引用:
原帖由 Kelvinpwy 於 2023-10-9 00:28 發表 
C hing, 新故越睇越有 feel
多謝鍾意同埋留言。
* * *
10.1
(呢幾集主要係交代劇情，會相對上少甜)
嗰日同佢哋出番元朗之後搭車去掃管笏。
沿途佢哋對我嘅態度有啲異樣，係細微嘅異樣，或者只係我自己縈住，佢哋好似知道咗我同鎮穎已經發生關係，確認咗我係鎮穎嫂咁樣。
喺掃管笏一間網上幾多人講嘅茶記食嘢，啲嘢食不過不失，但服務就好麻麻。
尋晚到今早冇睇過手機，趁鎮穎去廁所嘅時候望咗一吓。
J君同Derrick都搵過我，我係咁易影兩張我啲女仔同學食嘢，唔見樣嘅俾佢哋睇，然後好快覆一覆，同細佬同埋我哋啲同學去行山，夜啲覆。
鎮穎着背心，食嘢嘅時候大家見到佢心口上面嘅吻痕，係我尋晚激動嗰陣整嘅。大家眼望望呢個印記，冇出聲，佢戇居居咁自顧自食嘢。
食完嘢我哋行入村睇羊。
一路行個心一路喺度煩J君同Derrick嘅關係點收科。
Derrick我或者可以比較撇脫，但係J君，呢幾個月我事實迷戀佢，雖然同鎮穎確認咗，感情上始終唔可以話放低就放低J君。
其實即使Derrick都唔係咁易話分手就分手，唔係因為我愛佢，而係因為良心、道義。Derrick一路細心、呵護我，冇做過對我唔好嘅嘢，即使性方面，除咗一定要我用口幫佢起頭之外，Derrick冇乜勉強過我。好多時我借口話想同佢去呢度嗰度，避免同佢共處一室，就係唔想同佢做愛，佢都好少怨言，仲似乎幾ok同我淨係係拍吓拖唔一定做愛。我用就嚟考試要操練做藉口，連淨係見面都減到一星期只有一、兩次，佢依然好信任我。同佢好歹一齊將近一年，雖然唔愛佢，話半點感情都冇就係假嘅。而且我背住佢偷偷哋同J君玩到咁精彩，我覺得內咎嘅。但係鍾意嘅嘢真係冇辦法勉強。
J君俾我嘅感覺好撲朔迷離。佢信誓旦旦話真係愛我，仲儘可能做到我要求嘅緊密聯繫、交代行蹤，亦都儘量同我出吓外面見吓佢啲朋友，不過我始終唔安心。佢啲朋友喺聚會玩到咁荒淫令我好驚，另外總係覺得佢刻意做呢啲舖排有幾難。事實係我同佢一直都係地下情，就算佢除咗我之外仲有第個女仔，時間、精力上佢絕對應付到。近期佢好多時話有活動唔返工作室，叫我溫完習就走，令我有啲不安。正正就係呢種不安令我個心唔上唔落，既有時想放棄但係又好唔捨得，呢種難捨難離令我沉。
同鎮穎落實咗關係照計俾我好大嘅推動力終止同J君嘅關係，但係我真係唔捨得。另外仲有一個因素，就係我好想繼續搵佢請呢個導師補習。我私底下問過導師嘅收費，答案係我媽實嗌救命。人哋做開啲真正有錢人嘅仔女嘅私人教師，係富豪級嗰種有錢人，莫講阿媽畀唔起錢，就算勉強畀到，人哋都未必接你生意。
我好想繼續搵呢個導師補習直到DSE。
一路心掛掛諗住呢啲問題同鎮穎哋去睇羊，然後我哋決定想行千島湖定係啲人冬天睇楓葉嗰條路線。
點知都未行到分叉路，肥妹話要走，然後大隻仔話佢都走喇。
目送佢兩個走後，我搵機會拉鎮穎埋一邊話佢知肥妹同大隻仔尋晚喺廳攪咗。
鎮穎話，咁雷？
我話我哋夠玩到七彩啦。
講到呢度我哋先至諗起尋晚流到喺屋主張床成床係哂我哋啲水、啲汁、啲漿，乾咗之後應該留低一床都喺硬倔倔嘅漬，Raymond阿哥見到實鬼殺咁嘈。
我話我都唔行山喇，就同鎮穎兩個走。
喺村口老遠見到肥妹同大隻仔喺小巴站攬住打車輪，鎮穎話等佢哋上咗車先行過去啦。
好彩啲車算密，佢哋上車冇耐就有另一班車。
喺屯門上咗地鐵，我挨喺鎮穎膊頭好快瞓着。由屯門搭到南昌起身轉線嘅時候醒一醒，跟住搭去香港站途中再度挨喺鎮穎膊頭半瞓半醒。
嗰程車好似經歷咗半個地球咁遠。
喺香港站落車行去中環站途中我醒哂。
明明我哋早走，返到嚟都成5點幾。
返到西營盤，本來想去鎮穎屋企同佢瞓一覺，如果可以，做多次愛。但係鎮穎媽媽返咗嚟，冇辦法喇，我哋各自各入屋。
呢個時候至有機會睇吓訊息。
Derrick問我開心嘛，佢想聽日 (係星期日) 見吓。我話開心，但好攰，聽日想唞吓。
然後J君話呢幾日都有活動，唔返工作室。佢叫我星期一、三上到去補完習就走啦，星期五佢想我出外面同佢見吓Mandy (肥婆經理人)。起碼呢個星期唔需要面對J君、唔使同佢做愛，我有一種拖得一日得一日嘅放鬆感。但同佢嘅關係一日未解決，我一日都唔可以真正釋放。
我諗，如果我唔再上去補習會點呢？靠自己讀DSE唔係唔得嘅，只不過冇咁sure win同埋第日入到大學或者跟得比較吃力。如果唔想再同J君有性關係，呢個似乎係最簡單嘅做法。
第二日，我瞓到11點幾，不嬲自律嘅我一醒就即刻梳洗。我睇吓鎮穎點，佢媽話佢仲瞓緊，我就自己食早餐，溫書。訊息鎮穎叫佢醒咗搵我。
嗰日下午想同佢做愛嘅，但佢媽同我媽都喺屋企，我哋唯有搵間星巴克溫書。我一路覺得星巴克根本唔係經營飲食業，而係做物業散租，人客花幾十蚊買杯嘢，霸到個好位嘅就一路坐到唔走，霸唔到位嘅就拎住杯嘢去第度飲。如果唔係從來唔限人客坐幾耐呢一點，憑嗰些少咖啡豆、嗰啲水同個紙杯邊度值幾十蚊。呢啲觀念係我喺Derrick度學嘅，佢讀工商管理，教過我唔少關於生意經營模式嘅嘢。我問過Derrick，星巴克嘅價值唔係品牌咩？佢話星巴克個品牌係建立喺俾你哋班人坐好耐傾偈上面。
跟住嘅嗰個星期，每朝同鎮穎一齊返學。星期一、三放學，佢陪我去尖沙咀，我叫佢喺星巴克做住功課等我，我自己行去Atelier。補完習，鎮穎喺附近等我，我哋一齊食飯、拍吓拖，就返屋企。因為佢媽喺屋企，我哋唔可以有親密行為，我只可以同鎮穎補一齊做功課、溫習。
星期二，Derrick話掛住我，想搵我。我借口話就考試阿姨想我呢段時間幫鎮穎補習推佢。Derrick話ok，但我知道呢個借口唔可以用一世。
鎮穎接我放學，問我想去邊。
我話去你屋企，然後我補充一句，趁阿姨返嚟之前。
鎮穎冇問，好似知道我想點咁樣粒聲唔出同我趕番屋企。
一入屋即刻急不及待抱住佢錫。
條友冇食完飯即刻擦吓牙嘅習慣，錫脷嘅時候食到少少嘢食味。
我叫佢學吓食完飯唔擦牙都搵啲水沖吓個口。
佢話佢食完嘢一定會飲嘢嘅，飲嘅時候有順便沖吓個口。
我話你飲汽水啦唔使問。
佢話係。
我叫佢一係帶支李施德林返學校，食完晏喺學校廁所啷吓口，一唔係食香口膠，將嘢食喺牙罅黐番出嚟。
然後我話，去沖個涼。
佢戇居居咁望住我，我話，一齊入去、一齊沖。然後我就除衫，佢見到我咁做就照跟。
啲衫就咁掉哂喺地吓。
上次同佢喺黑麻麻嘅房裏面，冇好好睇真對方嘅身體。呢次喺屋裏面，陽光從屋外照入嚟，兩個人肉帛相見，可以好好睇清楚對方。
(未完待續)
[
本帖最後由 dcat20 於 2023-10-16 01:57 編輯 ]
