星期一朝早准我爛gag 一下...
我信o架, 特別聰明或者識得時間分配o既朋友, 係可以同時文科理科一齊修
當然要諗清楚要下定決心再辛苦都頂硬上, 半路中途先頂唔住要退出o既話好冇面囉
爛gag 講完, 入正題
首先本宮係理科出身, 自己同屋企都冇宗教信仰o既, 風水運程又好邊個保佑邊個我一概唔信,
但接受呢一切背後其實都有一個科學解釋囉
性行為除左滿足作為哺乳類動物o既本能慾望之外, 仲有一種心理上o既慰藉功能
比如咁講, 兩個失意情緒低落o既戀人, 互訊心事時攬埋一舊然後開始做愛
要係有quality o既性愛啦, 係可以俾到雙方一種就算全世界都嫌棄離棄你,
都仲有一個人願意接受你o既一切, 以你o既快樂行先, 俾到對方一種鼓勵o既作用
心態情緒氣氛唔同o左, 人自然有勇氣去面對目前o既難題, 話唔定就咁樣殺出一條血路呢
另一個解釋, 就係失意o既事已經發生左一段時間, 正好呢個moment o黎o左一場大戰,
正好大戰完之後冇耐件事出現轉機, 正好差唔多果個時間忽然諗到解決辦法
即係好似水災咁, 原本已經落o左成個月大雨, 雨水係因為天上有雲, 雲就只係hold 到咁多水,
已經落得七七八八, 你呢個時候作法, 搞得o黎正好煙消雲散, 就算你唔作法場雨一樣會停唔可能永無止境一路繼續嘛
迷信o既人就將兩件事撈埋o黎講, 話因為場法事上天收到個message, 其實就算冇法事過多兩日一樣會停雨
