引用:
原帖由 katieW 於 2024-3-20 18:03 發表
身材指的不一定要是大胸好嗎😁
倒是挺欣賞uncle 獨到的思想
妳說案情的事 總會有些不牽涉家庭以外的人吧? 說那些不就沒有了暴露身份的擔憂了嗎? ...
有o既, 擲o野落街俾人投訴
奧秒之處係並非真係 "掟落街" 而其實係樓下斜對面一個單位
入面o既人我地係識o既, 一齊玩過, 唔係第一次咁做, 衰o既係衰在俾其他住戶見到, 向管理處告發, 管理處出信到我地個單位
細個時候總係阿爸阿媽先有信箱鎖匙嘛, 放工返o黎收信開信果個通常都係老豆,
因為阿媽會買餸一袋二袋, 跟住果d 唔難自己想像啦
老豆見到封信, 真係一臉愕然, 本宮百厭係人都知, 但點都想像唔到我會玩到咁大
於是訓話囉, 要我將成件事由頭到尾全部交代, 然後聽佢一大堆道理
比如話有可能會意外敲爆人地個窗, 會掟中人地屋企入面d 野做成損失, 我眼界有可能會失準舊野入唔到人地屋,
跌左落街變成真真正正o既高空擲物, 會搞出人命, 呢知個唔係細路貪玩咁簡單而係誤殺
然後咩野自己前途, 往後人生, 受害人本人受害人家人等等一大堆,
然後就係果幾句: "所以一定要重罰... 要重罰唔係因為件行為本身, 而係行為可能會帶來極嚴重極惡劣o既後果"
"重罰係要你有一個最最最難忘o既經歷令你呢一世界都絕無可能忘記今日發生o既呢件事" 等等
真係幾難忘, 所以我記得咁清楚
佢說教說左我起碼大半粒鐘啦, 然後先要我落樓下向人地道歉,
佢估對方家長應該唔知有件咁o既事 (的確係真) 但你唔好理, 你落去要同人地父母坦承交代你話我知o既一切,
交代完之後要向人道歉, 要承諾從此之後唔會再有下一次, 然後返上黎受罰
至於懲罰, 果次真係好重, 佢話係based on 我有可能造成誤殺呢個風險喎
成年未成年唔好理, 未成年入唔到你罪只係法律觀點, 錯誤失手奪走無辜人性命先至係事實
所以佢打左我每隻手二十籐, 再除褲俾屁股佢打多三十籐
再加接落黎o既三個月唔好理公唔公眾假期, 一律唔準同朋友出去玩, 點樣推卻係你o既事自己諗借口,
行刑之前仲要我先去同阿媽講, 因為佢覺得阿媽會覺得女仔人家俾人咁樣體罰太重, 佢會唔忍心到時候走o黎代我求情
所以要我先同阿媽講我做出d 咁o既錯事受罰係我應該o既, 我自己都覺得應該要捱打, 請佢唔好o黎阻止
老豆話喎, 要我捱皮肉之苦係加深記憶, 希望我儘量忍唔好掛住痛哭到掙扎,
多反省今次其實有幾幸運冇搞出人命/ 嚴重意外, 人唔會一世都咁好彩
三個月唔準出街先係主菜, 今次只係失去三個月部份自由, 見朋友返學時你都仲見到傾到計
真係搞出大頭佛斷斷唔止三個月咁少, d 咩野好朋友好姊妹亦會疏遠你, 用佢o既原話, 係 "淺嚐坐監o既滋味"