Jindaoonline

「石條川惠小姐嗰方便⋯⋯」

「老闆窮一生之力去追查石條小姐嘅下落，但一直無結果，唔知係生係死，老闆十分遺憾，直至佢遇上你。」

子野向我陳述。

「仁一⋯⋯」

上完香，敲咗神枱上面嘅銅器一吓，我再忍唔住眼淚，一面流淚，一面向佢禱告。

「仁一，多謝你交番阿Mark俾我，我同佢一齊，生活得好好，希望你都快快樂樂⋯」

之前阿Mark嘅怪異行為，我私下上網查過，有啲解釋係阿Mark精神分裂，做其中一個身份。

但係我情願偏向相信靈異，相信木谷佢唔捨得我，借助阿Mark嚟同我一齊。

而加現實就眼見一片凋零，可憐木谷嘅孤寂。

Jindaoonline

喺木谷故居逗留到黃昏先離開，木谷嘅孤寂，益發令我知道眼前人嘅重要，就算第二日就會返屋企，我都忍唔住俾電話阿Mark，親口同佢講愛佢，好想俾佢擁抱住。

Jindaoonline

同阿Mark講情話講到好夜，熄燈準備瞓，師傅先返，間房啲燈光透過紙拉門影照過嚟，唔想俾光線刺激眼球，我擰轉身背住啲燈光。

我聽到佢輕輕拉開少少紙拉門，我諗係佢唔見我房有燈光，想確認我返咗未，見我瞓咗，就拉番埋度門。

矇矓間背脊有一啲涼意，有人揭起我張被，瞓咗埋嚟，從後攬住我。

[ 本帖最後由 Jindaoonline 於 2023-2-6 02:52 編輯 ]

Jindaoonline

我意識仲未清醒，但係感覺得到有人攝埋入我被窩，佢身型絕對唔纖瘦，而係雄健粗壯⋯⋯

Jindaoonline

木谷放棄操控阿Mark部分意識前一刻，佢講過會再返嚟見我，佢而加係履行承諾吖，定係我精神嘅分裂出嚟嘅幻覺，我攪唔清楚，亦都唔想去攪清楚，只期待俾佢緊緊摟抱⋯⋯

（故事完畢）

Jindaoonline

引用:

原帖由 浪花十三 於 2023-2-6 06:59 發表
感謝故事。
期待銀花下一部作品。
我喜歡這個虛實相間的故事。
慧的人生因為婚外情改變了很多。

雖然係轉貼，見得到讀者支持，每次更新都得到約三千view，代作者多謝十三兄，同埋其他讀者支持。
除咗一篇寫佢喺外地旅遊嘅經歷，其他都係長篇。
紅花筆下女主，每一個都係多情，縱觀今次一貫嘅出軌外，對自己行為要付出代價外，佢仲想表達人會成長，同埋會跟住命運走。
阿慧由一個以老公同囡囡就代表咗佢全世界嘅小師奶，經過幾個男人，有愛佢嘅，有玩弄佢嘅，不知不覺就成長起嚟。
佢亦都跟隨命運，結識到一啲幫會分子，帶嚟悲慘遭遇，不過命運亦都令佢遇上深愛佢二母女嘅阿Mark，仲有成為一個咖啡師。
除咗命運，紅花仲想加滲一啲人格分裂，同埋幻覺，阿Mark性情、行為驟變，可以理解做阿Mark嘅人格分裂，但係亦可以理解為阿慧嘅幻覺，更加可以解讀為靈異事件，紅花睇嚟自己都無一個肯定說法，留俾讀者自行定斷。
得到身為說故事人嘅十三兄支持，紅花定必好高興。

Jindaoonline

引用:

原帖由 斷空食客 於 2023-2-7 21:30 發表
見好就收。好

七十六篇，總共一幾萬字，連載咗四個幾月，多謝大家。

Jindaoonline

引用:

原帖由 咸濕褓姆賤嬰兒 於 2023-2-7 22:06 發表

實在太科幻。。。。。。。

比起穿越，呢啲小兒科啫。