milky0312

執骨

道具: 一個骰盅及五粒骰

人數: 4至6個最好玩

遊戲規則: first,玩0既人要用骰盅蓋住自己5粒骰,搖完之後搵一個人嗌五個number (1-6), 例如嗌12345,跟住玩家一齊開盅,鬥快將點數12345放0係骰盅頂,執完之後即刻拍枱話比人知你搞掂,不過要小心唔好整跌D骰,如果唔係要再執過...

處罰方法: 最慢0個個要飲

[已經有介紹]

[ 本帖最後由 藍月亮 於 2005-10-17 09:16 AM 編輯 ]

stupid22kathy

道具:shooter杯6隻以上,3粒骰,一隻碗

人數 (最多/最少):最少2人

遊戲規則:

輪流擲骰,擲出雙數就添酒一次,直到有人擲中單數既話就要飲晒枱上酙酙
            
左既shooter杯,如果擲中圍骰1,就可以指人飲一杯,圍骰2就可以指人飲兩

杯,如似類推...

處罰方法:自定(請求神拜佛,不要讓憎恨你的人擲中圍骰......)

[好狠毒既一個遊戲 ]

[ 本帖最後由 stupid22kathy 於 2005-10-17 06:20 PM 編輯 ]

fungii

大波細波

用隻食指0既食指同手指公做一個圓，lee個係細波。
大波都係用食指冋手指公做一個大圓，lee個係大波。

游戲開始，你嗌大波，你隻手就要做個細圓出0黎，之後指下家(任你指)，佢就要嗌細波，隻手要做個大圓出0黎，大波...細波...大波細波...

到你拉大波你叫0左細波...或你嗌0左大波但係你真係做0左個大圓出0黎，咁就輸喇~

fungii

隻抽版拍七(年中死唔少拍七高手=.=) (原創，俾下面，支持下原創，唔好咁手緊...)

同拍七玩法一樣，上面有介紹過，以下省一萬字...

玩法: 兩個人輪樓順住叫number，叫到七或七0既倍數時，自己拍，之後自己叫埋下個number。例如a同b玩，a叫先，佢叫5; b叫6; 到a喇，佢係7，唔叫得，要自己拍，之後仲要自己叫埋8，到b接。

例子二, a叫到26; b接27，唔叫得，要拍，到自己接28，又唔叫得，又拍，之後自己叫29。到b接。

贈送所有遊戲行動升級柀。

i) 叫人飲，自己飲先: 全程唔準講個"飲"，講0左，索一口。
ii) 做人要有禮貌: 飲酒雅~ 囉起隻杯前要講聲"唔該" 放低隻杯時要講"多謝"。
iii) 做人都係要有禮貌: 唔好手指指，手指指，咁冇禮貌。行埋一二便那起隻杯隊呀隊啦...

[好易玩死人, 不過可能玩死自己先 ]

[ 本帖最後由 藍月亮 於 2005-10-23 10:18 AM 編輯 ]

simonyim

遊戲名: 非洲話是啤~
道具    : 啤牌一副
人數    : 4~1x個(太多太少都唔好)
玩法    : 每人抽一隻擺係額頭前,牌面向外,自己唔準睇~~ 每人講一種懲罰,
              牌最細o個個要聽牌最大o個個話 (2最細,A最大,葵扇>紅心>梅花>楷磚)

懲罰    : 呵呵~~有幾甘就要睇你班fd有幾賤喇~~
              我自己班fd就玩到一口氣吹2公升可樂(聽講事主o個晚嘔完成晚抖氣都有可樂味),
              "叉"隻腳落屎塔再按沖水,本人最甘試過last round中大懲罰...........就係企o係女廁
　　　  門口,除jo件衫,將條牛仔褲褶到上大腿,再law個大紙皮箱圍到自己, (即係睇上去
              完全冇著衫褲) 等有女仔出黎就大聲叫 "嘩~~!!" 記得o個次o個2條女嚇到即走......
              我小生gei型象咁就不保>_<"

[個遊戲值6分, 其他既係你講既懲罰好好笑~~]

[ 本帖最後由 藍月亮 於 2005-10-23 10:19 AM 編輯 ]

walltang

遊戲：猜啞梅
人數：最少兩個，但越多人越好玩
玩法：第一個人叫 1 同時用手摸自己塊面一吓，如果摸左邊，就左邊嗰個接，之後左邊嗰個唔須要出聲只要摸自己塊面一吓，一樣摸邊面就邊面接，直至數到 10 之後就要由 1 再叫起 ，但係到 5 同 10 嗰位嘅動作就唔同啦，係改為敬禮，一樣手指指邊一個方面就嗰個方向接，(總之 1 係須要出聲叫出嚟嘅，其他數目唔須要出聲，只須做動作)。
處罰方法：都係罰飲酒啦，飲得兩杯就會開始發覺有人手腳唔協調架啦！

[呢個遊戲唔使預我......我死梗  ]

[ 本帖最後由 藍月亮 於 2005-10-23 10:21 AM 編輯 ]

^Neko^

貢獻下先!


道具: 冇! 試出聲就得

人數 (最多/最少): 不限

遊戲方法:
由任何一個人開始由"1"數起,跟住另外一個人要哎"2",再另一個哎"3",如此類推,次序不限,哎number之間隔幾耐/快亦不限. 一round入面哎左就唔洗再哎,最後一個哎number既就算輸,簡單D黎講就係鬥快哎1,2,3,4,5,6,7......  罰完開新round,再由任何一個人由"1"哎起.

遊戲規則:
1. o係房裡面既人,不論唱緊K,打緊車輪,講緊電話,溝緊仔/女,猜緊妹,笑緊,喊緊,叫緊凍檸茶,或天生超級自閉...總之o係房裡面就一定要玩!!! 想唔玩既方法只一個!----->離開房間(即去廁所之類)
2.如果同一時間有兩個或以上既人哎同一個number,呢幾個人都一齊輸.  罰完再開新round.
3.通常處罰係飲酒,所以"罰完"既定意係被罰者飲完之後放低隻杯,隻杯掂倒張檯果一刻. 從呢一刻開始所有玩家自動明白新round已開,不會作另行通知! <-呢句好似版規  
4.o係新round開始之前如果無端端哎number既人算輸,罰唔罰雙倍就要先定好...(睇左3&4之後,相信呢一刻已經有好多版友lum倒.......冇錯!如果你岩岩比人罰飲完,唔代表一定係你自己哎先,所以你係有權做假動作扮放低隻杯黎陰人既!:smile_02
5.其他規矩五花百門,如飲完要講"唔該",哎既時候唔準有尾音等等...玩家可以自己加,不過一定要先說明.

簡單例子: 有A,B,C,D,E五個人玩
B哎 "1"
C隔0.001秒之後即刻哎 "2"
之後其他三個眼錄錄等時機...過左一陣A哎 "3"
E跟手哎 "4"
D唯有係哎 "5",D輸

黎個複雜D既---例2. 同樣有A,B,C,D,E玩
D哎 "1"
B同E不約而同認為快D哎著數,於是一齊哎 "2"...B同E都輸,一齊罰飲. 剩餘A同C唔洗哎.
E飲完放低左隻杯,C唔記得同時罰緊兩個人,B仲飲緊既是後C就好醒咁開始哎 "1"...C輸!飲!
因為C既on9度令仲飲緊上round罰款既B笑唔停,冇辦法飲完自己果份...反而C一野清杯放低,新round自動開始,A見機飛快哎"1~~~~~!", 遊戲繼續. B放唔放低隻杯已經唔重要,因為已隔左一round...反而咁耐都飲唔完罰款,應該加利色...

處罰方法:
通常都係飲酒,因為會越飲越神智不清,錯漏百出.
如果變態D可以飲野唔比去廁所, 隊辣椒油之類...後果自負

補充:
呢個遊戲係唔應該個個坐定定玩既,通常大家係如常唱K,十五二十,大話骰等,只係同一時間要記得哎number.

再補充...:smile_07::smile_07::smile_07:原來呢個遊戲第四個post已經出現左...唉,規則同原著有D唔同,就當係深入說明+變化啦...

[ 本帖最後由 ^Neko^ 於 2005-10-20 04:29 AM 編輯 ]