accordr33

新年快樂!!!!!!       好！！！繼續！！！！

nowsony

waiting ur repoort ar .........

chivas2005

繼續！！！！！！！！仲乜飛機餐要九百幾咁貴？全餐都係差唔多喎！

竹館小王子

非常精彩.支持
下回呀力一係索番揾你一係就借佐條數

km8654

brother, good,, awaiting your update

小連

[第九回] 奇情萬里
我唉聲嘆氣的向著金碧娛樂場走去，心想:
“本來頭先心情真的很好，就算無人約我去食飯，我自己都可以去食餐好既之後行下訓醒聽日返香港﹗又搞咩鬼野又打黎好似求救咁款呀？”
走上電梯，上一層便是金碧了，原來再上一層三樓新開了一間“摩卡角子機娛樂場”，未去過，唔知有咩玩，一陣可以去試下
入到金碧，人真的很多，可能晚上八點人人吃完飯過來玩幾手，走了個圈也看不到他，再細看原來阿力掩沒在牆角的一張番攤枱去，番攤枱坐滿了人。
我遠遠望去，他背後有兩名二十來歲的金毛非典型青年站著看著他，眼神有異，心諗
“唔係比人夾撚住打比我嘛？我真係幫唔到喎﹗”
見此情況我都唔敢向他走近，只怕阿力真的問疊碼借了錢找我求救，萬一我也給押下了如何是好。
於是我走到老遠，躲在人群後，致電給他

“喂，你0係邊呀？”
“我咪0係金碧囉﹗”阿力說
“你身後的是什麼人？”我細細聲問到
阿力得知我在左右，到處張望的說 “咩呀？你0係邊呀？過黎啦﹗”
“無野呀嘛﹗？”我問到
“無野呀，有咩野，無事呀﹗”

我收了聲靜靜的走到他身後，荷官正在數攤，開出一個 “三”
他對坐在旁的中年人大大聲說:
“叫左你架啦，盲二你仲走去買，梗係輸啦，學我買一、三、四咪收錢囉﹗”
荷官之後將他贏了的籌碼放在他處

他見到我來，開心得不得了的說:
“乜咁耐架，去0左邊呀頭先？”阿力問到
“我去食野之嘛，周圍行0下﹗”我唔好意思同佢講我去左沖涼
“多得你0個三千蚊，真係救命錢﹗”他在褲袋拿出一個五千元籌碼放在我手﹗
我驚訝地接過，望著他，他站起身對我說:

“頭先我真係留番二百蚊就去對二千八去賭，點知半個鐘又係輸哂，我真係好鬼驚，走左去出面間金鋪度舉左條金鏈，得0個千五蚊，又上番黎，都係輸哂，把心一橫，將最後二百船飛錢買左鋪 “大細” 圍骰，真係比我中到圍二呀!! 廿四倍呀，收番四千八!!!
之後走左去百家樂枱唔睇牌，我二千蚊起左三次孖寶呀!!!連中六口，而家有二萬四0係身呀!!!哈哈!”

“嘩你個死仔唔係嘛，船飛錢你都賭埋，一陣輸撚埋點算﹗”我講
“我知你0係澳門嘛，二百蚊你點都有既﹗”他大笑出來
“仆 街仔﹗真係識著你一世唔收﹗”我講

他轉過身，拿了兩個一百元給站在身後的兩個非型青年
“我走架喇，你地唔好跟住我喇!”阿力說道，那兩人道謝走了
“原來是R爛腳，仲以為你比人夾住呀頭先見到﹗”我講
“唔係嘛，我點會呀!!唔怕死咩？陪我出去贖番條鏈先啦，我女友上星期買比我架，搞掂我走喇﹗”他邊行邊說，並到籌碼對換處換回現金
“0個五千你袋住啦，有剩先俾番我﹗”他甚得意的說

看到意氣風發的他，與三個小時前真有天淵之別，還記得在茶餐廳身無分文的頹喪，問我借錢時的垂頭喪氣樣子，看來他已一點也記不起了。
賭錢就是如此，相信你我都知，每個人總有一段贏錢時間，有時我地因輸左錢又要追數，怕再輸，所以明知自己幸運lucky亦唔敢買大推double，但如你敢去博，捉得住自己lucky的時間，放膽去推，意外收鑊就在這時，唯……………….十個人裡又有沒有一個可以做到呢。

他聳起雙肩步出金碧，贖回金鏈，看他樣子就像贏了整間賭場似的。
見到路邊有乞丐行乞，他二話不說的拿出袋子裡的一百元放在乞丐的手，乞丐連聲道謝。
“贏左錢真係要做下善事，咁下次黎就自然有運行﹗”他說
我沒好氣的說: “好心你啦，追得番就算喇，快0的走喇，八點半喇，女友一定四圍搵你呀!!”

與他乘的士到了碼頭，他對我說
“玩得開心0的啦，唔洗掛住我﹗”
“鬼掛住你呀，快撚0的走啦﹗”我回應
我轉身與他揮手道別，他亦買了船飛進了閘口。

我呼出一口氣，身子挺累，獨自一人走到的士站，乘的士到市政廳去‧
在市政廳前的街口看到投注站濟滿了人，便叫停的士下車進去一看
進去，見很多人抬頭望著電視，原來今日星期一，澳門有跑狗，自言自語說 “跑狗好似跑到成十一點，而家先九點鐘，都好耐無入過狗場玩，難得黎到入去玩下先，順便食0的野﹗”

正當想伸手截的士之際，電話響起，原來是朋友阿Pat。
“喂，小連連，今日去左邊呀，唔見你上網既﹗”阿Pat說
“無呀，放大假過左澳門玩之嘛﹗”我說
“同邊個去呀….0下!”他笑說
“無呀，自己一個囉﹗”
“死仔又自己過去賭錢﹗輸左幾多？”
“仆 你個街，一問人就問人輸幾多﹗無賭呀，行下食下野吧﹗做咩野呀？”
“又係你今朝叫我有料到打比你既，今晚法國對瑞士讓球半要法國呀!!!”他說
“堅唔堅呀？”我問道
“你自己決定啦，我已經好心打比你喇﹗多謝都無聲仲問我堅唔堅﹗係咁啦，唔講咁耐，電話費好似好撚貴架澳門﹗”
“唔該哂﹗拜拜﹗”我掛斷了電話

呢個朋友係0係網上認識的，成日都收到波料，係唔係料我就唔知喇，不過佢唔見我上網肯打比我同我講真算老友，我記在心上，走回投注站，行到投注足球的櫃位
“法國讓球咩盤呀？”我問道
“法國讓球半一零五水﹗”在窗內的男服務員按了按電腦說
“幫我打二千蚊法國讓球盤…………………咪住咪住，大細盤做幾多？”
“大一點八，細一點九五﹗”服務員說
“我想問呢場有冇直播架今晚？”我問道
“有呀﹗今晚3:00am葡文台直播﹗”他看看手上資料回覆我
“咁就一千法國讓球盤啦，再加多一千入球大﹗”我對他說並從口袋裡拿了二千出來遞給他，不知原因，我賭波總是喜愛買大多過買讓球，可能感覺上好似容易得多，一場波入三球有幾難？兩隊一開波個心都係想入對方波吧，有時唔洗半場已經知道收左錢，點會買細要等完場叫佢唔好入波至得架﹗

他打了兩張彩票給我，叫我核對資料，我說無問題轉身離開。
上了的士，電話又再響起，一把似曾相識的聲線說道






“你真的沒騙我喎   ………………….Johnny…………………”(待續)


9/11/05 小連

[ 本帖最後由 小連 於 2006-5-27 06:37 PM 編輯 ]

小連

[第十回] 君子之為

“你真的沒騙我喎………………….Johnny………………………………………”
“我仲以為係邊個添，原來係你呀，差0的唔認得呀!”我笑說
“唔係嘛，無見一陣就唔記得，咁算啦﹗當我打錯電話”她怒說
“講笑吧，唔好嬲，我等左你電話好耐喇﹗”我溫柔話
“口甜舌滑………….0係邊呀？”
“咪等你囉，你而家0係邊？”
“酒店門口囉﹗”
“等我五分鐘，飛過來﹗”我掛線後即叫的士司機飛回帝濠酒店。

收到她的電話，既驚且喜，本想一人入狗場玩下，佢又打黎。
的士上，突然個腦諗到，有咩理由咁容易就約到佢呢？感到有點不對頭。雖則我自知口才討人歡喜，氹女仔確有一手，但歡場還歡場，與情場始終有出入，我總歸都是初哥，她出來會不會對我不利呢？ “色子頭上一把刀﹗” 她雖真的是我cup of tea，但美人比仇人有時更毒，還是小心為妙，心下有了戒備之心，怕有損失。

不消五分鐘的士已回到酒店，只見她站著等候，她一見我，即上車。
下班後的她，穿上粉紅色米奇T-Shirt，牛仔褲襯上Converse綠色布鞋，臉上的濃脂粉妝已卸去，淡淡的輕妝令她更自然，深刻的輪廓加上水汪汪的眼睛依然仍是美人的肧子，令人心動。她這一身裝扮與遊人無異，看落去還有點似香港遊客。

我望著她，她說:“唔係換左衫落左妝核突到你唔認得我嘛﹗”
“梗係唔係啦，仲靚女左﹗咁樣好呀，好自然﹗”我說
“我都想日日都係咁，輕輕鬆鬆，不過無得揀吧﹗”她神情有點落寞的說
我怕她不開心，大聲道:“去邊到食飯好呀女導遊﹗？”
她轉憂為笑:“你原來諗住去邊架？”
“未諗呀，只係默默咁等你打比我，見你咁耐都唔打黎本來諗住入狗場玩﹗”
“唔好入狗場啦，想悶死我咩﹗”
“好啦好啦，咁有咩提議﹗去食buffet好唔好？”我問道
“好呀，邊到食呀？”她伸手繞著我，望著我笑了笑
給她電一電，我心一動，但當然不露聲色，望一望錶已是九時正:“不如試下觀光塔啦，好好味架﹗”即向司機說要到觀光塔

車上我倆說說笑笑，我扮作不太清楚澳門的人和事，她也樂於為我講解，原來她雖是澳門人，觀光塔是去過，但到上面吃晚飯還是第一次。

不一會已到觀光塔，我記得三年前我來這裡時，它還在興建中，當時我想，澳門竟然可以起一座那麼宏偉的建築物，真是奇蹟，香港也找不到呢，想不到現在，旅遊觀光塔已成為澳門地標。

“我都唔知仲有冇得食喇，咁鬼夜﹗”我說
“唔緊要啦，問下先﹗”她下車跳出來

我走到reception一問，原來buffet的時間至晚上十時半，$200一位，我付了錢後，我倆便牽著手乘電梯而上，她歡喜得不得了，像是小朋友般到海洋公園一樣歡欣。

Buffet的地點是60樓，升降機徐徐而上，望出窗外，澳門四周的境物慢慢變少，令我想起去年這刻於這裡的一幕……………………………………

~~~~~~~~~~~~~~~~~~~~~~~~~~~~~~~~~~~~
“好靚呀﹗真係估不到澳門可以這麼偉大呀!!!前年我地黎都未起好呢﹗你睇下，葡京越來越細呢，好遠呀!!!”女朋友牽著我，興奮地叫了出來，那時我倆還是大學同學
“係啦，估唔到起得咁快，真係估唔到﹗世界又變，澳門都變，係我地倆個無變﹗”我笑笑說，摸摸她的頭髮
她很快樂滿足，笑道 “下年今日我要再同你黎架，你要記住呀﹗”
“一定記得，我地每年都0黎呢度一次，紀念我地拍拖紀念日﹗………………..”

一幕記憶很深的對話在我腦海出現，今年我真的有來，這澳門沒變，升降機沒變，但人已變，我感到一陣心酸，本不應來到這地方令自己心傷，但卻來了
~~~~~~~~~~~~~~~~~~~~~~~~~~~~~~~~~~~

她看著我望著窗外發呆說:
“無野呀嘛，咩事呀？”
我扮咳嗽拭了眼中淚光:”無野呀，呢度真係靚﹗鍾唔鍾意呀？”
“未黎過呢，好特別，我也很少留意澳門有如此美的夜景﹗”她說

一分鐘也不到，電梯已到達，很多人呢，很高興可找窗口位置
這餐廳叫 “360°旋轉餐廳”，位於觀光塔的六十樓，它的特色是這一樓層每分鐘都在旋轉，讓食客可環迴的觀看整個澳門夜色。這裡環境很高尚，暗暗的燈光令整個餐廳都充滿浪漫的感覺，待應在我倆枱上點上小小的蠟燭，更添氣氛。
她看著夜境看得痴了，我也用心的去感受這一切﹗

“做咩咁好肯出黎同我食飯呀？”我問道
“無呀，收工返屋企都無野做架啦，見你咁慘一個人咪出黎囉﹗”她笑說
我嫣然一笑“聽日又要返八點？”
“係呀，呢個月返早更呢﹗”
“點解唔搵其他工呀？你的工作很辛苦呢﹗”我好奇地問
“…………….好多野不為外人道，其他工作那有這麼多錢呢﹗好多野都唔係我地可以選擇﹗”

我嘆了一聲和應，也不再問下去，出去羅野食，自助餐的選擇很多，有香港五星級酒店食物的質素，二百蚊真的物超所值。
“你也愛吃三文魚嗎？”我問
“係呀，好好味﹗”她將三文魚送進嘴裡，滿意地笑了
她吃東西真像個小孩，未吃完一片又將另一片放進嘴裡，滿意的笑了
“唔洗食得咁快喎，慢慢食啦，哈哈!!”我說
“自助餐呀，得番一個鐘，食得幾多得幾多嘛﹗”
“慢慢黎啦，你方0的野會比人食哂咩？”我笑她
“呢度真係好靚﹗你成日都黎呢度架？”她問我
“0黎過兩次啦，呢度0的野幾好食架﹗”
“九成九同女朋友黎啦﹗”她笑說
“咁都比你估到呀，好野喎﹗你呢？你咁靚女無理由無拖拍架喎﹗”我只是隨口問，亦沒有什麼意思
她靜了一靜，我頓感好似問錯了…………..望著我
“如果你係我，你會唔會同人拍拖？”她頓了頓說
一時之間，我都唔知點答好，到底應該答 “無所謂，鍾意咪得囉﹗”定係 “鍾意既唔會介意既﹗”等等，但係好似講左出黎又有點睇唔起佢咁，所以我都無答，只能以笑置之。
“其實我屋企都不知我出來當這一行，我只說我在桑拿做待應吧”她說到這裡聲音已有點點嘶啞，垂下頭，熱淚盈眶‧
我安慰道 “其實每人都有唔同既工作，大家都係為兩餐吧，今日比尋日開心咪算囉﹗最緊要自己知自己做咩咪得囉﹗””
她聽了，定一定神
“你都幾特別﹗”她故作沒事的說
“有咩特別？”我問
“我聽0的姊妹講，男人約我地出街，邊會同我地食飯傾計，只有一路上摸手摸腳，每每都係求求其其食完飯搵酒店上床，不過你比我感覺唔係………………”
說實一句，其實今天我幾累，根本真係無諗過要有下文，只係當搵個人陪下自己食飯，聽佢咁講，反而逗得我也挺開心，有幾何比人叫正人君子，十年都無一次。
“哈哈﹗唔係架，我諗住一陣食左你架﹗”我笑說

我們談東談西，心裡大樂，我笑說在香港的工作，約定了下次她來香港由我作響導，時間過得真快，望望錶已經十一時了。
“飽未呀？”我問
“飽喇﹗好飽﹗”她滿足的說
“咁走喇﹗”我伸伸手埋單，因叫了幾杯特飲。

她繞著我乘電梯離開，我們走到旅遊塔前方的海旁位置，看著氹仔大橋的景色。
夜色濃，但仍可見有不少情侶在漫步，我偷偷的望向她，如此美人真的少見，能有緣與她一起真是奇遇，她轉過頭，看到我在望她。
“望咩呀？成日望住我﹗”她說
“無呀，覺得你靚咪望住你囉﹗”我說
“你真係得意﹗”
她笑了笑，手繞了在我背，伸頭過來，望向我，豐潤的雙唇，吻 ………………………………….(待續)

小連11/11/05

[ 本帖最後由 小連 於 2006-5-27 06:38 PM 編輯 ]

hkradio

嘩.................神呀...

快d出下篇呀..

funnyboy

happy new year , keep going~~~ good