「嚟緊個星期日朝早,我同囡囡喺邊度會合你?」
阿Mark喺我哋出去玩前幾日嚟飲咖啡,我趁機會問佢。
「先一晚我上你屋企,星期日朝先一齊去接囡囡,好唔好?」
佢細細聲喺我耳邊講。
「嗯⋯⋯」
我點會唔知佢目的係乜嘢,之前嘅疑慮,一掃而空。
「唔使考慮喇,哈哈!」
阿Mark一手拉我坐咗落佢大髀,攬住我條腰。
客人雖然走晒,但係兼職嘅大學生仲喺度收拾緊,我即刻撥開阿Mark隻手,企返起身。
我個身體早已經為佢準備好,唔需要等到星期六,兼職大學生一離開舖頭,阿Mark即刻鎖好大門,拉低度捲閘,熄晒餐飲區所有燈,喺張皮革卡座,將我橫抱喺佢膝頭上面,同我接吻。
[ 本帖最後由 Jindaoonline 於 2023-1-25 07:26 編輯 ]