaoonline 於 2022-12-15 04:03 編輯 ]

lulu1238899

好正,睇到硬曬好似自己插緊條女一樣👍👍

Jindaoonline

引唔起共鳴就唔係甜文。

du9lee

放蕩係一步一步變...

Jindaoonline

我俾Leo叫醒，佢坐咗喺床邊，已經賣咗早餐返上嚟。

「點解唔瞓多一陣？」

尋晚搞到咁夜，奇怪Leo佢會咁好精神，而家雖然咁早，佢已經賣埋早餐添。

「我唔想浪費啲寶貴時間！」

佢講得出就即刻做，拉我起身。

「哈哈，咁你都等我著返衫先啦！」

「唔使啦，一陣食完早餐，都要一齊沖涼。」

我醒起尋晚我哋食到滿嘴油，就搞嘢搞到天光咁滯，涼都沒沖就瞓著咗，摸吓自己，好似仲摸到全身四周圍都係Leo乾咗啲精液。

Leo鍾意除晒衫 正話落街唔着衫唔得，而家返到嚟，就同我睇齊，剝番晒衫褲先走去蒸餾咖啡。

估唔到我一夜就俾佢感染到，覺得光脫脫好舒服，成朝無著衫喺屋裡面走嚟走去。

早餐準備好晒，佢又好似尋晚咁，將我打橫坐上佢大髀，我負責切開啲熱香餅餵佢食，而佢就負責...........

諗番吓，佢負責啲乜嘢呢？除咗不停錫吓我，摸吓我之外，好似無乜嘢做過喎，仲有就係佢啫啫好快勃起咗，到食完早餐都無垂番落嚟。

沖涼嗰陣，又少不免攬攬錫錫，佢坐喺馬桶，我跨過佢大髀，俾佢錫住波波嚟做，廁所雖然好細，Leo又要我背住佢，彎腰㩒住馬桶水箱俾佢後入，佢又跪坐喺地下，雙手後撐住地板竪到條啫啫好高，俾我扶住佢膊頭坐落去，總之用盡裡面嘅空間，將我擺佈唔同嘅姿勢，要我同佢都滿足為止。

之後身都未抹乾，就俾佢抱返入房，真係用晒擺櫃桶裡面啲套套為止。

老公好日都唔同我做吓，盒套套用咗都仲剩番六、七個，今次就俾Leo一日間清晒貨。

我好窩心，Leo同我好似新婚度蜜月咁渡過咗淨係食嘢同做愛嘅十幾個鐘頭。

呢一晚同佢心靈相通，我拋開女人嘅矜持，開放自己身體，仲開放感情，向佢講咗好多表示傾慕嘅說話。

～～～～

「你哋起咗身未？係咪一齊去食飯？」

Leo俾阿Mark嘅短訊我睇，佢尋晚返咗嚟，無喺佢阿媽度過夜，Leo成晚無返，佢估到係乜嘢事。

佢年紀細細，竟然咁世故，一直唔敢騷擾我同Leo，等到兩點幾接近三點，Leo都無蹤影，佢先傳短訊問Leo。

「你沖涼沖得快，我沖完仲有排攪呀，你去啦，我唔去喇，唔好要阿Mark等咁耐！」

Leo唔明我點諗，阿Mark知道我有老公，但係咁快就同Leo上埋床，佢一向都當咗我係一個好媽媽，但係佢唔明白，好媽媽未必係一個好老婆，我唔敢面對佢。

「去啦，佢都知道咗啦。」

「唔好啦，好難為情呀！」

「咁，我返去讀書之前，你係咪準備唔俾我再掂你吖？」

「你掂唔掂我，同我怕難為情唔見阿Mark有咩關係喎！」

「........... 總之係有關係啦！哈哈。」

Leo搣吓鼻尖，錫吓我，佢令我好心甜。

佢係好橫蠻無理，不過佢好似有魔力，我無辦法違背佢嘅說話。

終於決定佢先去搵阿Mark，我就盡快去會合佢哋。

「早晨。」

阿Mark先同我打招呼，如果喺尋晚之前，我一定會同佢講：咩早晨呀，仲未瞓醒，係午安，再講過。

「早...早晨！」

今次我陪埋佢一齊犯錯，好靦腆咁回應佢。

成個下午茶，阿Mark同我都無乜嘢講，佢耐不耐望吓我，似乎唔相信我係會同男人上床嘅人咁。

食完個下午茶餐，離開茶餐廳，就同佢哋分開。

老公之前講話會今晚返，就算佢返，都唔知幾點，仲加上佢講過嘅嘢好多時都唔兌現，但點都好我都要準備一吓夜晚餸菜，萬一佢做返都有啲嘢整俾佢食。

「靚太，咁多日無嚟埋嘢呀，小妹妹呢？」

凍肉舖個太子爺一見到我，又笑口噬噬，衝出嚟舖面。

「去咗嫲嫲屋企。」

我有咁快得咁快揀咗一啲囡囡喜歡食嘅魚柳，就即刻去俾錢。

每次我踏入呢間凍肉舖，太子爺一定走出嚟招呼，呢個所謂太子爺，已經四十幾，佢有時同囡囡玩一分半分鐘先收錢，不過通常佢講咩我都好少回應，淨係笑一笑就算。

我除咗怕呢個太子爺別有目的嘅眼神，我真想快啲趁老公未返之前，去超市買番盒避孕套，買避孕套好容易，但係我怕露出破綻，雖然老公未必心水清都知道盒套套用咗超過一半，但一定唔會係全新嘅。

好簡單嘅方法就係拆開佢掉咗十零個，剩番七、八個喺度，撇開啲避孕套咁貴，掉咗超過一半好肉赤，仲有個盒，屋企嗰盒拆開咗好耐，放喺櫃桶俾啲嘢責到皺晒，老公唔睇裡面，睇外面都知道咩事。

我急到唔知點算好，無辦法，最後都係問Leo點算。

「哈哈，你掉咗舊嗰個盒未？將部分嘅套放番入舊盒度，其他嗰啲俾咗我咪得囉，我用得著嘛，哈哈！」

點解我蠢得咁緊要，咁簡單都諗唔到。

「唔制，要我俾埋避孕套你搵你啲舊情人！你著數晒呀！」

「唔係呀，我諗住我keep住啲套，走之前同你用埋佢咋！」

「衰人，唔再俾你呀！喂，講正經嘢，阿Mark無嘢啦嘛，正話佢好似好唔開心咁，可能我太令佢失望。」

「無嘢嘅，過一兩日佢就接受㗎喇。你今晚點呀？」

「咩點呀？」

「係咪真係一個人？」

「唔知呀，佢仲未返，都唔知返唔返添呀。」

「唉～～如果你一個人怕靜，通知我啦，好唔好，我想每一分鐘都有你喺我身邊。」

Leo嘆一口氣，過咗一陣佢先再出聲。

我返到屋企，即刻照Leo嘅辦法將盒套套改頭換面，換個一身街坊運動衫褲裝扮，然後通知佢落嚟攞走其他嗰啲。

我喺電梯大堂等佢，打算佢一出嚟就遞咗俾佢，我就即刻返屋企，點知見到Leo，大家都唔捨得分開，互相對望咗一陣，佢指一指後樓梯。

呢條後樓梯傳出過鬼故事，除咗管理員定時巡邏，其他街坊無人喺度上落，我有啲驚，但係情慾遮蓋咗恐懼，就跟住Leo行入去，

防煙門掩埋，我哋已經忍唔住，互相擁抱住接吻。

「為咗我，哈哈？」

佢摸到我衞衣裡面真空，好奸咁取笑我。

「女人返到屋企嘛，舒服啲囉，習慣咗！」

「舒服啲？哈哈，咁樣舒唔舒服？」

Leo伸手入我件衫裡面，由輕輕續漸變大力揸我對波。

「嗯，趕........趕時間........呀～」

我口咁講，但反為擰轉身背向住佢，俾佢對手有多啲活動空間。

「呵～Leo～上一啲，呵～」

Leo另一隻手已經插咗我底底裡面摸我個gap度，佢好似識得魔術咁，摸落嚟，我就即刻軟晒，仲話埋俾佢知，想佢摸我邊個位置。

Leo亦都怕我老公會隨時返嚟，唔理咁多，拉低我條褲，掹佢條啫出嚟。

「唔好........唔好喺裡面射呀！」

分開咗只係兩三個鐘頭，諗唔到我哋會饑渴成咁，Leo要我彎低腰㩒住樓梯，佢係後面插咗成十分鐘，然後再兜住我兩隻大髀，將我抱起離地，我挨住幅牆，攬住佢後頸，俾佢再插過。

我好想叫，怕驚動街坊，靠出盡力同Leo接吻嚟封住個嘴，但都控制唔到不停發出「哼」「哼」「呵」「呵」嘅呻吟聲。

到最後關頭，Leo先肯掹返出嚟，射晒落地吓。

我好滿足，今次輪到我唔放手，攬住佢錫過唔停，到真係聽到腳步聲由下面幾層樓傳上嚟，先捨得咁放佢返上阿Mark度。

返到屋企換晒啲床單，將尋晚同今朝用過嘅避孕套，喺垃圾桶倒翻出嚟放係膠袋，連埋連埋尋晚啲雞骨，今朝早餐啲餐盒，包好晒，扐埋落樓下垃圾站，忙忙碌碌咁終於做好善後工作。

[ 本帖最後由 Jindaoonline 於 2022-12-15 04:07 編輯 ]

lulu1238899

😄😄👍👍👍好有手尾