Jindaoonline

我知道老公已經換過幾個唔同女人，相信Leo幾年嚟嘅玩伴一定唔少。

我最後都係除番套比堅尼泳衣落嚟，改著番套一件頭嘅。

[ 本帖最後由 Jindaoonline 於 2023-1-29 02:15 編輯 ]

Jindaoonline

我同阿Mark都珍惜難得嘅相處機會，盡情享受陽光同海水。

「記唔記得之前同囡囡三個人去完主題樂園，你一手抱住囡囡，一手拖住我，跑步趕入場睇戲？」

喺沙灘玩咗半日，休息嘅時候，我回憶番起舊事。

「係咩？」

阿Mark似乎忘記咗，我向佢講睇完戲，仲傻氣到去食糖水，攪到好遲先送囡囡返佢嫲嫲度，希望提番起佢同囡囡嘅融洽關係。

「乜嗰時我咁幼稚，哈哈！」

「一啲都唔幼稚呀，你嗰時好有陽光氣息，反而我覺得你而加太過老成！」

呢個係我真心感覺，阿Mark今時已經唔同往日，無晒以前嘅頑皮跳脫，對我好大男人，但係照顧有加。

換轉幾年前，佢一落到海灘，定必大笑大叫之餘，仲會諗啲嘢出嚟整蠱我。

今次我哋唔使忘命狂跑去睇戲，而係足夠時間慢條斯理，買埋爆谷先入場。

游水、睇戲，大家都好開心，喺海灘上水一刻開始，全程阿Mark都拖住我隻手，幾乎無放開過。

Jindaoonline

喺居酒屋食晚飯，阿Mark一面飲燒酎，一面天南地北同我傾閑偈。

Jindaoonline

佢飲咗好幾杯，面紅晒，好大酒氣。

「「一點綠」仲有無搵你？」

「一點綠」間中都會同我通三幾個短訊，呢個學期，囡囡升中，同佢嘅通訊多咗。

但係我印象中無向阿Mark提過「一點綠」呢個人，可能Leo講過俾佢知啦。

「佢⋯⋯」

四周圍好嘈，我剛想回應，侍應送上阿Mark新一杯燒酎，我停咗口，之後阿Mark又講過第二樣嘢。

[ 本帖最後由 Jindaoonline 於 2023-1-29 02:20 編輯 ]

Jindaoonline

晚飯食完，阿Mark腳步浮浮，喺街度攬住我膊頭，我唔知佢有乜嘢打算。

「嗯⋯⋯上我屋企？！」

我撇開咗女人嘅矜持，首先開口。

「哈哈⋯⋯」

就係呢個時候，網約客車剛駛到，原來佢暗中安排好。

[ 本帖最後由 Jindaoonline 於 2023-1-29 02:27 編輯 ]

Jindaoonline

網約車駛咗去一個陌生嘅住宅區，我估阿Mark係帶我去佢嘅屋企。

「今晚得我哋兩個？！」

阿Mark攞鎖匙準備開門，我向佢確認佢朋友唔係度。

「我啱啱自己搵到新地方。」

解釋搬咗新地方。

一入門口，阿Mark細細聲講咗一句嘢。

「意思係我返嚟喇！」

我成個面都係問號，阿Mark向我解釋佢習慣咗返到屋企都會講呢句。

「日文嚟嘅？」

阿Mark點吓頭確認我嘅提問。

間屋唔係好大，不過有房，有浴室，㕑房係開放式，全屋細細哋，好簡潔。

Jindaoonline

招呼咗我坐低，阿Mark入咗睡房，跟住有香薰味傳咗出嚟，好香，聞起上嚟令人飄飄然，有醉意。

我好奇，打開咗嘅睡房門望入去，俾阿Mark一手拉咗入去，推我落床。

「哈哈，唔好咁⋯⋯」

想嚟阿Mark都好心急，佢壓住我，點知喺佢頭嘅側邊，我好似見到有嘢掛喺牆上面，我當堂愕然，毛孔豎起上嚟，停咗口出唔到聲。

幾年前，我喺木谷仁一間房，見到佢牆上面掛咗好多我嘅相，正話擸吓眼見到嘅，係其中一張。

阿Mark因為我喺做愛嘅時候，要求佢粗暴對待我，而令佢懷疑我仲想住Leonard同Leo，最後搞到大家要分開，今次見佢房裡面竟然有張咁嘅相掛咗喺度。

Jindaoonline

「點解會咁嘅？」

「慧～」

阿Mark無俾機會我思考，亦無俾時間我睇清楚，用嘴封住我個口。

佢澎湃嘅熱情，加埋催情香薰，我開始迷醉，入咗幻景咁。

[ 本帖最後由 Jindaoonline 於 2023-1-31 01:14 編輯 ]

Jindaoonline

矇朧間，一個熟悉嘅身影慢慢走埋嚟壓喺我身上。

「你係木谷san定係阿Mark呢！」

本來係令人毛骨悚然，無可能發生嘅事，真係出現喺我現實生活面前，不過我一啲都唔驚，只係好激動。

「慧～」

「佢」唏噓嘅語調回應我，顯露出：你終於明白喇嘅眼神。

Jindaoonline

我終於明白點解阿Mark有咁大改變，點解囡囡咁怕佢，同埋點解佢知道一啲我無同佢詳細講過嘅嘢。

「木谷san～」

我回應咗佢一聲，大家忍唔住流出眼淚，跟住互相攬實，實到想兩個身體合而為一。

「木谷san，我憎死你，點解最後做咗懦夫，唔俾我見你，你呢個「爸㗎」！」

我一路喊，一路打落佢前胸，竟然向阿Mark講出咁嘅說話。