9.
正在煩緊滿懷期待嘅名貴午餐冇咗着落之際,阿星收到Cassy嘅英文短訊:「你可以上五樓XX餐廳揾我嗎?」阿星即刻同項目經理話今日阿星齋戒,唔食飯喇,叫佢自己食。項目經理望住阿星,可能諗緊榴槤之國持續一個月嘅齋戒節都未開始,你條友講緊乜?撇低咗榴槤國人之後,阿星急急腳搭電梯上到五樓嘅餐廳區,肚餓呀大佬!雖然商場入面開行哂冷氣,相對喺榴槤之國户外嘅氣溫已經低咗接近十度,阿星仍然行到身水身汗。又熱又餓又眼瞓,全部都係呢隻衰嘢搞成嘅,阿星唔食返佢一餐勁嘅,難洩阿星心頭之憤。間意大利餐廳睇落都似模似樣,有好多人已經喺度食緊晏。Cassy呢?唔見佢喺邊度,咁點呀,自己揾個位坐,叫伙記開壺茶過阿星?望極都望唔到Cassy,阿星心入面有個感覺,覺得Cassy可能係耍阿星,特登叫阿星嚟呢度,然後丢低阿星戇居居咁企喺度傻等。啲娘娘通常都做呢啲㗎啦,唔係咩?雖然阿星好唔想咁諗佢,但係尋晚發生嘅事極度唔尋常,佢會唔會因為俾阿星發現咗佢嘅秘密而想盡辦法趕阿星走,甚至乎想滅阿星口呢?就喺呢個時候,阿星個超級老舊慢到無倫隨時冇電俾人笑爆嘅弱智能手機突然間響起,阿星望下個電話,係Cassy打嚟。
「喂?」
「你企喺度做咩呀?我叫極你你都冇反應嘅?」
「你唔係要殺阿星滅口咩?」
「你講咩呀?我喺你右邊坐住呀!快啲過嚟啦!」
原來Cassy就坐咗喺兩三張枱處,係咁舉手,阿星就係睇唔到。
「你做咩啫?睇唔到我嘅?」阿星行到埋去,佢第一句就咁問阿星。
「冇~諗緊嘢啫~」
正想坐低嘅時候,Cassy就話:「唔好坐出面啦,坐入嚟同我坐好冇?」張枱係一般嘅卡位佈置,四人枱,一邊梳化一邊櫈。Cassy坐咗入去梳化度,講完之後即刻坐埋一邊空咗個位俾阿星坐佢隔籬,仲要用手拍下個位示意阿星坐埋去。咁阿星坐唔坐埋佢旁邊好?
阿星最後決定唔坐埋去,費事一陣又俾隻衰妹整蠱,所以阿星最後行咗埋去張櫈度坐低咗。Cassy見到阿星唔同佢坐,眼神閃過尋晚果種寂寞同埋失望。阿星都係一個目光銳利嘅人,你成日顯露呢啲眼神俾阿星睇,阿星好難睇唔到。不過呢啲問題一回應就好麻煩,喺阿星嘅經驗入面其實要check 好多嘢同執好多嘢,四到六堂催眠治療點都走唔甩,喺榴槤之國如果收五舊水一堂,三兩千落樓閒閒地,不如介紹下俾Cassy,賺多少少外快好唔好呢?喺阿星諗緊要點樣話俾Cassy聽阿星係一個有國際資格認證嘅催眠治療師嘅時候,佢向前將阿星手上面份餐牌一手抽走咗。查實阿星一路都冇睇餐牌,剩係喺度諗緊點樣催眠阿Cassy。Cassy突如其來嘅舉動嚇咗阿星一跳,佢“烏”前咗個身嚟搶走阿星個餐牌,阿星先留意到35F再一次被推前壓制,喺枱上面壓到事業變哂形,簡直想破恤衫而出咁震撼。
Cassy終於開口:「你有冇聽我講嘢嫁?」真心冇,你頭先講乜嚟?
「我睇緊餐牌,點可能聽到你講咩呢?一個人係唔可以一心二用嘅,明冇?」
唔知Cassy係咪俾阿星激到有少少嬲,佢突然間話:「我想你坐埋嚟呢度呀,你依家過嚟定飲埋杯水過嚟啫?一齊睇menu嘛!」
竟然用雙重制約(double bind)嚟約束阿星?阿星冇咁容易就範嘅!
「哦係呀,啱啱睇完可以點菜啦,你食咩?阿星食………」破解雙重制約嘅最好方法,就係打亂雙重制約嘅節奏,令到雙重制約冇辦法實行。
Cassy一路望住阿星,可能因為阿星擾亂咗佢嘅計劃啩?佢再一次重申:「你過嚟呢度坐啦,依家過嚟我哋一齊坐,好冇?」
查實要擾亂佢嘅假性請求都好容易,只要應承咗之後轉頭加個【但係】,例句:「好呀,過嚟坐都好嘅,但係我想等嘢飲嚟咗先………」就係咁,可以稍為擾亂對方嘅制約技巧,令到對方冇辦法隨心所欲。
一般嘅人受到兩次制約擾亂都會冇哂心機,如果趁機加多兩句制約性說話反擊,就可以令到對方放棄,甚至心死。咁阿星又唔係啲咁殘忍嘅人嚟嘅,喺Cassy使用假性請求嘅時候,阿星的確有考慮過要唔要令到佢死心,不過諗起佢孤單寂寞嘅眼神…………,好,就幫下你等你以後不再孤單。阿星起身,行咗埋去坐咗喺梳化上面,同Cassy相隔大概有一呎嘅距離。Cassy見到阿星埋嚟已經非常之高興,但係喺佢發現阿星同佢有少少距離嘅時候又表露出一絲絲嘅失望。不過Cassy係一個好主動去令事情向住佢所期望嘅方向發展嘅人,所以喺佢發現阿星特登坐開啲同佢保持距離嘅時候,佢就好主動咁坐咗埋嚟阿星度,短裙包唔哂嘅長腿一路緊緊貼住阿星,然後攞起一本餐牌打開,要同阿星一齊睇,名正言順咁將35F捱落阿星度,35F嘅霸氣尋晚已經領教過,胸圍包實同真空上陣的確好大分別:包實咗望落堅挻非常,幾欲破殼而出,令人不由自主想將塊面埋入兩團重量嘅中間;真空上陣少咗承托,左右搖晃異常劇烈,令人忍唔住想用雙手由背後抄前托住佢。咁究竟著,定唔著好?埋個頭落去爽啲,定由後包抄托住嘅感覺好啲?阿星嘅思維不停咁飛越,根本聽唔到Cassy講緊乜,直到佢問阿星好唔好。
咩好唔好呀?
10.
阿星終於由堅離地返到嚟堅貼地喇:「你話咩好唔好話?」
Cassy望住阿星,好似見到啲不知名生物咁,佢一路望住阿星一路扁嘴:「你其實有冇專心聽我講嘢嫁?」堅係冇,你唔係唔知下話?
「我問你,我哋兩個叫兩分share嚟食好冇呀,你有冇聽我講嘢嫁?」
哦,冇所謂啦,總之阿星食一大份食得夠飽就得啦。最後阿星叫咗頭盤加正餐加甜品另加紅酒半支咖啡三四杯,同阿Cassy食咗個悠長嘅午餐。食完都已經兩點幾,阿星望下錶,係時候返去公司等開會喇。唔知係咪酒不醉人人自醉嘅關係,聽完Cassy嘅故事之後,阿星已經非常之了解Cassy,大概已經有對策點樣治佢,治療佢呀,你諗咗去邊?正準備起身多謝有人請食晏然後拍拍屁股走人嘅時候,Cassy就開口喇:「收工之後我哋再去第二度繼續飲吖?」
唔係呀化,仲嚟?
大家估下阿星最後有冇同野性動人嘅Cassy去飲下場呢?之前講到,Cassy撩阿星食完個悠長午餐之後再去第二度繼續飲。咁美麗動人嘅銷售經理Cassy同阿星一人一半飲咗一支意大利紅酒之後已經開始紅都面哂,返去公司嘅時候大家都冇避忌,一齊搭升降機返上去。升降機入面都幾多人,Cassy同阿星兩個夾到沙甸魚咁企咗喺升降機入面,阿星同Cassy俾人迫到手臂貼住手臂,唔知點解,大家嘅手就係咁磨下磨下十指緊扣埋一齊喇。十七樓好快就到,啲人一層出三兩個,去到十五樓嘅時候只剩番阿星同Cassy兩個喺度十指緊扣互相凝視對方。阿星承認,Cassy係一個好靚嘅女仔,性感,大膽,中意笑。身材迫爆就唔在講,喺Cassy深邃嘅眼神入面你會見到一啲頭腦簡單嘅女仔冇嘅嘢,有啲倔強,有啲堅毅,仲有一絲絲嘅孤獨同寂寞。繼妹妹之後,阿星再次發現呢種孤獨同寂寞嘅眼神,比較當年仍然稚嫩嘅妹妹,Cassy多咗好多分成熟女人嘅味道。嘩,阿星你講到佢咁好,你有冇動心先?同你講阿星唔動心係呃你嘅,有個咁性感野性嘅女仔對你表示喎,點會冇一點點動心呢?但係請留意,Cassy係有個拍咗好耐拖而又成日要飛嘅男朋友嘅,尋晚喺佢屋企三言兩語已經了解咗好多有關佢嘅事,孤獨,寂寞,不安,欠缺安全感,好勝,主動,等等等等。Cassy需要嘅,係學會將不安感排除,令到安全感由內而外咁產生,孤獨同寂寞自然會因為安全感越嚟越强烈而被消除。十指緊扣令到Cassy安心,阿星好想幫佢,想呢個咁靚嘅女仔笑得更加甜。
Cassy首先行出升降機,扣住阿星嘅手慢慢鬆開,兩個人嘅手指一隻一隻咁慢慢分離,直到阿星嘅食指同佢嘅中指勾到最後一刻,最後分開咗。Cassy擰轉頭望住阿星微微一笑,然後好輕快咁走咗入佢自己嘅房度。係呀,Cassy有自己嘅房㗎,細細嘅一間房,一個人自己坐,幾孤獨。阿星同埋佢哋幾個同總裁開會,傾埋啲會發展嘅未來方向嘢,一傾就傾咗三個鐘,做咗啲腦激盪,不過激盪嘅唔止阿星個腦,仲有小星星。
話說開會,當然大家圍爐食爐端燒咁坐埋一齊。一張長方枱嘅一邊係總裁同埋CEO,另一邊就係項目經理,阿星同埋Cassy。喺總裁一路講緊今年期待榴槤國同周邊國家嘅生意額嘅同時,Cassy嘅雙手一路好努力咁喺佢嘅手提電腦度整理筆記,當佢唔需要打筆記嘅時候,佢嘅左手並冇停低休息,而係放咗落枱下面嘅阿星隻右腳大脾上面,係咁用食指喺度撩。小姐,條褲雖然都著咗幾個月,但都係幾千蚊貨色,你啲手指又長又有水晶甲又盛,阿星條西褲好快會俾你撩咗個窿出嚟喎!但係呢啲時候阿星又點出得聲呢?而且仲要答總裁嘅問題同講下一啲可行嘅方案,根本冇辦法唔俾隻衰妹乘虛而入,你唔好俾阿星入,入咗你就知死!
待續😬