Jindaoonline

「哈哈，你去滾？！枉你成日玩住部手機，知唔知有咩交友網呀？溝到咩男人，記住話俾我知喎！」
老公咁同我講。
但係佢忽略咗，捕蠅草唔會因為呆呆企喺度唔去捉烏蠅而缺乏養分，佢肚窩裡面總會有一隻又一隻嘅小昆蟲滋潤佢。

故事先一日在：
https://www.shikoto.com/i/beju
及Penana：
https://www.penana.com/story/101451/人妻出軌的二三事
首先發佈。

[ 本帖最後由 Jindaoonline 於 2023-2-6 01:34 編輯 ]

Jindaoonline

CEAFF260-337E-4E2F-B454-62941588068F.jpeg (55.25 KB)

2022-12-14 19:38

「今日你阿媽生日，你難得返早更，放咗工就早啲到啦！」

我一面幫囡囡梳頭紥辮，一面同啱啱起身，喺房出嚟嘅老公講。

「妖，你老公班所謂同事，個個好似隻狗咁奶老細呀，你唔係唔知嘛，我點話得埋啫！」

佢打幾個喊露，走埋嚟摸吓囡囡塊面，又撥吓佢啲頭髮。

「點話得埋？！你放咗工唔同人去飲酒，唔上嗰個女人度，咪話得埋囉！話晒係你阿媽生日，唔係我阿媽生日呀，你玩少一晚駛死咩！」

我撥開佢隻手，啱啱同囡囡梳順啲頭髮，準備紥辮，佢撥亂晒，要再梳過。

「我同老頂去飲酒吹水，係拉關係呀，你想唔想老公扎職呀？我唔喺出面博殺，你同阿女有咁舒服咩！」

每次講起嗰個女人，佢都唔敢正面回應，淨係避開唔講。

「三個人逼喺嗰有、百零呎公屋有幾舒服呀？唔同你講咁多，我趕住湊囡囡返學，總之你今晚一定要到，唔好要我替你喺班姨媽姑姐面前諗藉口，講大話。」

我十九歲同佢未結婚就搞大咗個肚，到而家個囡囡四歲幾，我都係一直湊住個女，唔駛喺出面捱，睇老闆面口，相嗌唔好口，我講就咁講啫，而家住緊百零呎嘅公屋，我哋三個人亦都夠晒，好過人哋住劏房，捱貴租，我都知足嘅。

老公做嗰間公司，升職加人工到確實係由老闆話事，雖然好黑暗，不過佢咁低學歷，有咁高人工，所以我想佢想轉行都係得個講字，我理解佢要應酬拉關係，不過應酬只係借口，佢成日去滾，最近仲識咗個唔三唔四嘅女人就真。

近嚟同佢好日都唔慌講多幾句，一講就嗌交咁，我都唔理得咁多，講完就如常趕喉趕命咁送囡囡返學校。

～～～～

今日又見到佢嘞，喺一大群接送仔女返放學嘅師奶、太太嘅女人堆裡面，一個成日拖住個幾歲大囝囝嘅男人的確係比較突出。

我住得遠，怕遲到，每朝預咗好鬆動時間，所以好早就到學校，我又唔喜歡八卦，通常囡囡入咗班房，我就離開學校，佢可能遲啲啦，所以唔係成日同佢碰頭頭。

到底係咪佢呢？

我心裏面諗。

點解我會咁問自己呢，因為喺我哋學生家長聊天群組裡面，有一個好積極參與嘅男人，無論係學校發生嘅大小事情，學校校政嘅事項，佢一定積極留言唔在講，有時甚至成班女人得閒得滯，講吓湊仔、煮飯、娛樂新聞呢啲女人經，佢間唔中都會發吓言。

起初班師奶家長無乜點理佢，唔多回應佢嘅留言，但係佢又唔介意咁，個個唔理佢一件事，佢有佢自己講，整整吓有幾個家長開始回應佢，我間唔中都會問吓佢升小學派位嘅嘢。

如果將女人比喻為紅色，佢就係萬紅叢中嘅一點綠，哈哈，我笑起上嚟。

男人之家得閒到日日帶個仔返學放學，懷疑佢係咪失業，定係有咩問題，靠老婆搵錢之類，有啲可憐佢，引起我女人嘅八卦天性，想發掘多啲佢嘅資料。

不過喺個群組裡面，我係唔活躍嘅一個，無乜人會留意到我，而「一點綠」嘅頭像係一個卡通人物，我確認唔到而家見到呢個男人，同群組裡面嗰個「一點綠」。

～～～～

囡囡每朝返三個鐘頭學，我又住得遠，每程車都要成個鐘頭，我費事返去屋企一陣間又要出嚟接放學，又嘥時間，又嘥車錢，所以每朝都係喺學校附近唯一一個商場裡面行一陣，又或者食個早餐，坐到夠鐘，每日都係無無聊聊咁消磨幾個鐘。

遇啱過幾日商場裡面一間大型百貨公司做特賣，好多臨時工喺度食完早餐，跟住開工，我捧住盤早餐好辛苦先搵到一張吉枱。

「我可唔可以坐呀？」

我慢慢嘆杯咖啡，耷低頭全副精神轆手機，有把男人聲問我。

「喔～」

我抬起頭，個男人正係今朝我喺學校門口留意嗰個。

「你係Tracy媽咪？我係天誠嘅爸爸，我哋喺群組裡面有傾偈㗎！」

我喺群組用大頭相做頭像，可能因為咁，佢認得我。

怕我誤會佢搭訕，主動表明身份，跟住就坐喺我對面。

果然係佢，女人堆中嘅「一點綠」，今次係我哋第一次喺呢個商場裡面同佢碰面。

我點頭同佢笑吓，就繼續耷低頭轆我嘅手機，不過我知道佢耐不耐就偷偷望吓我，尤其係領口露咗出嚟嘅事業線。

我無嬲佢，因為佢俾番少少自信心我，我仲有啲咁多嘅吸引力。

我今年先得嗰廿四歲，一向都俾人讚我靚女，就算生完囡囡，身材都一直保養得幾好，三十四、二十六，條腰係粗咗少少，不過做咗媽咪，上圍都升咗cup，由 C升去D，襯落條腰都唔覺好肥。

只不過老公呢兩三年因為做嘢，成日黐埋啲唔三唔四嘅女人度，最近仲搭上咗個酒吧拳手，兩三個星期都唔掂我一次，搞到我以為自己變咗做黃面婆，無晒自信心。

～～～～

今朝俾「一點綠」偷睇過個波，加上今晚奶奶生日，飲咗啲酒，好想搞吓嘢。

等囡囡瞓着咗，我沖好晒涼，又特登揀件半透嘅睡袍，上到床仲好下氣咁主動攬住老公，又錫佢個面，又錫佢條頸，又伸手落佢啫啫度，點知佢應酬式咁揸幾吓我對波，就擰轉埋身，背住瞓覺。

「你有無數過幾耐無掂我？」

「發咩姣啫，聽朝要返早呀！」

「你咪以為我唔知你喺出面啲嘢，你喺出面滾，唔理我，我痕起上嚟，都可以好似你咁㗎！」

我唔知邊度嚟嘅勇氣，竟然咁講。

「哈哈，你去滾？！你男人都唔見多個，成日玩住部手機，知唔知有咩交友網呀？出去滾！哈哈，溝到咩麻甩佬記住話俾我知喎。」

老公咁睇小我係有原因，同佢生咗囡囡之後，我就疊埋心水，專心湊女，每日買餸煮飯做家務，得閒就揸住部手機煲劇，人都唔識多個，到囡囡上咗幼稚園，先叫做加入個家長群組，同人傾吓學校嘅嘢，邊度有資格講出軌。

[ 本帖最後由 Jindaoonline 於 2022-12-20 11:14 編輯 ]

Jindaoonline

喺網上面睇到有關斷食減肥十六個鐘，佢哋計過數，食完晚飯到第二日午餐呢段時間內，唔食仼何嘢，咁就夠十六個鐘頭。

我嫌自己條腰肥，都想減吓，所以我送完囡囡返學都刻意唔去食早餐。

不過好多時意志力好薄弱，一星期有一兩日抵受唔住肚餓，最後都走去食個輕盈早餐。

～～～～

自從嗰次見面打咗個招呼之後，連續兩三次，只要我去到嗰間快餐店，都例必見到「一點綠」，佢外表斯斯文文，唔算惹人討厭，不過我見到佢總係有啲唔自然，所以每次都係搵一個唔係咁容易俾見到嘅死角位坐，避免「一點綠」見到。

自己想匿埋，但係又忍唔住留意吓佢，每朝佢枱面都放咗部note book，耷低頭喺鍵盤打一輪字，睇一陣個屏幕，好似做緊嘢咁，但係過一陣佢就抬高頭四圍望，想搵人咁款。

莫非佢係搵緊我坐喺邊？定係我諗多咗，我唔敢肯定，不過只要咁諗，心裡面就有一陣莫名嘅興奮。

～～～～

「睇咩咁好睇呀？」

囡囡食完晚飯，玩佢嘅玩具，我聚精會神睇緊套愛情片，老公瞓醒覺，失驚無神喺我後面出現。

「唔係嘛，做咗人阿媽，學人玩初戀，幾多歲呀？」

佢企喺我後面陪我睇咗一陣，就大大聲咁批評。

套戲係講緊一個單親媽咪暗戀個男人，講佢患得患失，好似初戀咁嘅感覺，我覺得好合情合理，仲好有feel添。

「喂，摸咩呀！而家囡囡喺度呀！」

老公一邊鬧個編劇，一邊就由我T恤領口攝隻手入嚟摸我個波，揸吓搓吓，搞到我乳頭都硬咗，我細細聲咁鬧佢。

「開套卡通俾佢睇囉，咪話我唔掂你呀？」

佢講完就轉身走返入房。

「Tracy乖，媽媽入房做啲嘢，你自己睇一陣卡通。」

老公成兩三個星期無掂過我，而家俾佢摸幾摸，真係痕起上嚟，鬧還鬧，之後咪開套囡囡百看不厭嘅卡通俾佢睇，跟住就死死地氣咁走入睡房。

入到去，老公已經剝清光，坐喺床邊捋緊佢自己條啫。

「過嚟幫我含一陣！」

我衫都未除，佢就一手拉我埋去，㩒我跪喺床邊同佢口交。

「咪咁大聲啦，費事一陣囡囡喊住嚟搵我呀！」

講完就揸住佢條啫，lem幾吓龜頭，跟住放入條啫入口吮。

「個波好似大咗，呵～～」

我一路含，老公一路除我衫，揸我對波，我生完囡囡個胸升晒cup，已經咁多年，佢似乎而家先發現，點都好啦，我吮得佢舒服，希望佢多啲留喺屋企啦。

「上嚟！」

吮吮吓老公瞓低喺床，叫我除埋條褲，瞓埋上去。

我以為佢想插我，點知佢拉我尖頭到腳瞓上佢身上面，同我玩69。

佢條脷lem，手指就插，我好快high晒，如果囡囡唔係喺出面，我真係會大聲咁叫。

餓咗咁耐，我唔理老公話唔話我姣，我唔再吮佢，直頭爬起身坐上佢上面，主動騎佢。

人哋話女人到三、四十歲先會性飢渴，點解我而家仲有幾個月先二十四歲，就變成咁，係咪俾老公冷落我嘅關係呢。

「呀～～呀～～」

我越騎越快，猛咁扭條腰，等老公條啫可以摩擦我陰道璧唔同嘅位置，又希望佢個龜頭可以接觸到我G點。

我咁瘋狂，老公都好享受，佢出力揸我對波，又拉低我個頭同佢濕吻。

無幾耐佢同我嚟個大翻身，變返做男上女下，佢將我對腳屈到膝頭哥貼膊頭，佢半跪半踎，從高而下咁狂抽插我。

「屌爆你～～屌爆你～～」

老公咁講，係代表佢就快射精。

「呵～～呵～～呀～～～～」

我未叫完，老公已經插條啫入我口裏面射，要我吞精。

我哋而家嘅經濟能力，實在養唔起兩個仔女，而且我亦都無能力湊兩個，所以都一直好小心避孕。

不過今次我high到爆，無同佢戴套就做，好彩老公仲記得唔可以攪出人命，如果唔係，就要貧撲去家計會攞事後丸。

「俾我沖先，趕返工！」

我成身汗，想快快手去沖身同「啷口」，點知老公攔住我。

「你唔係放假咩？」

上個星期佢明明同我講今日放假。

「邊有咁多假放，今晚返通宵呀！」

佢講完，就圍條浴巾，攞埋啲衫褲，走去沖涼。

我有啲唔開心，估佢今晚係上個拳手度過夜就真。

不過唔開心又點吖，我中四留班嗰一年認識佢，開始同佢拍拖，拍到啱啱叫做中學畢業，唔夠成績再升學，又無嘢做，前路未明。

無幾耐就同佢有咗，草草結埋婚。

我同老公講，橫掂都要俾錢奶奶，我哋俾多少少，等佢日頭幫我睇住個女，我出去搵份嘢做，幫輕吓個家。

「你咁辛苦做咩吖，況且你又乜都唔識，喺出面容易俾人呃，搵錢嘅嘢，留番俾我做啦！」

老公反對我嘅提議。

於是就就疊埋心水，匿埋喺屋企湊囡囡。

四年幾以嚟，從未做過嘢，完全無獨立能力，如果要離婚，啲官一定判囡囡跟佢，一來我唔捨得，二來佢無心機湊，到時盞囡囡受苦。

問心講，佢滾時滾，有另一個女人還有另一個女人，佢都算錫囡囡，間唔中又識得𠱁吓我，成頭家靠佢搵錢，又要俾錢阿媽，都可以依時依候俾到足家用番嚟。

最關鍵係我仲係好喜歡佢，未到忍受唔到，必定要同佢分開嘅地步，唯有得過且過，隻眼開，隻眼閉，有一日過一日啦。

[ 本帖最後由 Jindaoonline 於 2022-12-14 21:18 編輯 ]

Jindaoonline

雖然我積極閃避，「一點綠」都會發現我，只要見到我，佢就好有風度向我微笑吓，揮吓手。

我每日出街，去買餸，喺家長群組留言，接觸嘅大多數都係女性，老公無講錯，我真係唔慣同男人，尤其係陌生男人接觸。

對「一點綠」嘅招呼，我只係好疆硬咁笑一笑。

有時見佢想企起身，行埋嚟，但係見我咁冷淡，佢最終都坐番低，繼續做佢嘅嘢。

我嘅反應唔代表對男人冷感，只不過除咗老公，我未同過其他男人來往，唔識得點應付，況且我怕「一點綠」好似屋企附近街市凍肉鋪個太子爺咁猥褻，

「一點綠」年紀大我咁多，未必係對我有興趣，可能只係我自己一廂情願，不過就算我無諗多咗，能夠吸引到異性，無論真定假，我好緊張，仲有少少期待。

睇外表，「一點綠」大約三十幾，未到四十，唔算得做英俊但外貌俾人好舒服嘅感覺，戴眼鏡，尖尖長長嘅面形加埋瘦削嘅身形，講嘢陰聲細氣，真係好有書卷氣，同老公好係兩個唔同類型。

～～～～

有一朝，佢終於提起勇氣走埋嚟我度，我竟然有啲心跳。

「就嚟要考小學囉， Tracy有咩心水呀？」

仲有幾個月，囡囡就升上幼稚園高班，跟住就要考小學，呢個係喺群組近來最熱門話題，我呢個第一任媽咪乜都唔識，自然好迷惘。

「嗯～無心水呀，我茫無頭緒，都唔知應該點做。」

一掂到著緊嘅話題，蓋過晒所有無謂嘅男女之別，我即時回應佢，不經意顯示我嘅徬徨無助。

「你先睇吓啲資料。」

佢打開喺note book啲小學資料俾我睇，同我分析吓唔同小學，唔同嘅教學方針，又將佢一年前同大女揀小學嘅經驗同我分享，教我點樣幫囡囡揀學校。

「嘩，真係好複雜呀！」

「一點綠」一口氣講咗咁多嘢俾我聽，一時間我吸收唔到。

「唔緊要，我俾個檔案你返去慢慢睇，我諗你無帶手指喺身㗎啦，咁俾個email我，我傳送俾你！」

我而家變咗做湊仔婆好耐，屋企部電腦都係用嚟睇netflix，甚少用到「手指」呢啲嘢，email我係有，不過咁多年無用到，連個密碼都幾乎唔記得埋。

「唔緊要，我借我嘅俾你！不過你等我一陣，我要將手指上面一啲檔案 搬去我個note book度先，等一等。」

佢真係好善解人意，兼且好體貼，見我尷尷尬尬咁嘅樣，唔使我出聲，就將啲資料抄咗落佢隻「手指」度。

「你返去抄返落部電腦度，聽日先還返俾我啦。」

佢仲驚我唔知點樣抄個檔案，好仔細咁逐個步驟教我一次，亦都同我講有咩問題唔洗等到見面先問，可以隨時what's app佢。。

~~~~~

同佢嘅話閘就係咁打開咗，每次碰到面，佢唔再猶疑，好自然就走埋嚟，坐埋一枱。

佢好健談，由開始講吓仔女升學，慢慢到天南地北，不過多數都係佢講，我坐喺度聽。

「哈哈，係咪好奇怪我咁得閒朝朝接送個仔，我老婆要趕返工，我自己係做IT一般都係在家工作，咁咪由我負責接送天誠囉。」

大家熟落咗之後，佢見我同佢傾偈都一直帶住一啲懷疑嘅眼神對佢，佢坦率咁同我講。

「哦，唔怪之得啦，哈哈。」

我終於解開咗個疑團。

「唔單係你，我諗喺群組裡面，好多同學仔嘅媽咪都會奇怪，一個大男人，成日喺個group度講嘢。」

佢喺度講，對眼就留意住我心口呼吸嗰時嘅高低起伏。

「我同老婆分工，佢同大女睇功課，我就負責細仔，所以咪有咁嘅情形出現囉！」

解釋咗一輪，唔駛俾人誤會，見佢都好似舒咗一口氣咁。

唔怪得佢隨身都帶住部notebook啦。

佢自我介紹咗做IT呢一行之後，就成日同我講，除咗囡囡升學嘅問題，我有咩關於IT嘅問題，都可以問佢。

「哈哈，我一個家庭主婦，邊度會用到電腦吖！」

「你無留意啫，我哋日常用得最多嗰部手機，裡面啲應用程式，都係IT嚟㗎喇！」

跟住佢就同我講好多有關手機APP嘅嘢，之後我逢親想下載手機程式，或者玩電腦游戲遇到嘅難題，都會問吓佢。

因為咁嘅原因，我食早餐嘅次數都多咗，不自覺咁仲多咗著好緊身嘅T恤去送囡囡返學。

~~~~~

雖然同「一點綠」都係去同一間快餐店，就算一齊喺班房門口碰到面，我從來唔會同佢一齊行，費事俾人誤會。

「自從第一次同你打過招呼，我每朝都帶埋部電腦出嚟，喺呢度做嘢，希望可以碰到你。」

原來我一直無諗多咗，佢真係等緊我。

「不過好多時，見到你唔食早餐，淨係喺商場度兩頭逛啫。」

「你點知我喺商場逛呀？」

「哈哈，我好多時都見到你嘛。」

佢指吓下面。

間快餐店喺最高嗰層，坐近窗邊，可以望到商場下面嗰幾層。

「哈哈，原來你留意住嘅！」

我一時衝口而出。

「你又靚，又後生，點會無人留意吖.........呀，對唔住，我唔係惡意，更加無不軌企圖㗎，只不過一個人喺屋企做嘢好悶，希望有個人可以傾吓偈，時間都快過啲啫。」

佢怕我對佢有壞印象，即刻解釋。

雖然佢成日偷睇我個波，我都信只係男人對女人身材嘅好奇，佢無不軌企圖嘅，否則我都唔會專登著啲緊身T恤同牛仔褲出嚟同佢見面啦。

其實我每朝都喺同一個地方閒逛幾個鐘，仲要咁早啲鋪頭未開門，四圍黑麻麻，連續咗咁多個月，真係好悶，而家有個人一齊傾吓，的確好得多。

[ 本帖最後由 Jindaoonline 於 2022-12-14 21:23 編輯 ]

Jindaoonline

「做咩呀？一路打字一路陰陰笑，發姣呀？睇吓同邊個傾緊偈？」

一晚，同「一點綠」喺what's app度講緊套新上嘅日本劇集，老公沖完涼出嚟，換衫準備返工。

「睇咩，有咩好睇呀，你俾你同嗰個女人啲聊天記錄我睇先囉！」

我將手機收埋喺新後面。

「咁緊張，睇嚟真係同男人傾緊咁喎，哈哈！」

老公今次真係懷

老公係有啲緊張，笑得好假，聲都有啲震。

「係呀，同男人傾偈唔得咩？」

我仲震過佢，如果老公睇我啲對話，我就一定死得。

「扮得好似喎，想我呷醋呀？哈哈，」

點知我大膽咁撐，老公反為唔相信，佢即刻充滿番自信。

「你唔好睇少我，你再係黐住個女人，我真係唔客氣，去識其他人㗎！」

「搵麻甩佬？！好呀，搵到之後，我教你點同佢搞嘢呀，好唔好？」

「你.........」

我好激氣，聽到我話搵男人，佢完全唔緊張，我想叫住佢，不過老公佢理都唔理我，就返入房換衫，我流起眼淚上嚟。

「唔好喺度發夢罅，照顧好囡囡好過啦，成日發夢！」

佢好快換完衫出嚟，見我用紙巾印乾緊啲眼淚，佢無安慰不特止，仲要踩多我一腳。

我好傷心，我唔係傷心佢睇小我，我係傷心佢完全唔緊張我，就算我去結識其他男人，佢都當係閒事咁。

我沖涼嗰時，對住面鏡望吓自己個樣，望吓自己嘅身材，每一方面都無走樣，點解老公要冷落我之餘，仲成日對我單單打打，我係咪真係咁黃面婆。

「無事嘛？老公返咗？」

正話我忽然停咗同佢傾偈，囡囡啱啱瞓咗，「一點綠」俾短訊我。

我無心情回覆佢，佢唔放心，連發咗幾個短訊問我有無事。

老公返通宵，受到心情影響，成晚瞓唔著，唔明點解老公要咁對我，攬住瞓到好冧嘅囡囡，諗吓又喊吓。

「你點呀？唔放心你呀！」

到半夜，「一點綠」竟然再俾短訊嚟。

「你方便傾嘛？」

佢一番好心，因為擔心我而無瞓，我唔應該唔理佢。

「我未瞓，方便傾㗎，我擔心你呀！」

「一點綠」俾電話我，聽到佢真係好焦急。

「老公......」

我衝口而出，但臨時忍住，唔想隨便同人講屋企啲羞家事。

「講啦，講左出嚟，個心會舒服啲㗎！」

「老公佢⋯⋯」

「你老公做咩？！」

佢好緊張，又有啲興奮咁。

「老公.........老公一啲都唔錫我！」

抑鬱喺心裏面好耐嘅說話，終於忍唔住講咗出嚟。

「每個家庭都有佢嘅背景，夫妻梗有啲爭拗嘅，你哋情況嚴唔嚴重吖？」

「一點綠」想我向佢講關於老公嘅嘢。

「佢返完工就走咗出去玩。」

「男人應酬吓多多少少都會有，佢錫你咪得囉！」

佢誘導我講我同老公夫妻生活。

「佢平時都係冷落我，剩翻我一個人照顧囡囡，面對屋企所有問題。」

心裡面嘅怨氣好似開咗水喉咁。

「一點綠」一路無打斷我，專注聽我講嘅不滿，到我發完牢騷，佢先長長咁嘆咗一口氣。

「唉，佢冷落咗你？」

「係呀，我好孤獨呀！」

夜闌人靜，一個人唔好受，我忍唔住講咗內心嘅感受。

「如果你寂寞可以隨時搵我，我一定陪你！」

「一點綠」安慰之餘，又不停刺探，不過我都忍住無講老公出面有女人，好耐都唔掂我一次呢啲尷尬嘅說話。

～～～～

我情緒好低落，送咗囡囡入班房，離開學校就唔知自己想行去邊，只係一個人漫無目的咁向前行。

「你好啲嘛？」

係「一點綠」嚟嘅。

原來佢見我仲係無厘心機，對眼又浮腫晒，就一直跟住我，離開學校好幾條街，見附近再無認識嘅學生家長，佢快步追上嚟，喺我旁邊問我。

「.........」

我無正式回答，尋晚傾咗好耐，但係唔可以完全開解到我。

「我哋入公園行吓！」

附近有一個好大嘅公園，「一點綠」帶我行入去，每朝早，好多人喺度晨運，跳廣場舞，不過而家晏咗，佢哋走得七七八八，成個公園靜咗落嚟。

「乖，唔好喊！」

同佢喺樹蔭下面張長凳坐低，我感懷身世，忍唔住飲泣起上嚟，「一點綠」好關心咁輕輕拍吓我背脊，遞張紙巾俾我。

「嚡～～」

佢嘆一口氣。

「俗語話無冤不成夫婦，家家有本難唸的經，係無錯嘅，好多家庭都有問題㗎，你無需咁介懷啦。」

「我唔知點解老公會討厭我！」

「希望你唔好介意我直話直說，你老公起碼會愛錫你吖！」

「我尋晚都有講，我就係覺得佢唔愛錫我呀！」

「一點綠」雙眼閃咗一閃，我唔知係陽光反射定咩。

「唉，大家都成年人，我唔再隠晦，等你唔駛誤會，我意思係講緊床上面嘅愛錫⋯⋯」

佢望吓我嘅反應，見我無反面，佢先繼續。

「係性生活，呢方面佢滿足到你吖！」

「⋯⋯」

我唔敢講真相，怕佢以為我好淫蕩。

「你老婆都肯同你分擔責任，放工就返屋企，你哋一家人齊齊整整吖！」

佢尋晚話過佢老婆放工就趕返屋企陪仔女溫書。

「哈哈，一家人齊齊整整，哈哈。」

佢好曖昧咁冷笑。

「唔講你唔知啫，我同老婆無好好咁傾偈好耐啦，三句唔埋就嗌交收場。」

「點解？」

我唔明點解連佢哋都好我同老公咁，一開聲就嗌交。

「壓力囉，細路仔讀書，經濟，仲有......仲有夫婦關係上嘅壓力囉。」

聽到佢咁講，我面紅起上嚟，「一點綠」留意到我面色轉咗。

「老婆對一對仔女嘅期望好高，為咗仔女學業成績，一家人都壓力好大，我想勸吓老婆放鬆啲，佢就發脾氣，自從細仔出咗世，同佢嘅親密關係越嚟越少，接近一年無埋過佢身喇。」

「一點綠」完全無隱瞞。

「佢性格超保守，就算結咗婚，摸吓個胸已經係極限，其他嘢就唔使旨意！我同佢咁多年嚟性愛都係攬一陣，就正式做，新婚嗰陣就俾我錫吓個胸，所以我好羨慕人哋啲男人。」

佢形容吓佢點挑逗老婆，佢老婆又點樣決絕。

「大家都係成年人，我唔怕同你講，呢一年以嚟，我係靠手淫嚟解決性慾！」

「一點綠」一啲都唔尷尬，佢對眼一直無離開過我，反為攪到我十分難為情。

我真係第一次聽到有咁嘅女人，我有啲同情佢。

我同佢，一個想俾，但老婆唔要，另一個係想要，老公唔俾，感覺上，大家算得係同病相憐。

「一點綠」亦都係一個好嘅傾訴對象，不知不覺間，俾佢帶領住，一點一滴咁向佢講我同老公嘅性生活，包括只要佢要求，我乜都肯同佢做。

「你老公身在福中不知福，如實換轉我，一定會好好陪你！最終我都面對緊同一問題，今日向你講咗我鬱喺心嘅嘢，我都舒服咗啲，又聽到你同老公嘅問題，希望我哋可以互相扶持。」

佢突然好誠懇咁望住我。

「慧，⋯⋯」

「咩呀？」

「你答應唔好嬲，我絕對無惡意！」

我大致知佢一定有啲過火嘅說話，答應佢唔介意。

「如果你有需要，我哋可以互相慰藉吓！」

佢咁講我即刻面紅。

講講吓，佢捉實咗我隻手我都無留意，到察覺，我想縮手，佢都唔俾。

如果咁算係拖手嘅話，今次係我第一次同佢拖手。

第一次俾其他男人拖住，我感覺有啲特別，打開咗我邪惡嘅好奇：老公以外嘅男人，究竟係點嘅呢？

我同佢傾到差唔多夠鐘接放學，「一點綠」一直捉住我隻手，一齊行到公園門口先肯放開。

[ 本帖最後由 Jindaoonline 於 2022-12-14 21:42 編輯 ]

Jindaoonline

我同「一點綠」講我試過十六個鐘頭斷食，但係敵唔過肚餓，結果係半途而廢。

「咁以後我哋唔好再屈埋喺個商場，多啲去公園坐吓，等你遠離啲食肆，減少引誘。」

佢好果斷咁同我講。

坐言起行，講得出，做得到，第二日佢就帶埋部note book去公園，一面做嘢，一面傾偈，仲教吓我一啲電腦知識，揀一啲啱我用嘅應用程式介紹俾我，當然我要佢好體貼咁幫我下載好晒，教埋我點用先收貨啦。

好多時我就揼低佢自己一個，俾一啲時間佢自己一個專心做吓嘢，我喺公園裏面跑吓步，做下網上面學返嚟嘅拉筋伸展運動。

周不時啲肌肉型嘅阿叔、阿哥都會走埋嚟指點我乜嘢地方出錯，教番我正確嘅拉筋方法只要俾「一點綠」見到，佢都會即刻走過嚟，借啲意叫我走。

「一點綠」大部分時間家居工作，每星期都要定時同佢公司啲同事開網上會議，佢就無可奈何咁拋低我，自己返屋企，趕得切就放學前嚟公園會合我，趕唔切，就各自接番仔女返屋企。

呢兩三個星期過得好開心，連我最唔滿意嗰條腰，因為運動多咗，脂肪減少咗，結實咗，無之前咁鬆泡泡。

～～～～

「老公，睇吓我有咩唔同？」

我趁老公未瞓，除咗啲衫俾佢睇吓我修身啲成績。

「有咩唔同？咪又係波大大，籮柚圓圓，腳長長咁囉!」

「仲有呢？」

我專登擰下條腰，諗住俾啲提示佢。

「仲有咩呀，自己講出嚟，老公唔想用腦呀！」

「無嘢喇，你一啲情趣都無呀，我咁辛苦減咗腰圍你都唔知！」

老公原來真係無留意我。

「係咩，咁咪好囉，如果你可以回復返初初識你嗰時咁，波大，腰細，籮柚翹，加埋呢個靚樣，我就再搞大你個肚多一次，哈哈。」

「咩呀，我而家個波大過未生嗰時呀，條腰又無晒脂肪，我好差咩？」

「哈哈，唔差，仲有嘢你未講啫，你毛都未生齊吖嘛，個西仲好似BB仔咁添，哈哈。」

老公鍾意多毛，我啲毛就偏偏好薄，好幼，兩邊外陰唇又漲，佢成日笑我下面好似個壽桃包咁。

老公拉我埋床，攬住我嚟錫，以為佢會繼續有下文，我好開心，終於吸引返佢。

「好喇，瞓覺罅。」

點知佢錫我一陣，就放開我，打個大喊露，就拉起張被，準備瞓覺。

摸吓佢下面，佢真係旗都無扯，軟賴賴咁，我好失望。

～～～～

呢兩三個幾月，「一點綠」好似我哥哥又或者老師咁，我哋唔係淨傾偈，佢教咗我好多電腦知識，又好似先生咁定期考翻佢教過我嘅嘢，迫我好好學習。

但另一方面，佢越嚟越唔掩飾對我嘅興趣，讚我樣貌靚，身裁好之外，仲有意無意間刺探吓我同老公嘅關係，同我講吓好似背夫出軌呢性嘅話題。

而我就聽到心癢癢，迷惘到底老公以外嘅男人會係點。

我一方面清楚自己嘅身份，另一方面就抗拒唔到呢啲偷偷摸摸嘅刺激。

每日散步係我同佢嘅黃金時間，因為可以無拘無束，放鬆心情踱吓步，自從上次同佢傾心事，俾佢拖過我手，而家佢就耐不耐借啲意拖吓我，或者搭吓我膊頭，又輕輕托吓我條腰。

喺咁嘅情況下，我唔想捅破呢個曖昧，都會詐唔為意，但係唔會俾佢拖太耐，始終我都係衝破唔到傅統道德觀念，而且仲係喺大庭廣眾，怕俾人撞見。

～～～～

「喔～唔好意思！」

有朝佢教我電腦知識嗰時，竟然打開咗一個儲存咗幾條咸片嘅資料夾，佢表現出係唔覺意犯錯，但我知佢係有心嘅，想挑逗吓我，兼夾測試吓我嘅反應，證據就係先一日佢電腦桌面都無呢個資料夾，而且而家打開咗之後，又遲遲都唔關閉番埋，任由我哋裡面有乜嘢檔案。

「我靠呢啲嘢嚟發洩！」

佢對眼發咗光咁望住我，睇我有乜反應。

「打飛機？」

之前佢已經講過一次。

「唔係咁可以點呀，老婆無俾我掂超過一年，我又唔叫雞！」

「咁你老婆唔想咩？！乜唔係男女都需要搞嘢㗎咩？」

我唔經意俾佢帶入咗呢個話題。

「佢無晒性趣，搞極都好乾！之後就點都唔肯俾我，你呢？」

佢對眼好似雷達咁，喺我身上面上下咁掃，停喺我對波同兩隻腳中間嘅時間最長。

「我咩呀？」

我少少尷尬，又少少興奮，扮唔明佢講乜。

「點解決？」

「我有老公嘛！」

「哈哈，你唔肯講啫，呢幾個月嚟同你傾咁多偈，你點情況，多多少少我都估到嘅。」

咁尷尬叫我點答啫，好彩每次到我真係忍唔住，老公都會餵吓我嘅，話晒佢都知自己有責仼嘛，不過每次起碼都隔三個星期，又或者耐啲添。

我問過佢嗰個女人係咪好大食，搞到佢要冷落我，咁耐先同我做一次，又問佢有咩打算，我哋關係係咪長期都係咁。

佢又係死蛇爛蜷，一於唔睬我，我問多一兩次，佢就發爛渣，一係就嘈交，一係佢又耍翻嗰招，叫我喺出面搵男人囉。

「如果你有本事搵到嘅話！」

每次佢必定補充呢一句。

佢唔知道而家有個「一點綠」出現咗，如果知道，佢未必咁樣嚟睇死我。

只不過，「一點綠」年紀大我好多，我對佢無咩觸電感覺，無諗過同佢做啲乜嘢，只不過老公冷落我，我想搵個感情寄託，有個伴傾吓偈，就算過火一啲嘅話題都可以。

～～～～

嗰次之後，「一點綠」幾乎每隔一日就會帶起啲性嘅話題，仲明目張膽，傳送咗幾個連結去我手機，有時夜晚一個人孤獨喺床上面，佢講得露骨啲，我都會積極回應佢，有時俾佢挑逗到一路同佢傾，一路靜靜雞摸自己嚟發洩。

「大家都係成年人，我都唔再避忌喇，我喺呢幾個網度搵打飛機嘅材料，你可以同老公一齊click入去睇，增加夫婦關係。」

「點解你唔同老婆一齊睇啫，你都話可以增加返啲關係。」

「我老婆唔似你咁開通，佢好保守，同佢講過一次，佢即刻扯晒火，又話我色狼，又喊住問我係咪唔滿意佢，唉！」

「咁你有乜打算？」

「嗯⋯⋯我⋯⋯我講出嚟，你唔好嬲，得唔得？」

「一點綠」咁講，我估到一定係一啲過份嘅嘢，不過我無制止佢，想聽吓佢想啲乜。

「我⋯⋯想你俾我睇吓你，然後自己打飛機！」

「除衫俾你睇？！嘢，唔制，哈哈！」

「我想啫，知道你唔肯㗎嘞。」

「一點綠」知道我無嬲佢，佢就繼續講落去。

「我成日對住你，已經對啲AV女星無晒感覺，唔隱瞞你，我對上幾次，打極都打唔出，不過一想住你，幻想吓你，我就好快搞掂咗！」

「真嘅？！不過唔好啦，我⋯⋯，唉，遲啲先再算啦！」

「一點綠」知道我唔想，再無迫我，不過仲係講番啲網上咸濕片。

老公咁少時間喺屋企，我哋部桌面電腦又放咗喺廳，要睇都要等囡囡瞓咗，如果佢有心搞我嘅，又使乜靠呢啲視頻吖，一直以嚟，佢想點玩，我都會滿足佢㗎啦，我怕俾咗啲連結佢，佢唔係同我一齊睇，而係同嗰個女拳手睇。

老公係男人，慌佢唔識喺邊到搵到呢啲嘅嘢咩，就算老公唔識，嗰個女拳手都識，佢呢類人，一定知道點樣𠱁男人嘅。

[ 本帖最後由 Jindaoonline 於 2022-12-14 22:11 編輯 ]

Jindaoonline

越嚟越接近暑假，我哋又傾多咗揀學校嘅嘢，所以每朝我自己拉筋、跑步，同「一點綠」一齊散步嘅時間都少咗，對佢嚟講，有好有唔好，佢話少咗俾啲阿叔、阿哥滋擾我嘅機會，但係佢趁散步，唔為意咁攬吓我腰嘅機會同樣少咗。

「天氣越嚟越熱，蚊又多，我哋要匿返入商場等放學喇！」

我短袖tee，短褲喺公園喺蚊螆嘅嘅目標。

佢當然唔係好想，咩原因唔洗講都明啦，喺商場我哋無得膊頭貼膊頭咁散步，就算喺快餐店，我哋都要打對面坐。

點知開口中，講完無耐，本來好翳熱，突然括起風嚟，啲黑雲好快積聚，跟住落起傾盤大雨。

好彩我哋喺呢個公園逗留咗咁多次，知道由我哋身處嘅草地，穿過前面嘅兒童遊樂場，嗰度有個涼亭。

「一點綠」拿拿聲冚埋部note book，將佢收入件T恤裡面，同我向涼亭嘅方向飛奔。

場雨大到好似倒水咁，雖然唔使五分鐘嘅路程，跑到去涼亭，我同「一點綠」已經由面濕到落腳，啲雨水喺頭髮尾一路係咁滴落嚟。

「快啲睇吓部電腦有無問題？」

唔使我提醒，「一點綠」已經係T恤下面抽番部note book出嚟檢查。

「上我屋企攞遮。」

「你屋企？唔好啦！」

身為女人，雖然係師奶仔啫，去男人屋企，好自然會有保留。

「睇吓你！」

佢唔講我都無留意，我成身濕到透，條短牛仔褲雖然濕晒，貼住個屁股好唔舒服，只係我自己一個感受到，旁人睇唔到啲乜嘢，但係件Tee……..

件Tee打濕晒，貼住個胸，喺色彩好艷麗嘅半杯bra裡面，半個波脹卜卜嘅波露晒出嚟，連中間條乳溝都清清楚楚睇到晒。

咁狼狽，點可以喺囡囡學校出現。

「仲有兩個幾鐘頭先放學，上去攞定把遮，你都唔想一陣Tracy陪你淋住雨返屋企，冷親佢㗎。」

「一點綠」知我緊張個女，一擺囡囡出嚟，我乜都會應承。

「其實屋企好近㗎咋，後面過兩條街就到！我可以用乾衣機同你焗番乾啲衫咪唔會尷尬囉。」

佢把口話我尷尬，但係就第一個眼甘甘咁望住我對波，我即刻用個斜孭袋遮住。

～～～～

「哦，原來你住豪宅嘅！」

「一點綠」所指嘅位置，係一個低密度豪宅，屋苑有七、八座樓，每座得六、七層高，每次行經過，我都好羨慕住喺呢度嘅人。

「橫掂我哋都濕晒身，我哋衝返去，準備，一、二、三！」

佢數到三，我就跟住佢一齊衝出涼亭。

唔理咁多，我哋向前狂奔，水氹啲水俾我哋踩到飛起晒，啲雨兜口兜面咁打埋嚟，連呼吸都好困難咁。

「嘩～嘩～好勁呀！哈哈……..嘩～嘩～」

我一路走，一路尖叫，唔見咗好多年嘅童真突然返佐嚟。

～～～～

「唔好意思呀，整濕晒你啲地方！」

身上面啲衫褲一路係咁滴水，滴晒落佢屋企大廳嘅雲石地板。

「唔緊要，一陣索番乾佢啫。」

佢跟住就入浴室扐咗件浴袍出嚟。

「你啲衫唔縮水嘛？入浴室換咗啲衫褲出嚟，我用乾衣機同你烘乾佢。」

我有啲猶疑。

「快啲去啦，唔好凍親呀！」

佢好威嚴咁同我講，我竟然唔敢抗拒。

「底面都要呀！」

我臨入浴室前，佢加強吩咐。

「內衣唔使啦。」

「濕到淋，噏住幾個鐘頭，好唔舒服啫，一次過焗乾埋佢囉，聽話啦！」

件浴袍長到落小腿，雖然我裡面係真空，不過將的衫領拉好啲，就包得好密實，淨係小腿以下露咗出嚟。

聽講好高級嘅酒店，浴室先有呢啲浴袍，估唔到我有機會試吓。

我雙手由胸掃到落大髀，感受吓件袍嘅柔軟，亦都感覺自己收咗肚腩，成個小腹平晒，襯起個波好挺，好突出。

我紮好條腰帶，拉好前幅，喺鏡前面睇咗兩三次，確定無走光，再用件Tee同牛仔褲捲實個bra同埋底底，先打開浴室門。

一開門，「一點綠」已經企咗喺浴室門口等我，嚇我一跳，佢竟然同我睇齊，都換咗件同我嗰件一模一樣嘅浴袍。

不過佢就好求其，條腰帶只係係咁意綁住，前胸打開晒。

「做咩你著成咁呀！」

佢有屋企衫唔換，竟然著成咁。

「哈哈，我無機會咁著㗎，老婆話咁著好暴露，去honey moon，佢都堅持著套老土長袖睡衣上床，兩件浴袍買咗未著過。」

佢將我啲bra同底底攞晒出嚟，連同佢啲衫放晒落擺喺廚房隔離間工作室裡面嘅乾衣機，就陪我走番出大廳。

「呢個係我老婆。」

大廳嘅組合櫃擺咗好多佢哋嘅家庭相，佢介紹俾我睇。

「係咪好肥呢？哈哈，結婚時唔夠一百磅，而家接近百五。」

「同你生咗仔女吖嘛，生完一定肥㗎啦！」

佢老婆係肥咗少少，但係樣貌都唔錯，我諗佢未生兩個仔女前，一定好靚。

「你都生咗啦，身材仲咁好，人又靚，唔知點解你老公仲唔知足！」

佢點中我死穴，鄧我不值，感覺佢係我知音，我未見過個女拳手，真係唔知佢有咩咁好，老公會黐得佢咁實。

跟住拖住我隻手唔肯放，一齊走埋梳化坐低，乘機搭住我膊頭。

「唔好啦。」

「唔怕啦，又無其他人。」

佢得寸進尺，見我無再抗拒佢搭我膊頭，又想拉我挨埋佢身邊，我企硬唔肯，佢就自己坐到貼，直頭攬住我。

開始講佢老婆點樣唔肯俾佢掂，攬住我嗰隻手由我膊頭開始到手臂，好溫柔咁摙吓，掃吓，本來好整齊嘅浴袍都俾佢拉到鬆晒，領位打開埋幾乎跌到落手臂。

「你好靚！」

講講吓，佢突然哄個頭埋嚟，出力咁索我仲未乾嘅頭髮。

「咪咁啦！」

佢攪到我條頸都痕痕哋，心浮氣躁。

「第一眼見到你，你就吸引住我！」

「哈哈，係咩，枉我第一次見你，仲話你有書卷氣添。」

除咗老公，未試過同其他男人咁親密，我心跳得好緊要。

「有書卷氣唔代表見到靚女唔會動心加嘛，嗯～好香～」

佢一直用個鼻喺咁索，索得幾索就撥開我啲頭髮，輕輕錫耳珠同腮邊。

同老公分別好大，每次同佢做，老公好直接，一吓就錫落個嘴，大大力咁啜，大大力咁揸。

而「一點綠」每一個動作都好溫柔，好愛惜你咁，我懷疑呢啲係咪先叫得做前戲。

最後佢喺我嘴唇邊，輕輕錫一啖。

我好似觸電咁震一震。

「你真係好身材！」

佢喺我耳邊細細聲咁講。

我耷低頭睇吓，原來件浴袍腰帶以上嘅地方都鬆開晒，仲谷起咗，佢從高而下，睇晒我對波，乳頭都睇埋。

我面都紅晒，連拉整齊番件浴袍都唔記得。

佢再次錫我個嘴，啜住我嘴唇唔放。

咗婚幾年，我雖然服侍過老公好多樣嘢，喺床上面我識得點配合佢，但係今次對住「一點綠」，人生中第二個男人，我成個僵硬晒，唔識點反應。

佢伸條脷入我口，我仲好似魂遊太虛，靈魂離開咗自己身體一樣，任得佢為所欲為，吮我條脷，吸啜我啲口水。

一陣陣快感由我乳頭傳出嚟，我先發夢醒咗，佢隻手已經伸咗入浴袍裡面，搓吓，揸吓我個波。

俾人生中第二個男人玩對波，我好緊張。

佢手掌皮膚好柔滑，又唔會太大力，一吓大力啲，跟住就一吓細力啲，又用佢幼細嘅手指尖掃我乳頭，我下面好似濕濕哋。

「呵～～」

「入我房？」

「一點綠」聽到呻吟聲，佢掹番隻手出嚟想抱起我入佢房。

「唔好啦，我有老公㗎。」

每次向老公提起佢喺出面滖，佢都叫我自己搵個男人，各有各玩囉。

有陣時俾佢冷落得耐，自己有性需要而佢又去咗個女人度，真係想好搵個人嚟滿足自己，兼報復佢成日睇死我。

而家機會出現咗，真係有個老公以外嘅男人錫緊我，摸緊我，仲想抱我上床，我反而驚起上嚟。

「我哋互相滿足吓啦，你睇吓我。」

佢拉開佢件浴袍嘅下擺，成條啫啫露晒出嚟。

「呀！」

我唔敢咁明目張膽，只係用眼尾偷偷哋裝吓，唔受控咁叫咗出嚟。

佢條啫竟然好粗好大，大過老公好多，一啲都唔似佢瘦瘦削削嘅身形。

佢咁嘅天賦，點可以忍受年幾以嚟無性愛。

曾經有一次，老公半夜飲到醉勳勳返嚟想搞我，我瞓著咗佢就監硬插入嚟，我痛到想喊。

假如「一點綠」老婆無生理反應，乾爭爭無水，俾佢老公插，想像唔到佢會痛成點，難怪佢唔俾「一點綠」掂。

「一點綠」見到我俾佢碌啫啫嚇一跳，佢好自豪。

「佢可以滿足你㗎！」

佢指住自己碌嘢，然後捉我隻手去摸，我掙扎唔肯。

混亂之中，俾佢解開咗我條腰帶，件浴袍敞開晒，我全相俾佢睇晒。

[ 本帖最後由 Jindaoonline 於 2022-12-14 22:26 編輯 ]

Jindaoonline

女人出自天性嘅自我保護，我即刻雙手遮住三點。

「俾我欣賞吓你！」
「一點綠」拖我企起身，雖然少少不情不願，都容許佢輕輕拉開我對手。

「噢，好完美！」

佢索性除晒我件浴袍，好似欣賞寶物咁，由我膊頭開始，慢慢咁摸到落我對波嗰度，一路摸，一路吞口水。

佢細力到驚摸蝕我啲皮膚咁，反為令我到好痕癢，而且啲痕係由個心裡面痕出嚟。

如果近來無喺公園做運勳收身，我一定無自信俾佢睇。

「一點綠」想拖我入房，但係我點都唔肯。

「一點綠」知我唔肯入佢間房，佢就一手除埋佢身上嘅浴袍。

而加我先真正、正面咁見到佢裸體。

佢高而瘦削，剝咗衫之後，佢啲排骨現晒出嚟，全身無乜肌肉，個肚皮凹晒入去，兼且開始鬆弛，好彩手臂仲算得結實。

不過佢條啫啫真係好粗大，同身型唔成比例，我諗佢已經扯起旗掛，老公扯旗係斜斜哋向住天花板，而佢係斜斜哋向住地板。

老公唔喺度，我又想要，試過自己偷偷喺網站度睇啲咸片嚟解悶，啲鬼佬就係咁，唔軟唔硬。

雖然「一點綠」一派中佬嘅身型，無乜美感，但係兩個一絲不掛嘅男女獨處一室，都足以挑起我嘅性慾，半推半就俾佢推落疏化。

「有個咁靚嘅老婆，佢都唔珍惜，如果係我，我每晚唔屌過你唔會瞓囉！」

佢彎低腰，雙手兜住我屁股，哄個頭埋我兩隻腳中間，我兩邊大陰唇合埋得好緊貼，佢用手去掹開佢，粉紅色嘅小陰唇露咗出嚟，我伸手去遮住自己，不過佢捉住拉開，就伸條脷去lem 。

一開始就再制止唔到，我俾佢lem 到飄飄然，雙腳蹬到行，扯住佢頭髮，咬住手指，搏命忍住唔好叫出嚟。

「我會溫柔對你，兼且令你前所未有咁滿足！」

佢想喺疏化攪我，捋幾吓條啫啫就趴上嚟，擘開我大髀，錫我個gap做前戲。

之前同佢都叫做保持一定嘅距離，雖然我好興奮，對佢條啫啫好好奇，但係背住老公偷食呢個心理關口，唔係咁容易衝破。

「我有老公，你有老婆，唔可以呀！」

最初佢都好似我老公咁，我叫唔好，「一點綠」仲lem得我大力啲，有錫又摔我嘅陰核，希望我投降，但係我堅持住唔俾佢，佢最後都唔敢監硬嚟，佢停落嚟，

「對唔住呀！」

佢怕我反面，先發制人向我道歉。

我習慣咗老公嗰啲霸王硬上弓，還蠻無理嘅態度，而家就覺得「一點綠」好有風度。

佢靜靜哋陪住我，等我高漲情緒平復落嚟。

佢雖然半軟半硬咁，但係條啫無咗刺激，成五分鐘都一直保持住無軟落嚟，我估佢谷得好辛苦，無得發泄，攪到我好似欠咗佢一啲嘢咁。

「唔使覺得抱歉嘅，我慣咗！識到全校最靚嘅媽咪，仲俾我愛撫過，錫過，我好滿足！」

佢睇穿我個心，由起初怕我反面，到而家見我倒轉好似欠咗佢咁，佢就好可憐，更加大方咁叫我唔使介意。

佢嘅態度令我感動，問心講，我都俾佢攪到好興奮，而家自己都唔上唔落。

唔知「一點綠」係咪結識好多好似我呢類女人，摸清晒我啲心理，知我仲有心理障礙，唔迫我，但係無幾耐就捉我隻手去佢條啫度，帶住我去捋吓佢。

我同佢靜靜哋互相攬住，我俾佢錫吓，互相摸吓，愛撫吓，等到差唔多夠鐘接放學先著番衫。

～～～～

返到屋企，今朝發生嘅事一直喺腦裡面翻來覆去，平復唔到，成個人神不守舍，拖住囡囡返屋企，入𨋢嗰陣，明明有個哥哥仔跟住我哋入緊嚟，但係我就好似乜都睇唔到，擰轉身就㩒個關門制，度𨋢門即刻刪埋，夾到哥哥仔正不特止，仲將佢手上面杯飲品撞落地吓，仲潑咗啲落囡囡身上面。

「呀～」

失驚無神俾度𨋢門撞，雖然唔係好痛，哥哥仔都叫咗出嚟，嚇親埋囡囡。

我未出聲，個男仔仲好似佢犯錯，猛向我同囡囡講對唔住，攞紙巾出嚟俾我同囡囡抹乾身上面啲飲品，又問我同囡囡無整親。

～～～～

做過錯事，就寧舍心虛，除咗匿喺廁所對住塊鏡，不停睇吓條頸有無「咖喱雞」留低，個波有無俾「一點綠」揸瘀咗。

好彩嚟緊係星期六、日，再接住仲有一日公眾假期，逢假期同前夕都係老公黃金時間，佢唔到半夜四五點都唔返，甚至唔返都仲得，就算有咩痕跡留低，都有兩三日俾佢減退。

「你哋有無冷親？」

「好開心我哋踏前一大步！」

「一點綠」連發兩個短訊俾我，仲連埋佢嘅裸體相。

我反為提醒我，拿拿聲將同佢不必要嘅短訊刪除，淨係留番佢教我電腦，同埋囡囡搵小學呢啲有用資料，最後喺電話設定嗰度加番個一直都無嘅解鎖密碼。

做齊所有嘢，稍為安心啲。

～～～～

幾日假期，老公日頭瞓覺，夜晚就躝出去玩到天光，到假期最後一晚，佢同我兩母女出去食個晚飯，叫做喺假期陪過我哋。

食食吓飯，手機閃出一個提示，係「一點綠」嘅短訊，我詐詐諦諦用手遮住個屏幕。

「做咩咁鬼鼠？」

老公眼快過我。

「咩鬼鼠啫！」

「遮遮掩掩，仲面都青埋，心虛呀？」

「你玩完玩剩，返嚟就發癲，搵啲嘢嚟嘈！」

喺酒樓，四周圍就係食緊飯嘅人，老公都唔好意思發咁多爛渣。

「今晚唔好再俾短訊我。」

我怕「一點綠」唔知喺咩時候又再搵我，我趁埋單去廁所，即刻通知佢。

「哈哈，越嚟越似偷情！」

「一點綠」秒回。

「偷你個頭！」

我覆完佢，即刻刪除，我唔知好嬲定好笑，不過佢又講得幾啱，唔俾老公睇死，有人喜歡我，正話真係驚得嚟有啲甜蜜。

～～～～

「做咩set咗密碼？」

我同囡囡沖完涼出嚟，老公問我。

「唔set得咩，你手機夠有密碼啦！」

「我點同吖，喺出面做嘢，公司嘢唔可以俾人睇，你之前一直都無用密碼，點解而家要用？」

「你驚我做啲對你唔住嘅嘢之嘛，咁你喺出面玩到七彩，夠係對我唔住咯！」

我反駁老公，但係佢對眼係咁厲實我。

「你驚，至多咪解鎖俾你睇囉！」

我驚佢真係嬲我，心諗住嘅然無乜蛛絲馬跡留低，就死死哋氣刪除咗個密碼，俾埋個手機佢睇。

「「一點綠」？咩人嚟㗎？男人？咁神心教你咁多嘢！」

雖然刪除晒「一點綠」同我傾閒偈嘅紀錄，但係睇語氣，老公都估到佢係男人。

「學生家長呀，男人有咩出奇！」

「男人老狗，群埋女人堆，咩呀，溝師奶呀？就算係，點解你哋唔喺個group度傾？單獨約會呀？」

「又話如果我有本事嘅，就搵個男人囉？而家人哋教吓我電腦，傾吓囡囡搵學校，你就驚嗱！」

終於可以串番老公一次。

「一個乜都唔識嘅師奶仔，因住俾人呃蝦條呀！」

「驚我俾人呃蝦條咪即係驚囉！哈哈。」

我開心老公緊張我。

仲有就係我呃咗佢，佢都唔知。

前幾日同「一點綠」搞到唔上唔落，俾老公一提，慾念就湧咗出嚟，夜晚輪到我唔理佢想唔想，一瞓落床，就攬到佢實唔放，用腳趾夾住佢褲頭，拉低到佢小腿，由佢個嘴開始，一路向下錫，將佢條啫啫由軟吮到佢變硬。

「死姣婆！哈哈。」

佢趴轉身，要我奶佢pat pat窿，我都照做。

「唔好奶第二個人個屎忽呀！」

無理老公點奚落我，只要佢仲緊張我就得。

跟住佢大爺咁瞓喺度，由得我同佢戴套，騎喺佢上面，到佢射精，同佢清潔番，一條龍嘅服務，都係我呢個老婆負責。

只要佢肯俾我伏喺佢心口，佢攬住我嚟瞓，我甘心為佢做仼何事。

[ 本帖最後由 Jindaoonline 於 2022-12-14 22:38 編輯 ]

Jindaoonline

放完假，奶奶重感冒，我要上佢屋企照顧佢，幫佢煮埋飯俾同佢一齊住嘅姑仔，等佢放工返嚟食，我同囡囡順便喺度食埋晚飯先走。

朝早送咗囡囡返學，就去買餸，同奶奶添補佢屋企欠缺嘅日用品，扐到一抽二㨢再趕返去接囡囡放學。

咁唔好彩我仲姨媽到，煮飯、清潔、睇囡囡功課，每日挨住經痛都唔敢出聲。

到奶奶好翻，啲感冒菌睇中我，走埋嚟我度，又發燒又攰，仲怕傳染埋俾囡囡，成日都帶住個口罩唔敢除。

好彩我仲後生，依時食退燒藥，飲多啲水，兩日就好返晒。

再同「一點綠」單獨相處已經係個幾星期後嘅事。

嗰朝我瞓晏咗，遲咗好多送囡囡，離開學校就向住商場方向行，行咗一陣，「一點綠」急步追上嚟，原來佢暗中企喺街口，一直等我出現。

「嚟我度吖！」

我有啲猶豫，怕上到去就無好嘢。

「一點綠」見到我咁，就喺我隔離細細聲游說，話呢幾日都想住我。

離學校唔遠，沿途仲有好啲家長，等車嘅有，三幾個聚埋一齊傾偈，唔捨得走嘅亦都有，「一點綠」唔可以講太多，佢就用哀求嘅眼神望住我，

喺我幫奶奶同埋自己病埋嘅時候，佢一直不停問候我，話知道我辛苦，睇有咩佢可以幫吓手。

雖然無咩佢可以幫忙，不過淨係齋講我都心甜，總好過老公不聞不問，放工早咗一啲返，就叫做乖咗啲。

我內心雖然有交戰，到底去唔去好，不過見到佢嗰種殷切眼神，唔忍心要佢失望，我唯有向佢點吓頭，表示答應。

「一點綠」就行前我幾步，佢又怕我變卦，耐不耐擰返轉頭，睇我有無跟住佢。

入咗佢屋苑範圍，佢就唔理咁多，一手拖實我，我明白佢係試吓水溫，睇吓我反應係點。

我無甩開佢，佢就一直拖住我，就算攞鎖匙開門入屋，都係單手嚟做。

「好掛住你！」

一閂埋門，佢就攬住我，成十分鐘後先放開。

「你坐一陣，我整早餐！」

「一點綠」俾驚喜我，結咗婚之後，老公從來無煮過任何嘢俾我食。

趁佢喺廚房，我參觀吓佢個廳，上次佢介紹過屋企人啲相，今次發覺佢將佢老婆啲相擰轉咗背向個廳。

「怕被老婆睇到我上嚟？」

我向著廚房大聲咁取笑佢。

「咩呀？」

佢唔知我講乜。

啲傢俬設備好高檔簡潔，我奇怪佢哋有一套好靚嘅音響設備，但係唔見有電視，地櫃對上幅牆，中間位位置只係掛咗一幅好大幅嘅畫。

「一點綠」好快捧住兩碟早餐出嚟，佢放低喺枱面，原來係快餐店買番嚟，只係加番熱。。

「佢呀！」

我指住擰轉作咗嗰張相。

「哈哈。」

[ 本帖最後由 Jindaoonline 於 2022-12-15 00:03 編輯 ]

Jindaoonline

佢苦笑一吓，跟住扐起個搖控㩒咗幾㩒，廳裡面所有窗簾自動慢慢拉埋。

啲窗簾布好厚，將窗处面嘅光完全遮晒。

呢個時候廳燈漸進式咁著咗，不過調較到柔和略暗嘅亮度，估唔到陽光普照嘅日頭，兩三分鐘內，就可以調較成夜晚咁。

音響系統同一時間開始播放抒情音樂。

我見識到之前聽過嘅智能家居系統。

「一點綠」一切都好似為我準備，好窩心。

我哋早餐攪到好似食晚餐咁。

「跳唔跳舞？」

早餐食到都半，佢好似紳士伸出手嚟。

由細到大，末試過被人重視，一早就俾老頭掟咗入寄宿學校，老公又本性粗魯，無諗過自己會好似童話故事裡面嘅公主，俾王子邀請，雖然「一點綠」一啲都唔似王子，似企喺一邊嘅侍從多啲。

佢拖我出客廳中心，雙手攬住我帶領舞步，我唔係好識跳舞，照佢吩咐，雙手箍住佢後頸。

廳燈再暗咗啲，氣氛好羅曼蒂克，咁浪漫嘅環境，佢越攬我越實，我亦都情不自禁伏個頭埋佢心口，由得佢雙手慢慢移落去兜住我屁股。

音樂就嚟完，佢帶領我埋到梳化，音樂一完結，廳裡面所有燈光熄晒，呢啲一定又係智能裝置嘅安排，奇怪係牆上面幅畫竟然出現畫面。

「吓！」

我真係未見過，少見多怪。

佢扶我坐低，雙手攬實我條腰。

畫面出現係一個碧海藍天嘅海灣，岸邊停泊咗好多高桅杆帆船，海灣埋便嘅山坡疏疏落落有幾間白色小屋。

鏡頭由遠而近，好似隻雀向海岸飛翔，一直飛去其中一間屋仔。

穿過白色嘅石牆，去到中間擺咗一張四柱睡床嘅睡房。

金髮嘅男女主角出現喺睡床上面。

「咸片嚟嘅？！你安排嘅！」

黑暗之中，我拍落「一點綠」大髀。

「殊～」

唔使多講，對主角梗係纏綿緊啦，佢哋接吻愛撫，啲衫就一件一件咁少。

女主角身材好得嚟又靚女，男主角就一定係大隻兼嗰度好大，只不過鏡頭拍得好優美，就算佢哋性器官接合緊嘅特寫，都唔會覺得核突，色情猥褻。

受到畫面影響，我越嚟越口乾。

一路睇，「一點綠」開始有動作，用從後攬住我嗰隻手嘅手指慢慢掃我嘴唇，我不自覺咬住佢。

另一隻手由我T恤下擺伸咗入去，我㩒都㩒唔住，佢隔住我個bra，摸吓，又摙吓。

佢應該除過唔少女人嘅胸圍，因為佢淨係用兩隻手指就好純熟咁解開我前扣式嘅bra。

「唔好睇啦！」

我睇到口好乾，呼吸有啲困難，加上啱啱姨媽走咗，性慾容易高漲，佢仲喺度摸我，我怕忍唔住。

「睇吓，你身材同樣貌拍得住個鬼妹，分分鐘好過佢。」

佢索性除埋我條Tee，將我個bra隨便掉落疏化，抱起我，我前佢後咁坐上佢大髀。

唔知幾時拉低咗條褲，露咗條好長，但仍然未扯起，半個龜頭仲俾包皮包住，好似一條搓成粗麵粉條嘅啫啫，軟綿綿撻喺兩條大髀中間。

佢將條啫啫質入我兩隻腳中間，要我夾實，慢慢向上頂，用我嘅大髀嚟磨擦。

俾套戲影響，佢條啫啫開始扯旗，頂住我屁股，仲郁郁吓嚟摩擦我個gap。

我大髀雖然唔粗，但係佢碌啫啫從下面伸出嚟，仲見到個龜頭，佢碌啫真係好長。

「睇吓我有幾大！」

「一點綠」好自豪。

我擰側個頭向住佢，想叫佢唔好，點知就俾佢一啖嘴埋嚟，兩隻手從後揸住我對波。

同上次唔同，今次佢加大咗力度。

「呀～～」

俾佢上下夾攻，我下面好痕，啲水已經流咗出嚟。

我擺隻手喺大髀上面，等佢個龜頭一凸出嚟，我就捉住嚟摸一陣，我滿足自己，同時亦刺激到佢，佢龜頭都好似我咁標咗啲腺液出嚟。

佢鬆開一隻手，唔揸我個波，而去解開我褲頭，順勢攝埋隻手入去。

第二次同佢親密接觸，已經感覺到佢經驗豐富到乜都可以單手搞掂，除bra扣如是，除人條褲如是。

佢隻手指係我gap裡面係咁撩，我已經舒服到擘唔大對眼，淨係識得喘氣。

「你老公點樣玩你？」

「呵～～唔好~唔好講佢～好舒服呀～呵～」

佢托起我屁股，連底帶面，將我內外兩條褲拉到落大髀，跟住用佢條啫撐開我陰唇，用龜頭捽我粒陰核。

我直頭想死，不過又死唔去，興奮到半天吊，主動拉低佢個頭嚟嘴我。

我女人嘅矜持已經崩潰咗，放棄晒所有防禦，不過佢偏偏唔即刻插入我度，慢慢除晒我所有嘢，光脫脫俾我瞓喺梳化。

佢先服侍我，奶到我魂飛魄散，佢跪上嚟我度。

「睇吓條女點樣幫條仔含，我要你學佢！」

佢見已經釣咗我上手，唔似之前想溝我咁溫柔客氣，好似主人命令我。

我擰側個頭睇吓，個鬼妹正係同緊個鬼仔深喉，係好深嗰種，佢將鬼仔好長嗰條啫啫一分一吋無剩，全部吞晒入口裡面，鼻尖直情壓咗喺鬼仔啲陰毛上面。

老公成日叫我同佢含，我哋都未試過咁含法。

「含啦，快啲！」

佢郁都唔郁，翹起雙手等我。

我好似之前服侍老公咁，先lem吓佢龜頭，再lem埋條啫，然後吮吓佢兩粒蛋蛋，然後先含條啫入口嚟吮。

我一面吮，一面含吓入啲，含得半條啫咁深，已經塞滿晒。

點知「一點綠」未滿足，佢雙手扶實我個面，屁股慢慢向前挺，將佢條啫好慢、好慢咁插，俾佢咁搞，我好辛苦，口水控制唔到咁流晒出嚟，好核突。

「放鬆喉嚨。」

佢唔俾我郁，條啫插吓入啲，插吓入啲，當掂到我喉嚨個吊鐘，我真係想嘔。

「放鬆！」

佢唔放過我，繼續咁插，我突然間想起老公第一次搞我屎忽眼嗰陣咁，不停叫我放鬆。

佢見到我眼淚、口水都流晒出嚟都吞唔晒，終於放過我，慢慢將條啫褪返出嚟。

結果係好似老公搞我屎忽眼咁，一樣唔成功。

「你咁搞你老婆嘅咩？」

我有啲嬲。

「我想證明你每一樣都好過佢，樣貌、身材已經證明晒，如果證明埋你床上技術，你就係完美。」

老公好耐無讚過我，就算喺佢啲屋企人面前，我都無地位，佢哋緊張我老公，跟住輪到我個女，至於我，我諗佢哋一啲都唔緊張，又或者無將我擺喺心上面。

遇上「一點綠」對我咁著迷，我好受落，就算少少虐待，我都接受。

我哋攬實喺梳化上面翻上翻落咁錫，再無留意套戲做緊乜，淨係耐不耐聽到女主角叫得好大聲。

「插入去啦！」

「哈哈，你終於忍唔住嘞，哈哈。」

佢一直揸我，用條啫捽我，就偏偏唔插入去，原來係等緊我先開口。

「咁你好滿足啦。」

佢捋兩吓條啫，想插入嚟嗰陣，我即刻走開，今次輪到佢愕然，以為激嬲咗我。

「而家輪到我唔俾你，哈哈。」

「哈哈，玩嘢，一陣屌到你叫救命都唔放過你！」

唔知幾之前係扮斯文定係而家搞吓情趣，佢講晒粗口，不過唔緊要啦，橫掂我講嘢都幾粗俗㗎。

佢想捉住我，我哋喺個廳度「捉伊因」，好彩佢個廳好大。

[ 本帖最後由 Jindaoonline 於 2022-12-15 00:05 編輯 ]