引用:
原帖由 小Koey 於 2024-4-2 16:45 發表 
我是不反对姐姐的说法，但我个人比较支持一命偿一命，要犯罪者受到相同等级的处分。
强奸人的话，就让他被猛男鸡奸。
贩卖儿童的话，就把他卖去柬埔寨。 ...
要講治國安邦野本宮亦有排可以同你講
其實刑罰呢樣野有幾重意義, 一係阻嚇, 一係公義, 一係警世
阻嚇係事先話你知如果你犯事將會受罰, 唔想受罰就唔好犯事
公義係犯罪行為往往會俾犯事人帶黎一D 利益, 俾受害人帶黎一D 損失,
犯左事受罰係話俾犯事既人知做完衰野拎左好處之後並唔係乜野後果都唔需要承擔,
需要係未來o既日子受返苦去扯平, 即係找數
警世對象則係犯事人同受害人以外o既第三方, 我犯左罪要入獄長時間失去自由, 或者要受鞭刑,
你唔想以後同我一樣, 就必須要提醒自己唔好犯事
呢三重意義之外應該仲有其他, 但無論係咩都好, "報復" 都唔應該係其中之一
因為如果從法律上去報復犯事人, 某程度上即係向外散播出一個訊息, 肯定左 '以牙還牙' o既合理性
幾個觀點之間係存在矛盾, 冇一個可以盡善, 所以必須搵一個平衡
因此本宮係認為, 刑罰有繼續存在o既必要性, 肉刑亦可以接受, 但報復式o既致命酷刑,
或者以犯事人犯事o既相同手法去懲罰呢d 係唔應該存在囉
一命填一命係可以, 但從統治者perspective, 傳播出o黎o既應該係一個法律莊嚴莊重而唔係野蠻o既形象
朝廷o既律例冇錯係殺人者死, 你殺左人拎左人地寶貴既生命, 就應該用返自己條命做代價
執行死刑係剝奪你繼續生存o既一個手法, 但法律原則係尊重生命o既, 呢個亦係法律要教育公眾o既一個訊息
所以行刑前o既每分每秒, 法律依然有責任保護你-雖然係死刑犯-作為一個人o既每一種權利
以至行刑當時你亦應該受到法律尊重, 體面地離開呢個世界, 因為刑罰要達至o既結果亦係僅此而己 i.e. 剝奪某人生存權
其他o既踐踏, 譏諷, 折磨, 侮辱, 都係冇必要
呢個亦係神聖法律該豎立o既一個榜樣, 某人或者係千夫所指, 或者會遺臭萬年, 但法律同情緒亦應該要separate
用返犯案人犯事時同樣手段懲罰返佢, 即係將惡行納入執法程序, 即係間接承認佢o既合理性
