C-hing, I finally managed to finish the translation of part 1 of your report of the last show last month, I have combined all the parts I have done so far into one (that is equal to the whole part 1 of yours)
sorry that it took me awhile to finish (Maria's part took me the longest time) cause it is much harder than I expected.....
Rockza Show - 8 月 11 號 - 9 月 10 號 最後一場 report Part 1
時間: 9 月 10 號,11:30pm
依個係本月最後0既一場 show。一班舞蹈演出者:Sora、Haruki、Hiro、Rin、Haneda 同埋 Maria,總數合計跳0左 186 場,而今晚依場係謝幕0既一場。
今晚算有幾多觀眾但我仍然有 d 失望,因為我預計應該有更多人。其實有好多人都知道今晚係 last 一場,不過我估要求人0地星期三晚 11:30 0黎睇 show 似乎有 d 過分。無論如何我數到大約有 50-60 個觀眾出席,當中好多師兄係再一次0黎,而我同某 d 師兄之前亦傾過計。今晚有 3 個日本 fans 帶0左 d 寫住每一個 dancer 0既名0既紙板0黎,其中一個仲坐0左0係後便準備為 d dancers 最後一次歡呼喝采。我同佢0地打招呼(因為大家之前一齊睇0左幾次 show 所以佢0地識得我) 又讚佢0地0既"準備"充足。
之後我返回我喜愛0既前排座位熱切咁期待住睇最後一次0既演出 (同時亦帶住沈重0既心情等待睇我最喜愛0既 dancer 最後一次表演。)
個 show 照例準時開始, 由 Sora、Rin、Haruki 同埋 4 個 back dancers 演出鼓舞。今晚佢0地所有人似乎表演得額外起勁。Haruki 笑得興高采烈 (我認為比佢平時笑得更開心,可能我一向見慣佢笑,所以要更加留神先肯定到佢真係笑得更開心),Sora 同埋 Rin 亦都滿面笑容。佢0地演出得非常好!! 10/10
接住到 Sora 0既 solo 演出,佢亦都笑得比平時更開心。我估係因為佢放鬆0左心情,所以表演得不單更好而且無任何出錯。佢每一節0既演出都有鼓掌聲,而完成0左佢表演0既一部分時鼓掌聲更勁,相信係由我0係八月開始睇依個 show 到宜家最勁0既一次鼓掌聲,依 part 我俾 10/10
接住到 Haruki。我有幾 like 依 part 已經唔使再講 (個人偏愛),我承認當時我遊緊魂,因為當佢表演緊0既時間我清楚明白到依次係我最後一次睇到佢表演,我個心一沈.... 但係佢仍然表演出眾同埋以佢性感誘惑0既眼神表情最後一次扣緊每一個觀眾目光視線。當佢演出部分完成時,全場掌聲雷動 (而我個心亦沈到最底....),同樣地依 part 我俾 10/10
跟住到間場一段:第一節係由 Maria、Sora 同埋 Rin 表演,非常精彩。其間我第一次察覺到 Maria 0既髮型似乎有少少唔同0左,唔知有無其他師兄注意到。無論如何 Rin 亦都笑得比平時更開心,Maria 亦都有笑,Sora 都有。接住一節係由 Haneda 同埋 Hiro 用慢歌做背景0既表演。我留意到當 Hiro 見到 Maria 時笑0左下 (我估係因為可能佢都察覺到 Maria 改變0左髮型?)
見到 d dancers 自己本人都樂在其中我覺得好正!慢歌依 part 過程流暢,接住就到由 Rin 首先出場0既快歌部分,跟住到 Sora,最後到 Maria。不論跳舞同音樂都好出色,而 3 位 dancers 亦時常露出笑容。最後到由 HIro、Rin 同埋 Haneda 表演0既第四節,依 part 無咩好講,Haneda 首先離開舞臺跟住到 Rin,剩返 Hiro 一個0黎表演 solo 10/10
Hiro 開始佢 solo 0既部分,佢一向比較 cool 較少笑容,但依次佢笑得比平時多好多。0係用快歌做背景0既第二節,佢滿面笑容咁不斷望向四週觀眾 (雖然佢認得我已經有一段時間,佢從來都無向我打招呼但奇怪地依次佢竟然向我點頭同微笑),我"直豎拇指"向佢示意鼓勵,佢笑得更開心。佢 solo 依部分以 Hiro 企0係舞臺較後中間位置、向觀眾報以我從未見過0既最漂亮笑容作結束,全場掌聲鼓勵 10/10
之後到 Rin。一個日本觀眾 ( 3 個日本 fans 其中一個,佢係 Rin 死硬派 fans) 坐0係第一排右邊鼓掌,我聽到後面亦有人鼓掌但唔肯定係唔係其他日本觀眾。Anyway,雖然用慢歌做背景但我一直都喜歡依部分,其實依部分難度幾高 Rin 亦表演得超水準,其間我留意到當佢一路望向四週觀眾時多0左好多微笑。我知道好多人喜歡佢,我想佢應該認得好多熟悉0既面孔。當 Rin 望向四週時,我以微笑同點頭向佢示意,Rin 同樣地報以笑容。依部分以插入 Haneda 出場作結束,之前有提到因為 Haneda 出場太快令觀眾無0左鼓掌位,但果位 Rin 0既死硬派 fans 鼓掌,當 Rin 企起身行返去後臺時我照樣鼓掌,雖然可能太細聲佢未必聽到.... 10/10
到 Haneda 出場,佢0既演出進步0左好多,佢一路望向四週觀眾一路報以誘惑0既微笑。當 Haneda 望到我時我微笑同點頭向佢示意,佢同樣地報以笑容。由於佢有一段時間無向我笑,所以果一刻0既感覺好正。其中一個日本 fans 係 Haneda 死硬派 fans,佢坐0係第一排舉起一 d 用日文同中文寫0既紙板表示支持。我大約估到 d 字0既意思 - 第一張意思大約係終於0黎到最後一場,第二張大約係講 Haneda 跳完 186 場一定好疲倦了,應該好好休息下。當 Haneda 望到 d 紙板時佢笑得更甜,演出亦表演得超水準,我什至認為係我欣賞過佢跳0既咁多場中最好0既一次。當佢完成跳舞部分時,全場掌聲雷動 10/10
最後終於到0左全晚0既焦點所在:Maria 出場。唔需要多講,佢絕對係個 show 0既主要賣點。當時我第一次聽到有其他觀眾跟住背景歌曲拍子拍掌,通常都只係 d 日本 fans 會咁做,佢0地一有快歌做背景0既表演部分 (例如 Sora、Haruki、Hiro) 就會跟住歌曲拍子拍掌。當時我因為自己太自制無跟住做而感到 dd 難為情,其實當 Haruki 表演時我已經想拍掌但我唔敢,所以我非常支持 d 日本 fans 咁做。但係依次同以前有 d 唔同,依次係第一次 (注意:依個情況從來未發生過,就算係之前"握手會"後0既 show 都未曾發生過) 有好多觀眾為0左 Maria 開始跟住歌曲拍子拍掌,見到咁0既情景我好開心,我今次亦終於跟住大家一齊做。(多謝帶頭拍掌0既師兄) 當 Maria 跳完第一部分時有好多掌聲 (有 d 觀眾直頭吹口哨),跟住就0黎到最高難度0既一 part 舞:Maria 需要轉動佢0既身體做出大量高難度0既 posts。佢要做0既 posts 係非常非常艱難,相信比著任何人都一樣,我睇到佢好努力好使勁,而經過 186 場0既相同高難度演出後,我想像到佢0既膝頭一定承受住極大0既痛,但 Maria 無試圖偷雞仍舊出盡全力。佢0既努力換0黎唔單止係日本 fans 0既掌聲,而係好多其他觀眾0既強勁掌聲。0黎到表演最後部分 (註: 背景歌曲係 Killing Me Softly),舞臺前面開始轉動,Maria 亦開始以更漂亮更誘惑0既表情姿態動作0黎俘虜各位觀眾。全場再一次掌聲雷動,有觀眾再吹口哨,我什至聽到有人大叫 Maria 個名。當佢0係舞臺上好似貓咁手腳並用爬爬0下時佢向所有人微笑。之後佢最後一次向後俯身直到佢個頭接觸到臺板為止,我知道 Maria 做依個動作佢0既膝頭一定會好痛,但佢仍舊賣力演出,我被佢0既專業精神感動到無話可說,只有為佢熱烈鼓掌。完成後 Maria 企0係舞臺前面多謝觀眾,現場掌聲不斷,有好多師兄大叫 Maria 個名,有 d 不斷吹口哨,大約維持0左成分鐘 Maria 先開始慢慢咁行向臺中間並且再一次多謝觀眾。我見到佢從未流露過0既笑容,而當 Maria 行近我0既時候我大叫:"Maria, well done!" 我唔肯定佢聽唔聽到,但絕對係我0既心聲。Maria 最後向觀眾飛吻,全場繼續鼓掌/ 叫名/ 吹口哨,我都忍唔住高舉雙手鼓掌。Maria 真係表演得好好亦俘虜0左所有觀眾 10/10