自力重生 (力哥外傳) [終卷]
突然喪榮從後面傳來一聲大叫： “阿力，小心，有鬼呀”
我登時作出回望，眼見四個撚樣一擁而上，其中一人截停了我，並向我作出即時警戒
“我地係澳門司法警察，而家懷疑你係呢度放高利貸款，麻煩你出示身份證”………我心諗：呢次仆街喇。
我把身份證交出，並向盤問我的司警作出狡辯
“喂！你地攪錯左喇，我下晝先過黎賭錢渣。”
一條老差骨對我說 ”唔好玩啦陳生，日日都係度見到你，下晝先過黎？不如你囉張入境紙出黎睇下？”
我登時啞口無言，但仍力橕著說 ”就算係放數咁又點呀？屌你老母，你有證據做我咩？”
“拿，陳自力，你唔好咁撚串呀！我地今日係黎洗大地，唔係黎做case，駒哥無落柯打叫你地今日收皮咩？屌你老母！……….你個仆街駛唔駛我call佢同你講呀？”…….帶隊的司警向我作出當頭棒喝。
條柴頭搵駒哥黎撻我，我心知不妙，唯有即時鵪鶉地說：”sorry！sorry！即刻消失，OK？”
“下次做case就實做你個撚樣……走啦仆街！”柴頭對我屌著說。
一般來說，澳門有兩類警察，一類係軍裝警察，行行企企抄下牌，做一d簡單既工作，係問路既最佳對象！另一類係司法警察，六十年代初成立，直屬檢察院 (現時則隸屬澳門保安局)，因著當時葡警貪風勢盛，黑道當權，最初成立目的是平衝黑幫與澳葡政府之權力，以及暗地進行打擊黑道工作。但開展了三數年後，司警又被黑幫控制起來，司警找到一名金盤洗手的著名黑道師爺，獻出一條黑吃黑妙計，以鞏固司警地位：當時通過立法機構成為法案，令司警有權對疑犯作出起訴或不起訴處理，初時以高姿態打擊任何希望係澳門插旗既幫會(乜都起訴)，而令某幫會統一澳門黑道(乜都唔起訴)，此舉能減少黑幫仇殺，有穩定社會功能，慢慢司警能與黑幫對衡，並不時作出打擊。發展至今，司警專做大case，反黑、集團式放數、殺人、放火，可以話係澳門版既O記(重案組)
~~~~~~~~~~~~~~~~~~~~~~~~~~~~~~~~~~~~~~~~~~~
我死狗咁走到喪榮身旁，並問佢
“乜今日洗大地咩？點解上面無落柯打既？”
“我都唔撚知呀，可能落唔切掛！……..算啦，唔開工就不如去沖個涼啦！”喪榮向我露出淫穢的眼神和笑容。
“沖涼唔好預我喇仆街，比阿YU知道就實聽剪鳩都得喇！……不如過葡京玩兩手好過啦，唔賭點找清條數呀？仲有兩、三個禮拜開學喇，再唔追就真係要轉做騎龍，日日上晝返香港收數，下晝放學就返過黎呢度開工，如果係咁就真係仆街喇” 我向喪榮說。
“咁好啦，我同你過去葡京黃金廳搵”爛嘜華”出多三個數，同你一日追撚哂佢！”喪榮想了一想後對我說。
我同喪榮懷著不勝無歸的心態搭的士去葡京搵爛嘜華……………。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
“阿華，幫阿力出住三個數先，計足比佢”喪榮向爛嘜華作出吩咐。
“力哥，呢度三個，點點佢！”爛嘜華向我遞上三萬元泥碼。
此刻我問喪榮：”榮，唔計呢三雞，我仲有幾多數？”
“雞半！”喪榮肯定地說。
此刻的我已決定用兩次一雞二式欖去搏兩雞，但求穩中求勝，即係頭一鋪買一萬，中就第二鋪照買一萬，輸就加注買二萬，中兩鋪就走人，以快打慢。
“又係無三閒？唔撚賭呢張台”我看到其中一張台正在打出一條無三閒的路來，亦令我回想起神化的那一次經驗，心中的即時反應及喃喃自語。
“力，果邊逢莊稔，追數要買莊！”喪榮走到我旁對我說。
“好，信你，過去殺佢！”我毫不猶疑地與喪榮行到那一張逢莊稔台。
“逢莊稔，機會黎喇，一萬，莊！”我推出一個一萬泥碼押進莊。其他賭客亦看似是跟紅頂白之人，全押進莊，但看牌的是我。
“閒五點，莊搏！” 荷官說。
“無邊…….三邊！”我用純熟的手勢去甩牌。
“斬頭………斬左！………頂……”我冷靜地繼續甩牌及向其他賭客匯報情況。
“即索！即索！……….一槍過…….頂頂頂…..”很多的說話從四邊傳來，有些把手踭銼進台上，有些更用姆指和食指弄出一支槍來向著我。
“慢慢黎，唔駛急…….哎呀！”我突然坐直身驅向其他賭客說時，與一名在我身後偷看牌的賭客撞個正著。
“唔駛咁撚緊張，定D黎”………我對身後偷看牌的賭客說。………….我探頭再看
“頂左！”………我意氣風發地說。
“閒五點，莊八點，莊嬴！”……….荷官道。
之後開出了一鋪莊、兩鋪閒……………然後再開一個莊來…………
“一萬，莊！”……..我把第二注一萬泥碼押進莊。
“閒六點，莊搏！”…………荷官說
“好野……..叉燒！”……..我連牌也沒有甩，直接把牌開出。
“閒六點，莊七點，莊嬴！”…………荷官道。
“囉去飲茶！”……….我把一個一百籌碼拋和荷官。他也自然地說出一句多謝。
“夠數，起身，你幫我對哂D數佢，有淨先比番我！”………….我向喪榮說。
“計埋醒水，淨番二千八，你既！”………….喪榮向我遞過二千八百籌碼。
“清左條數，一身鬆哂！”我向喪榮嘆氣說。……………此時，我既心情十分輕鬆，雖然咭數仲有三萬，但總可以慢慢攤還，而家找左財哥條數，可以囉番最重要既野-------------自由。
“我去搵阿YU，喪榮你自己搵節目啦！”……..我一邊步出賭場一邊對喪榮說。
“又係咁，有異性，冇人性………..好啦，我自己過去打令！”喪榮說罷便上一部的士。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
“阿YU，你係邊呀？…..我今日唔駛開工，我而家過黎搵你呀？”……..我致電阿YU。
“我同班舊同學去左陸軍俱樂部飲野，你而家過黎啦！”…….阿YU回應道。
“一陣見！”…………我回應後便掛線。乘了十分鐘的士，到了這間著名的葡國食店。
我同阿YU在細意品嚐一些葡國小食，喝著紅酒，聽著葡式風情音樂，十分寫意，再加上我已還清財哥條數，重獲自由身，輕快之心情不言而渝。但快樂日子總會過去，數已清還，為甚麼還留下來？此時微醉的我作出自我反省。
“阿YU，我有D野想同你講”….我突然很認真地對阿YU說。
“講啦……唔好吞吞吐吐…..你平時唔係咁架”……..阿YU亦好認真咁回應。
“我有一個好消息同一個壞消息想同你講，你想聽邊樣先？”…..我說
“咁兩樣野一定有關連架喇………..講樣好消息黎先啦咁”…YU說
“好消息係……….我已經清哂你老豆條數！”
“咁壞消息就一定係……你就黎要返香港啦……”阿YU聰明地接著說。
“係….我打算聽朝就返過去！…ar…如果我走左…我地應該”……我吞吞吐吐地讓她接著說。
“咁你想點？唔好拖泥帶水……..我要你親口同我講”…….阿yu十分認真地問我。
“我諗我返左過去，有一段時間唔會過黎……..你唔好等我喇……..我地就咁算啦！”……….我直接向阿YU說。
“你個仆街都決定左架啦，我仲有咩野好講！”……阿YU此刻有點無奈，但亦只能如此回應。
“阿YU，你知我都唔想架啦，但唔通我成世係澳門幫你老豆打工咩，我係香港都有自己既生活！我地既相識都係因為我輸左錢找唔到數先留左係度…….終有一日我都會找哂條數要走…..因為香港先係我既世界！”……….我試圖令阿YU明白我的處境及理性地睇分手既事。
“我明既，你走啦，唔好係度扮理性，無左你我唔會死既！”……..阿YU強忍著眼眶的淚水要我離開，讓她有空間去獨個兒承受失戀之痛。
“我走喇，你自己保重！”……….我亦尊重她的意願，除除地離開陸軍俱樂部。一路上，我的心情十分複雜，是沉典典的、也是酸溜溜的！我慶幸能如此終結我和阿YU的感情關係，沒有拖泥帶水。我一路回想，發現自己唯一做得對的是我沒有跟阿YU發生過性關係，但這亦是我唯一的遺憾！此刻落著毛毛細雨，我慢步於街上，心裡哼著一首張學友的歌曲來：
晨曦細雨 重臨在這大地人孤孤單單躲避
轉身剎那 在這熟悉的路旁察覺身後路人是你
如一套戲 重逢在這舊地而彼此不知怎預備
一些嘆氣 跟一串慰問和隨便說一些讚美
為何你眼光年月未變思憶怎麼要再返舊年
你說要走的一晚 綿綿夜雨也似這天
總要在雨天 逃避某段從前
但雨點偏偏促使這樣遇見
總要在雨天 人便掛念從前
在痛哭擁抱告別後從沒再見
而一個我 言詞漸覺乏味人不知怎麼躲避
終於看見 在這熟番的路旁那個他靜靜凝望你
而一個你 重望別這舊地臨走的一刻親近地
輕輕送我 多真摯慰問尤如逝去當天語氣
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我帶著沉重的身驅乘的士到回力搵喪榮，打算與他道別，同埋屈佢同我墊行。
“阿力，頭先有隻”騎”入左去，佢話番黎搵你插旗！”………喪榮係打令沖完涼落黎回力門口對我說。
“係？我入去搵佢！”……….我十分興奮地回應，連打算聽日返香港既事都來不及對他說。
“力哥……………睇黎今日又要搵你追數！”………….一把熟悉的聲音從回力門口傳來。
“哦………原來係張生……….點呀？high左幾多呀？…………！”我對那人說。
“仆街，三式欖直落西哂………….high左三雞半！”……….張生頭dup dup地對我說。
“三雞半者，我幫你出住四雞先……兩鋪就返黎啦！”………我露出滿有信心的樣子對張生說。
“你發版啦，希望好似上次咁追得返……靠哂你！”………..張生語調低沉地回應。
“喪榮，幫佢出四雞先，用番上次個牌頭，即嬴萬二，輸就萬三！”…………我叫喪榮幫張生出數。
“無問題，你既客質素有保證，同你一齊入去台度出數！”………喪榮說罷便帶我們到公司台處取碼。
“力哥，呢度三萬六，點點佢！”…………..跑腿為我送上泥碼來。
…………………我直落幫張生起左個孖，之後佢清左條數自己再賭，輸完又借，借完又彈，再還再借再彈…………上上落落不消三個鐘已經出左六次數，加埋有廿幾萬！我在最後一次出數時替張生拉下七連莊……..幫佢倒嬴八雞……….此刻的爬仔費已有二萬八，抽水連醒水就袋左接近兩雞…….加埋成五萬！
~~~~~~~~~~~~~~~~~~~~~~~~~~~~~~~~~~~~
“力哥，我夠皮喇！下次過開黎再搵你！好嗎？……..”…………張生向我示意要走。
“就咁走我點向後面幫你打氣既兄弟交代呀？……嬴夠廿個先走啦一係…..”………我回望身後十幾個兄弟說。此刻的我其實表面上係話想佢繼續賭，實際上係想佢擺低部份嬴來的籌碼，派番比d兄弟，否則d兄弟就反而會向我 ”au” 爛腳。
“唔係呀力哥，我而家倒嬴八雞，真係夠喇…唔通你想我咩條數先比我走咩！……..不如咁啦，呢度一雞，你幫我派比d兄弟！我真係夠鐘要走喇………..”張生有點發悔氣地向我說。
“你開頭輸成三雞半，我幫你追到倒嬴八雞，擺低一雞就想走？你冇野話！”……..我反客為主屈張生。
“咁要幾多先出到門口呀力哥……?”張生擺出一副無奈表情對我說。
“擺低五雞咪開開心心返香港囉……….”我獅子開大口說。
“嘩……..嬴八雞先得三雞？……最多一人一半，呢度四雞………就咁算啦力哥…..！”張生向我討價還價。
“四雞？……….ok……四雞就四雞…….你自己去兌錢啦！”我把一路keep在手上的籌碼發還四萬給張生。他隨即走向籌碼兌換處取現金，然後飛快地步出賭場。
“力哥，執成十雞野………有醒啦！”………後面十幾個兄長嚷著說。
“呢度一雞，你地自己分，唔夠就自己諗辦法 “au”！”……..我把大約一萬碎碼放於台上讓兄弟們瓜分，其中三人沒有拿取，索性追出去搵張生。
而我亦同喪榮去籌碼部兌現，竟然有成五萬七。我沒有分錢比喪榮，只對他說：
“d爬仔費你食埋佢啦……我殺哂d cash！”
“梗係無問題啦！”……..喪榮說。其實出左廿四萬數，全部即嬴收番$288,000，淨執七萬二，公司佔三份一，渣數、爬仔費就各佔三份一，我比埋份爬仔費喪榮，佢都袋左四萬八！
~~~~~~~~~~~~~~~~~~~~~~~~~~~~~~~~~~~~~
我同喪榮施施然步出賭場，其他兄弟亦識趣地沒有跟著來，係門口茶餐廳度，我同喪榮講：
“喪榮，我一陣搭早船返香港喇！第日過開黎先再搵你啦.”
“唔係嗎？岩岩追到數就走？而家你無數係身，係搵真銀既時候呀，仲有你呢期當紅，有 “騎”就一定係比你上，唔好錯過呢個大好時機呀，不如咁啦，我同財哥講比埋你做渣數…….有數你自己出，一個人袋兩份錢…….一個月起碼搵十個八個！”………喪榮對我說。
“傻啦，我好清楚自己既性格，有錢係身就實囉去賭，嬴幾多咪無幾多，而家追番條數仲袋多五個走，夠我番去找咭數，同埋追番帶黎果兩雞…仲想點？……執番身彩當發場夢算喇！………..其實你夠係個個月搵十個八個啦，你淨到錢咩？”…………我堅決地推卻喪榮的好意，亦質疑喪榮靠放數靠賭維生的方法。
“咁啦，人各有志，一世人兩兄弟，在心中啦！一陣同你墊行……..你想去邊？”喪榮也沒有再留我，可能因為佢都明白係澳門靠放數靠賭賺番黎既錢唔係錢，怨枉黎、瘟疫去！三更窮、五更富呢個道理。
“墊行梗係去打令啦…”我下意識地回應喪榮。
“仆街，睇黎又要再執多擠………..好啦，老友叫到，唔去唔得﹗”喪榮說罷便與我去沖涼。
完事後我與他在碼頭道別，沒有交代阿YU的事，可能因為我地係兄弟，一切在心中，所以無問。
我亦沒有再致電阿Yu，既成過去，我臨走時更索性將在澳門買的電話咭投進大海，讓一切隨風，新生活要好好過﹗
我乘船的時候回想呢兩個月係澳門既生活：
帶著失戀的心情來到澳門尋賭解悶，輸掉十萬令我債台高築，幸而遇到兄弟令我重投疊碼仔生涯，巧遇阿YU為我黑暗的生活添上色彩，靠賭追數令我重獲自由卻要離開阿YU。再遇張生為我的疊碼生涯劃上完滿的句號。
我曾為月入十萬的工作留戀，但最終人貴能自省，沒有泥足深陷，否則我會成為另一個喪榮！來時滿懷希望，離去卻多愁善感，回想一幕幕驚心動魄的片段，此刻的我難得地能心靜如止水，悄悄地回去繼續行我的大學路！
阿榮，保重，真心的老友，希望你生活無憂。
數年後我與作者再踏足葡鄉，望見回力的門口時感概良多，一切似是昨日發生的事，一幕幕的往事閃進腦海，一絲絲的記憶打入心房，但我始終沒有留戀、沒有再進入回力，雖然百感交集的心情隨著的士的快速駛過而緩緩減退 ~~~ 但我相信作者能看破我的心情。
阿力 4/2/2006 (力哥外傳完)
