引用:
原帖由 sim888 於 2023-11-28 10:10 發表
我喺飛機度識我老公㗎
嗰陣時同個ex散咗,喺飛機度見到佢,佢行埋嚟坐咗喺我隔離。
諗住之後冇嘢啦,點先有人返工,佢竟然打電話去我公司!
之後仲嚟接我放工,冇幾耐就開始咗。
師姐講得啱,同佢一齊咁多年,唔會回味同比較囉,因為 ...
嘩~~ 感動到呢
anyway 謝謝分享
即係總括而言, 先了解自己另一半o既喜好, 然後主動為佢去做
呢個方程式對男人女人都咁有用
老公o係床上俾我o既感動比較少, 但平時幾多o架而且係唔聲唔聲果隻,
我地大家結婚前早已搬出o黎獨居 (唔係同居, 我地一路都分開住)
果陣我上佢屋企, 真係呢..... 要長住o既話我會發癲囉
婚後搬埋一齊, 除非佢實在太過天理難容, 否則我都絕少出聲o既, 因為果d 係我個人o既生活習慣
如果我接受唔到眼前狀況, 去改變佢應該係我自己責任而唔係強迫人一定要按我果套生活囉, 我係咁認為
跟住唔知何時開始, 佢會食完飯會主動拖拖地板或者吸吓塵
洗衣籃入面忽然唔見晒佢d 底褲, 因為佢見我咁做於是有樣學樣, 每日沖完涼手洗埋先出o黎
呢樣佢冇錯係有問過我, 做乜要用手摔唔擲洗衣機一次過洗, 我有同佢講過但冇要求佢都要咁做
之前都係我執返佢d 底褲出o黎手洗晒佢o既, 忽然開始佢自己做返
類似就係呢d 啦, 對我本人有咩好處, 唔多囉, 除左少dd 家務要做之外
但背後意義重大, 就係眼前呢個人, 自願自覺咁去迎合你, 做d 讓你會覺得舒服稱心o既行為