快槍手好討厭
最近喺Hmd識咗個男仔，傾咗一段時間尋晚出去開房，要讚嘅係佢俾我感覺同其他約過嘅好唔同，知我爆工無時間食lunch會叫foodpanda俾我、收工又會好sweet咁買花係附近等我，如果唔係因為呢樣野我可能會考慮LTR🙃
嗰日上到房酒店一齊沖涼浸浴，有互摸互摷幫大家搽梘液，無可否認佢個人好有情趣，前戲做得好足。佢戴完dom之後我主動擒上去邊un邊錫佢耳仔，點知郁咗幾秒佢就打咗下冷震，我當刻心諗：「認真咩？？」
個下氣氛尷到想搵窿捐，佢話可能係condom太窄身，所以比平時快射咗，我完全唔知應該俾咩反應佢，唔係咁都仲要兜呀化？dom係你自己帶嚟，又會唔啱？咁係咪想無套中出？就算係你都過唔到3秒啦🥱
嗰陣越諗越嬲，最後我話屋企有事無over night就走咗，隔咗陣佢仲WhatsApp問我下個禮拜得唔得閒再約，完全唔想回應即block😑 所以話有時啲嘢真係唔好睇外表，快槍手仲要用埋啲on9到無人信嘅大話去包裝。
雖然以前都有好「不幸」地遇過快槍手，但人哋就算廢極都起碼有5分鐘啦，出嚟搵快餐梗係想食飽，唔會想攞苦嚟辛囉。奉勸大家上網識人要先過濾一下，尤其係吹到自己幾大幾勁嗰啲，信三成好啦⋯⋯🥱
