Jindaoonline

佢身高腳長，我唔夠佢走得快，好快就俾佢捉住，佢拋咗我落梳化，一壓上嚟，攬住我再錫過，一隻手就揸住自己條啫，喺我下面摔，慢慢插入我度。

我下面比較窄，佢又軟軟哋唔係好硬，花咗一啲功夫先插到個龜頭插咗入去。

第一次瞞住老公同人做，我好緊張，有啲想唔俾佢，下面就更加緊，攪到有啲痛。

「一點綠」仲未夠硬，都無能力一吓插到好入，佢就當就住我，先插少少入去，掹出嚟，再插深一啲，再掹出嚟，令我放鬆之餘，又可以攪硬佢條啫。

一步步，每次插深一啲，等我有足夠滋潤，佢又硬咗好多，逐少逐少，終於成支入晒。

佢稍稍郁動，我個gap好似想爆咁，迫於無奈，佢停一停等我適應。

「啲人成日講屌爆你，你而加領略到啦！」

俾老公破處都無咁辛苦，「一點綠」見我皺晒眉頭，佢好開心。

「睇吓條撚夠唔夠大囉，唔係人人都可以屌爆女人㗎！」

佢好自豪咁講。

大家講吓咸濕嘢，無咁緊張，佢感覺到我下面無鎖得咁緊，開始拉出條啫一半，又插番入去。

每一出一入，佢條啫都磨擦緊我陰道內壁啲性神經，分泌多咗，亦都順暢咗。

佢每插一吓，我就「呵」一聲叫，佢插快啲，我叫快啲，越插得大力，越叫得大聲。

幾分鐘時間，我已經叫到唞唔到氣。

佢插我一輪，感覺到條啫軟咗，就掹出嚟，要我同佢吮吓，佢又趁呢個時間，奶吓我個gap，然後轉「鋪士」再插過。

由疏化搞到上餐枱，再由枱檯轆喺地下，由瞓喺度變做佢抱起我，又由抱住我改成我跪喺度，有時我騎住佢，亦都有佢壓住我。

我身體每一吋都俾佢錫過、摸過，而佢兩點、啫啫，都俾我個口到此一遊過，雖然開咗冷氣，我哋都出晒汗。

佢由軟又要我吮番硬，來回幾次，佢都未射，我真係再支持唔住，佢仲好似未夠咁，最後我成個癱軟咗，佢先射精，攪到連沖吓身都唔夠時間，帶住成身俾佢錫完留低嘅口水味，趕返去學校接囡囡。

囡囡又唔生性，返屋企咁長時間佢唔出聲，偏偏入咗𨋢，仲要有其他人一齊，佢先話我個身有陣味，攪到我想搵窿捐。

「妹妹，你啲勞作做得好靚呀！」

上次佢出𨋢時俾我撞到跌咗手上嘅嘢嗰個男仔好叻仔，佢睇到我個尷尬樣，開聲同我解圍。

「拜拜。」

出𨋢嗰陣，一向唔同陌生人講嘢嘅囡囡，竟然擰轉頭同呢個男仔講拜拜，個男仔亦都向我微笑吓，又同囡囡揮吓手。

[ 本帖最後由 Jindaoonline 於 2022-12-15 00:08 編輯 ]

Jindaoonline

囡囡就嚟放暑假，雖然假期只係短短兩個零禮拜，奶奶嗰邊已經諗緊接佢過去住幾日，尤其係姑仔，佢仲book埋主題樂園酒店，同囡囡住一晚。

枉奶奶成日埋怨囡囡似我，唔似老公，如果囡囡唔似我，又邊會成街人都讚佢靚女可愛，奶奶同姑仔又點會錫到佢燶吖。

咁嘅環境當然無我份啦，奶奶仲好風涼咁話俾機會我同老公二人世界。

唉，老公佢會咩！

每次收到「一點綠」不停傳過嚟，向我講愛慕情話嘅短訊令我好心甜，沖淡我俾屋企人忽視嘅內心鬱結，以為自己枯乾晒嘅情感再次標番嫩芽出嚟。

頭嗰個幾星期，我哋隔幾日就喺埋一齊，除咗廳，佢仔女啲房，我哋都喺度做過，唯一係未入過佢同老婆嘅主人房，不過佢最喜歡同我喺浴室，開住花灑嚟做，慳番沖涼時間。

同佢做咗三四次，我覺得佢口講愛我，實際只係對同我上床有興趣。

「乜你唔厭㗎咩？！」

我問過佢幾次類似嘅問題。

佢每次嘅解釋都差唔多，話佢哋兩夫婦唔止好耐無做過愛，老婆又古板，唔肯用其他方法同佢解決，年幾以嚟淨係靠打飛機，個情況仲差，佢同老婆不單止無偈傾，甚至眼神交流都少，佢好苦悶。

照佢所講，我理解明白不過，因為老公都對得我唔好。

我而家同佢保持一星期上一次床，除咗上床，就係屈喺商場或者公園，有時想佢陪我去遠少少行吓，可惜每一次佢都有藉口拒絕，唔知佢到底驚啲乜，我係人哋老婆，有咩事我仲驚過佢啦，感覺佢只係搵我嚟洩慾。

「慧，我希望可以同你去玩吓，一齊過一兩晚，真嘅，我無呃你！」

佢一直咁對我講，但係無厘行動，連度吓期，夾下時間都無。

有期望就有失望，可能對「一點綠」嘅要求高咗啲啦，總之就係越嚟越唔想同佢再一齊落去。

～～～～

上晝全部花喺湊囡囡返學，下晝佢瞓完晏覺，帶佢去附近公園玩，係每日例行公事。

囡囡同佢班朋友仔玩，我就碌吓手機，坐喺旁邊長櫈發呆，或者望過球場嗰邊，離遠睇吓班男仔喺度打籃球，尤其係成日喺𨋢度撞到嗰個男仔，其實我唔大得佢哋好多，點解人哋可以無憂無慮喺度玩，可以大聲叫，大聲笑，而我就困喺個籠裡面無人理。

～～～～

有次「一點綠」同事急call，要臨時返屋企網上開會，佢帶埋我返屋企，話開完會再陪我，眼神暗示會同我有下文。

「入房等我！」

唔想我入鏡，佢揸一揸我個波，拍一拍我屁股，指住佢個仔間房同我講。

經過佢間主人房，好奇伸個頭入去望吓，房裡面擺滿大大細細嘅相，好奇心令到我唔理「一點綠」鍾唔鍾意，就行咗入去。

佢老婆好自戀，除咗床尾對住幅牆上面掛住「一點綠」同佢嘅結婚相，無論喺牆定枱面，都有好多佢嘅相，而且劃分得好清楚，擺喺廳嘅，係佢哋嘅家庭相，一家大細喺齊度，而主人房擺嘅，全部係佢單人或者同埋「一點綠」兩個人影嘅。

令到我唔顧禮貌，自己走入去，係呢個女主人嘅衣著，擺喺窗邊地櫃上面有幾張佢嘅泳衣相，人雖然肥咗啲，但係套泳衣係最性感嘅比堅尼，唔單止T back，連上截都細到僅僅遮住兩點，身體百份九十九曝露咗出嚟。

佢笑得好燦爛，攬住老公頭貼頭咁影，完全唔似「一點綠」形容，連蜜月喺酒店洞房都要著老土長袖睡衣。

我決定喺主人房等佢。

「一點綠」果然好快開完會，佢見我坐咗喺佢間主人房，佢有啲愕然，不過好快就鎮定番，回復笑容。

「又話你老婆好保守嘅？佢着起比堅尼超性感喎！」

呢個係事實，佢老婆係肥，但身型都成比例，對波同屁股都超大，好性感。

「一點綠」無正面回答我，就推低我落床，諗住用佢條啫啫嚟塞住我把口。

佢以為仲可以剝我啲衫，錫我個嘴，佢哄個嘴埋嚟，我閃開，佢攬我，我撥開佢隻手，無厘反應，等佢知道我無聲抗議。

我無晒性趣，覺得好似老公講，我係俾人呃緊蝦條。

「一點綠」仲想盡力攪high我，佢想擘開我對腳，我反感到幾乎想一腳撐開佢。

「嗰幾張係我哋蜜月嗰時喺歐洲影嘅。對唔住，係我呃你，佢唔係我所講咁保守。」

佢終於知道我唔會俾佢，喺我兩隻腳中間起番身，同我解釋。

「又話佢結婚前唔夠一百磅？仲有，睇吓呢度！」

我走落床，指住其中一張嘅背景，呢張相聚焦喺佢哋兩個，背景係好模糊，不過雖然模糊，一個好出名，本地海灘嘅地標巨型人像，喺相嘅最角落影埋出嚟。

佢呆咗企喺度，啞咗一陣，然後死狗咁道歉。

跟住佢捉我隻手埋去佢條啫啫度，以為佢條啫係可以解決問題，定係以為我性飢渴到一掂到佢條啫就乜都唔記得。

如果佢一開始就承認講大話，同我講吓甜言蜜語，我唔會咁嬲佢，仲或者好開心咁捉住佢條啫嚟錫添。

不過佢唔知我正話好細心咁研究咗呢幾張相好耐，以為我係一隻井底蛙，無去過歐洲，可以隨便呃到我。

佢簡直係侮辱我，無錯，我一直帶住囡囡，老公無同我去過好多外地，但係一啲本地著名海灘，我係去過好多次，仲打過咭添。

「慧，我講得誇張啲，目的都係搏你同情啫，我同佢真係無晒感情㗎喇！」

佢見我唔出聲，著番衫，佢盡最後努力挽留我。

我對佢嘅回應係「嘭」一聲，好大力刪埋佢屋企大門。

[ 本帖最後由 Jindaoonline 於 2022-12-15 00:10 編輯 ]

Jindaoonline

連囡囡都感覺倒我唔開心，我帶佢落公園，佢都無同佢啲朋友仔玩，淨係捕喺我身邊唔肯走開，佢咁乖，搞到我抱住佢，懷疑而家係咪得我兩母女互相依靠，忍唔住流起眼淚。

避免俾隔離左右，好多見慣見熟，每日都一齊帶仔女落嚟玩嘅爸爸媽媽見到，我極力擰側面，將個頭埋喺囡囡個心口仔度，莫非我就係咁失敗，連喊都要偷偷摸摸唔俾得人見。

「妹妹，你啲朋友仔等緊你，快啲過去同佢哋玩，你媽咪無嘢呀！」

成日喺𨋢度碰到面，上次佢幫我解圍嘅男仔竟然出現喺我同囡囡身邊，佢打波打到滿頭大汗。

囡囡就算幾生性，細路仔始終都受唔住同朋友仔玩嘅誘惑，佢唔放心，望吓我，又望吓個大哥哥，個男仔用眼神鼓勵佢，囡囡同我講一聲，好開心咁去匯合佢班朋友。

「飲唔飲水？」

個男仔一手遞支礦泉水，一手遞包紙巾俾我。

雖然明知係街坊，唔知佢有咩目的，猶疑唔敢接。

「我叫阿Mark，住喺你哋樓上㗎，雖然唔知因咩你咁傷心，我都希望你睇開啲。」

「哦，多謝你呀，我唔使飲水，你飲啦！」

知道有人關心，心情好受啲，我接咗佢包紙巾，攞咗一張嚟抹眼淚。

「我無嘢㗎，你去打波啦！」

見佢踏上張長椅唔走，坐喺椅背無出聲，靜靜陪住我。

「哈哈，我嗰隊輸咗，無得打住，要再跟隊。」

我係運動白癡，唔知咩叫「跟隊」。

「跟隊，即係要再排過隊。我坐喺你哋隔離張椅一陣㗎喇，見到你同妹妹落嚟，跟住又喊，所以你無留意到我。」

佢坐得高過我，垂低個頭望住我講。

「我唔識得勸人，不過知道就算咩都好，個天唔會跌落嚟嘅。」

「好似打波咁，輸咗咪再跟過隊，再打個囉！」

阿Mark一輪嘴，真係好健談，佢二十出頭啦，不過好高大，黑黑實實，可能成日打波，好有陽光氣息，我剛才苦口苦面，佢同我講咗一陣，自己好似跟佢開朗埋。

[ 本帖最後由 Jindaoonline 於 2022-12-15 00:15 編輯 ]

Jindaoonline

「慧！慧！」

我無睬「一點綠」好多日，見到佢都掂行掂過，佢終於忍唔住，離開學校，就跟上嚟。

佢叫我，我無理，佢唔理咁多，再大聲咁叫我幾聲，旁邊啲家長都望住我哋。

「早晨呀！」

迫於無奈，我停得落嚟，扮晒普通家長見到面咁打招呼。

我俾個眼神佢，跟住就改變方向，行去公園。

我一直行去公園最深嘅角落，「一點綠」亦都跟住我。

「我講大話，無非係想同你一齊啫，我知錯㗎喇。」

佢好誠懇同我講，佢老婆永遠都係主導角飾，佢只係一個小男人，喺屋企完全無地位，佢好喜歡我，同我一齊先搵番到男人嘅自尊。

同佢同病相憐，多多少少觸動到我，點解佢嘅家庭地位同我咁相似，我唔知應唔應該信佢，佢知道晒我所有背景，一次不忠，而家佢亦都可以作一個故仔再呃我。

「慧，我哋重新開始吖，我會再開始追求你，俾你知道唔係玩，係真心嘅。」

佢見我有啲軟化，就捉住我隻手，不過我甩開咗佢。

「一點綠」再一次開始俾短訊我，除咗傾偈，佢仲為我呢個帶住囡囡，圈子窄都唔窄嘅師奶仔度身訂造，轉載一啲關於煮餸、打理屋企，娛樂圈嘅諸事八卦嘢，甚至一啲街頭巷尾，個個都講到眉飛色舞嘅熱門時事，等我可以追得上時代，唔使人哋講乜我都未知。

[ 本帖最後由 Jindaoonline 於 2022-12-15 00:25 編輯 ]

Jindaoonline

每日下晝喺公園見到阿Mark，同佢熟絡咗，而家佢一見到我同囡囡，喺輸咗波，跟緊隊嘅空檔，一定走埋嚟搵我，佢讀緊大學體育系，之前住宿舍，放暑假先搬番屋企。

佢見我對佢玩嘅手機遊戲有興趣，就幫我下載一啲佢班同學、朋友都喜歡玩嘅手機遊戲，同時又教下我一啲過關技巧，網絡潮語，我呢個仲未夠二十四歲嘅老土落後師奶，眨下眼之間都進化咗。

～～～～

「喂…喂…」

我眼都唔眨，望住手機，隻手急亂咁摔，好似個傻婆咁，緊張到喺度叫。

阿Mark喺隔離伸埋頭過嚟睇，一路叫：「咪住…」⋯⋯「係嘞…係咁嘞」教我點樣過關。

「哈哈…搞掂！」

喺佢教路之下，我終於過咗一關。

「Ye！」

佢伸手同我擊掌。

而家每個下晝，囡囡同佢班friend玩，我就玩手機遊戲，阿Mark一輸咗波，就走過來陪我一齊玩，有時佢甚至揼低啲朋友，情願唔打波，玩手機。

～～～～

「慧姐………」

「乜嘢慧姐啫，我好大咩？姐姐聲！」

阿Mark一開口仲未講正題，我就制止佢，唔俾叫得我咁老。

「咁係吖嘛，你大過我嘛！」

「乜嘢叫做『係吖嘛』啫，你再叫我『慧姐』，我就唔睬你！」

我再制止阿Mark。

「好啦，好啦，我仲未講呀，我想問你係咪好鍾意着背心？」

「咩事呀？」

之前「一點綠」讚我著貼身衫好睇，所以好多時都著啲好緊身嘅Tee，而家習慣咗，加上天氣越嚟越熱，落嚟公園就著得簡單啲，一件背心加條短褲就落街。

「附近好多阿叔、阿伯𥄫你呀！」

聽到阿Mark咁講，我留意吓自己，真係有四份一個波露咗出背心領口，條短褲又係，一坐低就縮到上大髀盡頭。

「仲有我班friend，佢哋都話埋我一份，話我掛住溝你，唔專心打波，搞到成日輸波，我邊度有溝你啫！」

「唓，如果你唔鍾意，嫌人笑你，咪唔好埋嚟我度囉！」

俾老公長期咁奚落，我一直以為自己無晒吸引力，而加阿Mark咁同我講，我好開心。

「唏，唔係咁意思呀，我邊度係嫌呀，你都唔明我講咩，唔講啦！」

佢一面焦急，轉來轉去幾次，唔知點向我解釋好嘅樣，最後真係行翻去佢啲friend度，不過佢周不時望返過嚟我呢邊，惹到佢啲friend都一齊望過嚟。

睇見佢急都標汗，我忍笑忍得好辛苦，不過又怕佢真係唔再采我同囡囡。

我點會同阿Mark有嘢吖，不過同呢個大細路玩吓好得意啫。

近來同佢傾得偈多，自己都青春番啲，相比起「一點綠」，覺得自己同佢嘅差距仲大咗，相對阿Mark又會唔會真係嫌我大過佢呢。

不過「一點綠」對我好細心，將明明唔關佢事，我都發喺佢身上嘅脾氣，佢不單無嬲，仲諗盡方法𠱁我笑。

只要我開心，佢就打蛇隨棍上，開始試探我肯唔肯俾佢，不過無再叫我上佢屋企，我懷疑到底佢係咪仲有嘢呃緊我呢？

～～～～

囡囡幼稚園每年都攪結業禮，所謂歡迎所有班級都參加，其實就係半強迫所有學生同家長出席。
個晚會每年都攪得盛大，收費亦都貴，班家長喺個谷度鬧，話學校搶錢，但問到出唔出席，就一致話去。
「老公，下星期囡囡學校搞晚會聚餐，你一齊去啦！」

好多家長都隆重其事，兩公婆一齊出席，我都想老公同埋我去。

「咁貴，我又要返工，你同囡囡去就算啦！」

我都係循例問，確認吓先去銀行過數，都預咗佢擰頭㗎喇。

「囡囡遲啲放暑假，奶奶話接佢去屋企住吓，好唔好呀？」

「好！你都可以鬆一鬆，唞吓。」

「囡囡唔喺度，我哋去邊度好呀？」

「要返工，去得邊吖，同你睇場戲囉。」

囡囡無耐性，喺戲院坐唔定，又扭計，費事煩，我同老公好耐無睇戲。

「睇場戲咁少，不如我哋都租間酒店住一晚吖！」

想同佢二人世界，重溫浪漫，我成個人趴晒落佢背脊，從後攬住佢。

「酒店咁貴！」

「我請你吖！」

我講到出埋錢請佢，老公都推搪無應承。

～～～～

去完銀行入咗囡囡學校結業晚會嘅費用，返到樓下大閘口，阿Mark正係喺的士搬緊兩個大行李喼落車，佢身邊仲有一個人，佢背住我，唔知係咩人。

「唔該晒！」

我拉住大閘等佢哋，阿Mark望見我，即刻加快腳步，仲大聲講唔該，佢旁邊嘅男仔亦都跟住佢。

我同囡囡企一邊，阿Mark同個男仔另一邊，中間隔住兩大喼行李，部𨋢有啲擠迫。

「妹妹，仲未放暑假咩？」

阿Mark喜歡囡囡，先同佢打招呼。

我解釋，同佢哋大學有分別，幼稚園遲放假，早開學，佢哋先可以收足十二個月學費。

「呀，同你哋介紹，我表哥Leo。」

Mark指住企喺佢身邊一直望住我嘅男仔。

「我係阿慧。」

我自我介紹。

睇外表，佢哋兩表兄弟好似，不過因為Leo同我差唔多年紀，英俊之餘，仲有一種男人魅力。

「阿慧，你好！」

Leo伸手出嚟同我握，點知一接觸，佢隻手竟然好似有靜電咁，我手掌微微彈咗一彈。

[ 本帖最後由 Jindaoonline 於 2022-12-15 03:20 編輯 ]

Jindaoonline

Leo初嚟到嗰三幾日，下晝都陪埋阿Mark一齊落嚟公園，坐埋我身邊，不過佢唔打波，好似我咁齋坐喺度發短訊，玩手機，耐不耐同我微笑一吓。

我同佢生活圈子唔同，唔通同佢講湊仔，佢就同我講讀書咩，所以無乜共同話題，好多時都係互相偷望一吓。

但係Leo最後佢都忍唔住，先開口當講古仔咁講吓佢初到外國發生嘅瘀事，又講吓嗰邊啲風土人情，我哋終於搵到一啲大家都答得上嘴嘅話題，大家傾得越嚟越投契。

下晝落遊樂場變成我期待嘅事，點知Leo之後忽然連續成個星期都無出現，我若有所失咁，借啲機會向阿Mark打聽吓。

「每個假期佢都花好多時間見佢啲舊同學，呢輪日日都有約，尤其是佢幾個舊女友，一聽到佢返嚟，個個都纏住佢，你知唔知？」

阿Mark語氣有啲唔認同Leo。

「我梗係唔知啦，哈哈，知唔知都好啦，關我咩事喎！」

係囉，Leo去唔去街，有無女朋友真係關我叉事咩，點解我聽到阿Mark嘅說話，會有啲緊張，有啲失落。

Leo土生土長，喺本地讀中學，然後先過外國讀大學，畢咗業後無返嚟，留低做咗一年嘢，跟住又再讀咗個碩士，今次佢都係返嚟渡假，遲啲再返去讀埋個博士學位。

我聽到阿Mark嘅介紹，從未認識過咁高學歷嘅人，即刻伸脷，跟住又諗，佢高大又靚仔，又有前途，唔怪得啲女仔冤住佢唔放，我呢個帶住個女嘅屋邨師奶有乜資格高攀同佢做朋友。

～～～～

「同你去一個地方吖？」

「一點綠」帶我行過兩條街，佢拉開車門叫我上車。

「去邊？夠時間咩？」

我之前不停叫佢陪我去第二度行吓，唔好淨係屈喺個商場，佢一直無睬我，而加為咗𠱁我，今次竟然揸埋架車出嚟，一定係去啲比較遠嘅地方，我哋要趕返嚟接仔女，得三個鐘頭，懷疑夠唔夠時間。

「唔係好遠，兩、三個字車程，我盡量快啲，夠時間嘅！」

附近好多情侶別墅，原來佢講緊嗰樣嘢。

「聽講個間嘢好乾淨，我想去試吓。」

近來喺短訊度，佢不斷向我示好，亦不停試我水溫。

「聽講？！聽咩人講？定係啲叫雞指南？抑或你去過？哈哈。」

佢唔識點答。

「我唔去嗰啲地方，除非你屋企，敢唔敢？」

其實我都有啲想，同時佢越唔想我上佢屋企，我就偏偏好奇睇吓佢有咩咁神秘。

佢一直望住前面唔出聲。

「好啦！好啦！」

我拉開車門準備落車，佢迫於無奈，即刻答應。

一入屋佢就攬實我嚟錫，真心話，以前老公唔掂我，我就盡能力去忍，而加食過腥，壓制性慾嘅能力就大大減退。

「一點綠」推我入浴室，啲衫丟晒喺門口，佢扭開水喉，門都無刪，又唔理浴缸啲水滿未，就攬住我係咁錫，喺我身上面上上下下咁愛撫，佢用手攞起碌啫啫搭喺我個肚，不過仲係軟賴賴咁，搭喺度又跌番落去，要靠隻手一直揸住，自己喺度捋。

可能感覺到我對佢嘅態度大不如前，諗住喺床上令我屈服，但係佢適得其反，捋咗好耐慢慢扯起，變大變硬。

要我彎低少少夾實兩個波，佢自己拮高晒腳踭，將條啫啫插入嚟，叫我同佢乳交。

「過唔過癮？」

第一次同佢咁做，佢條啫啫好長，喺我對波中間一出一入，我諗男人會覺得視覺效果唔錯，至於係咪舒服，係咪過癮，真喺佢自己先知道，我就唔感到咩興奮，反為摩擦得有啲痛添。

浴缸啲終於滿瀉，我同佢一踩入去裡面，啲水更加漏得緊要。

佢攬住我坐低。

「搵個機會同你去日本浸吓溫泉，好唔好？」

「好呀，你可以咩？！」

我昂後個頭望住佢講。

不過我知道可能性微乎其微，佢只係隨口𠱁吓我，又係一張空頭支票，不過就算佢得，我都唔知點同老公講。

老公未曾搭上條女拳手前，趁囡囡放假，可以放低俾奶奶看管，連續兩次，一次暑假，一次農曆年假，佢都同我去日本玩，我哋一齊浸溫泉，雖然係商務旅館，溫泉設備好簡單，又係分開男女嚟浸，但係到而家我都好懷念。

浸咗一陣，「一點綠」喺後面拍吓我，叫我企係身㩒住浴缸邊，佢順勢喺後面插入嚟。

佢唔似以前咁溫柔，好似報復我之前篤爆佢講大話，執住我兩邊腰，完全無留力，好快咁郁，搞到我有啲痛。

浸咗一輪熱水，又咁高速度嘅衝刺，我同佢都出晒汗。

佢無掹番出嚟，仍然喺我裡面，一面插，一面一齊踏出浴缸，走去淋浴區，用冷水照頭淋。

我雙手扶住度牆，佢揸實我對波，繼續咁插。

「揸爆你...屌爆你...」

佢high到咬牙切齒咁叫。

我亦都好興奮，不停咁叫床，但係始終有一層膜阻擋住我，自從發覺佢呃我之後，本來以為自己感情再一次開花嘅美夢已經消散咗，同佢再做唔到靈慾一致。

佢拉直我個身，一隻手扯住我啲頭髮，伸條脷係咁奶我頸側，另一隻手嘅中指同埋食指插入落個口，要我吮，佢下面就加速再加速咁插落我度。

突然間，我一陣模糊，Leo呢個認識咗無幾耐，只係傾過幾次偈男仔，喺我腦裡面出現。

「慧⋯⋯」

佢一面錫我背脊，一面玩我個波，仲不停叫住我個名。

「Leo～呀～」

我心裡面回應番佢，幻想住佢優美嘅身型，俊俏呢面貌，高潮即刻嚟咗。

我闔埋眼，想捉實佢，不過佢就消失得無影無蹤，無再喺我個腦裡面出現。

[ 本帖最後由 Jindaoonline 於 2022-12-15 03:32 編輯 ]

Jindaoonline

「慧姐，你老公喺唔喺度？煮咗飯未？」

老公放半夜十二點，放工後都唔知佢返唔返屋企，我煮咗嘢俾囡囡，自己都唔知食咩，又或者食唔食好。

正係決定唔到，阿Mark俾電話我。

「唔喺，未煮。」

每次同阿Mark講嘢，我都想同佢玩吓，今次我用冷漠嘅語氣同佢講。

佢真係俾我嚇窒咗。

「哈哈，我嘅答案簡唔簡潔？」

我幾怕佢收線呀，即刻同佢笑翻。

「唓，又玩嘢！買咗啲海鮮，不過唔識煮。」

「唔識煮又買？」

「係囉，唔識又買，你問Leo啦，佢買嘅。我哋想扐落嚟大家一齊食。」

「係鬼，你哋想我做賓妹之嘛！」

我嘴係咁講，但係心就好興奮。

兩個男仔唔單止海鮮，仲帶埋啤酒落嚟。

「我可以幫手做啲乜？」

阿Mark爛玩，喺廳陪住囡囡一齊玩電腦遊戲，Leo就走咗入嚟廚房。

老公從來唔會煮嘢食，囡囡咁細，我嫌危險唔俾佢入嚟，廚房從來都只會得我一個人，而加加埋Leo就加倍覺得又細又窄。

「呀，sorry！」

我刷緊鮑魚啲汚漬，Leo就搶住沖水，佢唔覺意掂到我隻手，即刻同我道歉。

我無講乜嘢，甜甜同佢笑吓。

男女之別衝破咗，Leo就放膽企近我，手臂貼住手臂，同我隻手嘅觸碰就更加多，洗擦鮑魚嘅時間比正常長好多。

「俾對手我！」

洗完所有海鮮，佢仲扐定條乾布，幫我抹乾隻手。

「你出去玩啦，呢度好熱呀！」

我好溫柔，好似新婚嗰時對老公咁。

Leo臨出去之時，出奇不意，好快咁握一握我隻手。

佢離開之後，我仲呆呆咁望住俾佢握過嘅手幾秒。

食完嘢，收拾好啲垃圾，我習慣咗將啲食物殘渣即時扐落樓下垃圾站。

「慧！」

我等緊𨋢，Leo出現喺我身邊，我喜出望外。

「返上屋企？」

怕佢咁早就離開。

「俾我！」

佢攞咗我手上面袋垃圾，陪我一直行去垃圾站。

「見完晒朋友未？」

我變晒調，竟然好超級溫柔咁同佢講。

「未！」

佢咁講我有啲失望。

「我有一個新相識，想同佢做朋友嘅人，希望一直可以陪住佢！」

佢暗示緊邊個好清楚，我暗暗歡喜。

「你咁多女朋友，識女仔咁叻，一定可以識到佢啦！」

「所以咪想辦法，買啲海鮮嚟做藉口，落嚟見下佢囉。」

「𠱁人，你又唔親自打俾我？」

佢明明係搭訕我，我又好受落喎。

「我有你電話號碼咩？」

我唔出聲，攞咗佢手上面部手機，即時打我個電話。

「咁而家你知道啦，哈哈。」

我擺到明受佢溝，佢笑一笑，好迷人。

放低咗啲垃圾喺垃圾站，我同佢不約而同企定喺度，大家四目相投，靜靜對望咗一陣先再起步。

佢帶我兜咗一條好遠，又無乜路燈，我夜晚自己一個人唔會行嘅路返屋企，我哋腳步放到好慢，一路行，有一句，無一句咁，天南地北搵啲嘢嚟講，佢講嘢好溫文直率，唔似「一點綠」講嘢帶啲做作。

我偷偷望吓佢，佢好英俊，面型輪廓好明顯，深眼窩，長睫毛，仲有一個又直又高嘅鼻，知道年齡大我差唔多兩年，我莫名其妙嘅興奮。

[ 本帖最後由 Jindaoonline 於 2022-12-15 03:35 編輯 ]

Jindaoonline

阿慧嘅命運操控喺銀葉紅花之手。

Jindaoonline

佢哋不時打聽住，每逢我老公當夜班，阿Mark哋就會買埋外賣落嚟一齊食。

阿Mark同囡囡好投契，有佢喺度，囡囡會乖乖食嘢，食完飯，趁阿Mark又好有耐性同囡囡玩，Leo陪我落街揼垃圾，之後就兜一條最遠嘅路返屋企，我哋總係希望條路行極都行唔完，腳步有咁慢得咁慢，一去就大半個鐘，都係靠阿Mark照顧囡囡。

如果知道老公唔返嚟瞓，佢哋仲放肆，帶埋遊戲機，一兩打啤酒嚟，囡囡瞓咗，就係我哋嘅歡樂時光，我哋一齊打機。

每當阿Mark玩到一兩點，頂唔住酒意，喺廳瞓著咗，Leo會胸貼背咁坐喺我後面，俾我挨住佢，好細心捉實我隻手教我玩一啲我未玩過嘅遊戲，然後輕輕擁抱住我條腰，由得我自己玩，到有難關，佢先會再捉實我隻手，打到過到關為止。

每次都玩到四五點，然後再拍醒阿Mark返佢哋屋企，雖然第二日我好眼瞓，但係好樂意佢哋時時落嚟。

有佢哋喺度，屋企熱鬧好多，以前一個人孤零零對住個女嘅情況，減少咗，我亦都無再咁緊張老公返唔返，當然我都希望佢返多啲嚟嘅。

老公有少少奇怪，我近來少咗囉唆佢，無我嘅埋怨，佢梗開心啦，我俾佢嘅壓力少咗，佢喺出面玩得更加心安理得。

～～～～

囡囡嘅結業晚會好多人參加，人頭湧湧好熱鬧，我都同囡囡selfie咗幾張俾老公，順便俾埋阿Mark同Leo兩個大男仔。

老公永遠都係只睇不回。

「邊個嚟㗎？」

阿Mark就唔同，佢秒速回過嚟。

因為我化咗妝，可能平時落街我係素顏啦，不過就算點化，我都不至於變咗樣，變到佢唔認得我吖。

「你家姐，定係你阿媽呢！唔知呀。哈哈。」

「真係靚到阿媽都唔認得呀！」

阿Mark始終喺大細路一啲，佢心直口快，俾人讚當然好開心，不過仲欠一個我最想有嘅回應。

Leo佢好耐先回覆我，不過佢係用音頻，讚我好迷人，具體指出我靚在邊個部位最靚，最搶眼。

聽把聲，佢好誠懇，唔似𠱁我開心，估佢真俾花咗好多時間去研究張相，所以咁遲先回覆。

俾阿Mark讚，我係開心，心諗梗係啦，我的確係靚吖嘛，但係俾Leo讚，我好心甜，好似攞到獎品咁，喺心裏面問，Leo會唔會覺得我靚過佢啲女朋友呢。

聚完餐，一大群人湧晒出酒店宴會廳門口，向四方八面疏散返屋企。

隔住前面一堆人，有三個背影，一個比較豐滿，衣著好華貴嘅女人翹住佢隔離一個瘦削嘅男士。

佢哋態度好親密，喺路上面，一大班家長學生之中，女士挨晒埋個男士度，小鳥依人咁，個男士拖住個仔，不時側頭錫吓女士嘅頭髮同面珠，仲有意無意之間，兩個人錫吓嘴。

佢哋嘅舉動親密到好似新婚咁。

我冷笑咗一聲，就通知老公返緊屋企。

～～～～

「尋晚你坐喺邊一枱，唔見你嘅？」

「不過我見到你。」

「係咩？幾時？」

「係呀，走嗰時喺街度，你老婆翹實你嗰時！」

「一點綠」嗰日開始，連續幾日再無俾短訊我。

～～～～

囡囡過咗奶奶度住，雖然老公無帶我去旅行，不過佢陪我睇咗兩場我想睇嘅戲，喺出面食咗兩餐晚飯，我已經好開心。

不過去酒店住一晚嘅事就沉咗落海底。

「聽日放假，去游水啦。」

臨瞓前老公通知我，我開心到即刻彈起身，打開衣櫃搵定套泳衣。

我即時喺佢面前換套泳衣，轉兩個圈俾佢睇。

呢套係佢溝我嗰時，仲未同佢上過床，佢摟我去游水，買嚟送俾我，當然係揀套有咁少布得咁少布嘅泳衣啦。

雖然呢兩三年，老公再無同我去游水，難得仲著得落套泳衣，我耐不耐都著嚟對鏡自戀一吓，見到對波升咗cup，泳衣上截更加迫爆，超過一半露咗出嚟，就挺直個身，托吓對波。

「洗唔洗咁少布呀？」

佢講完，吹一聲口哨，唔怕醜咁捋自己條啫，叫我上番床。

「除咗佢！」

「你想除，咪自己郁手囉。」

今次佢唔再做大爺，竟然乖乖哋除我套泳衣。

嗰晚我哋兩個都好有feel，事關嗰次游完水，佢就𠱁咗我上床，破咗我處。

佢好耐無咁溫柔對我，慢慢錫我個波，連埋gap gap，錫勻全身，然後就好狠咁插我，又同我玩咗好多花式，好似幾年前搞大我個肚嗰晚咁。

雖然佢無「一點綠」咁大，但係硬好多，持久好多，最重要係我對佢嘅感情，同佢做，我先會感覺到親密溫馨。

「我要口爆你！」

佢快快手手除咗個套，插入我個口度射，呢個結束方式令我滿懷回憶，同佢拍拖嗰陣，我仲讀緊書，每次佢都詐啲意唔用套，用口爆來結束，所以日後最終咪衰咗，我要做未婚媽媽。

老公射完精，我好熱情咁幫佢吮，吮到佢軟先放口。

第二日我都聽佢話，著番件一件頭泳衣。

游完水，食埋飯，佢仲拖住我行商場。

佢帶我入咗嗰間「X多娜」，話送條手鏈俾我，我慳住揀都要二千幾蚊埋單。

我開心到想暈，但係返到屋企之後.........

廁所雖然窄，我仍然想同老公情趣吓，兩個人迫埋喺裡面，我幫佢洗頭，擦背，洗啫啫。

仲同佢講番嗰次我放緊聖誕假，個個同學返晒屋企，剩得我一個留喺宿舍，佢第一次偷偷哋潛入宿舍嚟陪我過夜，第一次一齊沖涼。

「仲記得咁清楚嘅！」

「點解唔記得，你係我最愛嘅人喎，乜你唔記得咩？你仲監我同你含呀！」

「哈，記埋啲咁嘅無聊嘢！」

沖完涼出嚟，我同佢用風筒吹頭。

「嗯⋯⋯我後日同人過澳門。」

「咩話？出去玩？！」

「兩晚啫，使唔使咁嘅反應呀！」

「我叫你住一晚酒店，出錢請埋你，你點反應呀？」

「咪同你睇戲，食飯游水補數囉！」

「贖罪吖嘛！我唔要呀，」

我將正話佢送俾我，連包裝紙都未拆嘅手鈪掟番俾佢。

「贖咩罪呀？同朋友應酬吓啫，犯咩罪呀！」

「朋友應酬，我可唔可以去呀？」

「哈哈，同你講過好多次啦，你咪搵囉！」

「好！你話㗎！」

我火遮眼到將手機大大力放喺枱面，想話俾老公知唔係無男友追求我嘅。

「你嚇我唔到嘅，咁叻玩俾我睇吓囉！」

我咁大膽，老公俾我嚇窒，佢唔想輸咗個氣勢，攞起我部手機，最終都係放返低。

不過就算老公睇我嘅通訊記錄都睇唔出啲乜，除咗之前佢見過嘅「一點綠」，我俾阿Mark嘅代號係Mary，而Leo係Lily，而且同佢哋嘅對話，我睇一個刪除一個，唔留低任何足蹟。

我將老公個枕頭掟咗出廳，大力刪埋房門，心諗老公要同個拳手去玩，咁多日子唔揀，偏偏係要喺囡囡去主題樂園酒店嗰日，佢屋企人拒絕我，而佢又拋棄我。

「你係咪想同我出去玩吓？」

我俾短訊「一點綠」，記得佢同我講過咁嘅說話。

我俾咗個日期佢，就係老公過澳門嗰兩日。

我同「一點綠」講明，如果兩日唔得，一日都無問題，安排唔到出外，搵間本地酒店過一兩晚，無論平貴都可以，我只係要喺屋企以外啲地方玩吓，散吓心。

我要報復老公，仲要挑戰「一點綠」嘅老婆，雖然佢係無辜嘅。

我聽到刪門聲，我出去廳睇吓，無晒人。

老公唔知搵到佢啲friend，定係個女人肯收留佢，就索性走埋出去過夜添。

「我聽日返早，過埋澳門先返。」

老公留低一張啲字寫得好核突嘅字條通知我，計吓日子，佢即係要四、五日後先返。

成間屋粒聲都無，唔知係寧靜定係孤寂，我想喊但係喊唔出。

[ 本帖最後由 Jindaoonline 於 2022-12-15 03:42 編輯 ]

Jindaoonline

我踢爆咗「一點綠」同佢老婆嘅關係之後，佢同我嘅短訊都少咗，就算有，來來去去都係解釋吓，只因仲未心熄，想同我保持住肉體關係。

「俾少少時間我可以嗎？」

我先一晚提出要求，佢到第二朝先回覆我。

今次對佢無疑係一個難題，無期待佢好快安排到，我甚至覺得佢最後都同我講佢出唔到嚟。

嗰晚佢同老婆表現得咁恩愛，無可能可以好似我老公咁，話唔返屋企就唔返屋企。

俾老公攪到情緒好低落，成日無落過街，阿Mark同Leo唔見我出現，都有俾短訊我。

對阿Mark呢個大細路，我唔想講咁多複雜嘢，淨係話我有啲唔舒服。

「我心好亂.........」

我個心好似俾石頭壓住，好辛苦，要向入傾訴出嚟，我選擇將同老公嘅感情糾紛講俾Leo知，唔駛一個人屈喺心裏面。

Leo成熟過阿Mark，雖然戀愛經驗多，但係佢始係局外人，好多關鍵位，佢都開解我唔到。

「一點綠」喺黃昏再俾短訊我，出乎意料，佢俾咗個時間同一個餐廳地址我，約喺嗰度會合，詳細嘅嘢見面再講。

就算睇佢條短訊，我想像佢搲爆頭，終於諗到個理由，戰戰兢兢同老婆攞批准，然後匿埋鬼鬼鼠鼠通知我嘅狼狽樣。

～～～～

喺間餐廳，過咗約定半個鐘，接到「一點綠」第一個短訊，通知我佢嚟緊，我好焦燥，埋怨佢唔守時，叫佢盡快趕嚟。

佢再過半個鐘頭後，一樣同我講趕緊嚟，我開咗竅，改變態度，回覆佢我會等佢。

隨住佢一個又一個嘅通知，我態度就越加溫柔，只係話希望佢快啲，事實上我真係怕佢唔出現。

一杯檸水接一杯檸水，叫咗一客又一客嘅三文治，侍應起初見我啲蛋治食唔晒，仲叫完一份又一份，通通都擺晒係枱面，佢哋察覺到我係等緊人，一個等咗接近三個鐘仲未出現嘅人。

「小姐，你唔阻我哋做生意嘅，坐下算啦，唔駛再叫啦！」

我想再叫多杯檸水，個侍應阿叔帶同情嘅表情同我講，無同我落單，換轉扐咗杯清水俾我。

我可以一早離開唔等，但係我要作賤自己，懲罰自己點解咁有眼無珠，同「一點綠」咁嘅人交往，同時我亦都要等到佢出現，有啲嘢當面同佢解決。

「一點綠」終於滿頭大汗推門入嚟，餐廳幾個侍應好奇睇吓到底係何方神聖，可以遲到幾個鐘。

「唔好意思，天誠嘅興趣班臨時改咗時間，我要送佢去老師度，等埋佢放學，嚟遲咗。埋單啦，喺隔籬街好近咋！」

「我哋去時鐘酒店？喺嗰度過埋夜？！」

我終於知道佢想點，特登好大聲咁講。

「er.........今晚老婆返嚟食飯！」

「Ok，咁行啦！」

我孭起個袋企起身，不過將手上面杯清水照頭淋咗落佢頭上面，佢愕然呆咗個一刻，我再係佢面上面補多一巴掌，呢個就係點解我等佢咁耐都要等到佢出現嘅原因。

午飯時間過晒，餐廳好清靜，幾個侍應帶住「抵你死」嘅神情喺度睇戲。

「先生，今熱天氣，要多杯水喱！想爆房唔好叫人等嘛！唔該埋單先走。」

侍應阿叔攞張單埋嚟俾「一點綠」。

～～～～

我個腦一片空白，無目的咁閒蕩，過去嗰幾個月自己原來咁白癡。

剛巧「一點綠」係我孤寂時侯，第一個出現嘅男人，就將自己嘅感情同身體交俾佢。

已經夜晚成十一點，我唔想返屋企，不過唔返去，又有邊度可以俾我容身吖，我而加連落腳嘅地方都無。

「返嚟喇！」

我返到屋苑，阿Mark同Leo竟然坐喺我樓下對開嘅花槽邊，見到我，就一齊走過嚟，原來佢哋等緊我，我再忍唔住啲眼淚。

我同阿Mark話病咗，以為可以呃到佢，點知攪到佢機乎同佢表哥嗌交。

佢唔信我病咗，見Leo似乎知道真正原因，問咗幾次，Leo都唔肯講俾佢知，對Leo好不滿。

見我到今日黃昏都無回覆佢對我嘅問候，居然走落嚟敲我門，敲過幾次都無人應門，佢索性走落樓下等我，Leo見到咁，佢又跟埋阿Mark落嚟。

「慧姐，有咩事唔怕同我哋講喎，我⋯⋯同Leo一定會幫你！」

阿Mark好心急，怕我有事，話保證會幫我，不過佢望吓我，又望吓Leo，似乎明白咗一啲嘢，中途加埋Leo個名落去佢嘅承諾裡面。

Leo就淨係企喺旁邊無出聲，但係從佢眼裡面，話俾我知佢好多嘢向我講。

「多謝你哋！」

佢哋嘅關懷，掃走晏晝困擾住我嘅情緒，我喺中間，一齊行入升降機大堂。

我惱恨點解我唔早啲遇上佢哋，而係黐咗落「一點綠」度。

～～～～

「我哋留喺度做你嘅守護神呀！」

阿Mark佢哋陪咗我上屋企，同Leo就賴咗喺度無走，一齊講吓笑。

阿Mark老實不客氣，玩咗一陣就嗌肚餓，要我煮宵夜，足足一日無食嘢，我樂意去煮即食麵，佢哋走去附近「七仔」揀飲品。

Leo一直想同我單獨傾吓，但係阿Mark成晚嘻嘻哈哈，跳跳扎，佢無機會。

攪到四點幾，我再挨唔住，返入房，佢哋就喺廳瞓。

～～～～

同「一點綠」關係告一段落，心情舒暢咗，一覺瞓到自然醒，輕輕拉開房門，Leo正喺度做緊掌上壓。

我無騷擾佢，靜靜喺度欣賞佢健碩得嚟優美嘅肌肉線條。

佢做完掌上壓同捲腹，發覺我醒咗，即刻走過嚟。

「阿Mark呢？」

我搶先一步問佢。

「佢遲啲有比賽，番咗學校練波，跟住返佢阿媽度，聽日先返！」

平時佢陪我去揼垃圾，兜遠路返屋企，都係想單獨相處，而家屋企得番我同佢，我竟然有啲唔自然。

「喂，你擋住我，我點去洗面呀？！」

Leo亦都係好似我咁，唔知點開口，我搵啲嘢講嚟打開個僵局。

「慧，我只不過關心你，無其他意圖，你老公嘅事，你有乜嘢打算？」

「唉，我有咩選擇？我帶住囡囡，無自立能力，我可以做乜吖！」

Leo帶住沉重嘅心情，佢猶疑好耐，終於鼓起勇氣，踏前一步攬住我。

衝過咗突破點，我好自然攬住佢條腰，Leo只係大我一兩年，俾佢擁抱住，好似俾一個大哥哥呵護住，好有安全感，除老公之外，感覺可以依附佢。

「一點綠」年紀相差更加大，同佢哋一齊，我無呢種感覺。

「雖然我係唔應該，但係我喜歡你，第一次認識你開始。」

唔需要佢多講，佢第一次買埋海鮮落嚟食晚飯，我哋就設法製造單獨相處嘅機會，同時盡辦法將相處時間𨒂長。

佢拍過咁多次拖，憑我對佢嘅態度，知我一早就接納咗佢，如果唔係，佢識我唔夠兩星期，點都唔夠膽攬實我。

佢耷低頭，錫落我個嘴度。

我愛我老公，不過我無辦法抵抗Leo，認識時間雖然短，但係感覺好似熱戀咗好耐嘅情人，自然咁同佢蜻蜓點水式嘴咗幾吓。

「我希望態夠令你開心一啲！」

Leo輕輕掃我後腦嘅頭髮，將我個頭㩒埋去佢心口。

「我唔知咁做啱唔啱！」

我都係好喜歡Leo，但係佢只係一個過客，喺我人生短暫出現，唔可能長期依托。

「自己生活得開心啲就得㗎喇。」

[ 本帖最後由 Jindaoonline 於 2022-12-15 03:55 編輯 ]