Jindaoonline

老公啲同事、朋友亦都陸續嚟探佢。

「阿嫂，可以同你傾幾句嘛？」

一晚，探病時間差唔多完，老公有一個同事臨走嗰陣，靜靜雞同我講，我估佢一定有啲嘢想話我知，就跟咗佢出病房。

呢個同事首先自我介紹，佢一講個名，我知道佢係老公個死黨，我聽老公提起過佢好多次，不過未見過佢個人。

佢今次係講一啲老公嘅情況俾我知，聽完之後好震驚，亦解釋咗點解老公最近有咁唔尋常嘅行為。

嗰個女拳手做咗人工流產，再加上佢哋喺澳門輸咗而向財務公司借咗錢，老公要不停替人頂更增加收入。

佢今次交通意外都係因為揸埋的士搵外快引起。

呢個同事仲話老公每個月還五千幾蚊俾財務公司。

對我哋呢個家庭嚟講，五千蚊唔係一個細數目，我不其然好擔心。

～～～～

老公進展幾理想，一個星期就掹咗胃喉，腦震蕩都輕微，淨係等安排再做手術放番塊頭骨入去。

除咗希望老公身體快啲好番，最重要係安排嚟緊嗰三幾個月到半年嘅生活。

家用嗰方面，我仲可以靠我呢幾年儲埋嘅積蓄，慳慳哋支持住，不過還債同埋奶奶嗰邊嘅生活費用，我就真係負擔唔到。

呢啲嘢都擔心唔嚟，等老公出院之後，見步行步算啦。

而加我朝早送完囡囡返學，就趕去醫院，餵吓老公食早餐，到夠鐘就接囡囡放學，帶咗佢去佢嫲嫲度，又番去醫院一直到夜晚，奶奶帶埋囡囡嚟探病，之後交俾我同囡囡返屋企。

阿Mark提議過，佢可以請幾日假，日頭幫手接送囡囡，照顧佢到夜晚我返屋企。

不過，老公唔係三幾日可以出院，我唔想因為老公嘅事而影響到佢返學，同埋我同奶奶解釋唔到囡囡去咗邊，咩人幫手照顧佢。

「咁我可以幫你送咗妹妹返學，我先去上堂，起碼你走少一轉啦！」

之後朝早我同阿Mark一齊出門口，佢送囡囡，我直接去醫院。

～～～～

有一晚，我剛啱餵完老公食飯，探病時間剛開始，有幾個容易令人注意嘅人嚟探老公。

其中一個係女嘅，佢瘦瘦削削，年紀應該大我三幾年，雖然無乜身材，衣著都好暴露，最突出係一對手紋滿紋身。

入到嚟第一時間就行近我邊，用唔友善嘅眼神，誇張嘅動作，上下打量我成分鐘，然後先施施然然同老公打招呼。

佢滿身香水味加煙味，變得好難聞，擺到明唔妥我咁嘅態度，令我更加討厭佢。

「慧，你去洗咗啲碗先！」

老公無氣無力，出聲駛開我。

雖然唔敢肯定，但呢大多數就係嗰個女拳手。

我洗乾淨啲碗筷出嚟，奶奶同姑仔陸續嚟到，佢亦都望吓奶奶，跟住就同埋嗰幾個陪佢一齊嚟嘅人走咗。

～～～～

老公精神一好番啲，醫生通知係時候放番塊頭骨落去，我哋又擔心一輪。

好彩呢次康復進展比之前一次手術仲好，只不過隻腳未拆石膏，又要等頭骨慢慢生番埋，所以未落得床，佢總算死裡逃生。

二十四小時瞓喺床，好多時到夜晚，佢瞓極都瞓唔著，就順勢攬吓，又或者錫吓坐喺佢床邊嘅我。

唔知佢係𠱁我，定真係想親近吓我，無論係乜嘢，我心都好甜，辛苦服侍佢都值得。

「你先生康復得唔錯，你可以唔駛成日陪住佢，休息吓啦！」

護士婉轉同我講，其實佢哋受到其他病人家屬嘅壓力，話點解我可以陪老公，佢哋唔可以陪屋企人。

咁我就要依番規矩，跟規定時間嚟探老公，好處係唔駛連累阿Mark咁辛苦。

「家嫂，阿賢身體咁樣，唔做得嘢住喎，你有乜打算呀？」

老公差唔多出得院，奶奶已經開口。

老公得一個月半薪病假，佢留醫超過咗一個月，而加係停薪留職最多得三個月，到期返唔到工，咁就會無咗份工。

「我會搵嘢做支撐住屋企，不過佢欠人啲債，我怕還唔到！」

不過又要同老公去做唔同嘅治療，又要照顧囡囡，我仲邊有時間去打工吖。

「乜話 ？爭人錢？！叫咗你哋駛錢唔好駛咁大，你亦都應該知道幫佢慳！」

奶奶不停責怪我。

「唔關我事，係佢出面有個女人，賭輸咗，欠人錢！」

我呢輪好燥火，覺得佢哋乜都賴晒我。

奶奶聽到，即刻無聲出，佢似乎好似我咁，唔知咁多佢個仔啲嘢。

～～～～

老公臨出院前兩晚，嗰個紋身女人又嚟咗，我哋喺病房門口撞到，我啱啱到，佢已經準備走。

「我通知你，阿賢出院後會嚟我度！」

「你係⋯⋯」

佢真係女拳手，唔明佢點解會咁講。

「你應該知我係邊個，我會照顧阿賢，到佢好番晒，之後佢係咪返你度，日後先決定。」

「我係佢老婆，你咁講係乜嘢意思？！」

「乜意思都好，仲有係，我哋啲債，我同佢會攪番掂，說話係咁多！」

講完佢頭都唔擰番轉頭走咗。

「你諗吓，我又要覆診，又要去做物理治療，你一個人可以攪得掂我，咁囡囡呢，邊個睇佢？而加呢個安排對所有人都好。」

我入到病房第一件事就係問老公，佢應該同嗰個女人夾好晒。

我想攪清楚咁係咪代表同我分居，但係佢仲未復完，唔想佢煩心，又怕佢直接了當承認，我唔敢開口問。

奶奶知道後都無意見，佢立場係有人照顧佢個仔，我又支撐得起屋企，個女人咩人，我咩感受，佢都唔理。

～～～～

我無打工經驗，已經輸蝕晒，仲加上湊住個女，時間上好多限制，如果奶奶可以幫我手接囡囡放學，咁問題就可以解決，但係佢話撲出撲入太勞累，拒絕咗我。

網上招聘，加埋附近啲舖頭，我都試過，真係無一間肯遷就我，唯有繼續去搵。

～～～～

阿Mark見我唔使去醫院，佢無返上佢屋企，留喺我度瞓疏化。

我心好煩，一路瞓唔著，索性走出廳。

「做咩咁唔開心？」

阿Mark都未瞓，佢見我悶悶不樂，坐埋我身邊。

我將老公呢件事講俾佢聽，無提搵工呢樣嘢。

阿Mark無言，唔想講老公嘅壞話，只係拍吓我背脊安慰。

我帶住囡囡，單獨應付所有問題嘅日子，唔知要維持幾耐，一時感觸，我又喊起上嚟。

「慧姐，我會一直陪住你，唔俾你一個人咁寂寞嘅！」

佢幫我抹咗啲眼淚，捧住我個面，錫落我度，我無乜反應，佢無氣餒，好溫柔咁錫吓，又攬住吓我，安慰吓，跟住又錫吓，想我知道我唔係孤單一個。

我開始有啲反應，佢啜落黎，我會輕輕啜返佢，又伸手攬住佢，同佢擁抱。

「Mark，你肯陪住，我已經好滿足。」

阿Mark明白我需要係心靈上嘅慰藉，唔係肉體上嘅發洩，佢無乘人之危，克制住自己，錫完就放開我，陪我返入房，出返廳之前，正想幫我閂番好房門。

「Mark，可唔可以留低？」

空虛感隨住無咗阿Mark嘅擁抱而一湧而至，我想留低佢，俾佢攬住到天光。

[ 本帖最後由 Jindaoonline 於 2022-12-15 15:35 編輯 ]

Jindaoonline

難得師兄你咁樂觀對待逆境。

Jindaoonline

攻利主義，再加上對阿慧嘅歧視。

Jindaoonline

關係發展成點，要瞓故事點發展。

Jindaoonline

由細到大，阿慧差唔多等於無父母，結咗婚，老公又成日唔喺身邊，永遠都係一個人，無仼何支援。
佢一直處於弱勢，俾奶奶語言欺凌，俾老公、「一點綠」同Leo欺騙感情。
可憐。

Jindaoonline

紅花將阿慧塑造得有血有肉。

Jindaoonline

「點呀，靚女，今日想買咩呀？」

凍肉舖個太子爺見我企咗喺佢舖頭門口，急步走出嚟招呼我。

平日無乜必要，唔會入佢舖頭，有嘢要買都快快手手攞咗俾錢走，事關我怕咗嗰個太子爺好似雷達咁，不停喺我身上面掃射嘅目光，搞到我起晒雞皮。

今日唔同，我係喺度睇緊佢長期貼喺舖頭門口張招請兼職告示。

我留意咗好耐，我一直沒考慮呢間舖頭，但係我碰得太多壁，自己條件唔符合人哋要求嘅唔好講，就算無任何要求，佢哋一知道我咁多限制，可以兼職嘅時間又咁短，個個都話我唔適合。

「咦，係咪相嚟幫我手呀？」

太子爺見到我目光留喺張告示，好開心，即刻叫我入去舖頭。

「我而家想搵人做倉務嘅，要搬搬抬抬，你皮膚咁嫩滑，唔啱你喎！」

「哦，咁唔好意思呀！」

嘅然太子爺佢客氣咁推我，我想走。

「喂，咪咁快行住啦，唔做倉務，仲可以做第二樣吖嘛！」

太子爺留住我，佢間舖頭除咗做門市，仲有批發凍肉俾酒樓食肆，甚至其他規模細啲嘅凍肉檔。

每一日下晝開始，有啲客會打電話嚟落「柯打」，但係絕大部份都要凍肉舖俾電話問佢哋，所以需要員工做接電話，打電話，記錄訂單嘅工作。

「而家做緊個阿太要買餸煮飯，成日話要下晝四點收工，不過繁忙時間喺四點鍾後嘅，如果你想做，不如就返下晝四點到夜晚，收工可能要夜啲，十點鬆啲鐘度啦。」

太子爺一輪嘴咁講。

「幾好㗎，喺我寫字樓返工，有冷氣，一個人靜靜哋，好過喺街市人來人往，又唔會遇到熟人。」

太子爺見我無乜反應，佢講好多份工嘅好處俾我聽，我其實係考慮緊如果喺度做，邊個幫我睇囡囡啫。

「唔怕做唔嚟喎，初時我一定會喺你旁邊教你，等你上咗手，先俾你一個人做嘅，咁啦，見你平時望都唔望一眼呢啲兼職廣告，而家梗係想做下嘢，消磨吓時間，我俾多五蚊一個鐘人工你！」

「老闆，我要遲一兩日先覆實到你喎！」

太子爺好識講嘢，佢知我等錢駛，就講到我好似想消磨時間，俾足面我。

「一於試吓啦，好易上手㗎。」

～～～～

「十點幾收工，過得嚟咪成十一點幾，我仲駛瞓，你個女仲駛瞓嘅，佢第二朝要返學㗎。」

「奶奶，我真係無其他辦法喇，我問過好多份，知道我返工嘅時間咁短，個個都唔請我呀，嗚嗚.......」

「阿嫂.........」

我講完無耐，姑仔接咗奶奶嘅電話嚟同我講。

「阿媽同我習慣早瞓，一晚半晚就話啫，晚晚都要咁夜，我返工都無精神啦，不如咁啦，Tracy小學面晒試，統一派位都係等放榜，佢返學都係玩，不如而家就唔好俾佢返學，佢喺我哋度住，你放假先嚟接佢返去，咁既慳咗學費，又可以返工，除咗夜晚嗰份，日頭仲可以做多一份，咁安排好唔好？」

而加商量緊我做嘢幫補家計，佢哋聲氣都唔同咗。

咁重要嘅決定，我唔敢一個人話事，我俾電話老公，睇吓佢點講。

「咁都好嘅，幾個月啫，我會盡快返番工嘅。」

「老公，既然係咁，不如你返嚟屋企，日頭我可以照顧你，唔駛「滾搞」嗰個女人。」

「乜嘢呢個女人，嗰個女人啫。」

「你有屋企唔返，去咗出面住，咁係咩意思？」

「咩啫，你係咪一定要搵啲嘢嚟嘈吓呀？」

「一開口，你就話我想同你嘈，實在係你仲當唔當我係你老婆呀？大模斯樣去咗出面個女人度，換轉係我俾人搞大咗，要去墮胎，咁得唔得呀？」

「邊個話俾你知佢去墮胎？」

我連呢啲都知道，老公反應好大。

「你怕俾人知咩？所有人都知道你有咗另一個女人啦，而家搞到個女連學都無得返，係邊個人造成？」

「幾個月啫，咩咁大件事呀？」

「我唔係埋怨要做嘢，囡囡升咗上小一，我都打算做份兼職幫輕你，問題係你幾時先會離開個女人，我唔係想你受傷嘅時候同你講呢啲嘢，但係你趁住受傷，就逼我承認你同呢個女人嘅關係。」

「你嘈乜撚嘢呀！」

突然間嗰個女人喺老公個電話背後用粗口鬧我，我估佢都直留意老公同我講乜。

「咪撚多事啦！」

老公制止住佢。

「佢而家嘈到上我屋企呀！」

個女人反駁老公。

「我淨係要同你講，唔係同個女人講！」

我嬲到即刻收線，發咗個短訊俾老公。

「你開心啦，搞到家嘈屋閉！」

老公再覆返電話俾我。

「係邊個家，我哋嘅，定係佢嘅家？你可以有另一個家，我可唔可以有呀？我就去搵個男人，唔信我企喺街邊，無男人走埋嚟摟我！」

老公無出聲就收線。

我攬住囡囡喊咗一晚。

～～～～

第二朝我執咗啲衫褲鞋襪，送囡囡去奶奶屋企，然後返佢學校辦退學手續，再趕去同太子爺講我準備返工。

「好吖，等我安排吓，你聽日下晝再過嚟，我帶你上我寫字樓。」

屋企靜到得番我嘅呼吸聲，天氣已經冷，但係冷唔過我個心，我一直坐喺廳，任自己冷到喺度震，唔知點解自己咁唔好彩，唔識投胎搵老豆老母，又唔識揀老公，連追求平淡生活嘅機會都無。

「慧姐！」

阿Mark開門入嚟，間屋黑麻麻無著燈，佢稍為適應之後見到我僵硬咗咁坐喺度震，佢撲入房攞張被出嚟包住我。

終於有番一個人關心我，我出力攬住佢嚟喊。

到我喊到無晒力，佢先放開我，沖咗杯熱奶俾我飲，然後扶我上床瞓。

第二朝起身，我見到佢冚住件厚外套，攣埋好似隻蝦，喺梳化度瞓，覺得好對佢唔住。

唔再隱瞞佢，將所有嘢話哂俾佢知，包括囡囡退學，我要負擔起屋企。

「點解要犧牲妹妹！」

阿Mark憤憤不平，怕再傷一次我心，只係批評咗一句。

嗰日開始我去咗太子爺度做散工，工作性質好簡單，淨係記錄低啲客嘅「柯打」，交俾貨倉照單執貨，送俾客人。

佢成日企喺我後面，個肚腩頂住我背脊，上半身彎前，佢下巴喺我頭頂，一隻手貼住我手臂嚟㩒住枱邊，另一隻手指住本記錄度教我啲肉類喺佢哋行內人嘅簡稱。

阿Mark專登嚟接我放工，一齊去夜市食啲嘢先返屋企。

佢到好夜都唔走，我無催佢，由得佢自己決定，等我身邊多啲人氣。

我屋企得一張棉被，好順理成章佢就瞓埋上我床。

「慧姐......」

瞓到半夜，迷迷糊糊之間，阿Mark突然間打側身，一隻腳放咗上我度，發開口夢叫我個名。

我都打側身向住佢，點知一轉身就整醒咗佢，佢索性將隻手搭埋過嚟，一隻手，一隻腳搭過嚟攬住我。

「夠唔夠暖？」

佢問我。

「好暖！」

我主動錫吓佢。

阿Mark血氣方剛，稍稍接觸，即刻有生理反應，索性翻身責住我，熱情同我接吻，不過為咗老公嘅事，個幾月嚟奔波，我身心俱疲。

[ 本帖最後由 Jindaoonline 於 2022-12-15 16:21 編輯 ]

Jindaoonline

「駛唔駛去廁所放咗佢出嚟？」

阿Mark好耐無親近我，我都雖然同佢一樣無性愛，但係我暫時無心情，同佢接吓吻已經係極限。

「唔駛，我要留番到你想做嗰時，先一次過釋放晒佢。」

佢雖然咁講，但係扯起咗，平復唔番，又瞓唔番著，佢越肯遷就我，我越覺得對佢唔住。

我瞓貼傾身邊，俾佢攬住，好快我又瞓番著。

第二朝，我趁未搵到日頭嘅兼職，利用空檔，去奶奶度接咗囡囡出嚟，同埋阿Mark一齊食早餐。

阿Mark提議每朝帶囡囡四周圍行吓，沿路即時講解見到嘅事物俾佢聽，等囡囡無學返，都可以吸收到活學活用嘅知識。

佢係大學最後一年，差唔多修夠學分，唔使成日返學，除咗帶囡囡出街之外，我屋企有乜修補更換，都幫我攪掂。

同囡囡食埋午飯，到下晝兩點，阿Mark要返學嘅話就返學，唔駛返學，就佢自己返屋企，我送囡囡返佢嫲嫲度，然後我直接返工。

阿Mark要求過好幾次，想陪埋我送囡囡，當然佢唔會跟埋上樓，但係我一律拒絕咗，怕俾奶奶見到，後果好嚴重。

幾日以嚟，同囡囡三個人，平淡是樂，忐忑激盪嘅心稍稍平復咗落嚟。

每隔一日，我都打電話俾老公，除咗睇吓佢有咩進展，又關心問吓佢嚟緊去邊度治療，可惜我對佢嘅關心換嚟俾佢話我煩。

～～～～

太子爺一日上寫字樓幾次，睇吓我做嘢做成點，每晚凍肉舖收舖就一定上嚟，坐喺我旁邊，直到我放工為止。

每晚到八點零，所有電話都打晒，客戶都落晒單，基本上已經無嘢做，但係太子爺話以防有客人臨時改訂單，情願俾多兩個鐘頭人工，無嘢做都要我逗留喺度到十點幾。

阿Mark每晚都嚟接我，同我去食嘢，因為等我，累佢要好夜先食飯。

呢幾日不停側起條頸嚟聽電話，再加上我要側埋一邊坐，嚟避開不停挨埋我身度嘅太子爺，我一邊膊頭痠痛僵硬起上嚟，不停用手摙吓嚟舒緩肩頸嘅唔舒服。

「肩頸痛？一陣同你按摩吓。」

食嘢嘅時候，俾阿Mark見到，話同我做按摩。

佢係體育系學生，又係大學籃球隊隊員，修讀咗一啲按摩同筋腱伸展嘅課程，佢哋班隊員平日亦都有互相替隊友按摩。

我屋企無暖氣，沖完涼我即刻捐入被竇，淨係露出膊頭，阿Mark佢坐上我後腰位置，搽少少BB油當係按摩油嚟同我摙膊頭。

「呵～」

痠痠麻麻帶少少痛嘅感覺好舒服，阿Mark每摙一吓，我忍唔住呻吟一聲，摙到我想瞓。

阿Mark摙完膊頭，慢慢拉低冚住我張被，同我按背脊。

「哈哈，凍呀！」

霎時一冷，我醒晒。

「唔怕！」

佢瞓上我背脊，熱力由佢身上面傳過嚟，原來佢已經除咗衫。

「哈哈，責死我喇！」

阿Mark錫我背脊，天氣咁凍，突顯得佢嘴唇更加暖。

佢對手攝咗入嚟，變咗我對波壓住佢手掌，感覺到我乳頭硬咗之後就開始揸我。

「又話按摩嘅。」

我呼吸噴出嚟啲氣好熱，成個面都好㷫。

「而加咪按緊囉。」

「哈哈，你係非禮我，唔係按摩呀！」

阿Mark手大臂長，佢個嘴一路向下，錫到落後腰就用牙咬住我條底褲向下扯，條幼帶幾乎俾佢扯斷。

我抬起屁股配合佢將我條底底拉低到大髀，變成手踭、膝頭支撐，趴跪喺佢前面，露晒成個屁股眼同gap gap喺佢眼前。

阿Mark對長臂一路揸我個波，佢個嘴就一路錫我屁股。

我垂低頭望吓自己，波波俾揸到喺佢手指罅度揤咗出嚟。

「大力啲⋯⋯大力啲。」

阿Mark已經好大力，我仲好似唔夠咁，完全唔需要仼何憐惜，只係想自己俾人折磨，將心裡面嘅怨憤揸晒出嚟。

Leo嗰次留低俾我嘅痛楚回憶，一路喺腦裡面無退色。

屁股俾啲口水攪到濕濕冷冷，喺冬天感覺好強烈，佢擘開我兩邊股肉，伸長條脷尖，開始好似條蛇咁喺我陰唇裡面鑽，又吸啜我陰核。

佢越鑽越深，啜我陰核嘅力越嚟越大，攪到成個嘴濕晒。

「呀～～呵～～呀～～」

我成個人無晒重量，飄起咗。

阿Mark個頭顛倒方向，捐喺我兩隻腳中間，慢慢瞓低，條啫啫竪起指住我個面。

我回一回神，就揸住佢吮幾吓佢個龜頭。

今次輪到佢「呵」「呵」聲喘氣。

自從老公受傷，我就一直無造過愛，而加挑起咗性慾，已經煞唔到掣。

我一邊幫阿Mark吮，一邊伸手去攞避孕套同佢戴。

我幫佢準備好，佢就擰番轉頭過嚟，拉開我對腳插入去。

我瘋狂咁錫佢，眼、面、嘴、頸，膊頭，可以錫到嘅就錫，就舐。

「慧姐～」

佢不停叫住我個名。

我興奮到有啲失意識，有陣時竟然幻覺到喺我身上面嘅係Leo。

「抱住我！」

我攬住佢後頸，阿Mark已經知道點做。

佢停咗無郁，條啫仲插住喺我裡面，雙手兜住我屁股，將我抱起。

佢轉身坐喺床邊，我跨過佢大髀，跪喺床，主動一上都下鋤落佢啫啫度。

佢攬住我嚟錫我對波，無幾耐，我推佢打昂瞓低，騎馬咁騎佢。

我同佢嘅叫聲此起彼落，佢眉頭皺埋，揸住我兩個波波嚟玩嘅手掌收緊。

「呵～我就快要射喇！」

「射我個面。」

我同阿Mark講完，即刻瞓番低，由得佢喺番我上面。

「呀～～」

佢越插越快，突然掹番條啫出嚟，好快拉走個套，對住我口同鼻射精。

佢一開始射，我就即刻含住佢條啫，我呢個動作嚟得好自然流暢，好似預先準備咗會咁做，但實情唔係。

啲精液好熱，好勁咁直標入我喉嚨。

佢射晒，我都無放開佢，繼續同佢吮，唔俾佢軟番落嚟。

呢個係我同Leo第一次嗰晚做過嘅，而加阿Mark向我顏射，我第一反應就係用口接住佢。

甚至我要求阿Mark面對面抱住我，嗰晚我都要求過Leo呢個姿勢。

究竟係我特別喜歡呢個姿勢，定係凡我同Leo做過嘅，我都想俾埋阿Mark，抑或我當佢只係Leo嘅替身呢？

Leo射完即刻同佢口交嗰時，我仲記得好清楚佢向我講：你咁攪，我會用晒你的套喎。

阿Mark估唔到我咁做，佢好享受，回勇得仲快過Leo。

我成口都係佢啲精，佢無介意，專登同我「茄輪」嚟表示多謝我。

「噢⋯⋯好舒服呀～你好曳呀！」

呢一輪我由得佢點處置我，佢天賦好強，又學埋咗好多唔同嘅姿勢，將我翻嚟覆去，我酥軟晒，興奮到就嚟要死，佢仲要攪咗好耐先完事。

「慧姐，我愛你！」

阿Mark喺我耳邊講。

「Mark，我唔係一個好女人，唔值得你喜歡！」

「只要你係慧姐，無論點，我都愛你！」

「多謝你，多謝呀！」

我激動到一邊錫佢，一邊流眼淚。

佢無條件咁愛護我同囡囡，我真心多謝佢，不過我個心仲俾一個人霸佔住。

[ 本帖最後由 Jindaoonline 於 2022-12-15 19:30 編輯 ]

Jindaoonline

艾瑪雲姑雙輝映，
浪花筆下寫激情。

Jindaoonline

而家日頭嘅時間好鬆動，我想盡早搵多一份兼職，除咗收入可以多一啲，唔駛透支咁多呢幾年儲落嚟嘅積蓄，仲有一個主要原因，係我唔知自己可以容忍到太子爺幾耐。

佢而家每晚上嚟寫字樓，都係得返我同佢兩個人，佢成日借啲意摸吓我隻手，拍吓我大髀。

早兩晚，九點幾已經無晒嘢做，佢仲留喺度唔走，叫我幫佢沖杯咖啡，我經過佢身邊，佢竟然出手摸我屁股。

寫字樓地方好細，又擺滿晒雜物，我行出行入都要側身，先可以經過佢個位，我唔敢百分百肯定佢係咪有心摸我，不過我幫佢沖咖啡嗰時，佢特登向住我擘大兩隻腳去摸吓自己碌啫，雖然佢一路摸，一路話大髀罅好痕要搲，搲大髀罅同摸自己啫啫，仼何人都一眼就可以睇得出，佢個腦當時唔知諗緊啲乜嘢嚟意淫我。

尋晚佢仲大膽，我手踭放喺枱面聽緊啲客落「柯打」，手臂、自己上身同埋張枱面形成咗一個三角形，佢一聲話借放喺我前面個釘書機，就伸隻手喺個三角形中間穿過，手背唔係揩落我度咁簡單，而直頭係壓咗落我個波嗰度，輕輕壓咗兩吓先縮手。

而家我需要一份工，需要錢，我唯有忍住唔出聲，我想盡早搵過一份，只不過我無學歷，無經驗，連做份茶餐廳侍應都唔勝任。

朝早阿Mark返咗學，我一個人帶囡囡去漢堡包店食早餐，見到嗰度請兼職，雖然時薪好抵，不過以我咁嘅條件，除咗呢份，仲可以搵到啲乜嘢工吖。

我下晝送咗囡囡返佢嫲嫲屋企，返太子爺寫字樓前，走咗去應徵，個經理問咗我嘅經驗，佢諗咗好耐，上上下下咁打量，最後先應承肯請我。

第一日返工，經理無叫我入廚房整漢堡包，又無叫我喺櫃枱同客人落單，而係叫我著住件靚靚制服，喺餐廳褸面，𠱁吓啲細路仔，又同佢哋啲父母打吓交道，叫佢哋入會做會員，同埋向佢哋兜售現金券。

公司有乜推廣活動，我就要幫手喺舖頭外面派傳單，派吓氣球俾啲細路仔做宣傳。

當然仲有幫手執吓枱，美其名叫做公關，其實就係打雜，我完全唔介意，只要有工做，有份糧出，我就好滿足。

唯一難過嘅就係呢份工唔足以支持我嘅生活，我夜晚仍然要忍受太子爺嘅騷擾，仲有係等到日頭嗰份工放假先有時間，唔可以日日同囡囡見面。

我專登買咗一部手機俾佢，教曉佢點接聽電話，我一得閒就俾電話同佢傾下偈，不過好多時同佢傾傾哈我就忍唔住飲泣起上嚟。

阿Mark成日叫我唔好咁辛苦，已經有一份工『有條件取錄』咗佢，只要佢順利畢業，就可以返工，而家佢可以搵多一兩份補習，資助我一部份嘅開支。

我唔准佢咁做，我自己家庭嘅事，唔想佢為我哋而孭責任上身，佢唔應該有咁嘅義務。

我而家幾乎瞓醒就返工，放工同就瞓覺，每隔幾日就搵老公，問吓佢康復得理唔理想，幾時做物理治療咁。

精神上支持我嘅係希望快啲接返囡囡返嚟屋企，回復返以前嘅生活，仲有係阿Mark，喺我咁孤獨嘅情況，佢一直陪住我。

不過嚟緊幾日，佢要參加一個比賽前嘅集宿訓練營，唔喺屋企幾日。

「我出咗營，比賽完剛好你放假，可以接埋妹妹一齊去玩一日。」

阿Mark入營前滿心歡喜同我講。

不過所謂放假，都只係日頭做公關嗰份工，夜晚凍肉舖嗰份係無假放嘅，事關太子爺話啲酒樓食肆唔會休息，每日都有客戶落「柯打」要肉類。

雖然實際只係得半日多一啲嘅時間可以陪囡囡，可以調劑吓枯燥嘅生活，我當然都好似阿Mark咁期待啦。

～～～～

每日如是，做完晒嘢仲有成個鐘頭先放工，陪住太子爺無厘頭傾偈，戰戰兢兢咁防衛住自己唔俾佢騷擾，落到街就好似放監咁。

買咗啲嘢食，早早哋趁囡囡未瞓，我一路行返屋企，一路俾電話同佢傾一陣，然後再問埋老公。

唔經唔覺，佢出咗院已經一個月有多，唔知佢健康進展成點。

「開緊party呀，咁嘈嘅？隻腳同個頭點呀？」

點知老公一接電話，就聽到好嘈嘅音樂背景，幾乎連我講乜佢都聽唔倒。

「無呀，鬱喺屋企咁耐，同啲朋友出嚟唞吓氣啫！」

「你行得返嗱，唔駛再坐輪椅？」

「平日都要坐㗎，不過今日出嚟，無理由要friend推我，我用拐杖囉！」

「未行得番就好心你唔好四圍去喇，再跌倒咁點算呀？！」

我好唔開心，唔係因為我日做夜做，老公就出去玩，而係嬲佢愛惜身體，再搞出意外就唔知點算。

「得啦，我識得小心㗎啦，係呀，我同公司講咗停薪留職期完之前一定返到工，你唔駛成日打電話嚟問住我嘞！」

「咩話？我係關心你身體，唔係問你幾時返工呀？」

「屌，講咁撚多做咩吖，收線啦！」

個女人又喺老公旁邊大大聲咁講。

「話俾佢知，你屌得閪啦，每晚都屌到我反轉呀，哈哈！」

個女人唔知醜咁講，跟住就聽到大班男人喺度大笑。

「關心我身體又好，幾時返工又好，總之我自己有分數啦！」

老公真係聽個女人講，敷愆多我一兩句，就即刻收線。

我真係想喊，但係又喊唔出，連胃口都無埋，喺屋企一個人靜英英，思前想後，我企起身著返件褸，走咗出去。

我無理乜嘢路線，跳上最先嚟到嘅一㗎巴士，呆咗望住窗外面，但係眼前好似空白咁，乜都無入腦，巴士去到總站，司機熄哂引擎，大聲叫上嚟樓上叫我，我先知道要落車。

我問清楚尾班車幾多點開出之後，就漫無目的向前行。

雖然只係兩次，呢兩次我都親耳聽到老公同嗰女人一齊，佢心情好輕鬆，好開心 ，女人講嘅嘢，佢就聽晒話，唔似對住我咁煩燥。

佢對住我，三句唔埋，兩句就發「盟增」，態度完全唔同。

我唔明白老公唔滿意我啲乜嘢，我打埽清潔，照顧囡囡，佢要上床，我好似隻雞咁，衫都同佢除埋，佢要吹，我就同佢吹，要我企喺度又好，要我好似隻狗咁趴喺度又好，佢甚至好似大爺咁瞓喺床度，全程我喺上面郁，直至佢射精，佢要我用紙巾，我就用紙巾，佢話要我用口，我就同佢吮乾淨，佢仲想我點。

除非佢嫌我無陪佢去飲酒，去賭錢，定係佢後悔同我生咗囡囡，唔好似個女人咁去做流產。

囡囡係咪俾佢好大負累，到而加，佢都未講清楚會唔會再返嚟屋企，無交代清楚佢有咩打算。

咁多未知數，我好徬徨，日後自己條路應該點走。

[ 本帖最後由 Jindaoonline 於 2022-12-15 22:34 編輯 ]