引用:
原帖由 nikeikit 於 2023-11-28 06:56 發表 
會回味以前床上畫面，你係唔會理會依家床邊人比佢好定差，依家你只會想再持有他，不想再離開，但身份已經變晒
點講呢...
回味, 係會囉; 比較則唔會
想唔想再持有, 唔諗
大概可以話係咁
因為呢, 我好愛好愛而家o既老公, 愛到咩都可以俾晒佢包括自己條命
講真o架, 如果有日兩個只能活一個, 我會毫不猶豫咁去死o黎保住佢
因此唔會去諗果d 邊個乜o野好過邊個o既問題
愛, 一方面係情感, 即係你自己真實o既感覺, 無需要原因o既中意或者唔中意
但除此之外仲有一個元素叫做忠誠, 呢個則係一個選擇
你同得一個人講"我愛你", "我願意將自己交俾你或者照顧你" 等等, 就要keep your promise,
除非對方講到明以後唔再需要你, 否則就要堅守當日自己o既承諾, 唔去做背叛對方o既行為, 唔去幻想或者計劃離開對方囉
有冇矛盾, 小小梗有o架啦
之前有FF 返d 前任, 其實更多o既係一個對自己人生 what if 既幻想
比如之前講我上佢屋企聽到佢痾尿果個, 在佢之後我仲有再拍過兩次拖然後先遇到宜家o既老公
以往好多好多o既分手, 其實都係人地受唔住我一啖砂糖一啖咩野o既脾氣性格
(改晒o架啦!)
佢係一個, 佢之後仲有兩個, 一共三次機會俾我
what if 我當時就醒悟? what if 我冷靜少少唔好郁d 就分?
what if 當時冇分, 今日我o既老公會係邊個?
90% 可能性如果我keep 到三個入面任何一個, 今日o既我就唔會係呢個我
首先極有可能唔會玩 SM, 但可能係另外一種o既放蕩
朋友圈亦好可能完全唔一樣, 今日身邊o既兄弟姊妹會換成另外一班人,
互相之間o既網絡, 人脈影響, 可能唔係做而家呢份工, 住o既唔係而家呢個區,
甚至會唔會o係香港或者去左另一個地方發展亦講唔埋
總而言之成個人生未必會係今日o既呢個人生
好神奇o架! 一個微不足道o既小改變, 引發出o黎o既連鎖反應可以好巨大
我試過分析埋老公o既人生, 詳細o既唔講太多啦
簡單舉個例佢出國留學, 係咸豐年o既往事啦卦, 同我地o既婚姻完全九唔搭八
但如果佢當年冇去留學, 唔會識到班friend + 唔會有呢個資歷,
唔會o係我出現o既場合度出現, 我同佢唔會遇上, 今日亦唔會做o左我老公
