寧死不屈

最新Version 2.3測試請到二樓（註：繁體QQ用version2.3應該有少少bug，暫時嚟講都係用番2.2先好d！）
已有辦法解決彩虹QQ自動升級之問題了！
詳見 http://www22.188channel.com/viewthread.php?tid=7438038&extra=&page=6#pid161628310

有用開一隻叫做“珊瑚蟲顯IP增強包”嘅師兄都應該知道呢類軟件有乜用，但因為珊瑚蟲已經有d過時兼且有時會錯誤顯示IP，所以最近就日出現咗“彩虹QQ”嘞，呢隻軟件除咗有可以顯示IP之外仲加咗幾樣功能！

首先等我簡介吓彩虹QQ嘅功能先
一.獲取好友IP位址
二.顯示好友是否隱身
三.以藍色的好友名稱提示好友是否正在隱身
四.老細鍵
五.虛擬視像鏡頭
六.聊天時可以在繁體字、簡體字及火星文間切換
先講吓我認為最有用嘅第一項功能 ~ 獲取好友IP位址
無論係你加人或者人哋加你都好，你除咗想睇吓對方嘅相頭同身材之外（唔好話比我聽你唔想）:smile_30: ，唔多唔少都想知道佢哋位置喺邊度，以便用適當嘅態度同佢傾偈嘛（你知點解嘅）:smile_22: ！
如果想睇吓對方嘅外表大家都知道好簡單，可以去QQ空間或者相册睇，但係對方嘅位置就唔係咁易可以知道，因為佢哋嘅QQ個人資料未必有寫或者QQ交友所報嘅可能只係鄉下喺邊，咁呢隻軟件就幫倒你起佢位置喇！
圖一（網上圖片）
圖二（網上圖片）
第二項功能 ~ 顯示好友是否隱身
呢個功能我以前都無用過，但我用咗幾日覺得都ok有用，因為有好多人包括我自己都好鐘意隱身上Q（有時唔想比人煩嘛），正面嚟睇有咗呢個功能就唔怕唔知對方在線而錯失良機，反面嚟睇亦可以知道對方係咪有心唔回你囉！
圖三（網上圖片）
第三項功能 ~ 以藍色的好友名稱提示好友是否正在隱身
同上項功能一樣，只不過係方便d唔駛你手動用老鼠移去某個好友度，無乜特別！
註：此項功能只適用於在你登陸QQ之後先登陸並隱身的QQ好友，咁即係話如果在你登陸QQ前就已經登陸並隱身的好友，則大多數唔會顯示藍色嘞！:smile_39:
圖四（網上圖片）
第四項功能 ~ 老細鍵
啟用咗呢個功能之後，按hotkey個QQ視窗就會自動消失咁上下嘅功能掛，我諗大家都知道係乜用架喇！
圖五（自家圖片）
第五項功能 ~ 虛擬視像鏡頭
我無用過，據講係專比嗰d無視像鏡頭嘅電腦用嘅，佢可以虛擬一個視像鏡頭嚟呃QQ軟件扮你嘅實時影像，咁就可以同對方視頻聊天！
圖六（自家圖片）
圖七（自家圖片）
第六項功能 ~ 聊天時可以在繁體字、簡體字及火星文間切換
比較有玩味嘅功能，我覺得無乜用，因為會睇到頭暈！:smile_27:
圖八（自家圖片）
圖九（網上圖片）
其它設置：
可以設定彩虹QQ嘅透明度
圖十（自家圖片）
圖十一（自家圖片）

唔知係咪因為我用嘅QQ軟件個版本過舊定係“彩虹QQ”淨係善容簡體版QQ（我用緊繁體QQ2006Beta2），所以我淨係用倒第一至第三項功能，根本唔知點樣打開上面幅圖嘅設定視窗，如果有師兄知道麻煩回應吓！:smile_42:

啱啱試咗用QQ2008簡體版裝，果然可以開倒個設定視窗，原來真係唔多夾繁體QQ2006Beta2，不過無所謂啦，反正我淨係會用第一至第三項功能，其餘嗰d對我嚟講真係無乜用！

最後講吓安裝方法
首先一定要安裝咗原版QQ（繁簡體都ok），跟著先可以再裝彩虹QQ，因為“彩虹QQ”係簡體軟件所以必需用“Microsoft AppLocale Utility“開啟，如果唔係就會出現亂碼，但Microsoft AppLocale Utility有bug所以我推介用“pApplocale_v1.0”，呢隻嘢除咗有佢嘅功能之外仲可以將之簡單整合於右鍵選單內，咁以後遇倒d簡體軟件就可以好方便開啟嘞！

送佛送到西，上傳d相關軟件條link比各位有需要嘅師兄！
繁體QQ2006Beta2+彩虹QQ2.2+pApplocale1.0 http://rapidshare.de/files/39740450/QQ.zip.html
彩虹QQ2.2 http://rapidshare.de/files/39850576/CaiHong_Setup_v2.2.exe.html
彩虹QQ2.3 http://rapidshare.de/files/39768955/CaiHong_Setup_v2.3.exe.html

[ 本帖最後由 寧死不屈 於 2008-7-16 09:36 PM 編輯 ]

寧死不屈

尋日返咗深圳餵老虎，鬼鬼鼠鼠咁用佢部電腦測試咗彩虹QQ最新Version 2.3（唔可以比佢知，原因大家應該明架啦）！:smile_04:
佢部電腦係行簡體WINDOWS嘅，除咗嗰個什麼火星文功能之外，基本上佢標榜嘅功能都可以用倒！:smile_38:
原來上一個Version係未可以用倒“以藍色的好友名稱提示好友是否正在隱身” ，但呢個新版除咗已經可以用倒之外，佢仲會將呢d隱咗身嘅好友自動排喺上線好友之後添！
啱啱返到香港再用番屋企部腦裝“簡體版QQ2008”+“彩虹QQ Version2.3”，個效果同喺簡體WINDOWS行無乜大分別！
但相信大家都係會用番繁體版QQ2006多，所以我又試吓“繁體QQ2006”+“彩虹QQ Version2.3”呢個組合，發覺如果用繁體版QQ無論係新定舊Version嘅彩虹QQ都一樣係開唔倒設定嗰條bar:smile_39: ，新版只有兩樣嘢係同舊版唔同，第一樣係可以顯示對方QQ版本（不過好似無乜用），第二就係隱身好友會喺好友列表度自動排喺上線好友之後，不過好奇怪佢又唔會以藍色顯示:smile_45: ，但都可算係一種進步而且都幾實用，如果好友列表太長咁就更加幫倒手！:smile_38:

“發送表情立即顯IP，點擊自動發送”呢個功能相當好用！


“顯示好友是否隱身”下面兩幅圖可以表達好友隱身上線前後之效果（唔知係咪因為同一部腦上兩個Q所以顯示唔倒IP）



下面呢張可以清楚d顯示對方正在隱身及在好友列表上以藍色提示


“虛擬視像鏡頭”呢兩張圖係我喺停用Webcam後同對方視頻下cap嘅



“火星文”用唔倒，淨係可以用“聊天時隨機添加符號”



新版嘅其它設定頁



總括嚟講，我覺得呢隻軟件其實都值得一用，雖然喺“繁體QQ2006”之下有幾個功能都用唔倒，但實際上“虛擬視像鏡頭”同“火星文”真係無乜實際用途，有得顯示IP同隱身已經夠用了！

再提吓大家，本身用緊簡體版嘅QQ可以用version2.3，但如果繁體版就最好用番2.2，因為繁體QQ用Version2.3應該有少少bug！:smile_39:

[ 本帖最後由 寧死不屈 於 2008-6-20 06:30 PM 編輯 ]

alejandrocheung

let me try thanks

tommy豬

謝樓主報告

eddie7132

thx for sharing, let's try.

魂留403

多謝ｃｈｉｎｇ出一篇咁正既ｐｏｓｔ　　　好post推:smile_38:

crespo

very good, thx

唔好煩~

我一樣係開唔倒設定嗰條bar＝．＝””用2008qq

mkchui

:smile_38: Thanks for your sharing

wt119

dl左用唔到:smile_41: